” ရိုးရိုးမွေးမလား ခွဲမွေးမလား “

အိမ်ထောင်ရှင်အမျိုးသမီးတို့အတွက် သားသမီးယူတော့မယ်ဆိုရင် ဘယ်လိုမွေးကြမလဲဆိုတာကိုစဉ်းစားပူပန်ရတာဟာလည်းအလုပ်တစ်ခုပါပဲ။ အချို့က ရိုးရိုးမွေးဖို့အကြံပေးကြသလို အချို့ကလည်း နာကျင်မှုသက်သာဖို့ ခွဲမွေးစေချင်ကြတဲ့ကြားမှာ ဘာလုပ်ရမှန်းမသိ ဗျာများနေတတ်ပါတယ်။ ဒါကြောင့် ရိုးရိုးမွေးနဲ့ ခွဲမွေးခြင်းတို့ရဲ့ အားသာချက် အားနည်းချက်တွေကိုတင်ပြလိုက်ပါတယ်။

ရိုးရိုးမွေးခြင်းရဲ့အားသာချက်များ

  • ၁။ ရိုးရိုးမွေးတဲ့အခါ ကိုယ့်ရဲ့ကလေးငယ်ကို မိဘက အားစိုက်မွေးထားတဲ့အတွက် ပိုမိုသံယောဇဉ်ရှိပြီး နောက်ထပ်ကလေးမွေးမယ်ဆိုရင်လည်း အတွေ့အကြုံရှိထားတဲ့အတွက် စိုးရိမ်စိတ်နည်းစေတယ်လို့ဆိုပါတယ်။
  • ၂။ ရိုးရိုးမွေးတဲ့အခါ အနာကျက်ပိုမြန်တဲ့အတွက် မိခင်ရဲ့တစ်နေ့တာ လုပ်ဖွယ်ဆောင်တာတွေကို မြန်မြန်ဆန်ဆန်ပြန်လည် လှုပ်ရှားလုပ်ကိုင်လာနိုင်ပါတယ်။
  • ၃။ ရိုးရိုးမွေးပြီး ကြီးပြင်းလာတဲ့ကလေးငယ်တွေဟာ ခွဲမွေးတဲ့ကလေးတွေထက် ကျန်းမာရေးချို့ယွင်းမှုကြောင့် ဆေးကုရခြင်း ပိုမိုနည်းတယ်လို့ဆိုပါတယ်။

ရိုးရိုးမွေးခြင်းရဲ့ဆိုးကျိုးလေးတွေ

  • ၁။ ရိုးရိုးမွေးတဲ့အခါ ဘယ်အချိန်မှာမှ ကလေးငယ်ရယ်ထွက်လာပါမယ်ကို သေချာမသိနိုင်ပါဘူး။ ဒါကြောင့်မွေးချိန်ကြာမှာကိုစိတ်ပူရတတ်ပါတယ်။
  • ၂။ ရိုးရိုးမွေးမယ်လို့ဆုံးဖြတ်ထားပေမယ့် အခန့်မသင့်လို့မွေးဖွားရခက်ခဲမယ်၊ မွေးချိန်ကြာမယ်ဆိုရင် ခွဲမွေးရနိုင်တာကိုလည်း နားလည်သိရှိထားရမှာဖြစ်ပါတယ်။

ခွဲမွေးခြင်းရဲ့အကျိုးကျေးဇူးတွေ

  • ၁။ ခွဲမွေးခြင်းရဲ့အကောင်းဆုံးအားသာချက်ကတော့ မီးတွင်းရဲ့နာကျင်မှုဒဏ်တွေကင်းဝေးခြင်းပါပဲ။ လွယ်လင့်တကူခွဲစိတ် မွေးဖွားနိုင်တဲ့ကိုယ်ဝန်သာဆိုရင်တော့ မိနစ်အနည်းငယ်အတွင်း အောင်မြင်စွာ မနာမကျင်မွေးဖွားနိုင်မှာပဲဖြစ်ပါတယ်။
  • ၂။ ရိုးရိုးမွေးစဉ်ဖြစ်ပွားနိုင်တဲ့ပူပန်ရမှုတွေ၊ ကလေးငယ် ညှပ်ဆွဲရမလား လေစုပ်ရမလား စတဲ့ပူပင်မှုတွေဟာလည်း ခွဲမွေးတဲ့အခါမှာစဉ်းစားစရာမလိုတဲ့အချက်တွေပါပဲ။

ခွဲမွေးခြင်းရဲ့ဆိုးကျိုးလေးတွေ

  • ၁။ ခွဲစိတ်ခန်းဝင်ထားရခြင်းဖြစ်တဲ့အတွက် ရိုးရိုးမွေးခြင်းလောက်အနာကျက်မမြန်ပါဘူး။ ဒါ့ကြောင့် ဆေးရုံမှာရိုးရိုးမွေးခြင်းထက်ပိုပြီး ကြာကြာနေရပါလိမ့်မယ်။
  • ၂။ ခွဲမွေးထားတဲ့မိခင်တွေဟာ အနည်းနဲ့အများဆိုသလို ရိုးရိုးမွေးတဲ့မိခင်တွေလောက်မိခင်နို့ရည်ထွက်ခြင်းမရှိတာ၊ နှောင့်နှေးတာတွေရှိတတ်ပါတယ်။

