Can people who already have infected can covid get vaccinated?
Covid - 19ကူးစက်တတ်သောရောဂါများအခြားရောဂါများအထွေထွေရောဂါများ

Covidဖြစ်ပြီးသူများကာကွယ်ဆေးထိုးနိုင်လား

1 Mins read

ဒီမေးခွန်းကိုဖြေရင်မယ်ဆိုရင်တော့ ကိုဗစ်ဖြစ်ဖူးသူတွေရော မဖြစ်ဖူးသူတွေပါ ကာကွယ်ဆေးကိုထိုးနှံကြဖို့လိုပါတယ်။ ကာကွယ်ဆေးထိုးနှံလိုက်ခြင်းက ရောဂါမဖြစ်ပွားရလေအောင်ကာကွယ်ပေးသလိုဖြစ်ပွားခဲ့ရင်လည်း ရောဂါလက္ခဏာပြင်းထန်မှု မရှိအောင်ကာကွယ်ပေးပါတယ်။ ကိုဗစ်ဖြစ်ပွားပြီးတဲ့အါ Antibodyက ဘယ်လောက်ခံမယ်ဆိုတာက တစ်ယောက်နဲ့တစ်ယောက်မတူညီပါဘူး။ ဒါကြောင့် ကာကွယ်ဆေးထိုးက ထိုးသင့်တဲ့ဆေးတစ်မျိုးပဲဖြစ်ပါတယ်။ ကိုဗစ်ဖြစ်ပြီးဘယ်နှစ်ရက်အကြာမှာထိုးရမလဲဆိုရင်တော့ မိမိမှာကိုဗစ်ဖြစ်ပွားမှုက ၂၁ရက် ဆိုတဲ့အချိန်လွန်သွားပြီး ရောဂါလက္ခဏာပြသခြင်း လည်း မရှိတော့ဘူးဆိုရင်ထိုးနှံနိုင်ပါတယ်။ ကာကွယ်ဆေးတွေအနေနဲ့လည်း တစ်ခုနဲ့တစ်ခုမတူညီပါဘူး။ မြန်မာနိုင်ငံမှာအများဆုံးထိုးနှံကြတာကတော့ တရုတ်ကလာတဲ့ကာကွယ်ဆေးတွေပါ။

ကာကွယ်ဆေးကိုထိုးနှံရာမှာ ဆီးချု၊ိ ကင်ဆာ စတဲ့ရောဂါအခံရှိသူတွေအနေနဲ့ လည်းထိုးနှံပေးလို့ရပါတယ်။ဒီဝေဒနာရှင်တွေဟာ ကိုဗစ်ဖြစ်ပွားတဲ့အခါ ပိုပြီးပြင်းထန်တာမို့ ဆေးထိုးသင့်တဲ့ ထဲမှာပါဝင်ပါတယ်။ နို့တိုက်မိခင်နဲ့ကိုယ်ဝန်ဆောင်တွေအနေနဲ့လည်း Pfizer, Covid Shield များကို ထိုးနှံနိုင်ပေမယ့် သက်ဆိုင်ရာဆရာဝန်နဲ့တိုင်ပင်ကြဖို့တော့လိုအပ်ပါတယ်။ ကာကွယ်ဆေးထိုးခါနီးမှာ ဖျားနာနေတာ၊ ပင်နယ်ဆလင်လိုဆေးမျိုးနဲ့ဓာတ်မတည့်တာ၊ ကျောက်ကပ်အစားထိုးထားတာ၊ သွေးကျဲဆေးနဲ့ ကိုယ်ခံအားကျစေတဲ့ ပဋိဇီဝဆေးတွေသောက်သုံးထားမယ်ဆိုရင်တော့ ဆေးမထိုးခင်မှာ ဆရာဝန်နဲ့ အရင်တိုင်ပင်သင်ပါတယ်။

