Fetal Kick
ကလေးကျန်းမာရေးမိခင်နှင့်ကလေးကျန်းမာရေး

👶 ကလေးလှုပ်တာ မှတ်သားစရာ

1 Mins read


ဒီဆောင်းပါးမှာတော့ မေမေတို့သိသင့်တဲ့ ကလေးလှုပ်ခြင်းအကြောင်းကို အမေးအဖြေလေးတွေနဲ့ ရေးသားပေးသွားမှာဖြစ်ပါတယ်။
*Fetal kick counting/ကလေးလှုပ်တာကိုမှတ်ရမယ် ဆိုတာဘာလဲ ❓
ကလေးလှုပ်ခြင်းကို မှတ်တာဟာ အသက်မပါတဲ့ကလေး (Still birth) တွေမွေးခြင်းကို ကာကွယ်တဲ့နည်းတစ်မျိုးပါပဲ။ ကိုယ်ဝန် ၂၈ပတ်ကနေ ကလေးမွေးတဲ့အထိ ကြားထဲမှာ နေ့စဉ်ကလေးလှုပ်ရှားမှုကို မှတ်သားထားရပါတယ်။ ပုံမှန်လိုလှုပ်ရှားမှုမရှိတော့ဘူးဆိုရင် ဆေးရုံ၊ဆေးခန်းအမြန်ဆုံးသွားရောက်ရပါတယ်။


*ကလေးလှုပ်ခြင်းကို မှတ်သားတာဟာ ဘာကြောင့် အရေးကြီးတာလဲ ❓
ကလေးလှုပ်တာ ပုံမှန်မဟုတ်ခြင်းဟာ ကိုယ်ဝန်နှစ်ဆယ့်ရှစ်ပတ်နောက်ပိုင်းမှာဖြစ်တတ်တဲ့ Fetal Distress (ကလေးမွန်းခြင်း)အခြေအနေရဲ့ အစောပိုင်းလက္ခဏာတစ်ခုဖြစ်နေလို့ပါပဲ။ပုံမှန်မှတ်သားထားရင် မိခင်ဟာ ကလေးပုံမှန်ဟုတ်မဟုတ် သိနေပါတယ်။ တကယ်လို့ ကလေးမလှုပ်တာဆိုရင်လည်း ပုံမှန်မှတ်သားထားတဲ့မိခင်က တန်းသိပါတယ်။


*ကလေးကအမြဲလှုပ်နေတာဆိုရင်ရော မှတ်ဖို့လိုသလား ❓
အမြဲတမ်းလှုပ်ရှားတက်ကြွပြီး ဗိုက်ကိုကန်နေတတ်တဲ့ ရင်သွေးလေးတွေကို လွယ်ထားရတဲ့ မေမေတွေလည်းရှိပါတယ်။ အဲလိုမေမေတွေကလည်း ကလေးဟာ အမြဲလှုပ်နေတတ်တာပဲဆိုပြီး ပေါ့ဆလို့မရပါဘူး။ Active baby ဟာလည်း Distress ရနိုင်ပါတယ်။ ဒီလိုပုံမှန်မှတ်သားမှသာ အမြဲတက်ကြွနေတဲ့ရင်သွေးလေး မတော်မဆနှေးကွေးနေတဲ့အခါ သတိပြုနိုင်မှာပါ။


*Fetal kick count ကိုဘယ်လိုမှတ်ရမလဲ ❓
ကလေးလှုပ်ခြင်းကို မှတ်တဲ့နည်းလမ်းတွေမျိုးစုံရှိကြပါတယ်။ ခုကတော့ Count to Ten ဆိုတဲ့ Method လေးကိုဖော်ပြပေးချင်ပါတယ်။
(၁)တစ်နေ့ကိုတစ်ကြိမ်မှတ်ရမှာဖြစ်ပါတယ်။ ညနေစာစားပြီး ညနေဘက်စောစောအချိန်ဟာ ကလေးတွေ active ဖြစ်တတ်လို့ သင့်လျော်ပါတယ်။ ဒါပေမယ့် ကလေးတွေဟာ တစ်ယောက်နဲ့တစ်ယောက် မတူကြလို့ ကိုယ့်ရဲ့ကလေးလေး ဘယ်ချိန်မှာ အတက်ကြွဆုံးလဲဆိုတာ မေမေတို့ကသာအသိဆုံးဖြစ်မှာပါ။ အဲဒီအချိန်ကိုရွေးပြီး နေ့စဉ်အချိန်ကိုပုံမှန်သတ်မှတ်ပြီး မှတ်သားပေးရပါမယ်။
(၂)စာရွက်၊မှတ်ဖို့ ဘောပင်နဲ့ နာရီလိုပါတယ်။
(၃)ဘယ်ဘက်ကိုစောင်းအိပ်ပေးပါ။
(၄)ကလေးလှုပ်ရင်၊ကန်ရင်၊ ခုန်ရင်၊လူးသွားရင် တစ်ခုကြုံတာနဲ့ အမှတ်တစ်မှတ်ခြစ်ပါ။
(၅)ဆယ်ကြိမ်ပြည့်တဲ့အထိမှတ်သားပါ။(၆)စံအနေနဲ့တော့ ဆယ်ကြိမ်ကို နှစ်နာရီအတွင်းပြည့်ရပါတယ်။


