Covid19 third wave and symptoms

Covid19 တတိယလှိုင်းနဲ့ လက္ခဏာရပ်များ

Covid19နဲ့တတိယလှိုင်းအန္တရာယ်ကတော့လက်ရှိမှာတကမ္ဘာလုံးကိုခြိမ်းခြောက်မှုရှိနေပြီး တချို့နိုင်ငံတွေမှာ ဆိုရင်တော့ စတုတ္ထလှိုင်းဆီကိုရောက်ရှိနေပြီပဲဖြစ်ပါတယ်။

နိုင်ငံတကာမှာ Covid-19 တတိယလှိုင်းနဲ့အတူ ကိုရိုနာမျိုးကွဲသစ်ပေါ်ထွက်လာတဲ့အတွက် စိုးရိမ်ပူပန်မှုများလည်းမြင့်တက်လာခဲ့ပါတယ်။

ကာကွယ်ဆေးထိုးမှုတွေကိုအစဉ်တစိုက်နဲ့အရှိန်တိုးမြှင့်ဖို့ကြိုစားနေချိန်မှာ တတိယလှိုင်းနဲ့အတူ သဘာဝတိုင်းပြောင်းလဲသွားတဲ့ မျိုးကွဲသစ်ပေါ်လာတာဖြစ်ပါတယ် တတိယလှိုင်းဖြစ်ပေါ်လာတဲ့အခါ မတူညီတဲ့အခြေအနေတွေရှိလို့နေပါတယ် လူတွေရဲ့နေထိုင်သွားလာမှုပေါ့ဆတာတွေ သတိလက်လွတ်ဖြစ်တာတွေက ဒီပိုးကိုထပ်မံအနိုင်ရစေဖို့ရာအခွင့်အရေးပေးသလိုဖြစ်လို့နေပါတယ် အခုလိုမျိုးရိုးဗီဇကွဲအသစ်ကပိုမိုကူးစက်မြန်တာကြောင့် ပြန်ပြီးလေ့လာသုံးသပ်နေရတဲ့ အခြေအနေမှာလည်း ရှိလို့နေပါတယ်

ဒီဗီဇပိုးပြောင်းလဲသွားတဲ့ covid19 မျိုးကွဲသစ်ရဲ့ ပြင်းထန်မှုအခြေအနေကိုလည်းမသိကြသေးသလို ထိုးထားပြီးတဲ့ကာကွယ်ဆေးတွေကအပြည့်အဝကာကွယ်ပေးနိုင်မလားဆိုတာကလည်းလေ့လာနေဆဲ ဖြစ်ပါတယ် လက်ရှိမှာ ကာကွယ်ဆေးထိုးနှံကြမယ့်လူဦးရေဆီကို အပြည့်အဝထုတ်လုပ်ပေးနိုင်ခြင်းလည်းမရှိသေးသလိုဆေးဝါးအမယ်ကလည်း နည်းပါးလို့နေပါသေးတယ်။

Covid19တတိယလှိုင်းကိုကာကွယ်ဖို့ရာ အကောင်းဆုံးနည်းလမ်းကတော့ အရင်ကလုပ်ဆောင်ခဲ့သလိုပဲ စက္ကန့်၂ဝကြာ စနစ်တကျ လက်ဆေးခြင်း၊ ခပ်ခွာခွာနေထိုင်ခြင်း၊ Maskတပ်ခြင်း၊ လူနေထူထပ်ရာနေရာတွေကို ရှောင်ကြဉ်ခြင်း၊ အာဟာရပြည့်ဝစွာစားသုံးခြင်း စတဲ့နည်းလမ်းတွေက စိတ်ချရမှုအရှိဆုံး နည်းလမ်းတွေဖြစ်လို့နေပါသေးတယ်။

