ကိုယ်ဝန်တားဆေးများနှင့် ရာသီစက်ဝန်းအပေါ်သက်ရောက်မှုများ
ယနေ့ခေတ်မှာ ကိုယ်ဝန်တားဆေးများအဖြစ် သောက်ဆေး ထိုးဆေး သားအိမ်အတွင်းထည့်ပစ္စည်းစသဖြင့် ပုံစံမျိုးစုံနဲ့ တွင်ကျယ်စွာအသုံးပြုနေကြပါတယ်။Condom လိုပစ္စည်းကလွဲလို့ ကိုယ်ဝန်တားဆေးတော်တော်များများဟာ ဟော်မုန်းပါဝင်မှုရှိတဲ့အတွက် ခန္ဓာကိုယ်ကထွက်တဲ့ဟော်မုန်းတွေလိုပဲ ရာသီစက်ဝန်းအပေါ်သက်ရောက်မှုရှိပါတယ်။
တားဆေးကတ်များ
ဒီဆေးကတ်တွေကိုတော့ တစ်နေ့တစ်လုံးမှန်မှန်သောက်သုံးဖို့လိုပါတယ်။ရှေ့ပိုင်းသုံးလလောက်မှာသုံးစွဲသူအမျိုးသမီးတွေအနေနဲ့ ရာသီလာချိန်မဟုတ်ဘဲသွေးဆင်းတာမျိုးတွေကြုံရတတ်ပါတယ်။ဆေးသောက်ဖို့မေ့သွားတာ ဆေးသောက်ချိန်နောက်ကျတာမျိုးတွေမှာလည်း သွေးအနည်းငယ်ဆင်းတတ်ပါတယ်။အထူးသဖြင့် Progesterone တစ်မျိုးတည်းပါတဲ့ဆေးကတ်လေးတွေမှာ ဒီလိုပိုဖြစ်တတ်ပါတယ်။
ထိုးဆေးများ
သုံးလခံဆေးလို့လူသိများတဲ့ဆေးပါ။သူကတော့ ရာသီလာချိန်မဟုတ်ဘဲသွေးဆင်းတာအဖြစ်များပါတယ်။တစ်နှစ်လောက်သုံးပြီးရင်တော့ ရာသီလုံးဝမလာတော့တာမျိုး ဖြစ်တတ်ပါတယ်။
သားအိမ်တွင်းထည့်ပစ္စည်းများ
သားအိမ်တွင်းထည့်တဲ့ပစ္စည်းအနေနဲ့ Copper ပါတဲ့ပစ္စည်းနဲ့ hormone ပါတဲ့ပစ္စည်းဆိုပြီး ၂ မျိုးရှိပါတယ်။နှစ်မျိုးလုံးဟာ စတင်သုံးစွဲချိန်ကနေ သုံးလကနေ ခြောက်လအတွင်း ရာသီလာချိန်တစ်ခုနဲ့တစ်ခုကြား သွေးဆင်းတာ ပုံမှန်ရာသီဆင်းချိန်မှာ သွေးဆင်းများတာ ရက်ရှည်တာ နဲ့ ပိုမိုကိုက်ခဲတာတို့ဖြစ်တတ်ပါတယ်။နောက်ပိုင်းမှာတော့ ရာသီပုံမှန်ဆင်းနိုင်သလို နည်းသွားတာ လုံးဝမဆင်းတော့တာလည်းဖြစ်နိုင်ပါတယ်။
အရေးပေါ်သန္ဓေတားဆေး
ဒီဆေးကတော့ ရာသီစက်ဝန်းရဲ့အစောပိုင်းကာလမှာသောက်မိရင် နောက်တစ်ကြိမ်ရာသီလာရက်စောတတ်ပါတယ်။ရာသီလာတဲ့အခါပုံမှန်ထက် ရက်ကြာတာမျိုးလည်းဖြစ်တတ်ပါတယ်။ရာသီစက်ဝန်းရဲ့ နှောင်းပိုင်း(သားဥကြွေပြီးချိန်နောက်ပိုင်း)မှာ သောက်ရင်တော့ နောက်တစ်ကြိမ်ရာသီလာရက် နောက်ကျတတ်ပါတယ်။
ကိုယ်ဝန်တားဆေးတော်တော်များများဟာ ဟော်မုန်းပါဝင်တဲ့အတွက် ရာသီစက်ဝန်းအပေါ်အနည်းနဲ့အများသက်ရောက်မှုရှိပါတယ်။ဒါဟာသူ့ရဲ့ သန္ဓေတားတဲ့အာနိသင်ကိုတော့ ထိခိုက်နိုင်တာမဟုတ်ပါဘူး။အကယ်၍ ကိုယ်ဝန်တားဆေးတစ်မျိုးမျိုးရဲ့ ဘေးထွက်ဆိုးကျိုးကို မခံနိုင်လို့ တားဆေးပြောင်းသုံးမယ်ဆိုရင် ကျွမ်းကျင်သူဆရာဝန်နဲ့တိုင်ပင်ရပါမယ်။
Dr. ပွင့်ဖြိုးကျော်
Reference; https://www.google.com/url…
