သြချရလောက်သော ဗီတာမင်စီရဲ့ အာနိသင်များ
ဗီတာမင်စီဆိုတာ လူတွေအတွက်မရှိမဖြစ်လိုအပ်တဲ့ဗီတာမင်တစ်မျိုးဖြစ်ပါတယ်။ ခန္ဓာကိုယ်ကနေ ဗီတာမင်စီကိုမထုတ်လုပ်နိုင်တာကြောင့် အစားအစာမှလိုအပ်တဲ့ဗီတာမင်စီကိုယူရပါတယ်။ ဗီတာမင်စီဟာ တစ်သှူးများကိုပြုပြင်ခြင်း၊အာရုံကြောထုတ်လွှတ်မှုစနစ်တွင်ပါဝင်ခြင်း၊ခန္ဓာကိုယ်အင်ဇိုင်းများရဲ့ လုပ်ငန်းဆောင်တာများတွင်ကူညီဆောင်ရွက်ခြင်းနဲ့ ကိုယ်ခံစွမ်းအားစနစ်ကိုကောင်းမွန်စေခြင်းအပြင် ဓါတ်တိုးဆန့်ကျင်သတ္တိ(Antioxidant)အာနိသင်ရှိခြင်း အစရှိသဖြင့် လူ့ခန္ဓာကိုယ်အတွက်များစွာအထောက်အကူပေးသော ဗီတာမင်တစ်မျိုးပဲဖြစ်ပါတယ်။
ကမ္ဘာ့ကျန်းမာရေးအဖွဲ့ကြီးရဲ့ မရှိမဖြစ်ဆေးများစာရင်းတွင်ပါဝင်ပြီး ဈေးမကြီးပဲအလွယ်တကူဝယ်ယူရရှိနိုင်ပြီး လူတွေအတွက်အကျိုးပြုတဲ့ အာဟာရဓါတ်တစ်မျိုးပဲဖြစ်ပါတယ်။ ဗီတာမင်စီပေါကြွယ်ဝတဲ့ အစားအစာတွေကတော့ အချဉ်ဓါတ်များတဲ့အသီးများ(လိမ္မော်၊စတော်ဘယ်ရီ၊ကီဝီ၊မာလကာ၊ခရမ်းချဉ် စသည်)နဲ့ ငရုတ်ပွ၊သဘောၤသီး၊ပန်းဂေါ်ဖီစိမ်း စတဲ့အပင်မှရတဲ့သဘာဝအစားအစာတွေဖြစ်ပါတယ်။ ဗီတာမင်စီရဲ့ကောင်းကျိုးတွေကို အတော်များများသိပြီးဖြစ်ပေမယ့် လူသိနည်းနေသေးတဲ့အံ့သြဖွယ်ကောင်းကျိုးအချို့ကို ဗဟုသုတအနေနဲ့ ထုတ်နှုတ်ပြောပြပေးသွားမှာဖြစ်ပါတယ်။
သြချရလောက်တဲ့ ဗီတာမင်စီရဲ့ အာနိသင်တွေဟာ ဘာတွေလဲ???
