negative personality 2

သင်ဟာ အဆိုးမြင်ဝါဒီ (Negative Personality) တစ်ယောက်ဖြစ်နေပြီလား
အဆိုးမြင်ဝါဒီ ( Negative Trait) များတဲ့သူတွေကို ပတ်ဝန်းကျင်မှာတော့ “ အော် ဒီလူက negative sense များတယ်၊ လူ့ဂွစာလို့ေ သတ်မှတ်ထားကြပေမယ့် ရေရှည်မှာတော့ ဒီအဆိုးမြင်ဝါ ဒီကို ကြာရှည် မွေးထားရင် ပင်ကိုယ်ဗီဇ personality မှာပါ ပျက်ယွင်းလာနိုင်တဲ့ အခြေအေ နတွေ ကြုံလာရနိုင်ပါတယ်။ ဒီလိုပျက်ယွင်းလာရင်တော့ ကိုယ်ကိုယ်တိုင်ဟာ ပတ်ဝန်းကျင်ကို အဆိပ်အတောက် ဖြစ်စေနိုင်ပြီး လူ့အသိုင်းအဝိုင်းထဲက အကျင်ခံလိုက်ရတာမျိုး ဖြစ်လာနိုင်ပါတယ်။ ဒါကြောင့် အခုဆက်လက်ပြီးကျွန်တော် ပြောပြချင်တာကတော့ လုပ်ငန်းခွင်မှာ အလုပ်လုပ်တဲ့အခါ၊ သူငယ်ချင်းတွေထဲမှာ၊ ချစ်သူရည်းစားတွေမှာ ကြုံတွေ့ရနိုင်သလို မိမိကိုယ်တိုင်မှာလဲ ရှိနေနိုင်တဲ့ အဆိုးမြင်မှုပုံစံ ကွဲလေးတွေကို ပြောပြချင်ပါတယ်။

(၁) Egocentric
နားလည်လွယ်အောင်ပြောမယ်ဆိုရင်တော့ တစ်ကိုယ်ကောင်းဆန်ခြင်းဆိုတာနဲ့ နီးစပ်ပါတယ်။ အဲ့ဒီလို လူမျိုးတွေဟာ အလုပ်မှာဆိုလဲ ဆုံးဖြတ်ချက်တွေ၊ လုပ်ဆောင်မှုတွေက အများအတွက်ဆိုတာထက် မိမိကိုယ်ကိုယ်ပိုမိုထင်ပေါ်စေမယ့် အရာတွေ၊ အထင်ကြီးစေမယ့် အရာမျိုးတွေကို ရွေးလုပ်တာများတယ်။အလွယ်မြင်အောင်ပြောရမယ်ဆိုရင် Egocentric လူမျိုးတွေဟာ မိသားစုဝင်အချင်းချင်း မောင်နှမ အချင်းချင်းမှာတောင် ကိုယ်က ပိုမို တန်ဖိုးရှိတဲ့သူ၊ မိဘတွေရဲ့ အချစ်ကို ရဖို့ ထိုက်တန်တဲ့သူပုံစံမျိုး ထုတ်ဖော် ပြောကြားလေ့ရှိပါတယ်။ သူများအပေါ်စဉ်းစားပေးတတ်တာထက် ကိုယ့်ကိုယ်ကိုပဲ ဗဟိုပြုပြီး ဆုံးဖြတ်တာများတဲ့အတွက် ချစ်သူရည်းစားအနေနဲ့ ပတ်သတ်မိရင်တော့ စိတ်ချမ်းသာစရာကောင်းမှာ မဟုတ်တာ သေချာပါတယ်။