ဖြစ်ပွားမှုများတဲ့နိုင်ငံကြီးတွေအနေနဲ့တော့ လူနေထူထပ်တဲ့နေရာတွေဆိုင်တွေကို ကန့်သတ်တာ ခရီးသွားလာခွင့် ပိတ်ပင်တာ အိမ်ထဲမှာပဲ နေဖို့သတိပေးတာမျိုးတွေနဲ့လုပ်ဆောင်ကြပါတယ်။

ဂျပန်နိုင်ငံမှာ ပထမလှိုင်းတုန်းကအသက်ရဝကျော်အရွယ်တွေမှာကူးစက်မှု ဖြစ်ပွားခဲ့ပြီး ဒုတိယလှိုင်းမှာတော့ အသက်၂ဝနဲ့၃ဝကြားလူငယ်တွေမှာပါကူးစက်လာခဲ့ပါတယ် ။ တတိယလှိုင်းမှာတော့ အရင်အခြေအနေတွေနဲ့ မတူဘဲ ပိုမိုရှုပ်ထွေးပြီး နေရာအနှံ့ကူးစက်လာတယ်လို့ဆိုပါတယ်။

ဂျပန်နဲ့တောင်ကိုရီးယားမှာဖြစ်ပေါ်ခဲ့တဲ့covid19တတိယလှိုင်းမှာဆိုရင်တော့လက္ခဏာမပြဘဲကူးစက်သူတွေ

များလာခဲ့ပါတယ်။ ဂျပန်နိုင်ငံဟာစတုတ္ထလှိုင်းအထိပြန့်နှံ့နေပြီလို့လည်းကမ္ဘာ့သတင်းတွေမှာဖော်ပြကြပါတယ်။

Covid19ဟာအချိန်တိုအတွင်းတော့ထွက်သွားဦးမှာမဟုတ်ဘူးလို့WHOရဲ့ဥရောပဆိုင်ရာအကြီးအကဲ ဒေါက်တာ Hans Kluge က ပြောကြားထားပါတယ်။

မြန်မာနိုင်ငံမှာလည်းအိမ်နီးချင်းနိုင်ငံတွေမှာ covid19တတိယလှိုင်းဒဏ်ကိုခံစားနေရပြီဖြစ်ပြီး ကုသဆေးဆိုတာ မပေါ်သေးတာမို့ မြန်မာနိုင်ငံအနေနဲ့လည်းသတိထားနေသေးဖို့လိုပါသေးတယ်။

Covid19ဖြစ်ပွားခဲ့ဖူးသူတွေအနေနဲ့လည်း နောက်တခေါက်မဖြစ်နိုင်ဘူးလို့ အာမခံချက်မရှိတာမို့ မဖြစ်သေးသူတွေအပြင် ဖြစ်ပွားဖူးသူတွေကလည်းအမြဲသတိထားသင့်ပါတယ်။

ဒေါက်တာနိုင်းဆေး(၁)

MyDoctor Telemedicine Application
Related posts
Covid - 19ကူးစက်တတ်သောရောဂါများအထွေထွေရောဂါများ

Covid19 and home care

1 Mins read
Covid19နှင့် အိမ်တွင်းစောင့်ရှောက်မှုများ COVID-19 ရှိသူနှင့်ထိတွေ့မိပြီး မိမိကိုယ်ကိုသံသယရှိတယ်ဆိုရင်တော့ ဒီအချက်လေးတွေကိုလုပ်ဆောင်ပေးလို့ရပါတယ် ဘယ်နေ့ဘယ်အချိန်မှာ စစ်ဆေးမှုပြုလုပ်ရမလဲ ဆိုတာကိုသိရှိစေဖို့ သက်ဆိုင်ရာ ကျန်းမာရေးစောင့်ရှောက်ပေးရာနေရာများ (သို့မဟုတ)် COVID-19 hotline သို့ခေါ်ဆိုပေးပါ ဗိုင်းရပ်စ်ပျံ့နှံ့မှုကိုရပ်တန့်ဖို့ရာအတွက်အဆက်အသွယ်ရှာဖွေတဲ့ လုပ်ထုံးလုပ်နည်းများနဲ့ ပူးပေါင်း ဆောင်ရွက်ပါ။ Covid19 Test စစ်ဆေးလို့မရသေးပါက …
Covid - 19ကူးစက်တတ်သောရောဂါများအထွေထွေရောဂါများ

