All Articlesမျိုးဆက်ပွားကျန်းမာရေး

Dangerous ways of sexual intercourse

1 Mins read

အန္တရာယ်မကင်းတဲ့ ချစ်ခြင်းတွေ

အိမ်ထောင်ရှင်စုံတွဲတွေရယ်ဖြစ်လာကြတဲ့အခါမှာ လိင်မှုရေးရာကိစ္စများနဲ့မကင်းနိုင်ကြတာ ဓမ္မတာပါပဲ။ ချစ်စိတ်တက်လာတဲ့အခါမှာ ပုံမှန်ထက်လွန်ကဲတဲ့ ချစ်ရေးချစ်ရာနည်းလမ်းများကို စဉ်းစားမိတတ်ကြပါတယ်။ ဒီအခါမှာ သာမန်လှေကြီးထိုးရိုးရိုးမဟုတ်တဲ့ ချစ်နည်းအချို့ရဲ့ အန္တရာယ်ရှိပုံကိုတင်ပြပေးလိုပါတယ်။

၁. ပါးစပ်ဖြင့်လိင်ဆက်ဆံခြင်း (Oral Sex)

ပါးစပ်၊လျှာတို့ကိုအသုံးပြုပြီး အမျိုးသားရဲ့လိင်တံ၊ အမျိုးသမီးရဲ့မိန်းမကိုယ်၊ စအိုဝ စသည်တို့ကို တို့ထိလှုံ့ဆော်ကာ လိင်ဆက်ဆံခြင်းကိုဆိုလိုပါတယ်။ ဒီအခါမှာ လိင်ကတဆင့်ကူးစက်တတ်သောရောဂါများ (Sexually Transmitted Diseases) များဖြစ်တဲ့ ဂနို၊ ဆစ်ဖလစ်နှင့် အခြားကာလသားရောဂါပိုးများ ကူးစက်နိုင်ခြေပိုများတာကိုတွေ့ရှိရပါတယ်။ အထူးသဖြင့် ပါးစပ်မှာအနာရှိသူများပိုမိုကူးစက်နိုင်ပြီး လည်ချောင်းအထိ ပျံ့နှံ့ကာဝေဒနာခံစားရနိုင်ချေရှိပါတယ်။

၂. အနောက်ပေါက်ကြိုက်သူတွေ (Anal Sex)

အချို့သူတွေဟာ စအိုမှတဆင့်လိင်ဆက်ဆံခြင်းမှရရှိတဲ့သာယာမှုကိုကြိုက်နှစ်သက်တဲ့အတွက် အနောက်ပေါက်တံခါးကိုခေါက်ပြီးတိုးဝင်တတ်ကြပါတယ်။ ဒီအခါမှာ စအိုဟာ အမျိုးသမီးအင်္ဂါလိုမျိုး စိုစွတ်တဲ့လိင်ရည်ကြည်လေးများ မရှိတဲ့အတွက်ချောမွေ့မှုမရှိဘဲ နောက်ဆက်တွဲအနေနဲ့ စုတ်ပြဲနာကျင်မှု၊ သွေးထွက်ခြင်း၊ လိပ်ခေါင်းဖြစ်ခြင်းတို့ဖြစ်တတ်ပါတယ်။

၃. အရုပ်ချစ်သူ (Sex Toys)

ကျွန်တော်တစ်ခါဖော်ပြခဲ့ဖူးသလိုပါပဲ။ လူကြီးဆော့တဲ့အရုပ်တွေဟာ အာသာဖြေရာမှာအလွန်အသုံးဝင်ပေမယ့် သန့်ရှင်းစွာပြန်လည်ဆေးကြောပြီးအသုံးမပြုဘူးဆိုရင် ပိုးများကပ်တွယ်ပြီး ဆီးပိုးဝင်ခြင်း၊ လိင်အင်္ဂါပွန်းပဲ့ခြင်း၊ မျှဝေသုံးစွဲပါက လိင်မှတဆင့်ကူးစက်သောရောဂါများ ဖြစ်ပွားခြင်း စသည်တို့ကိုကြုံတွေ့ရနိုင်ပါတယ်။

၄. ဝမ်းဝမ်းဖိုက်ရတာပျင်းသူတွေ ( Threesome/ foursome)