(၂) Pessimistic
ဒီလိုလူမျိုးကျတော့ တလောကလုံးက ခင်မို့မို့အေး သူတစ်ယောက်ထဲ ပန်းနုသွေး၊ တလောကလုံးက သူ့ကို မကောင်းမြင်နေကြတယ်၊ သူ့ကို ပျက်စီးရာ ပျက်စီးကြောင်းဖြစ်ဖို့အတွက် ကြံစည်နေကြတယ် ဆိုပြီး အမြဲတမ်းလိုလိုတွေးနေတတ်သလို ပတ်ဝန်းကျင်ကလူတွေက သူကို မကောင်းကြံနေကြောင်းကိုလည်း မရမက သက်သေလုပ်ပြီး ပြောတတ်ကြပါတယ်။ ဒီလိုပုံစံနဲ့ သူတို့ဟာ သူတို့ကိုယ်ကိုယ်ရော ပတ်ဝန်းကျင်ကိုပါ စိတ်ရှုပ်စေတတ်တာဖြစ်ပါတယ်။ အလုပ်ထဲမှာဆိုရင်တော့ ဘာအလုပ်မှသိပ်မဖြစ်ပဲ စကားချင်းပဲ ပွစိပွွစိ ထိုင်များနေမယ့် သူမျိုးနဲ့ ဆင်တူနိုင်ပါတယ်။

(၃) Needing to be right
ဒီပုံစံက အခုလိုနိုင်ငံရေးမငြိမ်မသက်တဲ့ ကာလမှာ အတော်လေးသိသာပါတယ်။ လူတစ်ယောက်ကို အပြစ်ချည်း သပ်သပ်ထိုင်မြင်နေတာမျိုးပါ။ ဒီလိုလူတွေဟာ အထူးသဖြင့် သူများတွေ ဝိုင်းပြီးကြိုက်နှစ်သက်တဲ့အရာဆိုရင် ပိုပြီးသူ့အနေနဲ့ ခံရခက်တယ်။ ဥပမာ KFC ကြက်ကြော်က အရမ်းကောင်းတယ်လို့ ဝိုင်းချီးကျူးနေရင် သူတို့အနေနဲ့ မခံနိုင်ဘူး။ သူတို့အရင်သွားစားကြည့်တယ်၊ ကောင်းတဲ့ အချက်တွေအကုန်လုံးလျစ်လျူရှုပြီး ဟာကွက်လိုက်ရှာပြီး အပြစ်မြင်ပြီး ဆိုးဆိုးရွားရွား ပြောတတ်သူမျိုးပါ။ လူတွေအားလုံးကကောင်းပါတယ်လို့ ပြောနေရင်တောင်မှ သူ့ရဲ့ကန့်လန့်တိုက်ချင်တဲ့ စိတ်ကို ထိန်းချုပ်မရတဲ့ ပုံစံပါ။ ဒီလိုအမူအရာတွေဟာ သူတို့ကိုယ်တိုင် အများပတ်ဝန်းကျင်က ချီးကျူးဂုဏ်ပြုခြင်း၊ အများကြိုက်နှစ်သက်ခြင်းကို မခံရတဲ့ သူတွေမှာအတော်လေး အဖြစ်များပါတယ်။ သူတို့ကိုယ်တိုင် ချီးကျူးမခံရတဲ့အခါ အများက တစ်စုံတစ်ယောက်ကို ဖြစ်စေ၊ လူအုပ်စု တစ်ခုကိုဖြစ်စေ ချီးကျူးအားကိုးနေတာကို မသိစိတ်က Jealous ဖြစ်တဲ့ ပုံစံပါ။ ဒီလိုလူမျိုးတွေရဲ့ နောက်ခံသမိုင်းကိုလေ့လာကြည့်တဲ့အခါမှာ အများစုဟာ broken family/ problem child တွေအဖြစ် ကြီးပြင်းလာခဲ့ သူတွေ ဖြစ်ကြောင်းတွေ့ရပါတယ်။
(To be continue)
Dr.Zaw Htet Aung

MyDoctor Telemedicine Application
Related posts
All ArticlesCovid - 19ကူးစက်တတ်သောရောဂါများအထွေထွေရောဂါများ

