Pregnancy
ကိုယ်ဝန်ဆောင်နှင့်မိခင် ကျန်းမာရေးမိခင်နှင့်ကလေးကျန်းမာရေး

🤷 လွဲမှားနေသော ရှေးရိုးစွဲအယူအဆများနှင့် မမ ဗိုက်များ 🤰

1 Mins read

ကျွန်တော် special talk တွေလိုက်ပြောတိုင်း မေးနေကြမေးခွန်းတစ်ခုရှိပါတယ်။ အဲ့ဒါကတော့ မိန်းမတယောက်ရဲ့ အလှဆုံးအချိန်က ဘယ်အချိန်လဲ ဆိုတာပါ။
ဖြေကြပါတယ် ရေချိုးပြီးတဲ့အချိန်၊ အိပ်နေတဲ့အချိန်၊ မင်္ဂလာဆောင်တဲ့အချိန်၊ (တချို့က ပါလိုက်သေးတယ် ရာသီလာတဲ့အချိန်တဲ့ ဟဟ) အမျိုးမျိုးပဲ။
မှန်အောင်ဖြေ နိုင်တဲ့သူ အင်မတန်ရှားပါတယ်။ တကယ်တော့ သိပ္ပံနည်းကျ လေ့လာမှုများအရ မိန်းမ တယောက်ရဲ့ အလှဆုံးအချိန်ဟာ ကိုယ်ဝန်ဆောင်နေစဉ် အချိန်ဖြစ်ပါတယ် (ဂုဏ်ယူလိုက်တော့မေမေတို့ရေ)

ကျွန်တော် ဒီအပတ် မမဗိုက်တွေကို လက်ဆောင်ပေးချင်တဲ့ အကြောင်းအရာကတော့ ရှေးရိုးစွဲ အယူအဆအလွဲလေးတွေ အကြောင်းပဲဖြစ်ပါတယ်။ ကျွန်တော်တို့ အိမ်တအိမ်မှာ မိန်းကလေးတယောက် ကိုယ်ဝန်ရပြီဆိုရင် အကုန်လုံးက ဝိုင်းဝန်းဂရုစိုက်ကြပါ တယ်။ အထူးသဖြင့် အမေဖြစ်သူပေါ့ မွေးလာမယ့် မြေးလေးမျက်နှ ာမျှော်ကိုးပြီး ကာယကံရှင် ကိုယ်ဝန်သည်ထက် အလုပ်ရှုပ်သူကြီး။ တခါတလေကျရင် ဂရုစိုက်လွန်းတာတွေ ရှေးရိုးစွဲ လွန်းတာတွေကြောင့် တချို့ ကိုယ်ဝန်ဆောင် မိခင်တွေမှာ မဖြစ်သင့်တာတွေ ဖြစ်ရတာလေးတွေ ရှိခဲ့ဖူးတယ် (စေတနာအမှား ပေါ့လေ)။ အရင်ခေတ်တုန်းက သူတို့ ပြုစုခံခဲ့ရတာတွေကို သူတို့သားသမီးတွေကို လုပ်ပေးချင်တုန်းလေ။

အဲ့လို စေတနာ အမှားလေတွေမဖြစ်အောင် အတွေ့အကြုံလေးတွေ ဝေမျှချင်ပါတယ်။ အယူဆတွေက လူမျိုး၊ ဘာသာတွေနဲ့လိုက်ပြီး အမျိုးမျိုးရှိတယ်။ ဆေးရုံမှာ ကြုံခဲ့ဖူးသလိုမျိုးပေါ့၊ ဗိုက်ကြီးတကားကားနဲ့ ကိုယ်ဝန်သည်ကို ကျတော့ ထမင်းအဖြူထည်၊ ကြက်ကြော်လေးနဲ့ လူနာစောင့်တွေကျ တော့ ဟင်းကြီးဟင်းကောင်းတွေနဲ့၊ ဘာလို့မကျွေးတုန်းဆိုတော့ ပြောလိုက်တာမှ စုံနေတာပဲ၊ ဟင်းကျွေးလို့ ငရုတ်သီးပါရင် ကလေးဆံပင်မပါမှာစိုးလို့၊ အသားအများကြီးကျွေးရင်လဲ ကလေးထွားပြီး မွေးရတာခက်မှာဆိုးလို့၊ နောက်ပြီး နေ့စေ့လစေ့မွေးတော့မယ့်လူနာကိုလဲ အသားကုန်တွေလမ်းလျှောက်ခိုင်း မွေးရလွယ်အောင်လို့တဲ့ (တော်ရုံသင့်ရုံဆိုရပြီပေ့ါ) အဲလူနာက ဗိုက်ကြီးနာလျက်နဲ့ လျှောက်ရလေတယ်ကွယ်။


