ရေမြွှာရည်နဲ့ ကိုယ်ဝန်ဆောင်တို့၏ ကျန်းမာရေးအကြောင်း

ရေမြွှာရည်နဲ့ ကိုယ်ဝန်ဆောင်တို့၏ ကျန်းမာရေးအကြောင်း မပြောခင်ဦးစွာ ရေမြွှာရည်ဆိုတာ ဘာလဲ ၊ဘာလုပ်ပေးတာလဲဆိုတာ ရှင်းပြပေးပါ့မယ် ။
ရေမြွှာရည်ဆိုတာ ဘာလဲ ၊ဘာလုပ်ပေးတာလဲ

ရေမြွှာရည်ဆိုတာ ကိုယ်ဝန်ဆောင်နေစဉ် သားအိမ်ထဲမှာ ရှိနေတဲ့အရည်တွေပဲဖြစ်ပါတယ် ။ရေမြွှာရည်ဟာ အနည်းငယ်နောက်တတ်ပါတယ် ။ဘာဖြစ်
လို့လဲဆိုရင် သန္ဓေသားရဲ့ အရေပြားနဲ့ ရေမြွှာအမြှေးပါးတို့ကထွက်လာတဲ့ ပစ္စည်းတွေကြောင့်ဖြစ်ပါတယ် ။ ရေမြွှာရည်ဟာ ကိုယ်ဝန်ဆောင်နေစဉ်မှာ မတော်တဆ ကိုယ်ဝန်ထိခိုက်မိတဲ့ အခါ သန္ဓေသား မထိခိုက်အောင် Cushion သဖွယ် ကာကွယ်ပေးထားတယ်။ဒါ့အပြင် သန္ဓေသား လွတ်လပ်စွာ လှုပ်ရှားနိုင်အောင် ကြီးထွားနိုင်အောင် ကူညီပေးတယ် ။ကလေးရဲ့ ကိုယ်အပူချိန်ကိုလည်း ထိန်းထားပေးပါတယ် ။ကလေးမွေးတဲ့အခါမွေးလမ်းကြောင်းမှာ ကလေးရဲ့ ဦးခေါင်း ၊သို့မဟုတ် တင်ပဆုံရှေ့ကနေ ခံပေးပြီး လမ်းကြောင်းချဲ့ပေးပါတယ် ။ထို့အပြင် သားအိမ်နံရံကို ဆေးကြောပေးပြီး ပိုးသေစေနိုင်စွမ်း
ရှိပါတယ် ။

ဒီလောက်တောင် အကျိုးများလှတဲ့ ရေမြွှာရည်ဟာလည်း အခန့်မသင့်ရင် ကိုယ်ဝန်ဆောင်မိခင်ကို ကျန်းမာရေးဆိုးကျိုးပေးပါတယ် ။ရေမြွှာရည်တွေ ကလေး
မွေးဖွားစဉ်မှာ သွေးပြန်ကြောထဲဝင်ပြီး မိခင်ကို ဒုက္ခပေးတတ်ပါတယ် ။ရေမြွှာရည် သွေးပြန်ကြောတဲ့ ဝင်တဲ့အခါ ဘယ်လိုလက္ခဏာတွေ ပြမလဲ

  • ရုတ်တရက် ဂဏာမငြိမ် ၊သတိလစ် ၊မေ့မြော ၊တက်ခြင်း
  • ရုတ်တရက် အမောဖောက်ခြင်း
  • အဆုတ်ကို ရေဝိုင်းခြင်း
  • ရုတ်တရက် နှလုံး အလုပ်မလုပ်ခြင်း ၊နှလုံးခုန်နှုန်းများ မြန်လာခြင်း
  • ရုတ်တရက် သွေးပေါင်များ ကျဆင်းခြင်း
  • သွေးခဲရာတွင် ကောင်းကောင်းမခဲဘဲ သွေးယိုစီးနိုင်ခြင်း ၊မခဲသင့်တဲ့နေရာများတွင်
  • သွေးခဲများ လျှောက်ခဲခြင်း
  • အခန့်မသင့်လျှင် မိခင်ရော ၊ကလေးပါ အသက်ဆုံးပါးနိုင်ခြင်း
  • သန္ဓေသားလောင်းမှာလည်း ရုတ်တရက် နှလုံးခုန်နှုန်းမြန်လာခြင်း ၊ကြီးထွားဖွံ့ဖြိုးရာ မှာလည်း နှောင့်နှေးနိုင်ခြင်း စတာတွေပဲဖြစ်ပါတယ် ။

ဘယ်လိုသူတွေမှာ ပိုဖြစ်နိုင်သလဲ

ကလေးမွေးဖွားတဲ့ မိခင် အယောက် တစ်သိန်းမှာ တစ်ယောက်ကနေ တစ်ဆယ့်နှစ်ယောက်ပဲ ဖြစ်တယ်ဆိုတော့ အဖြစ်နည်းပါတယ် ။

