ကလေးတွေမှာအဖြစ်များတဲ့ကင်ဆာများ

ကင်ဆာဆိုရင် အသက်ကြီးမှဖြစ်တယ်လို့ အများစုကစဉ်းစားထားနိုင် ကြပါတယ်။ တကယ်တော့ ကင်ဆာဆိုတာ လူကြီးကလေးအရွယ်မရွေး ဖြစ်နိုင်ပါတယ်။ သို့သော် အသက်အရွယ်အလိုက်ဖြစ်တဲ့ ကင်ဆာအမျိူးအစားတွေကကွာခြားပါတယ်။ ကလေးတွေမှာမှအဖြစ်များတဲ့ကင်ဆာတွေလည်းရှိပါတယ်။

သွေးကင်ဆာလို့ခေါ်တဲ့ leukemia ဟာ ကလေးတွေမှာအဖြစ် အများဆုံးကင်ဆာလို့ဆိုပါတယ်။ ကလေးတွေမှာဖြစ်တဲ့ကင်ဆာတွေရဲ့ 30ရာခိုင်နှုန်းလောက်ရှိတယ်လို့ဆိုပါတယ်။ သွေးကင်ဆာကို acute myeloid leukemia (ALL), acute lymphocytic leukemia (AML), chronic myeloid leukemia (CML), chronic lymphoid leukemia(CLL)ဆိုပြီး လေးမျိုးခွဲထားတဲ့အနက် ALL, AMLတို့က ကလေးတွေမှာပိုပြီး အဖြစ်များပါတယ်။ သွေးအားနည်းတာ၊ ခဏခဏဖျားတာ၊ အရေပြားမှာအနီကွက်တွေပေါ်နာ၊ သွေးခြည်ခဏခဏဥတာတွေဟာ leukemiaရဲ့ ဖြစ်လေ့ရှိတဲ့လက္ခဏာဖြစ်ပါတယ်။

ဦးနှောက်နဲ့အာရုံကြောမကြီးကင်ဆာကတော့ ဒုတိယအဖြစ်အများဆုံးကင်ဆာဖြစ်ပါတယ်။ 26ရာခိုင်နှုန်းလောက်ရှိတယ်လို့ဆိုပါတယ်။ အဆိုပါကင်ဆာရဲ့ လက္ခဏာတွေကတော့ ခေါင်းကု်က်တာ၊ ခေါင်းမူးတာ၊ အန်တာ၊အမြင်မှုန်ဝါးတာ၊ ပုံရိပ်နှစ်ထပ်မြင်တာ၊တက်တာ၊ လမ်းကောင်းကောင်းမလျှောက်နိုင်တာ၊ ပစ္စည်းတွေကိုကောင်းကောင်းမကိုင်နိုင်တာတွေနဲ့ လက္ခဏာပြတတ်ပါတယ်။ ကျောရိုးမှာဖြစ်တဲ့ ကင်ဆာကတော့ ဦးနှောက်ကင်ဆာထပ်နည်းပါးပါတယ်။

Neuroblastomaဆိုတဲ့ အာရုံကြောcellတွေရဲ့ကင်ဆာကတော့ ကလေးကင်ဆာစုစုပေါင်းရဲ့ 6ရာခိုင်နှုန်းခန့်ရှိပါတယ်။ မွေးကင်းစကလေးတွေမှာပိုအဖြစ်များပြီး 10နှစ်ကျော်လာရင်တော့ ဖြစ်နိုင်ခြေနည်းပါးပါတယ်။ Wilm’s tumourလို့ခေါ်တဲ့ ကျောက်ကပ်cell ကင်ဆာကလည်း ကလေးတွေမှာဖြစ်တာများပါတယ်။ ကျောက်ကပ်နှစ်ဖက်လုံးမှာဖြစ်တတ်ပေမယ့် တစ်ဖက်တည်းမှာဖြစ်တာပိုများပါတယ်။ ဆီးလမ်းကြောင်းနဲ့ပက်သက်တဲ့ ဝေဒနာတွေခံစားရရင်တော့ Wilm’s tumour ဖြစ်နေနိုင်ပါတယ်။

