” ရာသီစက်ဝန်းကို ထိန်းချုပ်ခြင်း “

ပျိုမေတို့ဆီ လစဉ်အချိန်မှန်အလည်လာလေ့ရှိတဲ့ ရာသီဓမ္မတာ စက်ဝန်းကို ရက်နောက်ဆုတ်အောင် (သို့်) မလာအောင် နေ့စဉ်တားသန္ဓေတားဆေးနဲ့ ရက်ရွှေ့ကြတယ်ဆိုတာ ကြားဖူးကြပါလိမ့်မယ်။

ဘယ်လိုလူမျိုးတွေမှာအသုံးပြုလေ့ရှိလဲဆိုရင်

  • သွေးအာနည်းရောဂါ၊သားအိမ်ပြင်ပတွင် သားအိမ်တစ်သျှူး ပြန့်ပွားခြင်းရောဂါ စတဲ့ရာသီသွေးဆင်းခြင်းကြောင့် ပိုဆိုးနိုင်တဲ့ အခြေအနေများ
  • စိတ်ပိုင်းဆိုင်ရာ/ရုပ်ပိုင်းဆိုင်ရာ ဝေဒနာအခြေအနေတွေကြောင့် လစဉ်သုံးပစ္စည်းတွေသုံးရာမှာ အခက်အခဲရှိသူများ
  • ရာသီမလာမီ တစ်ပတ် ဆယ်ရက်အတွင်း ခံစားရတဲ့ စိတ်အတက်အကျမြန်ခြင်း၊ရင်သားများနာကျင်ခြင်း၊မအီမသာဖြစ်ခြင်း စတာတွေကို ပုံမှန်ထက်ဆိုးရွားစွာခံစားရသူများ
  • ရာသီသွေးအလွန်အမင်းအဆင်းများသူများ
  • ရာသီစက်ဝန်းကြောင့် အဆင်မပြေဖြစ်နိုင်သည့်ပွဲလမ်းသဘင် သွားစရာရှိသူများ(ဥပမာ – သင်္ကြန်၊ အားကစားပွဲ၊အရေးကြီးသောစာမေးပွဲများ၊ခရီးထွက်ခြင်း စသဖြင့်)

စတဲ့အခြေအနေတွေမှာ သုံးတတ်ကြပါတယ်။

ဒီလိုရာသီစက်ဝန်းရွှေ့ခြင်းကို အမျိုးသမီးတိုင်းလုပ်လို့ရလားလို့မေးရင် ဆရာဝန်နဲ့သေချာတိုက်ပင်ပြီးမှ ဆောင်ရွက်တာအကောင်းဆုံးပါလို့ အကြံပြုပါရစေ။

ဘေးထွက်ဆိုးကျိုးအနေနဲ့ကတော့ ရေရှည်ရာသီစက်ဝန်းတားမယ့် ပျိုမေတို့အနေနဲ့ အစပိုင်းလတွေမှာ ရာသီသွေးအနည်းငယ်ဆင်း ခြင်း ရှိနိုင်ပါတယ်။ဒါဟာ နောက်ပိုင်းလတွေမှာတော့ တစတစ နည်းသွားနိုင်ပါတယ်။

သင်္ကြန်လည်းနီးလာပြီဆိုတော့ သင်္ကြန်တွင်း လွပ်လွပ်လပ်လပ်ပျော်ချင်တဲ့ ပျိုမေတို့အတွက် ဗဟုသုတအဖြစ်မျှဝေပေးလိုက်ရပါတယ်။

မေ (ဆေး ၂)

Related posts
All Articlesကိုယ်ဝန်ဆောင်နှင့်မိခင် ကျန်းမာရေးမိခင်နှင့်ကလေးကျန်းမာရေး

Complication of lack of antenatal care

1 Mins read
ကိုယ်ဝန်မအပ်ခြင်းရဲ့ ပြဿနာများ မိမိရင်သွေးလေးတွေ ကျန်းကျန်းမာမာနဲ့ မွေးဖွားကြီးပြင်းလာစေချင်တာ မိဘတိုင်းရဲ့ ဆန္ဒတစ်ခုပဲဖြစ်ပါတယ်။ ကျန်းမာသန်စွမ်းတဲ့ ကလေးငယ်တွေအဖြစ် ကြီးပြင်းလာစေဖို့ ကိုယ်ဝန်ဆောင်စဉ် အချိန်တည်းက ဂရုစိုက်သင့်ပါတယ်။ တတ်ကျွမ်းနားလည်တဲ့ ကျန်းမာရေး စောင့်ရှောက်သူများနဲ့ စောလျင်စွာ ကိုယ်ဝန်အပ်ခြင်း၊ ညွှန်ကြားချက်များ လိုက်နာခြင်း၊ စနစ်တကျ ကိုယ်ဝန်စောင့်ရှောက်မှုများ…
နေထိုင်မှုပုံစံမျိုးဆက်ပွားကျန်းမာရေးမိခင်နှင့်ကလေးကျန်းမာရေး

Fertilization (သန္ဓေအောင်ခြင်း)

1 Mins read
သန္ဓေ အောင်ခြင်းဆိုတာ အမျိုးသားရဲ့ သုတ်ပိုးက မမျိုးဥကို ဝင်တိုးပြီး နှစ်ခုပေါင်း ဆဲလ်တစ်ခု သားအိမ်မှာ သန္ဓေတည်ဖို့ဖြစ်သွားတာကို ဆိုလိုတာပါ။ ကျွန်တော်တို့ အကုန်လုံးဟာ ဘဝကို အဲ့ဆဲလ် တစ်လုံးကနေ စခဲ့ကျတာပါ။ မမျိုးဥကြွေခြင်းနဲ့ သူတို့ရဲ့ ရာသီစက်ဝန်း ဘယ်လို လည်ပတ်လဲ…
မျိုးဆက်ပွားကျန်းမာရေးအမျိုးသမီး ကျန်းမာရေး

သားမွေးပြွန်ထည့်ကွင်း

1 Mins read
စက်ဝိုင်းပုံသဏ္ဍာန် ရာဘာကွင်းလေး တစ်ကွင်းက သန္ဓေတားနိုင်စွမ်းရှိတာကို သိကြလား။ ကိုယ်ဝန်ကို ဘယ်လိုတားပေးတာလဲ။ ဒီကွင်းလေးဟာ မဟော်မုန်းတွေပါဝင်ပြီး တစ်စိမ့်စိမ့်ထွက်ရှိပေးတဲ့အတွက် သားဥကြွေခြင်းကို တားပေးတယ်။ ကွင်းထည့်ထားတဲ့ တစ်ဝိုက်မှာလည်း ချွဲမြှေးတွေ ထူစေပြီး သုတ်ပိုးများ သားအိမ်အတွင်း ဝင်ရောက်ခြင်းကို တားမြစ်ပေးပြီး ကိုယ်ဝန်မရအောင် တားပေးပါတယ်။…

Leave a Reply

Your email address will not be published. Required fields are marked *