Appetite in Elderly

ဘိုးဘိုးဘွားဘွားများနှင့် အစားမစားချင်သောပြဿနာ

ဘိုးဘိုးဘွားဘွားတွေဟာ အသက်ကြီးလာတာနှင့်အမျှ အစားနည်းလာတတ်ကြပါတယ်။ ဒါရဲ့နောက်ဆက်တွဲဟာ အာဟာရချို့တဲ့ခြင်းဖြစ်စေပါတယ်။

အများအားဖြင့် အသားဓာတ်ချို့တဲ့ပြီး ကိုယ်အလေးချိန်ကျလာတာ သို့မဟုတ် ဗီတာမင်ဓာတ်တွေချို့တဲ့တာတွေ အတွေ့များတတ်ပါတယ်။

ဒီအစားမစားချင်တာဟာ

၁) ရုပ်ပိုင်းဆိုင်ရာ သဘာဝ ခန္တာကိုယ်ပြောင်းလဲမှုအရ အသက်ကြီးလာတာနဲ့ ပျက်စီးယိုယွင်းလာတဲ့အထဲမှာ လျှာပေါ်က အရသာခံ အဖုလေးတွေလည်းပါပါတယ်။ ဒီအရသာခံဖုလေးတွေက အရင်လို ချိုချဉ်ဖန်ခါးကို ထိထိမိမိ သိအောင်မလုပ်ပေးနိုင်တော့ပါဘူး။ ဒါ့အပြင် သွားလေးတွေက ယိုင်နဲ့လာတဲ့အခါ အစားအစာကို ကျေညက်အောင်မဝါးနိုင်တော့ဘဲ အစာမကြေခြင်း။ အများကြီးမစားနိုင်ခြင်းကိုဖြစ်စေပါတယ်။

၂) စိတ်ပိုင်းဆိုင်ရာ စိတ်ဓာတ်ကျခြင်းကြောင့် ဘိုးဘိုးဘွားဘွားတို့မှာ အများအားဖြင့် စိတ်အလိုမကျ စိတ်ဓာတ်ကျခြင်းကို ခံစားရတတ်ပါတယ်။ ဒီလိုဖြစ်တဲ့အခါ အစားစားခြင်စိတ်က အလိုလို နည်းသွားစေပါတယ်။

၃) သောက်သုံးနေသောဆေးဝါးများကြောင့် ဖြစ်နိုင်ပါတယ်။ ဆီးချိုဆေး အချို့နှင့် နှလုံးဆေးအချို့က ပါးစပ်ပျက်စေတဲ့ အာနိသင်နည်းနည်းရှိတတ်ပါတယ်။ ရောဂါလိုအပ်ချက်အရ ဆေးသောက်ရတဲ့အခါ အစားပါနည်းလာတတ်ပါတယ်။

အစားနည်းလာတဲ့ ဘိုးဘိုးဘွားဘွားတွေကိုဘယ်လိုကူညီပေးနိုင်မလဲ?

ဘိုးဘိုးဘွားဘွားတွေရေရှည်ခံတွင်းပျက်မယ် အစားနည်းမယ်ဆိုရင် မကောင်းပါဘူး။ ဒီလိုဖြစ်နေတယ်ဆိုရင် နီးစပ်ရာ မိသားစုဆရာဝန်နဲ့တိုင်ပင်ဆွေးနွေးပါ။ သောက်နေတဲ့ဆေးတွေကို ပြကြည့်ပါ။ ကျွေးတဲ့အချိန်မှာ အာဟာရပြည့်ဝစေဖို့ ဂရုစိုက်ပေးပါ။

အရည်ရွှမ်းတဲ့အသီးအနှံကို ဖျော်ရည်ဖျော်တိုက်ပေးပါ။ ဗီတာမင် ကြွယ်ဝစွာပါတဲ့အပြင် ဝမ်းမှန်စေမှာပါ။

အသားဓာတ်ကို ပါအောင်ကျွေးပေးပါ။

ကြက်သား၊ အမဲသားစသည်တို့သွားမကောင်း၍ မဝါးနိုင်လျှင် ကြက်ဥ၊ ပဲအမျိုးမျိုး၊ငါးတို့ ကျွေးပေးန်ုင်ပါတယ်။

Vitamin D , Calcium ပါဝင်စေရန်သတ်ပြုပေးပါ။

အသက်ကြီးလာတာနဲ့အမျှ အရိုးပါးခြင်းမဖြစ်စေရန် Calcium ဓာတ်ကြွယ်ဝသော နွားနို့ ၊ ကြက်ဥ တို့ကျွေးပေးနိုင်သလို Vitaminအားဆေးလည်းတိုက်ပေးနိုင်ပါတယ်။ ဒီလောက်ဆို ဘိုးဘိုးဘွားဘွားတို့ပြသနာလေးကို ဖြေရှင်းဖို့ ပံ့ပိုးပေးနိုင်လိမ့်မယ်ထင်ပါတယ်

