All Articlesမျိုးဆက်ပွားကျန်းမာရေးအမျိုးသမီး ကျန်းမာရေး

သားအိမ်ဝ ယောင်ခြင်း

1 Mins read

သားအိမ်ဝ ယောင်ခြင်း

သားအိမ်ဝယောင်ခြင်း ဆိုသည်မှာ သားအိမ်၏အောက်ပိုင်းနားအဝ ယောင်ယမ်းခြင်းကိုဆိုလိုပါတယ် ။ ဒီလို သားအိမ်ဝယောင်တဲ့ အခါ အမျိုးသမီးတွေမှာ ရာသီတစ်ခုနဲ့ တစ်ခုအကြား ပုံမှန်မဟုတ်ဘဲ သွေးဆင်းတာ ၊ လိင်ဆက်ဆံချိန် နာကျင်တာ ၊ မိန်းမကိုယ်ကို စမ်းသပ်တဲ့အခါ နာတာ ၊ ပုံမှန်မဟုတ်တဲ့ အဖြူဆင်းတာမျိုးတွေ အစရှိသည့် လက္ခဏာတွေကို ခံစားရပါတယ် ။ တခါတလေမှာလဲ ဒီလိုရောဂါလက္ခဏာတွေမပြဘဲ သားအိမ်ဝယောင်နေနိုင်ပါတယ် ။

တစ်ခါတစ်ရံမှာ လိင်ကတဆင့်ကူးစက်တတ်တဲ့ရောဂါတွေဖြစ်ပွားရာက ယောင်ယမ်းနိုင်သလို ဓာတ်မတည့်မှုများကြောင့်လဲ ယောင်နိုင်ပါတယ် ။

ရောဂါလက္ခဏာများ

ဒီသားအိမ်ဝ ယောင်တဲ့ရောဂါဟာ အမျိုးသမီးတွေ တစ်သက်မှာလတစ်ခါခန့်အနည်းဆုံးဖြသ်လေ့ရှိကြပေမယ့် တချို့သူတွေမှာ ရောဂါလက္ခဏာ မပြဘဲ မသိလိုက်သည်တို့ရှိပါတယ် ။ အဓိက လက္ခဏာများအနေနဲ့

– မိန်းမကိုယ်ကနေ အဖြူ ၊ အစိမ်း အစရှိသည့် အရာများဆင်းခြင်း

– ဆီးသွားလျှင် နာကျင်ခြင်း

– လိင်ဆက်ဆံချိန် နာကျင်ခြင်း

– ရာသီစက်ဝန်းတစ်ခုနဲ့တစ်ခုအကြား သွေးဆင်းခြင်း

– ချစ်တင်းနှောပြီးချိန် ရာသီမဟုတ်ဘဲ သွေးများဆင်းခြင်း

ဘာတွေကြောင့် ဖြစ်ပွားရသလဲ

အဓိကအကြောင်းအရာများအနေနဲ့

– လိင်မှတဆင့် ကူးစက်တတ်သောရောဂါများ – မကြာခဏဆိုသလို လိင်ဆက်ဆံရာမှတဆင့် ကူးစက်လာတဲ့ ဘက်တီးရီးယားများနဲ့ ဗိုင်းရပ်စ်များကြောင့် သားအိမ်ဝ ယောင်ပါတယ် ။ အဓိကအားဖြင့် ဆီးပူညောင်းကျရောဂါတွေ ၊ ကာလသားရောဂါတွေ ၊ ကြွက်နို့ရောဂါ အစရှိတာတွေကြောင့် ဖြစ်ပွားပါတယ်
– ဓာတ်မတည့်ခြင်း – သားအိမ်တွင်းထည့် သန္ဓေတားပစ္စည်းမှ ကွန်ဒုံပြုလုပ်ထားသောရာဘာအပါအဝင် ပစ္စည်းများ ၊ အမျိုးသမီး သန့်စင်ရည်များ အစရှိသည်တို့ကြောင့် ဓာတ်မတည့်မှုများဖြစ်ကာ သားအိမ်ဝ ယောင်နိုင်ပါတယ် ။

ဘယ်လိုသူတွေမှာ ပိုအဖြစ်များလဲ

– သင့်အနေနဲ့ လိင်ဆက်ဆံရာမှာ အန္တရာယ်ရှိတဲ့ အကာအကွယ်မသုံးဘဲ လိင်ဆက်ဆံတာ ၊ လိင်ဆက်ဆံဖော် တစ်ဦးထက် ပိုမိုများပြားတာ ၊ လိင်ဆက်ဆံသည့် အရွယ် စောလွန်းတာ ၊ ယခင် လိင်မှတဆင့် ကူးစက်ရောဂါဖြစ်ဖူးတာ အစရှိတာတွေဟာ သားအိမ်ဝယောင်စေဖို့ အကြောင်းအရင်းတွေပဲဖြစ်ပါတယ်