အပျော်တွေလွန်ကဲပြီး လူစုကာ အချစ်ကိုတစ်ပြိုင်နက်အတူတကွ သုံးဆောင်ကြသူတွေအတွက်ကတော့ ဆက်ဆံဖော်များလေလေ အန္တရာယ်ပိုများလေလေပါပဲ။ ဘယ်သူ့မှာဘာရောဂါရှိတယ်ဆိုတာ နဖူးမှာစာကပ်ထားသလိုမြင်သာတာမဟုတ်တဲ့အတွက် အပျော်ရဲ့နောက်ဆက်တွဲ အပျက်တွေကပ်ပါလာမှာစိုးရိမ်စရာပါ။

ဒါကြောင့် တန်ဆေးလွန်ဘေးဆိုသလို အေဒင်ဥယျာဉ်ရဲ့ပန်းသီးကို ပိုးထိုးခြင်းကင်းဝေးစွာနဲ့ ကျန်းကျန်းမာမာစားသုံးနိုင်ကြစေဖို့ ဗဟုသုတမျှဝေလိုက်ပါတယ်။

မေတ္တာဖြင့်

စိုင်းမြတ်သူ

Related posts
All Articlesကိုယ်ဝန်ဆောင်နှင့်မိခင် ကျန်းမာရေးမိခင်နှင့်ကလေးကျန်းမာရေး

Complication of lack of antenatal care

1 Mins read
ကိုယ်ဝန်မအပ်ခြင်းရဲ့ ပြဿနာများ မိမိရင်သွေးလေးတွေ ကျန်းကျန်းမာမာနဲ့ မွေးဖွားကြီးပြင်းလာစေချင်တာ မိဘတိုင်းရဲ့ ဆန္ဒတစ်ခုပဲဖြစ်ပါတယ်။ ကျန်းမာသန်စွမ်းတဲ့ ကလေးငယ်တွေအဖြစ် ကြီးပြင်းလာစေဖို့ ကိုယ်ဝန်ဆောင်စဉ် အချိန်တည်းက ဂရုစိုက်သင့်ပါတယ်။ တတ်ကျွမ်းနားလည်တဲ့ ကျန်းမာရေး စောင့်ရှောက်သူများနဲ့ စောလျင်စွာ ကိုယ်ဝန်အပ်ခြင်း၊ ညွှန်ကြားချက်များ လိုက်နာခြင်း၊ စနစ်တကျ ကိုယ်ဝန်စောင့်ရှောက်မှုများ…
နေထိုင်မှုပုံစံမျိုးဆက်ပွားကျန်းမာရေးမိခင်နှင့်ကလေးကျန်းမာရေး

Fertilization (သန္ဓေအောင်ခြင်း)

1 Mins read
သန္ဓေ အောင်ခြင်းဆိုတာ အမျိုးသားရဲ့ သုတ်ပိုးက မမျိုးဥကို ဝင်တိုးပြီး နှစ်ခုပေါင်း ဆဲလ်တစ်ခု သားအိမ်မှာ သန္ဓေတည်ဖို့ဖြစ်သွားတာကို ဆိုလိုတာပါ။ ကျွန်တော်တို့ အကုန်လုံးဟာ ဘဝကို အဲ့ဆဲလ် တစ်လုံးကနေ စခဲ့ကျတာပါ။ မမျိုးဥကြွေခြင်းနဲ့ သူတို့ရဲ့ ရာသီစက်ဝန်း ဘယ်လို လည်ပတ်လဲ…
မျိုးဆက်ပွားကျန်းမာရေးအမျိုးသမီး ကျန်းမာရေး

သားမွေးပြွန်ထည့်ကွင်း

1 Mins read
စက်ဝိုင်းပုံသဏ္ဍာန် ရာဘာကွင်းလေး တစ်ကွင်းက သန္ဓေတားနိုင်စွမ်းရှိတာကို သိကြလား။ ကိုယ်ဝန်ကို ဘယ်လိုတားပေးတာလဲ။ ဒီကွင်းလေးဟာ မဟော်မုန်းတွေပါဝင်ပြီး တစ်စိမ့်စိမ့်ထွက်ရှိပေးတဲ့အတွက် သားဥကြွေခြင်းကို တားပေးတယ်။ ကွင်းထည့်ထားတဲ့ တစ်ဝိုက်မှာလည်း ချွဲမြှေးတွေ ထူစေပြီး သုတ်ပိုးများ သားအိမ်အတွင်း ဝင်ရောက်ခြင်းကို တားမြစ်ပေးပြီး ကိုယ်ဝန်မရအောင် တားပေးပါတယ်။…

Leave a Reply

Your email address will not be published. Required fields are marked *