ကာကွယ်ဆေးမထိုးခင်ချိန်မှာ ကြိုတင်ပြင်ဆင်သင့် တာတွေ အနေနဲ့တော့ အာဟာရပြည့်ဝအောင်စားပေးဖို့လိုပါတယ်။ ဒါမှကိုယ်ခံအာကောင်းနေပြီးကာကွယ်ဆေးကိုတုန့်ပြန်နိုင်မှာဖြစ်ပါတယ်။ဆေးထိုးနေတဲ့ကာလအတွင်းအရက်သောက်သုံး ခြင်း ကိုလည်းရှောင်ကြဉ်သင့်ပါတယ်။ ဆေးထိုးပြီးနာရီဝက်ခန့်စောင့်ကြည့်ပြီးမှပြန်သင့်သလို  ဆေးထိုးပြီးချိန်မှာ မူးမော်တဲ့ဝေဒနာ တွေပေါ်လာရင်တော့ ဆရာဝန်နဲ့သူနာပြုများကိုအကြောင်းကြားသင့်ပါတယ်။ တခြားသောလက္ခဏာတွေဖြစ်တဲ့  ထုံကျဉ်ကိုက်ခဲတာ၊ ပျို့အန်တာ၊ နုံးတာ၊ကိုယ်နည်းနည်းပူတာ မျိုးတွေလည်း ဖြစ်တတ်ပါတယ်။ WHOက ခွင့်ပြုထားတဲ့ ကာကွယ်ဆေး(၇)မျိုးရဲ့အကြောင်းကိုလည်း အနည်းငယ်ပြောပြပေးချင်ပါတယ်။

Pfizerကတော့ အသက် ၁၂နှစ်နဲ့အထက်ကိုထိုးနှံနိုင်ပြီး နှစ်ကြိမ်းထိုးနံှရတဲ့ဆေးဖြစ်ပါတယ်။ တစ်ကြိမ်နဲ့တကြိမ်ကို ၃ပတ်ခြားကာ ထိုးနှံနိုင်ပါတယ်။ Moderna ကာကွယ်ဆေးကတော့ အသက် ၁၈နှစ်အထက် ထိုးနှံနိုင်ပြီး နှစ်ပတ်ခြားကာ နှစ်ကြိမ်ထိုးနှံပေးရမှာဖြစ်ပါတယ်။ Johnson & Johnson ကတော့   အသက် ၁၈နှစ်အထက် ထိုးနှံနိုင်ပြီး တကြိမ်တည်းထိုးနံှရတဲ့ဆေးလည်းဖြစ်ပါတယ်။

Astra Zenecaကတော့ အသက် ၁၈နှစ်အထက်ထိုးနှံနိုင်ပြီး ၄ပတ်ကနေ ၁၂ပတ်အတွင်း ၂ကြိမ်ထိုးနှံရတာဖြစ်ပါတယ်။Covidshield ကတော့ အသက် ၁၈နှစ်အထက်ထိုးနှံနိုင်ပြီး ၂ပတ်ခြားကာ ၂ကြိမ်ထိုးနှံရပါတယ်။ Sinopharm ကလည်း အသက် ၁၈နှစ်အထက်ထိုးနှံနိုင်ကာ ၃ပတ်မှ ၄ပတ်ခြားကာ ၂ကြိမ်ထိုးန ှံရပါတယ်။ Sinovac ကတော့ အသက် ၁၈နှစ်အထက်ထိုးနှံနိုင်ကာ ၂ပတ်မှ ၃ပတ်ခြားကာ ၂ကြိမ်ထိုးနှံပေးရပါတယ်။

ကိုဗစ်ကာကွယ်ဆေးများကို ကျယ်ကျယ်ပြန့်ပြန့်လည်းထုတ်လုပ်နေသလို ထိုးနှံသူတွေကလည်း စနစ်ကျနဲ့သွားရောက် ထိုးနှံကြဖို့ကအရေးကြီးပါတယ်။