ဆိုးကျိုးတွေကရော

သင့်မိန်းမကိုယ် သားအိမ်အဝဟာ သင့်သားအိမ်အတွင်း ရောဂါပိုးများ မဝင်အောင် ကာကွယ်ပေးတဲ့အရာတွေပါ ။ ဒါကြောင့် ရောဂါပိုးများကြောင့်လသားအိမ်ဝယောင်တဲ့အခါ သင့်အနေနဲ့ သားအိမ်ထိ ကူးစက်ရန် ရာခိုင်နှုန်းများပါတယ် ။

ဒါကြောင့် မကုသဘဲ ထားရာကနေ ဒီလိုသားအိမ်အထိ ရောဂါဝင်ရောက်သွားတဲ့အခါ

– ကလေးရဖို့ခက်ခဲတာ

– ကလေးစောမွေးတာ

– ကလေးစာ သားအိမ်ပြင်ပ သန္ဓေတည်နေတာ

– ကလေးမှာ မွေးရာပါ ရောဂါပိုးတွေပါလာတာ

– တင်ပဆုံတွင်း ယောင်ယမ်းတာ

အစရှိတဲ့ ဆိုးကျိုးတွေ ဖြစ်လာပါတယ် ။

ဘယ်လိုကာကွယ်မလဲ ?

ဒီလို ရောဂါပိုးကြောင့်မဖြစ်ရလေအောင် လိင်ဆက်ဆံချိန်တိုင်းမှာ ကွန်ဒုံကို နည်းလမ်းမှန်ကန်စွာ သုံးပါ ။ လိင်ဆက်ဆံဖော်ကိုလတစ်ဦးတည်းထားပါ ။ သန့်စင်ဆေးရည်များ ပစ္စည်းများကို အသုံးမပြုမီ အညွှနိးများကို သေချာဖတ်ပြီး သုံးစွဲပါ

အားလုံးကျန်းမာကြပါစေ

ဒေါက်ပီ

MyDoctor Telemedicine Application
Related posts
နေထိုင်မှုပုံစံမျိုးဆက်ပွားကျန်းမာရေးမိခင်နှင့်ကလေးကျန်းမာရေး

Fertilization (သန္ဓေအောင်ခြင်း)

1 Mins read
သန္ဓေ အောင်ခြင်းဆိုတာ အမျိုးသားရဲ့ သုတ်ပိုးက မမျိုးဥကို ဝင်တိုးပြီး နှစ်ခုပေါင်း ဆဲလ်တစ်ခု သားအိမ်မှာ သန္ဓေတည်ဖို့ဖြစ်သွားတာကို ဆိုလိုတာပါ။ ကျွန်တော်တို့ အကုန်လုံးဟာ ဘဝကို အဲ့ဆဲလ် တစ်လုံးကနေ စခဲ့ကျတာပါ။ မမျိုးဥကြွေခြင်းနဲ့ သူတို့ရဲ့ ရာသီစက်ဝန်း ဘယ်လို လည်ပတ်လဲ…
မျိုးဆက်ပွားကျန်းမာရေးအမျိုးသမီး ကျန်းမာရေး

သားမွေးပြွန်ထည့်ကွင်း

1 Mins read
စက်ဝိုင်းပုံသဏ္ဍာန် ရာဘာကွင်းလေး တစ်ကွင်းက သန္ဓေတားနိုင်စွမ်းရှိတာကို သိကြလား။ ကိုယ်ဝန်ကို ဘယ်လိုတားပေးတာလဲ။ ဒီကွင်းလေးဟာ မဟော်မုန်းတွေပါဝင်ပြီး တစ်စိမ့်စိမ့်ထွက်ရှိပေးတဲ့အတွက် သားဥကြွေခြင်းကို တားပေးတယ်။ ကွင်းထည့်ထားတဲ့ တစ်ဝိုက်မှာလည်း ချွဲမြှေးတွေ ထူစေပြီး သုတ်ပိုးများ သားအိမ်အတွင်း ဝင်ရောက်ခြင်းကို တားမြစ်ပေးပြီး ကိုယ်ဝန်မရအောင် တားပေးပါတယ်။…
အမျိုးသမီး ကျန်းမာရေးအလှအပနှင့်နေထိုင်စားသောက်မှုပုံစံ

မိန်းကလေးနှင့် ရာသီနည်းခြင်းပြဿနာ

1 Mins read
မိန်းကလေးနှင့် ရာသီနည်းခြင်းပြဿနာ အရွယ်ရောက်ပြီး အမျိုးသမီးတိုင်းဟာ တစ်လမှာ တစ်ကြိမ် ရာသီသွေးဆင်းတယ်ဆိုတဲ့ Circle နဲ့ ကြုံတွေ့ရပါတယ်။ ဒီလို တစ်လတစ်ခါ ရာသီစက်ဝန်းဖြစ်ပေါ်တဲ့အခါမှာ ရာသီမှန်တဲ့သူရှိသလို မမှန်ဘဲ ၂လ ၃လနေမှ တစ်ခါသာ ဖြစ်ပေါ်တဲ့လူလဲရှိပါတယ်။ ဒါ့အပြင် ရာသီနည်းတဲ့သူရှိသလို သွေးဆင်းတာအရမ်းများလို့…

Leave a Reply

Your email address will not be published. Required fields are marked *