👶 ကလေးလေးတွေရဲ့ “သွား” ကျန်းမာရေး 🦷

ကလေး လေးတွေဟာ မိခင် ဝမ်းဗိုက်ထဲမှာ ရှိစဉ် ကာလထဲက သွားလေးတွေ ဖွံဖြိုးနေပါတယ်။ မွေးကာစ ကလေးတွေရဲ့ သွားဖုံးအောက်မှာ ငယ်သွား အချောင်း (၂၀-လုံး) မြှုပ်ပြီး ပါလာပါတယ်။ ဒီသွားလေးတွေဟာ သွားဖုံးကို တိုးရင်း တိုးရင်းနဲ့ အသက် (၃-လ) လောက်ဆို သွားဖုံးတွေယားပြီး ကိုက်ချင်လာတာနဲ့ ငယ်သွားတွေ စထွက်လာရော။

👆 အရင်ဦးဆုံး ထွက်တတ်တာ ကတော့ အောက်ရှေ့သွားလေး (၂-ချောင်း)ပါ။ ပြီးရင် ရှေ့အပေါ် သွားလေး၂-ချောင်း ထွက်လာတတ်တယ်။ ပြီးမှ အဲ့သွားလေးတွေ ဘေးကနေ တဖြည်းဖြည်းချင်း တိုးထွက်လာလိုက်တာ အသက် (၃-နှစ်)လောက်ဆို ငယ်သွား အချောင်း (၂၀) လုံး အစုံထွက်လာပါတယ်။

👦 ကြီးသွား ဘယ်အချိန် လဲသလဆိုတော့ ကလေး အသက် (၆ နှစ်)လောက်ကနေ စပြီး ကြီးသွားလဲဖို့ စတင်တတ်တယ်။ (၁၂-နှစ်)လောက်မှာ လူကြီးသွားတွေနဲ့ စပြီး အစားထိုး နေသင့်ပြီ။

အသက် (၂၀) လောက်ဆိုရင်တော့ ငယ်သွားတွေ အကုန်လုံးကို လူကြီးသွား (၃၂ – ချောင်း) နဲ့ အစားထိုးပြီး သွား ဖြစ်သွားပါတယ်။ တချို့မှာတော့ ငယ်သွားမလဲပဲ ကျန်နေတတ်တာ မျိုးတွေ ရှိတယ်။ (Retained Primary Teeth လို့ခေါ်တယ်။

အဲ့တော့ ကလေး သွားကျန်းမာရေးအတွက် ဘာတွေ ဂရုစိုက်ပေးဖို့ လိုလဲ ဆိုတော့ –

သွား စပေါက်ချိန်ကနေ စပြီး ကလေး သွားဖုံးကိုတိုက်တဲ့ (Baby Gum Wipes) လေးတွေသုံးပြီးတော့ ဖြစ်ဖြစ်၊ အဝတ်ပါးလေးကို ရေသန့်လေးဆွတ်ပြီး တနေ့ (၂-ခါ )ပွတ်တိုက်ပေးခြင်းဖြင့် သန့်ရှင်း ပေးနိုင်တယ်။ ဒီလို လုပ်ပေးခြင်း အားဖြင့် သွားတိုက်တံနဲ့ တိုက်ပေးတဲ့အခါ ကျင့်သားရသွားမှာဖြစ်တယ်။

🦷 အသက် (၂-နှစ်အောက်)အထိ သတ်မှတ်ပြီး ထုတ်ထားတဲ့ သွားတိုက်တံလေးတွေ ရှိတယ်။ ရေသန့် လေးနဲ့ပဲ သွားလေးတွေကို တစ်နေ့ (၂-ခါ) ပွတ်တိုက်ပေးပါ။ အသက် (၁-နှစ်ခွဲ ~ ၂-နှစ်) လောက်မှသာ သွားတိုက်ဆေးကို စအသုံးပြုသင့်ပါတယ်။

🪥 သွားပေါက်ချင်တဲ့ အခါ ကလေးလေးတွေ သွာဖုံးတွေ ယားပြီး လက်လှမ်းမှီရာ ယူကိုက်ချင်တတ်ကြတယ်။ ကလေးတွက် Pacifier လေးပဲဖြစ်ဖြစ်၊ ရေပါတဲ့ ကိုက်တုံးလေးတွေ သာပေးကိုက်ပါ။ အမာတွေကိုက်ရင် သွားလေးတွေ မညီတာ၊ ပဲ့ထွက်တာတွေ ဖြစ်သွားနိုင်ပါတယ်။

🍼 နောက်ပြီး နို့ဗူး ငုံပြီး ပေးမအိပ်ပါနဲ့။ နို့ရည်တွေ ပါးချောင်ထဲ ငုံထားမိရင် သွားပိုး စားနိုင်ပါတယ်။ ငယ်သွားလေးတွေဟာ အချိန်တန် လဲမှာပဲဆိုပြီး ဂရုမစိုက်ပဲ နေလို့ဘူးဆိုတာလေး အကြံပေး ချင်ပါတယ်။

ချစ်ရတဲ့ ရင်သွေးလေးတွေရဲ့ သွားလေးများ ပုလဲလုံးလေးများလို အစဉ်လှပနိုင်ပါစေ

“တိုင်ပင်ဆွေးနွေး ကျန်းမာရေး myDoctor နှင့်ဆက်သွယ်ပေး”

#myDoctor #Dr_KyawYe_ဆေး(၁)