Blood clotting problems with Covid19

1 Mins read
Covid19နှင့်သွေးခဲခြင်းပြသနာ Covid 19ရောဂါကိုယ်တိုင်သည် သွေးခဲခြင်းကို ၈ဆမှ ၁ဝဆထိ ဖြစ်နိုင်ချေရှိပါတယ် ဒါကြောင့်မို့ ကာကွယ်ဆေးထိုးခြင်းကြောင့် ဖြစ်ပေါ်နိုင်တဲ့ သွေးခဲခြင်းအန္တရာယ်နှင့် ချင့်ချိန်ပြီး ကာကွယ်ဆေးထိုးမထိုးကို ဆုံးဖြတ်ဖို့ရာ လိုအပ်ပါတယ် အထူးသဖြင့် ရောဂါအခံရှိသူတွေမှာ ကိုဗစ်ရောဂါကြောင့် သေဆုံးနှုန်းမြင့်တာမို့ အထူးသတိပြုကြဖို့လည်းလိုပါတယ်။ ယခုcovidကာကွယ်ဆေးအမျိုးအစားတချို့မှာတော့ သွေးခဲခြင်း…
Covid - 19ကူးစက်တတ်သောရောဂါများအထွေထွေရောဂါများ

Can covid infect again

1 Mins read
ကိုရိုနာ နှစ်ခါပြန်ဖြစ်နိုင်လား ကိုရိုနာဗိုင်းရပ်စ်ကူးစက်ခံရသူတွေပြန်ကောင်းသွားတဲ့အခါ ထပ်မဖြစ်ကြတော့ဘူးလား ကာကွယ်ဆေးထိုးပြီးရင် ရောထပ်မဖြစ်တော့ဘူးလားဆိုတဲ့မေးခွန်းတွေကို လူအများစုမေးလေ့ရှိကြပါတယ် ဒါဟာလည်းမေးသင့်ပါတယ် ဒါပေမယ့် ကုသဆေးမတွေ့မချင်း ဘာကိုမှအာမခံလို့မရဘူးလို့ပဲဖြေချင်ပါတယ်။ကာကွယ်ဆေးတွေကိုနိုင်ငံတွေကအမျိုးမျိုးစမ်းသပ်နေတာ ထုတ်လုပ်ဖြန့်ဖြူးနေတာတွေရှိနေပေမယ့်လည်း အဲ့ဒီလိုထုတ်လုပ်ဖြန့်ဖြူးနေတဲ့အချိန်မှာပဲ ရောဂါပိုးအသွင်ပြောင်းပြီးပုံစံသစ်တစ်မျိုးနဲ့ ထပ်မံကူးစက်ပြန်ပါတယ်။ရောဂါပျောက်ကင်းလို့ဆေးရုံကဆင်းသွားသူတွေမှာလည်းထပ်ဖြစ်လို့ဆေးရုံပြန်တက်ရတဲ့ သတင်းတွေကိုဖတ်နေရပါတယ်။ ပိုးကူးစက်ခံခဲ့ရသူတွေအနေနဲ့ကူးစက်ပြီးရင် ကာကွယ်ဆေးထိုုးဖို့မလိုလောက်ဘူးလို့ယူဆသူတွေလည်းရှိပါတယ်။ ဒါပေမယ့် ရောဂါဖြစ်ပြီးသူတွေမှာ antibodyထွက်နေတဲ့ ၆လအတွင်း…

Leave a Reply

Your email address will not be published. Required fields are marked *