ဒါကြောင့် ဘယ်ပုံဘယ်နည်းနဲ့မွေးပါလို့မတိုက်တွန်းလိုဘဲ မိမိတို့အတွက်အဆင်ပြေမယ့် အားသာချက်အားနည်းချက်မျှတမယ်ထင်တဲ့နည်းလမ်းကိုရွေးချယ်ကြပါလို့တိုက်တွန်းပါတယ်။

မေတ္တာဖြင့်
စိုင်းမြတ်သူ

MyDoctor Telemedicine Application
Related posts
All ArticlesCovid - 19ကူးစက်တတ်သောရောဂါများအထွေထွေရောဂါများ

Rainy season and COVID19

1 Mins read
မိုးရာသီနဲ့COVID19 မိုးရာသီက Covid19 ကူးစက်ဖို့ရာ လွယ်ကူနိုင်လားဆိုတာကတော့ ပညာရှင်တေ ွစူးစမ်းအဖြေရှာနေ ဆဲဖြစ်ပါတယ် တချို့သုတေသနပြုသူတွေကတော့ စိုထိုင်းစ မြင့်မားတဲ့ရေငွေ့အခြေအနေက ကိုရိုနာဗိုင်းရပ်စ်ပိုးပြန့်နှံ့မှုကိုနှေးကွေးစေတယ်လို့ဆိုကြပေမယ့်လည်း တချို့သော သုတေသနပြုသူတွေကတော့ အခန်းတွင်းအပူချိန်နိမ့်ကျပြီး စိုထိုင်းစမြင့်မားတဲ့အခြေအနေက ဗိုင်းရပ်စ်ပိုး ပျံ့နှ့ံမှုကို ပိုပြီးဖြစ်ပေါ်aစေတယ်လို့ဆိုပါတယ်။ အဲ့ဒီလိုအခြေအနေကနေ ကမ္ဘာ အနှံ့ပြန့်ပွားဖို့ရာလွယ်ကူနိုင်တယ်လို့လည်းအကြံပြုကြပါတယ်…
All Articlesဖိုးဖိုးဖွားဖွား ကျန်းမာရေး

Monsoon season and elderly

1 Mins read
ဘိုးဘိုးဘွားဘွားတို့နဲ့ မုတ်သုံရာသီ မိုးဦးကျကာလရောက်လာခြင်းနဲ့အတူ ဘိုးဘွားမိဘသက်ကြီးရွယ်အိုတွေကိုစောင့်ရှောက်ကူညီဖို့ရာ ပိုပြီးလိုအပ်ကြမှာပါ။ ဒီကာလမှာ ရာသီတုပ်ကွေး၊ ရင်ကြပ်ရောဂါ၊ ဆင်တုပ်ကွေးစတဲ့ ရောဂါဘယများအပြင် ခြေလက်ကိုက်ခဲတာ၊ ဝမ်းလျောတာ၊ အိပ်ချိန်မမှန်တာမျိုးတွေဖြစ်ပေါ်နိုင်ပါတယ်။ ရာသီဥတူအပြောင်းအလဲက ကျန်းမာရေးဆိုင်ရာအပြောင်းအလဲတွေကိုဖြစ်လာနိုင်တာမို့ မဖြစ်ခင်ကကြိုတင်ကာကွယ်နိုင်ဖို့အတွက် ဘိုးဘွားမိဘတွေအတွက်ကျန်းမာရေးနဲ့ပတ်သက်တဲ့ လုပ်ဆောင်သင့်တဲ့(၇)ချက်ကို ပြောပြပေးချင်ပါတယ် ၁။ ပူနွေးသောအစားအစာနှင့်ရေများကို စားသောက်ပေးပါ…
All Articlesစိတ်ကျန်းမာရေးအထွေထွေရောဂါများ

Humans that poison the environment part (2)

1 Mins read
လူမှုအသိုင်းအဝိုင်းကို အဆိပ်အတောက်ဖြစ်စေသော လူစားများ (1)       Narcissistic သူများတွေကို blame ဖို့ သီးသန့် မွေးဖွားလာတဲ့ပုံစံဖြစ်ပါတယ်။ ပတ်ဝန်းကျင်က ဘယ်လောက်ပဲ ဝိုင်းပြောနေပါစေ၊ သူကဘယ်တော့မှ မမှားဘူး။ သူနဲ့ ဖြစ်တဲ့သူရဲ့ အမှားသာဖြစ်တယ်။ Narcissistic type တွေဟာ သူတို့ရဲ့…

Leave a Reply

Your email address will not be published. Required fields are marked *