  • အသက်ကြီးတဲ့ မိခင်များ(အသက်၃၅နှစ်နဲ့ အထက်)
  • ရေမြွှာရည်များလွန်းခြင်း
  • အချင်းရောဂါ တစ်ခုခုရှိခြင်း(ဥပမာ-အချင်းရှေ့ရောက် ကိုယ်ဝန်)
  • ကိုယ်ဝန်ဆောင်စဉ် သွေးတိုးခြင်း ၊သွေးတိုးပြီးတက်တတ်တဲ့ ရောဂါ ရှိခြင်း
  • ကလေး မွေးဖွားရာတွင် ခွဲစိပ်ပြီး မွေးခြင်း ၊ညှပ်ဆွဲပြီး မွေးခြင်း စတာတွေမှာ ပိုဖြစ်ပွားနိုင်ပါတယ် ။

ဒါကြောင့် ရေမြွှာရည် သွေးပြန်ကြောထဲဝင်ခြင်းဟာ အဖြစ်နည်းပေမယ့်ဖြစ်လျှင်လည်း မိခင်ရော သန္ဓေသားပါ အသက်ဆုံးပါးနိုင်တာမို့ မိခင်လောင်းတိုင်း သတိပြုဆင်ခြင်သင့်ပါတယ် ။မိခင်ရော သန္ဓေသားပါ ကာလရေကြည် သန္ဓေတည်သည်မှစပြီး မွေးဖွားတဲ့အထိ အဆင်ပြေ ချောမွေ့နိုင်စေဖို့ရာ ကိုယ်ဝန်ရှိမှန်း သိကတည်းက ကျွမ်းကျင်တဲ့ ကျန်းမာရေးဝန်ထမ်းများနဲ့ ပြသကာ ကျန်းမာရေး စောင့်ရှောက်မှုကို ခံယူသင့်ပါတယ် ။

ခေတ်သစ် ဇီဝက

Related posts
All Articlesကိုယ်ဝန်ဆောင်နှင့်မိခင် ကျန်းမာရေးမိခင်နှင့်ကလေးကျန်းမာရေး

Complication of lack of antenatal care

1 Mins read
ကိုယ်ဝန်မအပ်ခြင်းရဲ့ ပြဿနာများ မိမိရင်သွေးလေးတွေ ကျန်းကျန်းမာမာနဲ့ မွေးဖွားကြီးပြင်းလာစေချင်တာ မိဘတိုင်းရဲ့ ဆန္ဒတစ်ခုပဲဖြစ်ပါတယ်။ ကျန်းမာသန်စွမ်းတဲ့ ကလေးငယ်တွေအဖြစ် ကြီးပြင်းလာစေဖို့ ကိုယ်ဝန်ဆောင်စဉ် အချိန်တည်းက ဂရုစိုက်သင့်ပါတယ်။ တတ်ကျွမ်းနားလည်တဲ့ ကျန်းမာရေး စောင့်ရှောက်သူများနဲ့ စောလျင်စွာ ကိုယ်ဝန်အပ်ခြင်း၊ ညွှန်ကြားချက်များ လိုက်နာခြင်း၊ စနစ်တကျ ကိုယ်ဝန်စောင့်ရှောက်မှုများ…
ကိုယ်ဝန်ဆောင်နှင့်မိခင် ကျန်းမာရေးမိခင်နှင့်ကလေးကျန်းမာရေး

Why do doctors ask for an ultrasound during pregnancy?

1 Mins read
ကိုယ်ဝန်ဆောင်တဲ့အချိန်မှာ အာလ်ထရာဆောင်းရိုက်ခိုင်းတာ ဘာကြောင့်လဲ ❓ ~~~~~~~~~ သင်ဟာ ကိုယ်ဝန်ဆောင်တစ်ယောက်ဆိုရင်…. သင့်ကိုယ်ဝန်ကို စောင့်ရှောက်ပေးတဲ့ သားဖွားမီးယပ်အထူးကု သို့မဟုတ် ဆရာဝန် ဆရာမက…. သင့်ကို အာလ်ထရာဆောင်းရိုက်ခိုင်းပါလိမ့်မယ်… ဒါကဘာအတွက်လဲ…. အာလ်ထရာဆောင်းရိုက်တာက ဘာတွေအကျိုးရှိသလဲ ဆိုရင် 👉(1) သင့်ဗိုက်ထဲက ကလေးငယ်ဟာ…
ကလေးကျန်းမာရေးစားသောက်မှုပုံစံဆီးချိုရောဂါမိခင်နှင့်ကလေးကျန်းမာရေးအလှအပနှင့်နေထိုင်စားသောက်မှုပုံစံ

Why Children Should Avoid Energy Drinks

1 Mins read
“Energy drink နဲ့ ကလေး” “ကလေးနဲ့Energy drink” တိုက်သင့်ရဲ့လားဆိုရင် 📌အဆုံးထိမဖတ်ချင်တဲ့လူတွေအတွက် အတိုချုပ်ပြောရရင် “နိုး” ပါ။ လုံးဝမတိုက်သင့်ပါဘူး။ ~~~~~~~~~~~~~~~~~~~~~~~~~~ ♦️ Energy drinks တွေဟာ ဈေးကွက်ထဲမှာ ဆိုရင်ဖြင့် ဒီဇိုင်း၊ ကာလာ၊ ဘာညာ…

Leave a Reply

Your email address will not be published. Required fields are marked *