လူသိနည်း အံ့အားသင့်ဖွယ် အာနိသင်လေးတွေကတော့ အောက်ဖော်ပြပါအတိုင်းပဲဖြစ်ပါတယ်…
၁။ဦးနှောက်ရဲ့ မှတ်ဉာဏ်စနစ်တွင် သက်ရောက်မှုရှိခြင်း။
သိမြင်မှတ်ဉာဏ်နဲ့သက်ဆိုင်သောရောဂါများ(Alzheimer’s disease,Dementia စသည်)ခံစားနေရတဲ့လူနာများမှာ ဗီတာမင်စီဓါတ်ဟာရှိသင့်တဲ့ပမာဏထက်လျော့နည်းနေတာကိုတွေ့ရပါတယ်။ ဒါ့အပြင် အဆိုပါရောဂါသည်များမှာ ဗီတာမင်စီအပြင် အခြားသောအာဟာရဓါတ်များ(ဗီတာမင် ဘီ၁၂၊ဗီတာမင်အီး နဲ့သံဓါတ်)ပါ လျော့နည်းမှုရှိနေတာကို လေ့လာတွေ့ရှိရပါတယ်။
၂။နှလုံးနှင့်သွေးကြောဆိုင်ရာရောဂါများတွင်သက်ရောက်မှုရှိခြင်း။
၂၀၁၃ ခုနှစ်မှာလုပ်ခဲ့တဲ့ လေ့လာစိစစ်ချက်တွေအရ ဗီတာမင်စီဟာ နှလုံးသွေးကြောကျဉ်းနဲ့ လေဖြတ်လေငန်းရောဂါတွေဖြစ်ပွားမှုကိုလျော့ချပေးတဲ့အာနိသင်ရှိတယ်ဆိုတာ အတိအကျသက်သေပြပြောကြားလို့မရဘူးလို့ဆိုပါတယ်။ ဒါပေမယ့်လည်း ဒုတိယထွက်ရှိလာတဲ့စာတမ်းမှာတော့ လေဖြတ်လေငန်းရောဂါသည်တွေမှာ ဗီတာမင်စီဓါတ်ချို့တဲ့ခြင်းပါတွဲယှက်နေတာကိုတော့ တွေ့ရှိရပါတယ်တဲ့။ ဗီတာမင်စီဟာ သွေးကြောအတွင်းဆုံးအလွှာရဲ့ ကျန်းမာသန်စွမ်းမှုနဲ့ လုပ်ငန်းဆောင်တာတွေကိုကောင်းမွန်စေတာကြောင့် တစ်ရက်ကိုဗီတာမင်စီ ၅၀၀ မီလီဂရမ်အထက်သောက်သုံးပေးခြင်းဖြင့် နှလုံးနဲ့လေငန်းရောဂါတွေအပေါ်မှာ ထိရောက်မှုရှိနိုင်မယ်လို့ ထင်ရှားတဲ့သက်သေမပြနိုင်ပေမယ့်လဲ ဆေးပညာရှင်အချို့က ယုံကြည်နေကြပါတယ်။
၃။ကင်ဆာရောဂါတွေကိုပါ သက်သာစေနိုင်မလား???
အချို့တွေယူဆကြ ကြားဖူးကြသလို ဗီတာမင်စီဟာကင်ဆာကို သက်သာ/ပျောက်ကင်း/ဖြစ်ပွားမှုနှုန်းလျော့ကျတယ်ဆိုတာအတွက်တော့ အတည်ပြုထားတဲ့စာတမ်းတစ်စုံတစ်ရာမတွေ့ရှိရသေးပါဘူး။ လူတစ်ချို့ပြောသလို ကင်ဆာကိုမနိုင်ပေမယ့်လဲ ကင်ဆာဆေးသွင်း၊ဓါတ်ကင်တာတွေကြောင့်ဖြစ်တဲ့နောက်ဆက်တွဲပြဿနာတွေကို သက်သာပျောက်ကင်းတယ်ဆိုတာလဲပဲ ယခုအချိန်ထိတော့ မှန်ကန်ကြောင်းသက်သေမပြနိုင်သေးပါဘူး။ သီအိုရီအရဆက်စပ်တွေးတောလို့ရကောင်းရနိုင်ပေမယ့် လက်တွေ့မှာတိကျသေချာတဲ့အထောက်အထားတစ်စုံတစ်ရာမပြနိုင်သေးတာကြောင့် ဗီတာမင်စီဟာ ကင်ဆာရောဂါများကို ကုသနိုင်/သက်သာနိုင်/ကာကွယ်နိုင်တယ်ဆိုတာဟာလဲ မှန်ကန်တယ်လို့အတည်မပြုနိုင်သေးပဲ ကင်ဆာရောဂါတစ်ခုခုခံစားရပါက ကင်ဆာအထူးကုနှင့်ပြသ၍ ကုသမှုခံယူရန်သာနံပါတ်တစ်အရေးအကြီးဆုံးဖြစ်ကြောင်းဖြည့်စွက်ပြောကြားလိုပါတယ်။
၄။ဗီတာမင်စီဟာ ရာသီတုပ်ကွေးအပေါ်မှာ သက်ရောက်မှုရှိခြင်း။
တုပ်ကွေးရောဂါကို ကာကွယ်ခြင်း၊ရောဂါပြင်းထန်မှုကိုလျော့နည်းစေခြင်း နဲ့ ရောဂါခံစားရမှုအချိန်ကာလကိုတိုစေခြင်းစတဲ့အပိုင်း(၃)ပိုင်းခွဲပြီး သုတေသနလုပ်ခဲ့ကြ/လုပ်နေကြဆဲဖြစ်ပါတယ်။ အချို့သုတေသနစာတမ်းတွေအရ ဗီတာမင်စီဟာတုပ်ကွေးရောဂါကိုမကာကွယ်နိုင်သော်လည်းပဲ ကိုယ်ခံစွမ်းအားကိုမြင့်တက်စေခြင်းကြောင့် ရောဂါပြင်းထန်မှုကိုလျော့ကျစေခြင်းနဲ့ နာလန်ထမြန်ခြင်းကိုတော့ အားပေးတယ်ဆိုပါတယ်။
၅။Scurvy ရောဂါကို ကုသနိုင်ခြင်း။
ဗီတာမင်စီချို့တဲ့ခြင်းဟာ Scurvy ဆိုတဲ့ရောဂါတစ်မျိုးကိုဖြစ်စေပါတယ်။ အခုခေတ်မှာ လူတွေရဲ့အသိဉာဏ်ဗဟုသုတမြင့်မားလာခြင်း၊ကျန်းမာရေးစောင့်ရှောက်မှုတိုးတက်လာခြင်းကြောင့် ထိုရောဂါဟာမတွေ့ရသလောက်ရှားပါးသွားပေမယ့် လွန်လေပြီးသောခေတ်များဆီက ဤရောဂါဖြင့်အသက်သေဆုံးခဲ့ကြသူမနည်းပဲ လူတွေကိုခြောက်လှန့်ခဲ့တဲ့ ရောဂါဆိုးကြီးဖြစ်ခဲ့ဖူးပါတယ်။ ရောဂါလက္ခဏာတွေအနေနဲ့ ပင်ပန်းနွမ်းနယ်ခြင်း၊အားအင်ကုန်ခမ်းခြင်း၊မောပန်းခြင်း၊အရိုးများကိုက်ခဲခြင်း၊အနာကျက်ရန်ကြာခြင်း၊သွားဖုံးသွေးယိုခြင်းစတာတွေအပြင် ဖျားခြင်း၊တက်ခြင်းသာမက အသက်သေဆုံးခြင်းအထိပါဖြစ်စေနိုင်ပါတယ်။
၎င်းရောဂါဖြစ်ပါက ဗီတာမင်စီ စားဆေး/ထိုးဆေးများဖြင့် ကုသပျောက်ကင်းနိုင်မှာဖြစ်ပါတယ်။