Rainy season and COVID19

1 Mins read
မိုးရာသီနဲ့COVID19 မိုးရာသီက Covid19 ကူးစက်ဖို့ရာ လွယ်ကူနိုင်လားဆိုတာကတော့ ပညာရှင်တေ ွစူးစမ်းအဖြေရှာနေ ဆဲဖြစ်ပါတယ် တချို့သုတေသနပြုသူတွေကတော့ စိုထိုင်းစ မြင့်မားတဲ့ရေငွေ့အခြေအနေက ကိုရိုနာဗိုင်းရပ်စ်ပိုးပြန့်နှံ့မှုကိုနှေးကွေးစေတယ်လို့ဆိုကြပေမယ့်လည်း တချို့သော သုတေသနပြုသူတွေကတော့ အခန်းတွင်းအပူချိန်နိမ့်ကျပြီး စိုထိုင်းစမြင့်မားတဲ့အခြေအနေက ဗိုင်းရပ်စ်ပိုး ပျံ့နှ့ံမှုကို ပိုပြီးဖြစ်ပေါ်aစေတယ်လို့ဆိုပါတယ်။ အဲ့ဒီလိုအခြေအနေကနေ ကမ္ဘာ အနှံ့ပြန့်ပွားဖို့ရာလွယ်ကူနိုင်တယ်လို့လည်းအကြံပြုကြပါတယ်…
All Articlesဖိုးဖိုးဖွားဖွား ကျန်းမာရေး

Monsoon season and elderly

1 Mins read
ဘိုးဘိုးဘွားဘွားတို့နဲ့ မုတ်သုံရာသီ မိုးဦးကျကာလရောက်လာခြင်းနဲ့အတူ ဘိုးဘွားမိဘသက်ကြီးရွယ်အိုတွေကိုစောင့်ရှောက်ကူညီဖို့ရာ ပိုပြီးလိုအပ်ကြမှာပါ။ ဒီကာလမှာ ရာသီတုပ်ကွေး၊ ရင်ကြပ်ရောဂါ၊ ဆင်တုပ်ကွေးစတဲ့ ရောဂါဘယများအပြင် ခြေလက်ကိုက်ခဲတာ၊ ဝမ်းလျောတာ၊ အိပ်ချိန်မမှန်တာမျိုးတွေဖြစ်ပေါ်နိုင်ပါတယ်။ ရာသီဥတူအပြောင်းအလဲက ကျန်းမာရေးဆိုင်ရာအပြောင်းအလဲတွေကိုဖြစ်လာနိုင်တာမို့ မဖြစ်ခင်ကကြိုတင်ကာကွယ်နိုင်ဖို့အတွက် ဘိုးဘွားမိဘတွေအတွက်ကျန်းမာရေးနဲ့ပတ်သက်တဲ့ လုပ်ဆောင်သင့်တဲ့(၇)ချက်ကို ပြောပြပေးချင်ပါတယ် ၁။ ပူနွေးသောအစားအစာနှင့်ရေများကို စားသောက်ပေးပါ…
All Articlesစိတ်ကျန်းမာရေးအထွေထွေရောဂါများ

Humans that poison the environment part (2)

1 Mins read
လူမှုအသိုင်းအဝိုင်းကို အဆိပ်အတောက်ဖြစ်စေသော လူစားများ (1)       Narcissistic သူများတွေကို blame ဖို့ သီးသန့် မွေးဖွားလာတဲ့ပုံစံဖြစ်ပါတယ်။ ပတ်ဝန်းကျင်က ဘယ်လောက်ပဲ ဝိုင်းပြောနေပါစေ၊ သူကဘယ်တော့မှ မမှားဘူး။ သူနဲ့ ဖြစ်တဲ့သူရဲ့ အမှားသာဖြစ်တယ်။ Narcissistic type တွေဟာ သူတို့ရဲ့…

Leave a Reply

Your email address will not be published. Required fields are marked *