သွေးဆုံးမှာ ကြောက်မိတယ်။
မြန်မာ အမျိုးသမီး အများစုမှာ အသက်၅၀ကျော်ရင် သွေးဆုံးခြင်းပြသနာကို ရင်ဆိုင်ကြုံတွေ့ရလေ့ရှိပါတယ်။ဒီအချိန်မှာ အမျိုးသမီးဟော်မုန်းအီစတိုဂျင် ပမာဏ ကျဆင်းလာတာမို့ အနည်းနဲအများဆိုသလို စိတ်ကသိကအောက်ဖြစ်ဖွယ် လက္ခဏာများကြုံတွေ့ရလေ့ရှ်ပါတယ်။
ခံစားရနိုင်တဲ့လက္ခဏာများကတော့
၁) ပူလိုက်အေးလိုက်ဖြစ်ခြင်း
သွေးကြောရုတ်တရက် ကျယ်လာခြင်းကြောင့် ရုတ်တရက် ချွေးပြန်ခြင်းခံစားရပြီး ခဏတွင် အေးသွားခြင်းမျိုးဖြစ်တတ်ပါတယ်။
၂) စိတ် ခံစားချက်ပြင်းထန်ခြင်း
စိတ်အတက်အကျမြန်ခြင်း၊ မှတ်ဉာဏ်အားနည်းခြင်း၊ စိတ်ပင်ပန်းနွမ်းနယ်ခြင်းများဟာ ကြုံတွေ့ရများတဲ့လက္ခဏာဖြစ်ပါတယ်။
၃) နှလုံးရောဂါဖြစ်နိုင်ခြေများလာခြင်း
အမျိုးသမီး အီစရိုဂျင်ဟော်မုန်းဟာ အမျိုးသမီးများက်ု နှလုံးရောဂါမဖြစ်အောင် ကာကွယ်ပေးထားပါတယ်။ သွေးဆုံးရင် ဒီဟော်မုန်းပမာဏ ကျလာတာကြောင့်
နှလုံးရောဂါဖြစ်နိုင်ခြေတက်လာခြင်းဖြစ်ပါတယ်။
၄) အရိုးပွနိုင်ခြေ မြင့်လာခြင်း
သွေးဆုံးပြီးသည်နှင့် အရိုးသိပ်သည်းဆနည်းလာပါတယ်။ အသက်အရွယ်ကြောင့် အရိုးပွခြင်းဖြစ်သလို အီစရိုဂျင်ဟော်မုန်း နည်းလာတာကြောင့်လည်းဖြစ်ပါတယ်။
၅) ရုပ်ပိုင်းဆိုင်ရာပြောင်းလဲခြင်းများ
ရင်သား သေးသွားခြင်း၊ မိန်းမကိုယ် ခြောက်သွေ့သွားခြင်း၊ ဆီးပိုးမကြာခဏဝင်တတ်ခြင်း တို့ဖြစ်ပါတယ်။
ဖော်ပြပါ လက္ခဏာများကို သိရှိထားခြင်းဖြင့် မိမိတယောက်တည်းခံစားရသည်မဟုတ်၊ အမျိုးသမီးတိုင်းကြုံတွေ့ရမည့် အနေအထားဟု ကြိုတင်သိရှိ ပြင်ဆင်ထားနိုင်ပါသည်။