mydoctor-top-telemedicine

ဦးနှောက်မပါဘဲမွေးဖွားခြင်း

ဦးနှောက်မပါဘဲ ကလေးမွေးဖွားခြင်းဆိုသည်မှာ မိခင်ဝမ်းအတွင်း ကလေးဖွံ့ဖြိုးစဉ်မှာ ကလေး၏ ဦးနှောက်၊ ဦးခေါင်းခွံရိုး၊ ဦးခေါင်းအရေပြား ကောင်းစွာ/ပြည့်စုံစွာမဖွံ့ဖြိုးလာခြင်းဖြစ်ပါသည်။ သန္ဓေသားဖွံ့ဖြိုးရက် ၂၃ ရက်နှင့် ၂၆ ရက်အတွင်းမှာ ဦးနှောက်နှင့် အာရုံကြောရိုးမကြီး အဓိက ဖွံ့ဖြိုးရမယ့်အချိန်ဖြစ်ပါတယ်။ ထိုအချိန်မှာ အကြောင်းတစ်စုံတခုကြောင့် အာရုံကြောမကြီး (Neural Tube Defect) မပြီးစီး/ မဖွံ့ဖြိုးလာခဲ့လျှင် မွေးရာပါကလေး ဦးနှောက်မပါဘဲမွေးလာခြင်းဖြစ်လာနိုင်ပါတယ်။

မွေးဖွားသော ကလေး ၄၅၀၀ မှ တစ်ယောက် ကလေးဦးခေါင်းခွံမပါဘဲမွေးဖွားနိုင်ပါတယ်။ ၇၅ ရာခိုင်နှုန်း (ကလေး ၄ယောက်မှ ၃ယောက်) ဦးနှောက်မဖွံ့ဖြိုးသောကလေးတွေမှာ အသေမွေးဖွားလေ့ရှိပါတယ်။ ၂၅ ရာနှုန်းသော Anencephaly ကလေးတွေမှာ နာရီ၊ ရက်၊ ရက်သတ္တပတ်အနည်းငယ်ထိ အသက်ရှင်လေ့ရှိပြီးမှ သေဆုံးတတ်ကြပါတယ်။ အဆိုပါကလေးတွေ မွေးဖွားချိန်မှာလည်း မျက်စိမမြင်၊ နားမကြား၊ သတိမရတတ်ကြပါဘူး။ ဦးနှောက်၏ တချို့အစိတ်အပိုင်းဖွံ့ဖြိုးခြင်းကြောင့်သာ အချိန်အနည်းငယ်မျှ အသက်ရှင်နေခြင်းဖြစ်ပါတယ်။

ဦးနှောက်မပါဘဲမွေးဖွားသောအကြောင်းရင်းကို ဆန်းစစ်ကြည့်လျှင် အဓိကအားဖြင့် (Neural Tube Defect) အာရုံကြောမကြီး ချွတ်ယွင်းခြင်းကြောင့်ဖြစ်ပါတယ်။ မျိုးရိုးလိုက်ခြင်း (Genetic Disease) ကြောင့်ဖြစ်နိုင်ပေမယ့် ဖြစ်နိုင်ခြေအလွန်ပင်နည်းပါးပါတယ်။ ကိုယ်ဝန်ရှိလျှင်သိခြင်း ကိုယ်ဝန်ဆောင်အားဆေးသောက်သုံးစေရခြင်းမှာ အဓိကအားဖြင့် Folic Acid ပါသောကိုယ်ဝန်ဆောင်အားဆေးကို ဆရာဝန်များက ညွှန်ကြားသောက်သုံးစေခြင်းဖြစ်ပါတယ်။ Folic acid ဟာ ကိုယ်ဝန်ဆောင်ချိန် (Neural Tube Formation) အာရုံကြောမကြီးဖွံ့ဖြိုးစေဖို့ အဓိက အားဖြည့်ကူညီပါတယ်။ Folic acid deficiency ဖောလစ်အက်စစ်ချို့တဲ့သော မိခင်တွေမှာ ဦးခေါင်းခွံမပါသောကလေးမွေးနိုင်ခြေမြင့်မားပါတယ်။

ဦးခေါင်းခွံမပါတဲ့ကလေးကို မိခင်ကိုယ်ဝန်ဆောင်နေချိန်အတွင်းမှ ကြိုတင်သိရှိနိုင်ပါတယ်။ မိခင်သွေးစစ်ဆေးခြင်း (Prenatal Blood Screening) ကနေ Genetic disease တွေကို ကြိုတင်သိနိုင်ခြင်းဖြစ်စေ၊ Ultrasound ရိုက်ခြင်းက ဖြစ်စေ ကြိုတင်သိရှိနိုင်ပါတယ်။ Anencephaly ဖြစ်ခြင်းကို ကုသလို့မရပါဘူး၊ ဒါပေမယ့်ကြိုတင်ကာကွယ်လို့ရပါတယ်။ ဒ့ါကြောင့်ကိုယ်ဝန်ရှိချိန်မှ စ၍ Folic acid ကို တစ်နေ့တစ်လုံးသောက်သုံးပေခြင်းအားဖြင့် ကျန်းမာဖွံ့ဖြိုးသော သားသမီးရတနာလေးများရရှိပိုင်ဆိုင်နိုင်ကြပါစေကြောင်း တောင်းဆုပြုရေးသားတင်ဆက်လိုက်ပါရစေ။

Dr. Myat Hein Htet (Health4U)

Related posts
All Articlesကိုယ်ဝန်ဆောင်နှင့်မိခင် ကျန်းမာရေးမိခင်နှင့်ကလေးကျန်းမာရေး

Complication of lack of antenatal care

1 Mins read
ကိုယ်ဝန်မအပ်ခြင်းရဲ့ ပြဿနာများ မိမိရင်သွေးလေးတွေ ကျန်းကျန်းမာမာနဲ့ မွေးဖွားကြီးပြင်းလာစေချင်တာ မိဘတိုင်းရဲ့ ဆန္ဒတစ်ခုပဲဖြစ်ပါတယ်။ ကျန်းမာသန်စွမ်းတဲ့ ကလေးငယ်တွေအဖြစ် ကြီးပြင်းလာစေဖို့ ကိုယ်ဝန်ဆောင်စဉ် အချိန်တည်းက ဂရုစိုက်သင့်ပါတယ်။ တတ်ကျွမ်းနားလည်တဲ့ ကျန်းမာရေး စောင့်ရှောက်သူများနဲ့ စောလျင်စွာ ကိုယ်ဝန်အပ်ခြင်း၊ ညွှန်ကြားချက်များ လိုက်နာခြင်း၊ စနစ်တကျ ကိုယ်ဝန်စောင့်ရှောက်မှုများ…
ကိုယ်ဝန်ဆောင်နှင့်မိခင် ကျန်းမာရေးမိခင်နှင့်ကလေးကျန်းမာရေး

Why do doctors ask for an ultrasound during pregnancy?

1 Mins read
ကိုယ်ဝန်ဆောင်တဲ့အချိန်မှာ အာလ်ထရာဆောင်းရိုက်ခိုင်းတာ ဘာကြောင့်လဲ ❓ ~~~~~~~~~ သင်ဟာ ကိုယ်ဝန်ဆောင်တစ်ယောက်ဆိုရင်…. သင့်ကိုယ်ဝန်ကို စောင့်ရှောက်ပေးတဲ့ သားဖွားမီးယပ်အထူးကု သို့မဟုတ် ဆရာဝန် ဆရာမက…. သင့်ကို အာလ်ထရာဆောင်းရိုက်ခိုင်းပါလိမ့်မယ်… ဒါကဘာအတွက်လဲ…. အာလ်ထရာဆောင်းရိုက်တာက ဘာတွေအကျိုးရှိသလဲ ဆိုရင် 👉(1) သင့်ဗိုက်ထဲက ကလေးငယ်ဟာ…
နေထိုင်မှုပုံစံအထွေထွေရောဂါများအလှအပနှင့်နေထိုင်စားသောက်မှုပုံစံ

Why do bones and joints make noises every time they move?

1 Mins read
အရိုးနှင့် အဆစ် တွေကနေ လှုပ်ရှားလိုက်တိုင်း အသံတွေထွက်နေတာ ဘာကြောင့်လဲ… ကျွန်တော် တို့ရဲ့ အရိုးနှင့် အဆစ်တွေဟာ လှုပ်ရှားမှုလုပ်လိုက်တာနဲ့ အရိုးတွေ အဆစ်တွေကြားထဲကနေ အသံတွေထွက်လာတတ်တာ လူတိုင်း အနည်းနှင့် အများကြုံဘူး သိဘူးကြမှာပါ။ ဘာကြောင့် ဒီလိုအသံတွေ ဖြစ်ရလဲ ဘယ်လို…