Lymphoma လို့ခေါ်တဲ့ အကြိတ်တွေထွက်လာတဲ့ကင်ဆာတစ်မျိုးဟာလည်း အဖြစ်များပါတယ်။ Hodgkin lymphoma ဆိုတဲ့အမျိုးအစားက 3ရာခိုင်နှုန်းလောက်နဲ့ non Hodgkin lymphomaက 5ရာခိုင်နှုန်းလောက်ဖြစ်တတ်ပါတယ်။ အကြိတ်တွေထွက်လာတာ၊ ဖျားတာတွေနဲ့ လက္ခဏာပြနိုင်ပါတယ်။ အခြားကင်ဆာတွေ ကတော့ ကြွက်သားတွေမှာဖြစ်တဲ့ rhabdomyosarcoma၊ မျက်စိမှာဖြစ်တဲ့ retinoblastoma, အရိုးမှာဖြစ်တဲ့ osteosarcoma စတာတွေဖြစ်ပါတယ်။

ကင်ဆာဆိုတာဟာ လူကြီးမှဖြစ်တဲ့ရောဂါမဟုတ်ပါဘူး။ ကလေးတွေမှာပိုဖြစ်တဲ့ ကင်ဆာတွေလည်းရှိတယ်ဆိုတာ သိထားကြပြီး ဖြစ်လာတာနဲ့ မြန်မြန်ကုသဖို့လိုအပ်ပါတယ်။

Dr. ZZ

Related posts
ကိုယ်ဝန်ဆောင်နှင့်မိခင် ကျန်းမာရေးမိခင်နှင့်ကလေးကျန်းမာရေး

မေမေတို့အတွက် အမြွှာပူး ရနိုင်သောအခြေအနေများ

1 Mins read
အမြွှာဖြစ်ရခြင်းဟာ မျိုးရိုးဗီဇ၊ ဟော်မုန်းဓာတ်နှင့် ပတ်ဝန်းကျင်ဆိုင်ရာအချက်များ ပေါင်းစပ်လွှမ်းမိုးထားတာ ဖြစ်ပြီး အမြွှာကလေးရစေမယ့် အာမခံချက် သို့မဟုတ် အမြွှာရဖို့ ထိန်းချုပ်နိုင်သော အရာဆိုပြီး မရှိပါဘူး။ အမြွှာပူး ဖြစ်နိုင်ခြေကို တိုးစေနိုင်တဲ့ အကြောင်းရင်းအချို့ရှိပေမယ့် အမြွှာရဖို့ သေချာစေတဲ့ နည်းလမ်း မရှိဘူး ဆိုတာ…
All Articlesကိုယ်ဝန်ဆောင်နှင့်မိခင် ကျန်းမာရေးမိခင်နှင့်ကလေးကျန်းမာရေး

Complication of lack of antenatal care

1 Mins read
ကိုယ်ဝန်မအပ်ခြင်းရဲ့ ပြဿနာများ မိမိရင်သွေးလေးတွေ ကျန်းကျန်းမာမာနဲ့ မွေးဖွားကြီးပြင်းလာစေချင်တာ မိဘတိုင်းရဲ့ ဆန္ဒတစ်ခုပဲဖြစ်ပါတယ်။ ကျန်းမာသန်စွမ်းတဲ့ ကလေးငယ်တွေအဖြစ် ကြီးပြင်းလာစေဖို့ ကိုယ်ဝန်ဆောင်စဉ် အချိန်တည်းက ဂရုစိုက်သင့်ပါတယ်။ တတ်ကျွမ်းနားလည်တဲ့ ကျန်းမာရေး စောင့်ရှောက်သူများနဲ့ စောလျင်စွာ ကိုယ်ဝန်အပ်ခြင်း၊ ညွှန်ကြားချက်များ လိုက်နာခြင်း၊ စနစ်တကျ ကိုယ်ဝန်စောင့်ရှောက်မှုများ…
ကိုယ်ဝန်ဆောင်နှင့်မိခင် ကျန်းမာရေးမိခင်နှင့်ကလေးကျန်းမာရေး

Why do doctors ask for an ultrasound during pregnancy?

1 Mins read
ကိုယ်ဝန်ဆောင်တဲ့အချိန်မှာ အာလ်ထရာဆောင်းရိုက်ခိုင်းတာ ဘာကြောင့်လဲ ❓ ~~~~~~~~~ သင်ဟာ ကိုယ်ဝန်ဆောင်တစ်ယောက်ဆိုရင်…. သင့်ကိုယ်ဝန်ကို စောင့်ရှောက်ပေးတဲ့ သားဖွားမီးယပ်အထူးကု သို့မဟုတ် ဆရာဝန် ဆရာမက…. သင့်ကို အာလ်ထရာဆောင်းရိုက်ခိုင်းပါလိမ့်မယ်… ဒါကဘာအတွက်လဲ…. အာလ်ထရာဆောင်းရိုက်တာက ဘာတွေအကျိုးရှိသလဲ ဆိုရင် 👉(1) သင့်ဗိုက်ထဲက ကလေးငယ်ဟာ…