Schizophrenia

စိတ်ကစဉ့်ကလျားဖြစ်ခြင်းနှင့် Vitamin D ချို့တဲ့ခြင်း

ပညာရှင်များ၏ လေ့လာဆန်းသက်မှုအရ ကမ္ဘာနှင့်တဝှမ်းမှာ လူဦးရေ ၁ ဘီလီယံခန့်ဟာ Vitamin D ချို့တဲ့မှုကို ခံစားနေရတယ်လို့ဆိုပါတယ်။ အထူးသဖြင့် အီကွေတာနှင့် ဝေးသော ၊ အေးခဲသော ဒေသတွင် နေထိုင်ကြသူများ၊ အဝလွန်သူများ၊ အသဲရောဂါ၊ အစာအိမ်နှင့်အူလမ်းကြောင်းရောဂါ၊ ကျောက်ကပ်ရောဂါ ရှိသူများ၊ အီကွေတာနှင့် နီးသော်လည်း အသားအလွန်မည်းသူများ မှာ Vitamin D ချို့တဲ့မှု ဖြစ်ပေါ်တတ်ပါတယ်။ vitamin D ဟာ ခရမ်းလွန်ရောင်ခြည် နှင့် အရေပြားနဲ့ ထိတွေ့ခြင်းအားဖြင့် အဓိက ထုတ်လုပ်တာဖြစ်ပြးီ အသားမည်းသူများမှာတော့ melanin ဆိုတဲ့ ခရမ်းလွန်ရောင်ခြည်ကို ကာကွယ်ပေးတဲ့ ဓာတ်ပစ္စည်းပိုမိုများပြားမှုကြောင့် vitamin D ချို့တဲ့မှု များတာကို တွေ့ရပါတယ်။ စိတ်ရောဂါကျွမ်းကျင်သူများအနေနဲ့ သူတို့ အတွေ့အကြုံအရ Vitamin D ချို့တဲ့ခြင်းဟာ စိတ်ရောဂါအများအပြားနဲ့ ဆက်စပ်မှုရှိတယ်လို့ ဆိုပါတယ်။ စိတ်ကျရောဂါ (depression)၊ အစွန်းနှစ်ဖက် စိတ်အတက်အကျ ရောဂါ (bipolar disorder)၊ စိတ်ကစဉ့်ကလျားရောဂါ ( schizophrenia) စတဲ့ စိတ်ရောဂါ ခံစားနေရတဲ့သူတွေကို လေ့လာကြည့်တဲ့အခါမှာ ၆၅% ခန့်ဟာ vitamin D ချို့တဲ့ တာကို တွေ့ရပါတယ်။ အချို့လူများဟာ သာမန်အားဖြင့် ပုံမှန်စိတ်အခြေအနေ ရှိနေတတ်ပြီး ရောဂါလက္ခဏာဆိုးဝါးလာချိန်မှာ စစ်ဆေးကြည့်လိုက်တဲ့ အခါ vitamin D ကျဆင်းနေတာကို တွေ့ရပြီး ပြန်လည်ဖြည့်တင်းလိုက်တဲ့အခါ စိတ်အခြေအနေ ပုံမှန် ဖြစ်သွားတာကို တွေ့ရပါတယ်။ ဒါ့ပြင် Shizophrenia လို့ခေါ်တဲ့ စိတ်ကစဉ့်ကလျားဖြစ်တဲ့ ရောဂါရှိသူတွေရဲ့ နောက်ကြောင်းရာဇဝင်ကို လိုက်ကြည့်တဲ့ အခါမှာ သူတို့ဟာ လသားအရွယ်လောက်မှာ ကတည်းက သာမန်ကလေးတွေထက်ပိုပြီး နေရောင်ခြည်နဲ့ ထိတွေ့မှုနည်းတဲ့ သူတွေဖြစ်ကြောင်းတွေ့ရပါတယ်။ ဒီရောဂါရှိသူအများစုဟာ ခရမ်းလွန်ရောင်ခြည် ထုတ်လွှတ်မှုနည်းတဲ့ ဇန်နဝါရီ၊ ဖေဖော်ဝါရီလ တွေမှာ မွေးဖွားသူများဖြစ်ခြင်း၊ ကုန်းမြင့်ဒေသများတွင် နေထိုင်သူများဖြစ်ခြင်း၊ အသားရည်နည်းမှောင်သူများဖြစ်ခြင်း စတဲ့ အကြောင်းတရားတွေနဲ့ ဆက်စပ်လျှက်ရှိပြီး Vitamin D ချို့တဲ့ ခဲ့သူများလို့ ခန့်မှန်းရပါတယ်။ ဒါ့ပြင် Vitamin D ဟာ အရိုး၊ နှလုံး၊ ဦးနှောက်စတဲ့ အင်္ဂါရပ်တွေရဲ့ လုပ်ဆောင်ချက်တွေကို အဓိက အားပေးတဲ့ ဟော်မုန်းတစ်မျိုးလဲ ဖြစ်ပါတယ်။ အချို့သော အရေပြားဆိုင်ရာကျွမ်းကျင်သူများက SPF မြင့်မားသော Sun cream များလိမ်းခြင်းကလဲ vitamin D ချို့တဲ့မှုကို ဖြစ်စေတယ်လို့ ဆိုပါတယ်။

