📌 ဘာကြောင့် အိပ်တဲ့အခါ ဟောက်ရတာလဲ?

ဆိုတဲ့မေးခွန်းကို ဖြေရရင်တော့ အိပ်နေရင်း အသက်ရှူတဲ့အခါ လေဝင်တဲ့လမ်းကြောင်းပိတ်နေလို့ပဲ ဖြစ်ပါတယ်။ ပါးစပ်၊နှာခေါင်းထဲ ဝင်လာတဲ့လေဟာ လမ်းကြောင်းပိတ်နေတဲ့အထဲ တိုးဝင်ရတဲ့အခါမှာ လေဟာတုန်ခါပြီး အသံထွက်လာရခြင်းဖြစ်ပါတယ်။

📌 ကိုယ့်ဟောက်သံကြောင့် ကိုယ်ပြန်နိုးပြီး အိပ်ရေးပျက်လာတဲ့အခါမျိုး၊ မိမိပါတနာ အိပ်လို့မရလောက်အောင် အနှောင့်အယှက်ဖြစ်လာပြီဆိုရင်တော့ ဆရာဝန်နဲ့ တိုင်ပင်ကုသဖို့လိုနေပါပြီ။

🔰 အသက်ကြီးတဲ့လူတွေမှာ လည်ပင်းကြွက်သားတွေအားနည်းလာတဲ့အတွက် ပိုဟောက်တတ်တယ်။ အမျိုးသမီးတွေထက် အမျိုးသားတွေကပိုဟောက်လေ့ရှိပြီး ဟောက်ရင်လည်း ပိုကျယ်ပါတယ်။ ဝတဲ့လူတွေ၊ အရက်သောက်တဲ့လူတွေ၊ အိပ်ဆေးသောက်အိပ်တဲ့လူတွေ၊ ကျန်တာတော့ အအေးမိနှာစေးနှာပိတ်နေတဲ့အခါမျိုးတွေမှာ ဟောက်လေ့ရှိတတ်ပါတယ်။

🔰 ဟောက်တဲ့အခါလည်း အသံအကျယ်ကြီးဟောက်တယ် ဖြစ်တာလည်းကြာပြီဆိုရင် “Sleep Apnea” လို့ခေါ်တဲ့ အိပ်နေရင်း ခဏခဏ အသက်ရှူရပ်ရပ်သွားတဲ့ ရောဂါလည်းဖြစ်နိုင်တယ်။ သူကဆိုးတယ်၊ မကုသရင် နောက်ဆက်တွဲ လေဖြတ်တာ၊ သွေးတိုးတာနဲ့ နှလုံးရောဂါတွေဖြစ်လာနိုင်တယ်။

🔰 လူကလည်း ဝမယ်(Obese)၊ အိပ်တဲ့အခါ အသက်ရှူတာကလည်း နှေးလာမယ် (Hypoventilation)၊ နှေးလာတော့ သွေးထဲက ကာဗွန်ဒိုင်အောက်ဆိုဒ်ကို အလျင်မှီအောင် မဖယ်ရှားနိုင်တော့ သွေးတွင်းကာဗွန်ဒိုင်အောက်ဆိုဒ်ပမာဏများလာမယ် (Hypercapnia)၊ ဒီသုံးခုသွားဆုံတဲ့အခါ ဖြစ်တတ်တဲ့ရောဂါတစ်မျိုးလည်း ရှိသေးတယ်ဗျာ။