မွေးပြီးသွားရင်လဲ တစ်စခန်းထပြီ ကလေးမွေးလို့ တကိုယ်လုံးနုံးချိပင်ပန်းနေတဲ့သူကိုကျတော့ အဖြူထည် နဲ့ ကြက်ကြော်၊ ငါးကြော်၊ ဟင်းချိုတောင် အရောင်ဆင်းမရှိ၊ ဆားမပါဘာမပါ၊ လူနာစောင့်တွေကျတော့ စားသလား မမေးနဲ့၊ သွားမေးကြည့် နို့တိုက်တော့ ကလေးဗိုက်နာမှာဆိုးလို့တဲ့။ နောက်ရှိသေးတယ် မွေးတုန်းကအကောင်း မွေးပြီးနောက်နေ့ကျ တကိုယ်လုံး ဝါထိန်ပြီး (wonder woman) ကနေ (yellow woman)ဖြစ်သွားတယ်။ နနွင်းတွေလိမ်းတာ (အထူးသဖြင့် india လူမျိုးတွေ)လေ။ နနွင်းက လူအတွက်ကောင်းပေမယ် သန့်စင်ထားတာမဟုတ်ဘူးလေ တချို့ မွေးလမ်းကြောင်းနားတွေထိ လိမ်းတာကျတော့ ရောဂါပိုးဝင်မှာ စိုးရိမ်ရတာပေါ့လေ (အကုန်ပြောရင်ဆုံးမှာတောင် မဟုတ်ဘူး)။ နိဂုံးချုပ်အနေနဲ့ ပြောချင်တာကတော့ ကိုယ်ဝန်ဆောင်ချိန်မှာတော့ ဘေးပြော စကားတွေထက် ဆရာဝန်စကား နားထောင်ပါလို့ပြောချင်ပါတယ်။
“တိုင်ပင်ဆွေးနွေး ကျန်းမာရေး၊ myDoctor နှင့်ဆက်သွယ်ပေး”
#myDoctor

Related posts
ကိုယ်ဝန်ဆောင်နှင့်မိခင် ကျန်းမာရေးမိခင်နှင့်ကလေးကျန်းမာရေး

မေမေတို့အတွက် အမြွှာပူး ရနိုင်သောအခြေအနေများ

1 Mins read
အမြွှာဖြစ်ရခြင်းဟာ မျိုးရိုးဗီဇ၊ ဟော်မုန်းဓာတ်နှင့် ပတ်ဝန်းကျင်ဆိုင်ရာအချက်များ ပေါင်းစပ်လွှမ်းမိုးထားတာ ဖြစ်ပြီး အမြွှာကလေးရစေမယ့် အာမခံချက် သို့မဟုတ် အမြွှာရဖို့ ထိန်းချုပ်နိုင်သော အရာဆိုပြီး မရှိပါဘူး။ အမြွှာပူး ဖြစ်နိုင်ခြေကို တိုးစေနိုင်တဲ့ အကြောင်းရင်းအချို့ရှိပေမယ့် အမြွှာရဖို့ သေချာစေတဲ့ နည်းလမ်း မရှိဘူး ဆိုတာ…
All Articlesကိုယ်ဝန်ဆောင်နှင့်မိခင် ကျန်းမာရေးမိခင်နှင့်ကလေးကျန်းမာရေး

Complication of lack of antenatal care

1 Mins read
ကိုယ်ဝန်မအပ်ခြင်းရဲ့ ပြဿနာများ မိမိရင်သွေးလေးတွေ ကျန်းကျန်းမာမာနဲ့ မွေးဖွားကြီးပြင်းလာစေချင်တာ မိဘတိုင်းရဲ့ ဆန္ဒတစ်ခုပဲဖြစ်ပါတယ်။ ကျန်းမာသန်စွမ်းတဲ့ ကလေးငယ်တွေအဖြစ် ကြီးပြင်းလာစေဖို့ ကိုယ်ဝန်ဆောင်စဉ် အချိန်တည်းက ဂရုစိုက်သင့်ပါတယ်။ တတ်ကျွမ်းနားလည်တဲ့ ကျန်းမာရေး စောင့်ရှောက်သူများနဲ့ စောလျင်စွာ ကိုယ်ဝန်အပ်ခြင်း၊ ညွှန်ကြားချက်များ လိုက်နာခြင်း၊ စနစ်တကျ ကိုယ်ဝန်စောင့်ရှောက်မှုများ…
ကိုယ်ဝန်ဆောင်နှင့်မိခင် ကျန်းမာရေးမိခင်နှင့်ကလေးကျန်းမာရေး

Why do doctors ask for an ultrasound during pregnancy?

1 Mins read
ကိုယ်ဝန်ဆောင်တဲ့အချိန်မှာ အာလ်ထရာဆောင်းရိုက်ခိုင်းတာ ဘာကြောင့်လဲ ❓ ~~~~~~~~~ သင်ဟာ ကိုယ်ဝန်ဆောင်တစ်ယောက်ဆိုရင်…. သင့်ကိုယ်ဝန်ကို စောင့်ရှောက်ပေးတဲ့ သားဖွားမီးယပ်အထူးကု သို့မဟုတ် ဆရာဝန် ဆရာမက…. သင့်ကို အာလ်ထရာဆောင်းရိုက်ခိုင်းပါလိမ့်မယ်… ဒါကဘာအတွက်လဲ…. အာလ်ထရာဆောင်းရိုက်တာက ဘာတွေအကျိုးရှိသလဲ ဆိုရင် 👉(1) သင့်ဗိုက်ထဲက ကလေးငယ်ဟာ…