အနာစိမ်းဆိုတာ
အရေပြားမှာရှိတဲ့ မွေးညှင်းပေါက်လေးတွေမှာ ဘက်တီးရီးယားပိုးဝင်တဲ့အခါ ယောင်ရမ်းပြီး ပြည်တည်လာတတ်ပါတယ်။ အရေပြားအောက်မှာ အဲ့ဒီပြည်ဖုလေးတွေ စုလာတဲ့အခါ အလွန်နာကျင်တဲ့ အနာစိမ်း(ပြည်တည်နာ) ဖြစ်လာပါတယ်။ အနာစိမ်းတွေဟာ လည်ဂုတ်၊ ပုခုံး၊ ဂျိုင်းနဲ့ ပေါင်ခြံတွေမှာ အဖြစ်များပါတယ်။
အနာစိမ်းဟာ Staphylococcus aureus လို့ခေါ်တဲ့ ဘက်တီးရီးယားပိုးတစ်မျိုးကြောင့်ဖြစ်ပြီး ထိုဘက်တီးရီးယားပိုးဟာ ထိခိုက်ဒဏ်ရာရမှု၊ အင်းဆက်ပိုးမွှားများ ကိုက်သော ဒဏ်ရာများမှတစ်ဆင့် အရေပြားအောက်ထဲကို ဝင်ရောက်ကူးစက်ပြီး ပြည်တည်ကာ အနာစိမ်းတွေကို ဖြစ်စေပါတယ်။
အနာစိမ်း(ပြည်တည်နာ) ဟာ ကြီး၊ငယ်၊ ကျား၊မ မရွေးဖြစ်နိုင်သော်လည်း
-ဆီးချိုရောဂါရှိသူများ
-ကိုယ်ခံအားကျဆင်းနေသူများ/ ခုခံအားကျဆင်းသော ရောဂါရှိသူများ
-အနာစိမ်းရှိသောသူနှင့် အနီးကပ်ထိတွေ့ဆက်ဆံရသူများ
-အရေပြားတွင် ထိခိုက်ဒဏ်ရာရှိသူများ
-ကျောက်ကပ်ရောဂါဝေဒနာသည်များ
-တကိုယ်သန့်ရှင်းမှုအားနည်းသူတွေမှာ တခြားသူတွေထက် ဖြစ်နိုင်ခြေပိုများတာကို တွေ့ရှိရပါတယ်။
အနာစိမ်း(ပြည်တည်နာ)တွေဟာ နာကျင်တဲ့ အနီရောင်အဖုလေးတွေကဆင့် တဖြည်းဖြည်း ပြည်တွေပြည့်လာကြပါတယ်။ တချို့ပြည်တည်နာတွေဟာ အရေပြားမှာ အပေါက်ပေါင်းများစွာပွင့်ပြီး အဝါရောင်၊ အဖြူရောင်၊ ပန်းရောင် ပြည်တွေနဲ့ ရွဲနစ်နေတတ်ပါတယ်။ တစ်ခါတစ်ရံ အနာရှိန်ကြောင့် ဖျားနာခြင်း၊ နှုံးချိခြင်း၊ အနီးရှိ အကျိတ်များ ရောင်ခြင်းတွေနဲ့လည်း တွဲနေတတ်ပါတယ်။
အနာစိမ်းဖြစ်ခြင်းမှ ကာကွယ်ရန်
✔ မိမိလက်များကို မကြာခဏ ဆပ်ပြာဖြင့် သေချာစွာ သန့်စင်ဆေးကြောပါ
✔ ဒဏ်ရာ၊ အနာတရများကို သန့်ရှင်းစွာထားပါ။ ပွန်းပဲ့ဒဏ်ရာနှင့် ပြတ်ရှဒဏ်ရာများကို ပိုးသတ်ထားသော ပတ်တီး၊ အနာကပ်ပလတ်စတာများဖြင့် ကာကွယ်ထားနိုင်ပါတယ်။
✔ တကိုယ်ရည်သုံးပစ္စည်းများကို မျှဝေသုံးစွဲခြင်းမှ ရှောင်ကြဉ်ပါ။ Staph ဘက်တီးရီးယားပိုးသည် တဘက်၊ သွားပွတ်တံ၊ လက်သည်းညှပ်စတဲ့ တကိုယ်ရည်သုံးပစ္စည်းများမှလည်း တစ်ဆင့်ကူးစက်နိုင်ပါတယ်။
သေးငယ်တဲ့ ပြည်တည်နာလေးတွေကို အနာသက်သာစေရန် ရေနွေးကပ်ခြင်း၊ သဘာဝအတိုင်း ပြည်များပေါက်သွားစေခြင်းဖြင့် အိမ်တွင်ဂရုစိုက်နိုင်ပါတယ်။ ပမာဏကြီးတဲ့ အနာစိမ်းတွေကိုတော့ ကျွမ်းကျင်ဆရာဝန်ဖြင့် တိုင်ပင်၍ ပြည်များဖောက်ထုတ်ခြင်း၊ ပိုးသတ်ဆေးသောက်ခြင်းတို့ ပြုလုပ်သင့်ပါတယ်။
ကျန်းမာလှပသော ဘဝတစ်ခု ပိုင်ဆိုင်စေရန် ရည်ရွယ်လျက်
ပွင့်ရည်(ဆေး၂)