ဒီလောက်ဆို လူသိနည်းသေးတဲ့ဗီတာမင်စီရဲ့ သြချရဖွယ်အကျိုးကျေးဇူးအချို့ကို ဗဟုသုတအနေနဲ့သိလောက်ပြီထင်ပါတယ်။
အားလုံးပဲ ကျန်းမာချမ်းသာကြပါစေကြောင်း ဆုမွန်တောင်းလျက်။
dr.ye’lwin mm
ၾသခ်ရေလာက္ေသာ ဗီတာမင္စီရဲ႕ အာနိသင္မ်ား
ဗီတာမင္စီဆိုတာ လူေတြအတြက္မရွိမျဖစ္လိုအပ္တဲ့ဗီတာမင္တစ္မ်ဳိးျဖစ္ပါတယ္။ ခႏၶာကိုယ္ကေန ဗီတာမင္စီကိုမထုတ္လုပ္ႏိုင္တာေၾကာင့္ အစားအစာမွလိုအပ္တဲ့ဗီတာမင္စီကိုယူရပါတယ္။ ဗီတာမင္စီဟာ တစ္သွဴးမ်ားကိုျပဳျပင္ျခင္း၊အာရံုေၾကာထုတ္လႊတ္မွဳစနစ္တြင္ပါဝင္ျခင္း၊ခႏၶာကိုယ္အင္ဇိုင္းမ်ားရဲ႕ လုပ္ငန္းေဆာင္တာမ်ားတြင္ကူညီေဆာင္ရြက္ျခင္းနဲ႕ ကိုယ္ခံစြမ္းအားစနစ္ကိုေကာင္းမြန္ေစျခင္းအျပင္ ဓါတ္တိုးဆန္႕က်င္သတၱိ(Antioxidant)အာနိသင္ရွိျခင္း အစရွိသျဖင့္ လူ႕ခႏၶာကိုယ္အတြက္မ်ားစြာအေထာက္အကူေပးေသာ ဗီတာမင္တစ္မ်ဳိးပဲျဖစ္ပါတယ္။
ကမ႓ာ့က်န္းမာေရးအဖြဲ႕ႀကီးရဲ႕ မရွိမျဖစ္ေဆးမ်ားစာရင္းတြင္ပါဝင္ၿပီး ေစ်းမႀကီးပဲအလြယ္တကူဝယ္ယူရရွိႏိုင္ၿပီး လူေတြအတြက္အက်ဳိးျပဳတဲ့ အာဟာရဓါတ္တစ္မ်ိဳးပဲျဖစ္ပါတယ္။ ဗီတာမင္စီေပါႂကြယ္ဝတဲ့ အစားအစာေတြကေတာ့ အခ်ဥ္ဓါတ္မ်ားတဲ့အသီးမ်ား(လိေမၼာ္၊စေတာ္ဘယ္ရီ၊ကီဝီ၊မာလကာ၊ခရမ္းခ်ဥ္ စသည္)နဲ႕ င႐ုတ္ပြ၊သေဘာၤသီး၊ပန္းေဂၚဖီစိမ္း စတဲ့အပင္မွရတဲ့သဘာဝအစားအစာေတြျဖစ္ပါတယ္။ ဗီတာမင္စီရဲ႕ေကာင္းက်ဳိးေတြကို အေတာ္မ်ားမ်ားသိၿပီးျဖစ္ေပမယ့္ လူသိနည္းေနေသးတဲ့အံ့ၾသဖြယ္ေကာင္းက်ဳိးအခ်ဳိ႕ကို ဗဟုသုတအေနနဲ႕ ထုတ္ႏွဳတ္ေျပာျပေပးသြားမွာျဖစ္ပါတယ္။
ၾသခ်ရေလာက္တဲ့ ဗီတာမင္စီရဲ႕ အာနိသင္ေတြဟာ ဘာေတြလဲ???
လူသိနည္း အံ့အားသင့္ဖြယ္ အာနိသင္ေလးေတြကေတာ့ ေအာက္ေဖာ္ျပပါအတိုင္းပဲျဖစ္ပါတယ္…
၁။ဦးေႏွာက္ရဲ႕ မွတ္ဉာဏ္စနစ္တြင္ သက္ေရာက္မွဳရွိျခင္း။