ByDr.Steven

MyDoctor Telemedicine Application
Related posts
အထွေထွေရောဂါများအလှအပနှင့်နေထိုင်စားသောက်မှုပုံစံ

ခံရခက်တဲ့ ဆီးလမ်းကြောင်း ကျောက်တည်ခြင်း

1 Mins read
ဆီးလမ်းကြောင်းကျောက်တည်ခြင်းဟာ ကျောက်ကပ်ကစလို့ ဆီးပြွန်၊ ဆီးအိမ်၊ ဆီးထွက်ပေါက် တောက်လျှောက် ဘယ်နေရာမဆို ဖြစ်နိုင်ပါတယ်။ဆီးထဲမှာပါတဲ့ ကျောက်အမှုန်လေးတွေအနည်ထိုင်ပြီး ကျောက်အကြီးတစ်ခုဖြစ်လာပါတယ်။ ဒီကျောက်ကလေးက နူးညံ့လှတဲ့ဆီးလမ်းကြောင်းတောက်လျှောက်ဆင်းသွားတဲ့အခါ လက္ခဏာတွေစတင်ခံစားရပါတယ်။ လက္ခဏာတွေကတော့… – ဖြစ်တဲ့ဘက် နံရိုးအောက် ကျောကုန်းဘက်မှာ အရမ်းနာတတ်ပါတယ်။ နာတာဟာ ပြင်းထန်လွန်းလို့ ကလေးမွေးခါနီးနာတာနီးပါး…
ကျန်းမာရေး( အ )နေထိုင်မှုပုံစံအခြားရောဂါများအထွေထွေရောဂါများ

Urticaria(အင်ပြင်ထခြင်း)

1 Mins read
အင်ပြင်ထခြင်း အင်ပြင်ထတာကို လူတိုင်းကြုံဖူးကြပါလိမ့်မယ်။ နေ့တိုင်းနီးပါး၊ တစ်ခါတစ်ရံ၊ မေ့လောက်မှတစ်ခေါက်၊နှစ်ခေါက်၊ကလေးလူကြီး၊ နွေ၊ မိုး၊ ဆောင်း၊ မနက်၊ ည စသဖြင့် အချိန်မရွေး၊ နေရာမရွေး၊ အသက်အရွယ်မရွေး အင်ပြင်ထနိုင်ပါတယ်။ အင်ပြင်ထတယ်ဆိုတာ များသောအားဖြင့်တော့ ခဏပဲဖြစ်ပြီး ပျောက်သွားတတ်ပါတယ်။ ထို့အတူ ကျန်းမာရေး…
စားသောက်မှုပုံစံအမျိုးသမီး ကျန်းမာရေးအလှအပအလှအပနှင့်နေထိုင်စားသောက်မှုပုံစံ

To slow down the aging process even after the age of 50

1 Mins read
🤷‍♂️ အသက် ၅၀ ကျော်လာလည်း အရွယ်ရင့်လာတာတွေ နှေးကွေးသွားအောင် အသက် ၅၀ ကျော်လာလည်း အရွယ်ရင့်လာတာတွေ နှေးကွေးသွားအောင် အသက် ၅၀ ကျော်လာတာနဲ့အမျှ လူ့ခန္တာကိုယ်ရဲ့ အရေပြားတွေဆိုတာ လျော့ရဲလာပါတယ်။ ပါးရေနားရေတွေလည်းတွန့်လာမယ်။ ဒါဟာ အသက်ကြီးလို့ပြောင်းလဲလာတဲ့ သဘာဝ ဖြစ်စဥ်တွေပါပဲ။…

Leave a Reply

Your email address will not be published. Required fields are marked *