*ဘယ်အချိန်မှာ ဆရာဝန်ဆီ အမြန်ဆုံးပြသမလဲ ❓
တစ်နေကုန်ကလေးမလှုပ်ရင်-လေးကြိမ်လှုပ်ဖို့ကို တစ်နာရီမကကြာနေရင်-နှစ်နာရီအတွင်းမှာ ဆယ်ကြိမ်မလှုပ်ခဲ့ရင်-ကလေးလှုပ်တဲ့ပုံစံဟာ တော်တော်ကျဆင်းပြီး ပြောင်းလဲနေရင် ကလေးဟာ ပုံမှန်မဟုတ်ဘဲ တစ်ခုခုနေမကောင်းတာ ငြိမ်နေတာကိုပြသခြင်းဖြစ်နိုင်ပါတယ်။ဒါကြောင့် မေမေတို့အနေနဲ့ ကျန်းမာတဲ့ရင်သွေးလေးကို မွေးဖွားဖို့ သူ့ကိုဂရုတစိုက်နဲ့ စောင့်ကြည့်နေဖို့လည်း လိုအပ်တဲ့အကြောင်း ရေးသားလိုက်ရပါတယ်။အားလုံးကျန်းမာပျော်ရွှင်ကြပါစေ။

#myDoctor#မောင်(ဆေး-၁)

Related posts
ကိုယ်ဝန်ဆောင်နှင့်မိခင် ကျန်းမာရေးမိခင်နှင့်ကလေးကျန်းမာရေး

မေမေတို့အတွက် အမြွှာပူး ရနိုင်သောအခြေအနေများ

1 Mins read
အမြွှာဖြစ်ရခြင်းဟာ မျိုးရိုးဗီဇ၊ ဟော်မုန်းဓာတ်နှင့် ပတ်ဝန်းကျင်ဆိုင်ရာအချက်များ ပေါင်းစပ်လွှမ်းမိုးထားတာ ဖြစ်ပြီး အမြွှာကလေးရစေမယ့် အာမခံချက် သို့မဟုတ် အမြွှာရဖို့ ထိန်းချုပ်နိုင်သော အရာဆိုပြီး မရှိပါဘူး။ အမြွှာပူး ဖြစ်နိုင်ခြေကို တိုးစေနိုင်တဲ့ အကြောင်းရင်းအချို့ရှိပေမယ့် အမြွှာရဖို့ သေချာစေတဲ့ နည်းလမ်း မရှိဘူး ဆိုတာ…
All Articlesကိုယ်ဝန်ဆောင်နှင့်မိခင် ကျန်းမာရေးမိခင်နှင့်ကလေးကျန်းမာရေး

Complication of lack of antenatal care

1 Mins read
ကိုယ်ဝန်မအပ်ခြင်းရဲ့ ပြဿနာများ မိမိရင်သွေးလေးတွေ ကျန်းကျန်းမာမာနဲ့ မွေးဖွားကြီးပြင်းလာစေချင်တာ မိဘတိုင်းရဲ့ ဆန္ဒတစ်ခုပဲဖြစ်ပါတယ်။ ကျန်းမာသန်စွမ်းတဲ့ ကလေးငယ်တွေအဖြစ် ကြီးပြင်းလာစေဖို့ ကိုယ်ဝန်ဆောင်စဉ် အချိန်တည်းက ဂရုစိုက်သင့်ပါတယ်။ တတ်ကျွမ်းနားလည်တဲ့ ကျန်းမာရေး စောင့်ရှောက်သူများနဲ့ စောလျင်စွာ ကိုယ်ဝန်အပ်ခြင်း၊ ညွှန်ကြားချက်များ လိုက်နာခြင်း၊ စနစ်တကျ ကိုယ်ဝန်စောင့်ရှောက်မှုများ…
ကိုယ်ဝန်ဆောင်နှင့်မိခင် ကျန်းမာရေးမိခင်နှင့်ကလေးကျန်းမာရေး

Why do doctors ask for an ultrasound during pregnancy?

1 Mins read
ကိုယ်ဝန်ဆောင်တဲ့အချိန်မှာ အာလ်ထရာဆောင်းရိုက်ခိုင်းတာ ဘာကြောင့်လဲ ❓ ~~~~~~~~~ သင်ဟာ ကိုယ်ဝန်ဆောင်တစ်ယောက်ဆိုရင်…. သင့်ကိုယ်ဝန်ကို စောင့်ရှောက်ပေးတဲ့ သားဖွားမီးယပ်အထူးကု သို့မဟုတ် ဆရာဝန် ဆရာမက…. သင့်ကို အာလ်ထရာဆောင်းရိုက်ခိုင်းပါလိမ့်မယ်… ဒါကဘာအတွက်လဲ…. အာလ်ထရာဆောင်းရိုက်တာက ဘာတွေအကျိုးရှိသလဲ ဆိုရင် 👉(1) သင့်ဗိုက်ထဲက ကလေးငယ်ဟာ…

5 Comments

Comments are closed.