မယ်တင်( ဆေး ၁)

Related posts
စိတ်ကျန်းမာရေးဖိုးဖိုးဖွားဖွား ကျန်းမာရေးအထွေထွေရောဂါများ

သူငယ်ပြန်ခြင်း (သို့) အယ်လ်ဇိုင်းမားရောဂါ ( Alzymer's Diseases )

1 Mins read
အရပ်အခေါ်အရ သူငယ်ပြန်ခြင်း ရောဂါလို့လူသိများတဲ့ အယ်လ်ဇိုင်းမားရောဂါဆိုတာ… ပြင်းထန်တဲ့အာရုံကြောဆိုင်ရာရောဂါတစ်မျိုးဖြစ်ပြီး ဦးနှောက်ရဲ့လုပ်ဆောင်ချက်ကိုထိခိုက်စေပါတယ်။ အယ်လ်ဇိုင်းမားရောဂါဟာ သူငယ်ပြန်ခြင်း ကိုဖြစ်စေတဲ့ ရောဂါအမျိုးအစားတွေထဲက အဖြစ်အများဆုံးအကြောင်းအရင်းတစ်ခုဖြစ်ပါတယ်။ အယ်လ်ဇိုင်းမားရောဂါဟာ မှတ်ဉာဏ်ဆုံးရှုံးခြင်း၊ အတွေးအခေါ်၊အမူအကျင့်နှင့် အသိအမြင်ဆိုင်ရာလုပ်ဆောင်ချက်များကိုယို့ယွင်းခြင်းကိုဖြစ်စေတဲ့ရောဂါတစ်မျိုးလည်းဖြစ်ပါတယ်။ အယ်လ်ဇိုင်းမားရောဂါကို အဓိကဖြစ်စေတဲ့ အကြောင်းအရင်းများကို အတိအကျရှာဖွေတွေ့ရှိမှုမရှိသေးသော်လည်း ၊ မျိုးရိုးဗီဇ ၊…
All Articlesကိုယ်ဝန်ဆောင်နှင့်မိခင် ကျန်းမာရေးမိခင်နှင့်ကလေးကျန်းမာရေး

Complication of lack of antenatal care

1 Mins read
ကိုယ်ဝန်မအပ်ခြင်းရဲ့ ပြဿနာများ မိမိရင်သွေးလေးတွေ ကျန်းကျန်းမာမာနဲ့ မွေးဖွားကြီးပြင်းလာစေချင်တာ မိဘတိုင်းရဲ့ ဆန္ဒတစ်ခုပဲဖြစ်ပါတယ်။ ကျန်းမာသန်စွမ်းတဲ့ ကလေးငယ်တွေအဖြစ် ကြီးပြင်းလာစေဖို့ ကိုယ်ဝန်ဆောင်စဉ် အချိန်တည်းက ဂရုစိုက်သင့်ပါတယ်။ တတ်ကျွမ်းနားလည်တဲ့ ကျန်းမာရေး စောင့်ရှောက်သူများနဲ့ စောလျင်စွာ ကိုယ်ဝန်အပ်ခြင်း၊ ညွှန်ကြားချက်များ လိုက်နာခြင်း၊ စနစ်တကျ ကိုယ်ဝန်စောင့်ရှောက်မှုများ…
စိတ်ကျန်းမာရေးနေထိုင်မှုပုံစံဖိုးဖိုးဖွားဖွား ကျန်းမာရေး

Did you notice that they were lonely?

1 Mins read
သူတို့ အထီးကျန်နေကြတာ သင်သတိထားမိရဲ့လား ❓ ကျွန်မတို့ တက်ကြွစွာ အလုပ်လုပ် သွားလာနေတဲ့အချိန်မှာ ကျွန်မတို့ အိမ်ပြန်ချိန်ကိုစောင့်ပြီး အထီးကျန်နေတဲ့လူတွေရှိပါတယ်။ဒီလူတွေဟာ ကျွန်မတို့ရဲ့ အရင်းနှီးဆုံးသော မိဘ၊ သို့ အဘိုးအဘွားတွေပါပဲ။တစ်ခါတစ်ခါ ကျွန်မတို့ဟာ လှုပ်ရှားရုန်းကန် ဘဝအတွက် အချိန်တွေပေးရင်းနဲ့ အနီးဆုံးလူတွေကို အချိန်တွေ…

Leave a Reply

Your email address will not be published. Required fields are marked *