All Articlesအလှအပအလှအပနှင့်နေထိုင်စားသောက်မှုပုံစံ

အရေပြားမှာ ဖြစ်ပေါ်တက်သောရောဂါများအကြောင်း

1 Mins read

အရေပြားမှာ ဖြစ်ပေါ်တက်သောရောဂါများအကြောင်း

အရေပြားဟာ ခန္ဓာကိုယ်ရဲ့ အကြီးဆုံးနေရာယူထားတဲ့ အင်္ဂါအစိတ်အပိုင်းတစ်ခုဖြစ်သလို ဖြစ်နိုင်တဲ့ရောဂါတွေကလည်း စုံလှပါတယ်။

?အရေပြားရောဂါဖြစ်စေနိုင်တဲ့ အကြောင်းတွေက ဘာတွေလဲ ??

◾ရောဂါပိုးများ

– မှိုကြောင့် ညှင်း၊ပွေး၊ခြေဝဲစားခြင်း..စတာမျိုးတွေဖြစ်နိုင်ပါတယ်။

လိမ်းဆေး၊ သောက်ဆေးတွေရှိပေမဲ့ ကုသချိန်ကြာတတ်ပြီး ချက်ချင်းမပျောက်နိုင်လို့ စိတ်ရှည်ရှည်ကုဖို့လိုပါတယ်။

 

– ဗိုင်းရပ်စ်ပိုးတွေကြောင့်

ရေယုန်၊ ရေကျောက်၊ ကြွက်နို့၊ ကလေးငယ်တွေမှာ အဖြစ်များတဲ့ hand foot and mouth disease (HFMD) လို ရောဂါတွေ အဖြစ်များပါတယ်။

ဗိုင်းရပ်စ်ပိုးကို မြန်မြန်နှိမ်နင်းနိုင်ဖို့အတွက် ကိုယ်ခံအားစနစ်မြှင့်တင်ပေးဖို့ အရေးကြီးပါတယ်။

– ဘက်တီးရီးယားပိုးတွေကြောင့်

ဝက်ခြံ၊ ပြည်တည်နာ၊ အနာပဆုပ် စတာတွေ အဖြစ်များပြီး တခြားအရေပြားပြဿနာတွေလည်း ဖြစ်နိုင်ပါသေးတယ်။

ပဋိဇိဝသောက်ဆေး လိမ်းဆေးတွေနဲ့ ကုသရပြီး သေချာမကုရင် ဆေးယဉ်ပါး ဆေးမတိုးတဲ့ ပြဿနာတွေဖြစ်တတ်ပါတယ်။

 

– ကပ်ပါးကောင်တွေကြောင့်

ဝဲစွဲတာ အပြင် သန်း၊လှေးစတဲ့ အကောင်တွေတွယ်ကပ်ပွားများနေတာမျိုးလည်း ဖြစ်နိုင်ပြီး တစ်ကိုယ်ရည်သန့်ရှင်းရေးအားနည်းသူတွေမှာ ပိုဖြစ်တတ်ပါတယ်။

အင်မတန်ကူးစက်လွယ်ပါတယ်။

◾ဓာတ်မတည့်ခြင်း

မတည့်တဲ့ အစားအသောက်၊ အလှကုန်၊ ဆေးဝါး စတာတွေ သုံးစွဲမိရင်နဲ့ ပိုးမွှားအကောင်တစ်ခုခုကိုက်ခံရချိန်မျိုးတွေမှာ အရေပြားမှာ ယားယံလာတာ ၊ အပိမ့်ထလာတာ ၊ ကုတ်လိုက်ရင် အင်ပျင်ထလာတာမျိုးတွေ ဖြစ်လာတတ်ပါတယ်။

ဆရာဝန်ပြဖို့လိုပါတယ်။

 

◾အခြားအရေပြားရောဂါများ

နှင်းခူလို အရေပြားရောင်ရမ်းတာကို အခြေခံတဲ့ရောဂါမျိုးတွေ၊ ဆိုရီရေးစစ်ရောဂါလို နာတာရှည်အရေပြား ယားယံရောင်ရမ်းတဲ့ ရောဂါမျိုးတွေ ပါဝင်ပြီး ရေရှည်ကုသဖို့လိုအပ်ပါတယ်။

ရောဂါမဟုတ်ပေမဲ့လည်း ဒိုင်ပါလောင်ခြင်းလို အဖြစ်များတဲ့ အရေပြားပြဿနာတွေလည်း ရှိနိုင်ပါသေးတယ်။

? ဘာအရေပြားရောဂါပဲဖြစ်ဖြစ် အရေးအကြီးဆုံးအချက်ကတော့ တစ်ကိုယ်ရည်သန့်ရှင်းရေးနဲ့ မကုတ်မိအောင် သတိထားထိန်းသိမ်းဖို့ပါပဲ။

ကုတ်ရာကနေတစ်ဆင့် ဘက်တီးရီးယားပိုးထပ်ဝင်သွားပြီး ပြည်တည်နာတွေဆက်ဖြစ်သွားနိုင်တာမို့ပါ။

? ရောဂါတော်တော်များများမှာတော့ ယားယံတာ တွဲဖြစ်တတ်ပေမဲ့ ညှင်းလို ရောဂါမျိုးမှာတော့ ယားယံလေ့မရှိပါဘူး။