🔰 Charles Dickens ရဲ့ The Posthumous Papers of the Pickwick Club ဝတ္ထုထဲက ဇာတ်ကောင်လေးတွေနဲ့တူတဲ့အတွက် “Pickwickian Syndrome” လို့ခေါ်တယ်။ သူ့ရဲ့ လက္ခဏာလေးတွေက အိပ်ရေးမဝလို့ နေ့ခင်းဖက်တွေမှာ နုံးနေမယ်၊ ခေါင်းကိုက်မယ်၊ သိပ် Active မဖြစ်ဘူး၊ မောလွယ်တယ်၊ ဝဝဖိုင့်ဖိုင့် လေးတွေဖြစ်တဲ့အပြင် ခြေထောက်လေးတွေလည်းဖောနေမယ်၊ လက်သည်းခြေသည်းတွေက အောက်ဆီဂျင်မဝတဲ့အတွက် ပြာနေမယ်၊ အိပ်ရင်ဟောက်မယ် စတာမျိုးလေးတွေဖြစ်တတ်တယ်၊ ဝတဲ့အတွက်ကြောင့် ကောင်းကောင်းအသက်မရှူနိုင်လို့ဖြစ်တယ်လို့ဆိုပြီး ကုသလို့ရတဲ့နည်းလမ်းတွေရှိတယ်။

📌 ဟောက်တဲ့ကိစ္စကို ပြန်သွားရအောင်။ ဘယ်လိုကုသရမလဲ။

🔰 အဓိက က ဝိတ်လျော့ရပါမယ်။

🔰 အိပ်တဲ့အခါ ဇာတ်ကြီး ခေါက်မနေအောင်သတိထားပြီး အိပ်ပါ။ ညဖက်အရက်သောက်တာရှောင်ပါ။

🔰 သောက်ဆေးအနေနဲ့ Cold medication တွေသောက်လို့ရတယ်။ သူက နှာရည်ယို နှာပိတ်ခြင်းကြောင့် ဟောက်တာကို သက်သာစေတယ်။

🔰 Mouth guard တို့ Nasal prongs, stent အမျိုးမျိုးခေါ်ကျတယ် အဲ့တာလေး ပါးစပ်၊ နှာခေါင်းထဲထည့်ထားရင် လေဝင်တဲ့လမ်းကြောင်းကို ဖွင့်ပေးထားတဲ့အတွက် ဟောက်တာကို သက်သာစေတယ်။

🔰 ခွဲစိတ်ပြီးတော့လည်းကုသလို့ရတယ်။

📌 နည်းလမ်းတွေကတော့ ဟောက်အောင်လုပ်တဲ့ လေလမ်းကြောင်းမှာပိတ်နေတဲ့ကောင်ကို ဖြတ်ထုတ်လိုက်တဲ့နည်းပဲ။

🔰 Laser-assisted uvulapalatoplasty (LAUP) – အာခေါင်ပျော့ကိုဖြတ်ထုတ်ခြင်း

🔰 Radiofrequency ablation – အသံလှိုင်းကိုသုံးပြီး အာခေါင်နဲ့ လျှာကပိုနေတဲ့ အသားတွေကိုဖြတ်ထုတ်ခြင်း

🔰 Septoplasty – ဒီကောင်က နှာခေါင်းပေါက်ထဲက မွေးရာပါလမ်းကြောင်းလွဲနေတာကိုပြင်လိုက်ခြင်း

🔰 Tonsillectomy and adenoidectomy – အာသီးနဲ့ နှာခေါင်းအရင်းက ပိုနေတဲ့ အသားတွေကိုဖြတ်ထုတ်ခြင်း

📌 “အိပ်နေရင်း ဟောက်တာဟာ တော်တော်စိတ်အနှောင့်အယှက်ဖြစ်စရာကောင်းပြီး ကြာလာရင်လည်းနောက်ဆက်တွဲရောဂါတွေဖြစ်နိုင်သေးတဲ့အတွက် Healthy lifestyle နဲ့ Exercise လုပ်ပြီးတတ်နိုင်သလောက်ကာကွယ်သင့်ပါတယ်။”

“တိုင်ပင်ဆွေးနွေး ကျန်းမာရေး myDoctor နှင့်ဆက်သွယ်ပေး”

#myDoctor #Dr_KyawYe_ဆေး(၁)