မီးတွင်းထဲ မိတ်ကပ်လိမ်းလို့ရမရ
ဒီတစ်ခေါက်ပြောရမှာတော့ နည်းနည်းဆန်းတယ်။ ခေါင်းစဉ်က မီးတွင်းထဲ(မီးနေသည်)မိတ်ကပ်လိမ်းလို့ ရ/မရ တဲ့။ မိတ်ကပ်လိမ်းလို့ရမရ အရင်မပြောခင်မှာ မီးတွင်းဆိုတာကိုနည်းနည်းပြောရအောင်။ မီးတွင်းဆိုတာ မိခင်တစ်ယောက်ကလေးမွေးဖွားပြီး (၄၅)ရက်အတွင်းကိုခေါ်ပါတယ်။ ကလေးမီးဖွားပြီးတဲ့အခါမှာ မျက်နှာအသားအရေရဲ့ ပြောင်းလဲမှုလေးတွေကိုနည်းနည်းပြောပြပါမယ်…
၁)မျက်လုံးအောက်ဟာမို့ဖောင်းလာပြီး အိတ်ကလေးလိုပေါ်လာတတ်ပါတယ်။
၂)မျက်နှာအသားအရေတွေဟာပိုမိုခြောက်သွေ့လာတတ်ပြီး အသားအရောင်မညီတာတွေဖြစ်တတ်ပါတယ်။
၃)ဝက်ခြံ၊တင်းတိပ်တွေလဲ ပိုပိုထွက်လာတတ်ပါတယ်။
ဒီအရာတွေဘာလို့ပေါ်လာရသလဲဆိုရင် ဟော်မုန်းအပြောင်းအလဲ၊စိတ်ဖိစီးမှု၊အိပ်ရေးပျက်ခြင်းနဲ့ အသားအရေကိုဂရုစိုက်မှုအားနည်းသွားတာရယ်ကြောင့်ပဲ ဖြစ်ပါတယ်။ ဒါပေမယ့် ဒီကိစ္စကအရမ်းကိုစိတ်ညစ်ပူပန်ရမယ့်အရာတော့လဲ မဟုတ်ပါဘူး။ အရေပြားထိန်းသိမ်းမှုနည်းလမ်းတွေကို စနစ်တကျလိုက်နာမယ်ဆိုရင် အဆင်ပြေသွားမှာပဲဖြစ်ပါတယ်။
မီးတွင်းထဲ မိတ်ကပ်လိမ်းလို့ ရ/မရ???
ရပါတယ်။
မျက်နှာအသားအရေကိုကောင်းမွန်စေဖို့အတွက် သင့်တော်တဲ့အရေပြားထိန်းသိမ်းပစ္စည်းတွေကို သုံးပေးသင့်ပါတယ်။ ဒါမှလဲ အရေပြားခြောက်သွေ့ခြင်း၊မျက်လုံးအောက်တွဲခြင်း၊ဝက်ခြံနဲ့တင်းတိပ်ဖြစ်ခြင်းတို့ကိုသက်သာစေနိုင်မှာဖြစ်ပါတယ်။
ဘယ်လိုဟာတွေကို လိမ်းကြမလဲ???
၁)SPF ပါဝင်မှုမြင့်မားတဲ့ Sun screen
၎င်းဟာ မျက်နှာအသားအရေကိုနေရောင်ခြည်ထိတွေ့ပျက်စီးခြင်းမှကာကွယ်ပေးရုံမက အမဲစက်တွေကိုလဲပျောက်ကင်းစေနိုင်ပါတယ်။
၂)Antioxidant serum
၎င်းကတော့ အရေးအကြောင်းပေါ်ခြင်း၊အိုမင်းရင့်ရော်ခြင်းနဲ့ အရေပြားအရောင်ရင့်ခြင်းတို့ကိုသက်သာစေနိုင်ပါတယ်။
၃)Moisturizer
၎င်းကအရေပြားခြောက်သွေ့အက်ကွဲခြင်း၊လျော့ရဲခြင်းတို့ကိုသက်သာစေပြီး တင်းတင်းရင်းရင်းနဲ့စိုစိုမွတ်မွတ်လေးဖြစ်စေပါတယ်။
အချုပ်ဆိုရရင် မီးတွင်းထဲမှာအသားအရေကိုကောင်းကောင်းထိန်းသိမ်းတတ်ဖို့အလွန်အရေးကြီးပါတယ်။ မထိန်းမသိမ်းပဲပြစ်ထားလိုက်ရင်တော့ လှပကျော့ရှင်းတဲ့အသားအရေနဲ့ဝေးရမှာအသေအချာပဲဖြစ်ပါကြောင်းသတိပေးရင်းနဲ့ပဲ အဆုံးသတ်လိုက်ရပါတယ်။
မီးတွင်းမီးပြင်၊ပျိုပျိုအိုအိုမကျန် လှနိုင်ကြပါစေကြောင်းဆုမွန်တောင်းလျက်။
dr.ye’lwin mm