သိျမင္မွတ္ဉာဏ္နဲ႕သက္ဆိုင္ေသာေရာဂါမ်ား(Alzheimer’s disease,Dementia စသည္)ခံစားေနရတဲ့လူနာမ်ားမွာ ဗီတာမင္စီဓါတ္ဟာရွိသင့္တဲ့ပမာဏထက္ေလ်ာ့နည္းေနတာကိုေတြ႕ရပါတယ္။ ဒါ့အျပင္ အဆိုပါေရာဂါသည္မ်ားမွာ ဗီတာမင္စီအျပင္ အျခားေသာအာဟာရဓါတ္မ်ား(ဗီတာမင္ ဘီ၁၂၊ဗီတာမင္အီး နဲ႕သံဓါတ္)ပါ ေလ်ာ့နည္းမွဳရွိေနတာကို ေလ့လာေတြ႕ရွိရပါတယ္။
၂။ႏွလံုးႏွင့္ေသြးေၾကာဆိုင္ရာေရာဂါမ်ားတြင္သက္ေရာက္မွဳရွိျခင္း။
၂၀၁၃ ခုႏွစ္မွာလုပ္ခဲ့တဲ့ ေလ့လာစိစစ္ခ်က္ေတြအရ ဗီတာမင္စီဟာ ႏွလံုးေသြးေၾကာက်ဥ္းနဲ႕ ေလျဖတ္ေလငန္းေရာဂါေတြျဖစ္ပြားမွဳကိုေလ်ာ့ခ်ေပးတဲ့အာနိသင္ရွိတယ္ဆိုတာ အတိအက်သက္ေသျပေျပာၾကားလို႕မရဘူးလို႕ဆိုပါတယ္။ ဒါေပမယ့္လည္း ဒုတိယထြက္ရွိလာတဲ့စာတမ္းမွာေတာ့ ေလျဖတ္ေလငန္းေရာဂါသည္ေတြမွာ ဗီတာမင္စီဓါတ္ခ်ဳိ႕တဲ့ျခင္းပါတြဲယွက္ေနတာကိုေတာ့ ေတြ႕ရွိရပါတယ္တဲ႕။ ဗီတာမင္စီဟာ ေသြးေၾကာအတြင္းဆံုးအလႊာရဲ႕ က်န္းမာသန္စြမ္းမွဳနဲ႕ လုပ္ငန္းေဆာင္တာေတြကိုေကာင္းမြန္ေစတာေၾကာင့္ တစ္ရက္ကိုဗီတာမင္စီ ၅၀၀ မီလီဂရမ္အထက္ေသာက္သံုးေပးျခင္းျဖင့္ ႏွလံုးနဲ႕ေလငန္းေရာဂါေတြအေပၚမွာ ထိေရာက္မွဳရွိႏိုင္မယ္လို႕ ထင္ရွားတဲ့သက္ေသမျပႏိုင္ေပမယ့္လဲ ေဆးပညာရွင္အခ်ဳိ႕က ယံုၾကည္ေနၾကပါတယ္။
၃။ကင္ဆာေရာဂါေတြကိုပါ သက္သာေစႏိုင္မလား???
အခ်ဳိ႕ေတြယူဆၾက ၾကားဖူးၾကသလို ဗီတာမင္စီဟာကင္ဆာကို သက္သာ/ေပ်ာက္ကင္း/ျဖစ္ပြားမွဳႏွဳန္းေလ်ာ့က်တယ္ဆိုတာအတြက္ေတာ့ အတည္ျပဳထားတဲ့စာတမ္းတစ္စံုတစ္ရာမေတြ႕ရွိရေသးပါဘူး။ လူတစ္ခ်ဳိ႕ေျပာသလို ကင္ဆာကိုမႏိုင္ေပမယ့္လဲ ကင္ဆာေဆးသြင္း၊ဓါတ္ကင္တာေတြေၾကာင့္ျဖစ္တဲ့ေနာက္ဆက္တြဲျပႆနာေတြကို သက္သာေပ်ာက္ကင္းတယ္ဆိုတာလဲပဲ ယခုအခ်ိန္ထိေတာ့ မွန္ကန္ေၾကာင္းသက္ေသမျပႏိုင္ေသးပါဘူး။ သီအိုရီအရဆက္စပ္ေတြးေတာလို႕ရေကာင္းရႏိုင္ေပမယ့္ လက္ေတြ႕မွာတိက်ေသခ်ာတဲ့အေထာက္အထားတစ္စံုတစ္ရာမျပႏိုင္ေသးတာေၾကာင့္ ဗီတာမင္စီဟာ ကင္ဆာေရာဂါမ်ားကို ကုသႏိုင္/သက္သာႏိုင္/ကာကြယ္ႏိုင္တယ္ဆိုတာဟာလဲ မွန္ကန္တယ္လို႕အတည္မျပဳႏိုင္ေသးပဲ ကင္ဆာေရာဂါတစ္ခုခုခံစားရပါက ကင္ဆာအထူးကုႏွင့္ျပသ၍ ကုသမွဳခံယူရန္သာနံပါတ္တစ္အေရးအႀကီးဆံုးျဖစ္ေၾကာင္းျဖည့္စြက္ေျပာၾကားလိုပါတယ္။