ဒါ့အပြင် အရေပြားပေါ်မှာ ပြတဲ့ရောဂါလက္ခဏာတွေက တော်တော်များများ ခပ်ဆင်ဆင်တူနေတတ်တာမို့ ရောဂါနာမည်တပ်ရ ခက်လှပါတယ်။

ဒီတော့ အရေပြားမှာ ပြဿနာတစ်ခုဖြစ်လာရင် တစ်ပါတ်ကျော်တဲ့အထိမပျောက်ရင် ဆရာဝန်ပြဖို့လိုပါတယ်။

လိုအပ်ရင် အရေပြားအထူးကုနဲ့ဆက်ပြရပါမယ်။

ကျန်းမာပျော်ရွှင်ကြပါစေ…

Dr ဖြိုးဝေလင်း

(17.10.19)

MyDoctor Telemedicine Application
Related posts
All Articlesကျန်းမာရေးဆိုင်ရာ ဆောင်းပါးများအထွေထွေ

ရာသီတုပ်ကွေးအဖြစ်များတတ်တဲ့ ဆောင်းအခါသမယ...

1 Mins read
ရာသီတုပ်ကွေးအဖြစ်များတတ်တဲ့ ဆောင်းအခါသမယ… ရာသီတုပ်ကွေးရောဂါပိုးဆိုတာ အသက်ရှူလမ်းကြောင်းဆိုင်ရာ ဗိုင်းရပ်စ်ပိုးတစ်မျိုးဝင်တဲ့ရောဂါပါ။ ကိုယ်ခံအားသာကောင်းရင် သူ့ဟာသူ ပြန်ကောင်းသွားနိုင်ပေမယ့် ပြန်သာမကောင်းခဲ့ဘူးဆိုရင် ပန်းနာပြန်ထတာ၊ အဆုတ်ရောင် ရောဂါ၊ အဆုတ်လေပြွန်ရောင်တာ၊ နားပိုးဝင်တာ၊ နှလုံးပြဿနာတွေနဲ့ အသက်ရှုရခက်တာတွေပါဖြစ်လာတတ်ပါတယ်။ ဒီရာသီတုပ်ကွေးရောဂါဟာ…. အသက်အရမ်းငယ်လွန်း၊ ကြီးလွန်းတဲ့အခါ အသက် ၁၉ နှစ်အောက်တည်းကစပြီး…
All Articlesကျန်းမာရေးဆိုင်ရာ ဆောင်းပါးများဆီးချိုရောဂါဖိုးဖိုးဖွားဖွား ကျန်းမာရေး

ဆီးချိုကြောင့်ဖြစ်တတ်တဲ့ ရေတိမ်၊ အတွင်းတိမ်ဆိုတာ ဘယ်လိုမျိုးလဲ

1 Mins read
ဆီးချိုကြောင့်ဖြစ်တတ်တဲ့ ရေတိမ်၊ အတွင်းတိမ်ဆိုတာ ဘယ်လိုမျိုးလဲ ❗ ဆီးချိုရောဂါဟာ အချိန်ကြာလာတဲ့အခါ သေချာသာမထိန်းနိုင်ဘူးဆိုရင် နှလုံး၊ကျောက်ကပ်၊ အာရုံကြောတွေသာမက မျက်လုံးကိုပါထိခိုက်လာနိုင်ပါတယ်။ မျက်လုံးမှာ ရေတိမ်၊ အတွင်းတိမ်ဖြစ်ရာကနေ တဆင့် နောက်ဆုံး မျက်စိအမြင်အာရုံဆုံးရှုံးသွားတဲ့ထိတောင်ဖြစ်နိုင်ပါတယ်။ အတွင်းတိမ်ဖြစ်တဲ့အခါ စစချင်းမှာ အမြင်အာရုံကိုနှောင့်ယှက်တာမျိုးမရှိပေမယ့် ကြာလာတဲ့အခါ အမြင်ဝါးလာတာမျိုး…
All Articlesကျန်းမာရေးဆိုင်ရာ ဆောင်းပါးများဆီးချိုရောဂါ

သင့်ဆီးချိုရောဂါနဲ့ ကျောက်ကပ်လေးရဲ့အနာဂတ်

1 Mins read
သင့်ဆီးချိုရောဂါနဲ့ ကျောက်ကပ်လေးရဲ့အနာဂတ်… ဆီးချိုရောဂါရှည်ကြာလာတဲ့အခါမှာ ခန္တာကိုယ်တွင်း ကျောက်ကပ်ရဲ့ အညစ်အကြေးတွေအရည်တွေကို စွန့်ထုတ်ပေးတဲ့ လုပ်ဆောင်မှုဟာ ကျဆင်းလာပါတယ်။ ဒီလိုလုပ်ဆောင်မှုကျဆင်းတာကနေ ကျောက်ကပ်လုံးဝမလုပ်မလုပ်တော့တဲ့အခြေအနေထိဖြစ်နိုင်ပြီး ကျောက်ကပ်ဆေးရတာ၊ ကျောက်ကပ်အစားထိုးရတာ တွေထိဖြစ်သွားနိုင်ပါတယ်။ ဒါ့ကြောင့် သင့်ဆီးချိုကို သေချာထိန်းသိမ်းပြီး ကုသမှုခံယူဖို့လိုပါလိမ့်မယ်။ ဆီးချိုရောဂါမှာ ကျောက်ကပ်ထိခိုက်နေပြီဆိုရင် စစချင်းမှာ လက္ခဏာသိပ်မပြတတ်ပေမယ့်…

Leave a Reply

Your email address will not be published. Required fields are marked *