အနာစိမ္းဆိုတာ
အေရျပားမွာရိွတဲ့ ေမြးညႇင္းေပါက္ေလးေတြမွာ ဘက္တီးရီးယားပိုးဝင္တဲ့အခါ ေယာင္ရမ္းၿပီး ျပည္တည္လာတတ္ပါတယ္။ အေရျပားေအာက္မွာ အဲ့ဒီျပည္ဖုေလးေတြ စုလာတဲ့အခါ အလြန္နာက်င္တဲ့ အနာစိမ္း(ျပည္တည္နာ) ျဖစ္လာပါတယ္။ အနာစိမ္းေတြဟာ လည္ဂုတ္၊ ပုခံုး၊ ဂ်ိဳင္းနဲ႔ ေပါင္ျခံေတြမွာ အျဖစ္မ်ားပါတယ္။
အနာစိမ္းဟာ Staphylococcus aureus လို႔ေခၚတဲ့ ဘက္တီးရီးယားပိုးတစ္မ်ိဳးေၾကာင့္ျဖစ္ၿပီး ထိုဘက္တီးရီးယားပိုးဟာ ထိခိုက္ဒဏ္ရာရမႈ၊ အင္းဆက္ပိုးမႊားမ်ား ကိုက္ေသာ ဒဏ္ရာမ်ားမွတစ္ဆင့္ အေရျပားေအာက္ထဲကို ဝင္ေရာက္ကူးစက္ၿပီး ျပည္တည္ကာ အနာစိမ္းေတြကို ျဖစ္ေစပါတယ္။
အနာစိမ္း(ျပည္တည္နာ) ဟာ ႀကီး၊ငယ္၊ က်ား၊မ မေရြးျဖစ္ႏိုင္ေသာ္လည္း
-ဆီးခ်ိဳေရာဂါ႐ွိသူမ်ား
-ကိုယ္ခံအားက်ဆင္းေနသူမ်ား/ ခုခံအားက်ဆင္းေသာ ေရာဂါရိွသူမ်ား
-အနာစိမ္းရိွေသာသူႏွင့္ အနီးကပ္ထိေတြ႔ဆက္ဆံရသူမ်ား
-အေရျပားတြင္ ထိခိုက္ဒဏ္ရာရိွသူမ်ား
-ေက်ာက္ကပ္ေရာဂါေဝဒနာသည္မ်ား
-တကိုယ္သန္႔႐ွင္းမႈအားနည္းသူေတြမွာ တျခားသူေတြထက္ ျဖစ္ႏိုင္ေျခပိုမ်ားတာကို ေတြ႔ရိွရပါတယ္။
အနာစိမ္း(ျပည္တည္နာ)ေတြဟာ နာက်င္တဲ့ အနီေရာင္အဖုေလးေတြကဆင့္ တျဖည္းျဖည္း ျပည္ေတြျပည့္လာၾကပါတယ္။ တခ်ိဳ႕ျပည္တည္နာေတြဟာ အေရျပားမွာ အေပါက္ေပါင္းမ်ားစြာပြင့္ၿပီး အဝါေရာင္၊ အျဖဴေရာင္၊ ပန္းေရာင္ ျပည္ေတြနဲ႔ ရြဲနစ္ေနတတ္ပါတယ္။ တစ္ခါတစ္ရံ အနာရိွန္ေၾကာင့္ ဖ်ားနာျခင္း၊ ႏႈံးခ်ိျခင္း၊ အနီးရိွ အက်ိတ္မ်ား ေရာင္ျခင္းေတြနဲ႔လည္း တြဲေနတတ္ပါတယ္။
အနာစိမ္းျဖစ္ျခင္းမွ ကာကြယ္ရန္
✔ မိမိလက္မ်ားကို မၾကာခဏ ဆပ္ျပာျဖင့္ ေသခ်ာစြာ သန္႔စင္ေဆးေၾကာပါ
✔ ဒဏ္ရာ၊ အနာတရမ်ားကို သန္႔႐ွင္းစြာထားပါ။ ပြန္းပဲ့ဒဏ္ရာႏွင့္ ျပတ္႐ွဒဏ္ရာမ်ားကို ပိုးသတ္ထားေသာ ပတ္တီး၊ အနာကပ္ပလတ္စတာမ်ားျဖင့္ ကာကြယ္ထားႏိုင္ပါတယ္။
✔ တကိုယ္ရည္သံုးပစၥည္းမ်ားကို မ်ွေဝသံုးစြဲျခင္းမွ ေ႐ွာင္ၾကဥ္ပါ။ Staph ဘက္တီးရီးယားပိုးသည္ တဘက္၊ သြားပြတ္တံ၊ လက္သည္းညႇပ္စတဲ့ တကိုယ္ရည္သံုးပစၥည္းမ်ားမွလည္း တစ္ဆင့္ကူးစက္ႏိုင္ပါတယ္။
ေသးငယ္တဲ့ ျပည္တည္နာေလးေတြကို အနာသက္သာေစရန္ ေရေႏြးကပ္ျခင္း၊ သဘာဝအတိုင္း ျပည္မ်ားေပါက္သြားေစျခင္းျဖင့္ အိမ္တြင္ဂ႐ုစိုက္ႏိုင္ပါတယ္။ ပမာဏႀကီးတဲ့ အနာစိမ္းေတြကိုေတာ့ ကြၽမ္းက်င္ဆရာဝန္ျဖင့္ တိုင္ပင္၍ ျပည္မ်ားေဖာက္ထုတ္ျခင္း၊ ပိုးသတ္ေဆးေသာက္ျခင္းတို႔ ျပဳလုပ္သင့္ပါတယ္။
က်န္းမာလွပေသာ ဘဝတစ္ခု ပိုင္ဆိုင္ေစရန္ ရည္ရြယ္လ်က္
ပြင့္ရည္(ေဆး၂)