၄။ဗီတာမင္စီဟာ ရာသီတုပ္ေကြးအေပၚမွာ သက္ေရာက္မွဳရွိျခင္း။
တုပ္ေကြးေရာဂါကို ကာကြယ္ျခင္း၊ေရာဂါျပင္းထန္မွဳကိုေလ်ာ့နည္းေစျခင္း နဲ႕ ေရာဂါခံစားရမွဳအခ်ိန္ကာလကိုတိုေစျခင္းစတဲ့အပိုင္း(၃)ပိုင္းခြဲၿပီး သုေတသနလုပ္ခဲ့ၾက/လုပ္ေနၾကဆဲျဖစ္ပါတယ္။ အခ်ဳိ႕သုေတသနစာတမ္းေတြအရ ဗီတာမင္စီဟာတုပ္ေကြးေရာဂါကိုမကာကြယ္ႏိုင္ေသာ္လည္းပဲ ကိုယ္ခံစြမ္းအားကိုျမင့္တက္ေစျခင္းေၾကာင့္ ေရာဂါျပင္းထန္မွဳကိုေလ်ာ့က်ေစျခင္းနဲ႕ နာလန္ထျမန္ျခင္းကိုေတာ့ အားေပးတယ္ဆိုပါတယ္။
၅။Scurvy ေရာဂါကို ကုသႏိုင္ျခင္း။
ဗီတာမင္စီခ်ဳိ႕တဲ့ျခင္းဟာ Scurvy ဆိုတဲ့ေရာဂါတစ္မ်ဳိးကိုျဖစ္ေစပါတယ္။ အခုေခတ္မွာ လူေတြရဲ႕အသိဉာဏ္ဗဟုသုတျမင့္မားလာျခင္း၊က်န္းမာေရးေစာင့္ေရွာက္မႈတိုးတက္လာျခင္းေၾကာင့္ ထိုေရာဂါဟာမေတြ႕ရသေလာက္ရွားပါးသြားေပမယ့္ လြန္ေလၿပီးေသာေခတ္မ်ားဆီက ဤေရာဂါျဖင့္အသက္ေသဆံုးခဲ့ၾကသူမနည္းပဲ လူေတြကိုေျခာက္လွန႔္ခဲ့တဲ့ ေရာဂါဆိုးႀကီးျဖစ္ခဲ့ဖူးပါတယ္။ ေရာဂါလကၡဏာေတြအေနနဲ႕ ပင္ပန္းႏြမ္းနယ္ျခင္း၊အားအင္ကုန္ခမ္းျခင္း၊ေမာပန္းျခင္း၊အ႐ိုးမ်ားကိုက္ခဲျခင္း၊အနာက်က္ရန္ၾကာျခင္း၊သြားဖံုးေသြးယိုျခင္းစတာေတြအျပင္ ဖ်ားျခင္း၊တက္ျခင္းသာမက အသက္ေသဆံုးျခင္းအထိပါျဖစ္ေစႏိုင္ပါတယ္။
၎ေရာဂါျဖစ္ပါက ဗီတာမင္စီ စားေဆး/ထိုးေဆးမ်ားျဖင့္ ကုသေပ်ာက္ကင္းႏိုင္မွာျဖစ္ပါတယ္။
ဒီေလာက္ဆို လူသိနည္းေသးတဲ့ဗီတာမင္စီရဲ႕ ၾသခ်ရဖြယ္အက်ဳိးေက်းဇူးအခ်ိဳ႕ကို ဗဟုသုတအေနနဲ႕သိေလာက္ၿပီထင္ပါတယ္။
အားလံုးပဲ က်န္းမာခ်မ္းသာၾကပါေစေၾကာင္း ဆုမြန္ေတာင္းလ်က္။
dr.ye’lwin mm