ကိုယ္ဝန္တားေဆးမ်ားႏွင့္ ရာသီစက္ဝန္းအေပၚသက္ေရာက္မႈမ်ား
ယေန႔ေခတ္မွာ ကိုယ္ဝန္တားေဆးမ်ားအျဖစ္ ေသာက္ေဆး ထိုးေဆး သားအိမ္အတြင္းထည့္ပစၥည္းစသျဖင့္ ပုံစံမ်ိဳးစုံနဲ႔ တြင္က်ယ္စြာအသုံးျပဳေနၾကပါတယ္။Condom လိုပစၥည္းကလြဲလို႔ ကိုယ္ဝန္တားေဆးေတာ္ေတာ္မ်ားမ်ားဟာ ေဟာ္မုန္းပါဝင္မႈရွိတဲ့အတြက္ ခႏၶာကိုယ္ကထြက္တဲ့ေဟာ္မုန္းေတြလိုပဲ ရာသီစက္ဝန္းအေပၚသက္ေရာက္မႈရွိပါတယ္။
တားေဆးကတ္မ်ား
ဒီေဆးကတ္ေတြကိုေတာ့ တစ္ေန႔တစ္လုံးမွန္မွန္ေသာက္သုံးဖို႔လိုပါတယ္။ေရွ႕ပိုင္းသုံးလေလာက္မွာသုံးစြဲသူအမ်ိဳးသမီးေတြအေနနဲ႔ ရာသီလာခ်ိန္မဟုတ္ဘဲေသြးဆင္းတာမ်ိဳးေတြႀကဳံရတတ္ပါတယ္။ေဆးေသာက္ဖို႔ေမ့သြားတာ ေဆးေသာက္ခ်ိန္ေနာက္က်တာမ်ိဳးေတြမွာလည္း ေသြးအနည္းငယ္ဆင္းတတ္ပါတယ္။အထူးသျဖင့္ Progesterone တစ္မ်ိဳးတည္းပါတဲ့ေဆးကတ္ေလးေတြမွာ ဒီလိုပိုျဖစ္တတ္ပါတယ္။
ထိုးေဆးမ်ား
သုံးလခံေဆးလို႔လူသိမ်ားတဲ့ေဆးပါ။သူကေတာ့ ရာသီလာခ်ိန္မဟုတ္ဘဲေသြးဆင္းတာအျဖစ္မ်ားပါတယ္။တစ္ႏွစ္ေလာက္သုံးၿပီးရင္ေတာ့ ရာသီလုံးဝမလာေတာ့တာမ်ိဳး ျဖစ္တတ္ပါတယ္။
သားအိမ္တြင္းထည့္ပစၥည္းမ်ား
သားအိမ္တြင္းထည့္တဲ့ပစၥည္းအေနနဲ႔ Copper ပါတဲ့ပစၥည္းနဲ႔ hormone ပါတဲ့ပစၥည္းဆိုၿပီး ၂ မ်ိဳးရွိပါတယ္။ႏွစ္မ်ိဳးလုံးဟာ စတင္သုံးစြဲခ်ိန္ကေန သုံးလကေန ေျခာက္လအတြင္း ရာသီလာခ်ိန္တစ္ခုနဲ႔တစ္ခုၾကား ေသြးဆင္းတာ ပုံမွန္ရာသီဆင္းခ်ိန္မွာ ေသြးဆင္းမ်ားတာ ရက္ရွည္တာ နဲ႔ ပိုမိုကိုက္ခဲတာတို႔ျဖစ္တတ္ပါတယ္။ေနာက္ပိုင္းမွာေတာ့ ရာသီပုံမွန္ဆင္းႏိုင္သလို နည္းသြားတာ လုံးဝမဆင္းေတာ့တာလည္းျဖစ္ႏိုင္ပါတယ္။
အေရးေပၚသေႏၶတားေဆး
ဒီေဆးကေတာ့ ရာသီစက္ဝန္းရဲ႕အေစာပိုင္းကာလမွာေသာက္မိရင္ ေနာက္တစ္ႀကိမ္ရာသီလာရက္ေစာတတ္ပါတယ္။ရာသီလာတဲ့အခါပုံမွန္ထက္ ရက္ၾကာတာမ်ိဳးလည္းျဖစ္တတ္ပါတယ္။ရာသီစက္ဝန္းရဲ႕ ေႏွာင္းပိုင္း(သားဥေႂကြၿပီးခ်ိန္ေနာက္ပိုင္း)မွာ ေသာက္ရင္ေတာ့ ေနာက္တစ္ႀကိမ္ရာသီလာရက္ ေနာက္က်တတ္ပါတယ္။
ကိုယ္ဝန္တားေဆးေတာ္ေတာ္မ်ားမ်ားဟာ ေဟာ္မုန္းပါဝင္တဲ့အတြက္ ရာသီစက္ဝန္းအေပၚအနည္းနဲ႔အမ်ားသက္ေရာက္မႈရွိပါတယ္။ဒါဟာသူ႔ရဲ႕ သေႏၶတားတဲ့အာနိသင္ကိုေတာ့ ထိခိုက္ႏိုင္တာမဟုတ္ပါဘူး။အကယ္၍ ကိုယ္ဝန္တားေဆးတစ္မ်ိဳးမ်ိဳးရဲ႕ ေဘးထြက္ဆိုးက်ိဳးကို မခံႏိုင္လို႔ တားေဆးေျပာင္းသုံးမယ္ဆိုရင္ ကြၽမ္းက်င္သူဆရာဝန္နဲ႔တိုင္ပင္ရပါမယ္။
Dr. ပြင့္ၿဖိဳးေက်ာ္
Reference; https://www.google.com/url…