ဆေးထိုးပြီးချိန်မှာလည်း သက်ဆိုင်တဲ့အခြေခံကျန်းမာရေး တွေဖြစ်တဲ့ နှာခေါင်းစီးတပ်တာ၊ လက်မှန်မှန်ဆေးတာ၊ လူစုလူဝေးရှောင်တာမျိုးကိုလည်း ဆက်လက်လိုက်နာကြဖို့လိုပါတယ်။ ကိုဗစ် မျိုးကွဲတွေကတစ်ကြိမ်နဲ့တစ်ကြိမ်ပြောင်းလဲနေတာဖြစ်လို့ ကာကွယ်ဆေးတွေကလည်း အပြောင်းအလဲတွေထပ်ပြီးပေါ် ပေါက်လာဦးမှာဖြစ်ပါတယ်။ ဒါကြောင့် မျက်ခြေမပြတ်စောင့်ကြည့်ရမယ့်ရောဂါတစ်ခုဖြစ်တာမို့ သတိထားဖို့ကို တိုက်တွန်းလိုက်ရပါတယ်။

ဒေါက်တာနိုင်း(ဆေး-၁)

MyDoctor Telemedicine Application
Related posts
နေထိုင်မှုပုံစံအထွေထွေရောဂါများအလှအပနှင့်နေထိုင်စားသောက်မှုပုံစံ

Things to do after walking exercise in winter ❄

1 Mins read
ဆောင်းရာသီမှာ လမ်းလျှောက်ပြီး လုပ်သင့်တဲ့ အချက်… ဆောင်းရာသီမှာ သွေးပူလေ့ကျင့်ခန်းအနေနဲ့ရော ဝိတ်ချဖို့ အတွက်ရောနဲ့ အများစုက လမ်းလျှောက်လေ့ရှိကြပါတယ်။ ဒီလိုလေး ပုံမှန် လမ်းလျှောက်ပေးနိုင်တာကတော့ ကောင်းမွန်တဲ့ အလေ့အထတစ်ခု ပဲဖြစ်ပါတယ်။ မနက်စောစော လမ်းလျှောက်ပေးခြင်းအားဖြင့် ရရှိနိုင်တဲ့ အကျိုးကျေးဇူးတွေ ကတော့…. စိတ်ခံစားမှု…
စားသောက်မှုပုံစံအခြားရောဂါများအထွေထွေရောဂါများအလှအပနှင့်နေထိုင်စားသောက်မှုပုံစံ

Stomach cramps caused by heat

1 Mins read
🌶အပူအစပ် နဲ့ ဗိုက်အောင့်တတ်ခြင်း ပြဿနာ ရင်တွေပူပီး ဗိုက်ကလဲ ခဏ ခဏ အောင့်လိုက်တာ ဘာကြောင့်များအဲ့လောက် အောင့်နေရတာလဲလို့ တွေးမိကြဖူးမယ် ထင်ပါတယ်။ ဗိုက်အောင့်ရတဲ့ အကြောင်းအရင်းများစွာကတော့👉 အပူအစပ် စားလွန်းခြင်း👉 စားလေ့ စားထ မရှိဘဲ အစပ်စားမိခြင်း👉 အစားစားချိန်…
နေထိုင်မှုပုံစံအထွေထွေရောဂါများအလှအပနှင့်နေထိုင်စားသောက်မှုပုံစံ

👀မျက်လုံးပါဝါကျစေဖို့👁️

1 Mins read
👀မျက်လုံးပါဝါကျစေဖို့👁️ မျက်မှန်ပါဝါကတော့လေ အတက်ကြီးပဲ။ အခုခေတ် ကုန်ဈေးနှုန်းအတိုင်းပဲ ကျတယ်ကို မရှိဘူး ဆိုတဲ့ သူတွေ အတွက် ဒီ စာစုလေးကို စီစဉ်ရခြင်း ဖြစ်ပါတယ်။ မျက်မှန် တက်ရတဲ့ သူတော်တော်များများဟာ ကိုယ့် မျက်မှန် ပါဝါကို ပြန်ပြန်စစ်ရကောင်းမှန်း မသိကြပါဘူး။…

Leave a Reply

Your email address will not be published. Required fields are marked *