ကျန်းမာရေး( အ )အလှအပနှင့်နေထိုင်စားသောက်မှုပုံစံ

အိပ်နေချိန် ဘီလူးစီးခြင်း ( Sleep Paralysis )

1 Mins read

အရပ်အခေါ် ဘီလူးစီးတယ်ဆိုတာ အိပ်တစ်ဝက်နိုးတစ်ဝက် ဒါမှမဟုတ် နိုးနေချိန်မှာ စကားပြောမရ၊ လှုပ်ရှားမရ ဖြစ်တာမျိုးကို ဆိုလိုတာပါ။

တစ်ခါတစ်ရံ စက္ကန့်ပိုင်းသာကြာတတ်ပေမယ့် တစ်ခါတစ်ရံမှာ မိနစ်ပိုင်းအထိကြာမြင့်တတ်ပါတယ်။

အိပ်စက်ခြင်းစက်ဝန်းရဲ့ ပထမအဆင့်ဖြစ်တဲ့ REM လိုခေါ်တဲ့ လုံးလုံးလျားလျားအိပ်မပျော်သေးတဲ့အဆင့်မှာ ဘီလူးစီးတာကအဖြစ်များပါတယ်။ ဦးနှောက်ဟာ အိပ်မက်ကြောင့် ခန္ဓာကိုယ်လှုပ်ရှားမှုမရှိစေရန် ကြွက်သား တွေကိုထိန်းချုပ် ရပ်တန့်ထားလိုက်ပါတယ်။ ဒီလိုအချိန်မှာနိုးလာခဲ့သည့်တိုင် ဦးနှောက်ရဲ့ ထိန်းချုပ်မှုက ပြယ်မသွားတဲ့အခါ ဘီလူးစီးခြင်းကိုဖြစ်ပေါ်စေပါတယ်။

ဘီလူးစီးခြင်းဟာ အများအားဖြင့် လှုပ်ရှားနိုင်တဲ့ကြွက်သားတွေက လှုပ်ရှားမရခြင်း၊ တစ်ခုခုနဲ့ ဖိထားသလို ဖြစ်နေခြင်း၊ လည်ပင်းတင်းကျပ်ကျပ်ကြီးဖြစ်ခြင်း တို့ခံစားရနိုင်ပြီး မရှိတဲ့အရာတွေကို မြင်ရကြားရတဲ့ပုံစံမျိုး၊ အိပ်မက်ပုံစံမျိုးနဲ့ယောင်ယမ်းတာမျိုးဖြစ်တဲ့အတွက် ကြောက်စရာဖြစ်နေပါလိမ့်မယ်။ ဒီလိုဖြစ်ရခြင်းက ဖိအားတွေ၊ ဒေါသတွေနဲ့ အိပ်စက်ခြင်းကိုအနှောက်အယှက်ပေးခံရချိန်တွေမှာဖြစ်တတ်တာပါ။ နာကိုလပ်စီ (Narcolepsy) ဆိုတဲ့ ရုတ်တရက်အိပ်ပျော်ခြင်း ရောဂါနဲ့လည်းဆက်စပ်နိုင်ပါတယ်။

ဘယ်လိုလူတွေမှာ ပိုအဖြစ်များလဲဆိုတော့ အိပ်ရေးပျက်သူများ၊ ပက်လက်အိပ်တတ်သူများ၊ အရက် အလွန်အကျွံသောက်သူများ၊ စိတ်ဖိစီးမှုများသူများ၊ မူးယစ်ဆေးသုံးသူများမှာ ပိုအဖြစ်များပါတယ်။

ဘီလူးစီးခြင်းအတွက် အထူးတလည်ကုသမှုမလိုအပ်သော်လည်း ကြိမ်ဖန်များစွာဖြစ်လာပြီဆိုရင်တော့ နားလည် တတ်ကျွမ်းတဲ့ဆရာဝန်ထံမှာ ဆွေးနွေးပြီးကုသမှုခံယူသင့်ပါတယ်။ narcolepsy ကဲ့သို့သော ရောဂါအခံရှိနေပါက ထိုရောဂါအခံကို ကုသခြင်းဖြင့် သက်သာနိုင်ပါတယ်။

ဒီလိုဘီလူးစီးခြင်းကိုကာကွယ်ဖိုဆိုရင်တော့ အိပ်ချိန်မှန်မှန်ထားခြင်း နှင့် စိတ်ဖိအားတွေကို လျှော့ချဖို့ လိုအပ်ပါတယ်ရှင်။

