အကင်တွေအစားများခြင်းရဲ့နောက်ဆက်တွဲအန္တရာယ်..

အကင်တွေအစားများခြင်းရဲ့နောက်ဆက်တွဲအန္တရာယ်..

ယခုလို တိုးတက်ပြောင်းလဲလာတဲ့ခေတ်ကြီးမှာ လူတွေစားသုံးဖို့ အစားအစာတွေ၊ ဆိုင်တွေဟာလည်း မှိုလိုပေါက်များပြားလာပါတယ်။ အနံ့တမွှေးမွှေးနဲ့ ဆွဲဆောင်နေတဲ့ BBQ ဆိုင်တွေ၊ လမ်းဘေးအကင်ဆိုင်တွေလည်း များစွာရှိလာခဲ့တယ်။ ဒီလို အကင်တွေဟာ စားသုံးလို့ တော်တော်အရသာရှိတာမှန်ပေမယ့် ဒီအကင်တွေကနေ ရမယ့် အူမကြီးကင်ဆာအန္တရာယ်ကိုတော့ လူတွေက သတိမထား မိကြပါဘူး။

️♀️ အကင်တွေစားသုံးတာအပြင် အူမကြီးကင်ဆာဟာ ဘာတွေနဲ့ဆက်စပ်နေလဲဆိုရင်…
♒ အူမကြီးကင်ဆာမျိုးရိုးရှိတာ
♒ နာတာရှည်အူရောင်ရောဂါရှိတာ
♒ Gene ပုံမှန်မဟုတ်တဲ့ပြဿနာတွေရှိနေတာ
♒ အူမကြီးမှာ polyp အလုံးတွေရှိနေတာ
♒ Fiber စားတာနည်းပြီး အဆီတွေစားတာများတာ
♒ အရက်အလွန်အကျွံသောက်တာ၊ ဆေးလိပ်သောက်တာ
♒ ကိုယ်လက်လှုပ်ရှားမှုနည်းတာ
♒ ဆီးချိုရောဂါရှိတာ၊ အဝလွန်တာ
♒ တခြားကင်ဆာရောဂါကိုကုသဖို့အတွက် ဓာတ်ရောင်ခြည်ကုထုံးခံယူဖူးတာ တွေနဲ့လည်းဆက်စပ်နေတတ်ပါတယ်။

ဒီအူမကြီးကင်ဆာဟာ အသက်ကြီးတဲ့သူတွေမှာဖြစ်တာများတတ်ပေမယ့် အသက်အရွယ်
မရွေးလည်းဖြစ်တတ်ပါတယ်။ တော်တော်များများက စစချင်းမှာ ရောဂါလက္ခဏာသိပ်မပြတတ်ပါဘူး။ ဒါပေမယ့်ရောဂါလက္ခဏာပြပြီဆိုရင်တော့….
♒ ဝမ်းချုပ်လိုက်၊ ဝမ်းပျော့ဆေးသောက်လိုက်တဲ့အခါ ဝမ်းသွားလိုက် စတာတွေဖြစ်လာတာ
♒ တဖြည်းဖြည်းနဲ့ဝမ်းပျော့ဆေးသောက်ရတဲ့ dose ဟာများများလာတာ
♒ ဝမ်းထဲသွေးပါတာ
♒ ဝမ်းသွားပြီးရင်ဝမ်းကျန်နေသလို ခံစားရတာ
♒ ဗိုက်အောင့်သလို လေခံနေသလိုခံစားရတာ
♒ သိသိသာသာ ကိုယ်အလေးချိန်ကျဆင်းလာတာ
♒ အားနည်းနုံးချိနေတာ စတဲ့လက္ခဏာတွေဖြစ်လာတတ်ပါတယ်။

တကယ်လို့ သင့်မှာ ဒီအူမကြီးကင်ဆာလက္ခဏာတွေဖြစ်ပေါ်နေပြီဆိုရင်တော့ အူလမ်းကြောင်းမှန်ပြောင်းကြည့်ရတာ၊ အူမကြီးကင်ဆာရဲ့ အဆင့်ဘယ်လောက်ရောက်နေပြီလဲဆိုတာသိနိုင်ဖို့ Utrasound/ CT စတာတွေပါပြုလုပ်လာရနိုင်ပါတယ်။

ကုသနည်းအနေနဲ့ကတော့….
ခွဲစိတ်တာ
ဓာတ်ရောင်ခြည်ကုထုံးခံယူတာ
Chemo ဆေးသွင်းတာ စတဲ့ကုသနည်းတွေရှိပါတယ်။

ဒေါက်တာလရိပ်