#myDoctor #telemedicine #SleepParalysis

Related posts
စားသောက်မှုပုံစံအလှအပနှင့်နေထိုင်စားသောက်မှုပုံစံ

ခုခံအားအမြန်ဆုံးတက်စေမယ့် အစားအသောက်(၁၀)မျိုး - Resistance Foods

1 Mins read
ခန္ဓာကိုယ်ရဲ့ ကိုယ်ခံအားစနစ် ကို အမြန်ဆုံးပြန်လည်မြှင့်တင်ပေးနိုင်မယ့် အစားအသောက်များ (Resistance Foods) တွေကတော့… (1)ကြက်သွန်ဖြူ ကြက်သွန်ဖြူမှာပါဝင်တဲ့ Allicin ဆိုတဲ့ဒြပ်ပေါင်းဟာ ကူးစက်ရောဂါများနဲ့ ဘက်တီးရီးယားအချို့ကိုတိုက်ဖျက်နိုင်ပါတယ်။ (2)ချင်း ချင်းမှာပါဝင်တဲ့ Gingerol လို့ခေါ်တဲ့ဒြပ်ပေါင်းကတော့ ရောင်ရမ်းမှုကိုသက်သာစေပြီး ဓာတ်တိုးဆန့်ကျင်ဂုဏ်သတ္တိများပါဝင်ပါတယ်။ (3)ချဉ်သောအသီး Vitamin…
ကျန်းမာရေး( အ )စားသောက်မှုပုံစံအလှအပနှင့်နေထိုင်စားသောက်မှုပုံစံ

နေ့စဉ်ရက်ဆက်အရက်သောက်ခြင်း - Drinking Alcohol Everyday

1 Mins read
အရက် ( Alcohol )ကို နေ့စဉ်သောက်ခြင်းဟာ စိတ်ပိုင်းဆိုင်ရာနှင့် ရုပ်ပိုင်းဆိုင်ရာ ကျန်းမာရေးကို ရေတိုမှာရော၊ ရေရှည်မှာပါ ဆိုးရွားစွာ ထိခိုက်စေနိုင်ပါတယ်။ အရက်ဟာ ခန္ဓာကိုယ်အပေါ် ရှုပ်ထွေးသောအကျိုးသက်ရောက်မှုများရှိပြီး နှလုံး၊ ကျောက်ကပ်၊ အစာအိမ်နှင့် အူလမ်းကြောင်း၊ သွေးကြောစနစ်နှင့် အသည်းကဲ့သို့သော အင်္ဂါများနှင့်…
ကျန်းမာရေး( က-အ )စားသောက်မှုပုံစံအလှအပနှင့်နေထိုင်စားသောက်မှုပုံစံ

ထမင်းများများစားခြင်း (Excessive Carbohydrate Intake)

1 Mins read
ထမင်းနဲ့ဟင်းဆိုတာ မြန်မာလူမျိုးတိုင်းရဲ့ အဓိကအစားအစာတစ်မျိုးဖြစ်ပါတယ်။ ဒါပေမယ့် ထမင်းကိုအဓိကထားစားကြတာများပါတယ်။ ဒီလိုထမင်းကိုသာအဓိကထား စားကြတဲ့အတွက် ကျန်းမာရေးရှုထောင့်အရ ကောင်းကျိုးများလည်းရှိသလို ဆိုကျိုးများကိုလည်းသိထားသင့်ပါတယ်။ ကောင်းကျိုးများကတော့… (၁) လိုအပ်သောကာဗိုဟိုက်ဒရိတ်အတွက် ကောင်းမွန်သာအစားအစာ ထမင်းဟာ ကာဗွန်ဟိုက်ဒရိတ်ကြွယ်ဝစွာပါဝင်ပြီး ခန္ဓာကိုယ်အတွက် မရှိမဖြစ်လိုအပ်တဲ့စွမ်းအင်ကိုထောက်ပံ့ပေးပါတယ်။ (၂)အဆီပါဝင်မှုနည်းပါးခြင်း ထမင်းရဲ့သဘာဝကိုက အဆီပါဝင်မှုနည်းတဲ့အတွက် အဆီများတဲ့အစားအစာများကို…

Leave a Reply

Your email address will not be published. Required fields are marked *