dry-skin
All Articlesနေထိုင်မှုပုံစံအလှအပအလှအပနှင့်နေထိုင်စားသောက်မှုပုံစံ

အသားပတ်တာတွေကြောင့် အမြင်မလှဖြစ်နေပြီလား…

1 Mins read

အသားပတ်တာတွေကြောင့် အမြင်မလှဖြစ်နေပြီလား…

ဆောင်းတွင်းဝင်နေပြီဆိုတာနဲ့ အသားတွေပတ်ပြီး အရေခွံတွေကွာလာမယ်။ ရာသီအလိုက်ဖြစ်တယ်ဆိုပေမယ့် သေချာမထိန်းသိမ်းရင် အမြင်တော့လှမနေပါဘူး။ ဒါ့ကြောင့် ဆောင်းတွင်းအသားပတ်တာတွေကို ဘယ်လိုထိန်းသိမ်းရမလဲဆိုတာလေးပြောပြပေးချင်ပါတယ်…။

ရေများများသောက်ရပါမယ်။ နွေရာသီပူပြင်းတဲ့အချိန်မှာ ရေဆာတာမျိုးခဏခဏဖြစ်တတ်ပေမယ့် ဆောင်းရာသီမှာတော့ အပြင်မှာအေးနေတာပဲဆိုပြီး ရေသောက်ဖို့ကို သိပ်သတိမရတတ်ကြပါဘူး။ အသားအရေ ရေဓာတ်ခမ်းခြောက်ရင် အသားပတ်တာတွေပိုဆိုးနိုင်လို့ အနည်းဆုံး တစ်နေ့ ၈ ခွက်လောက်တော့ ရေကိုသောက်ပါ။ ဒါမှ သင့်အသားအရေက ကြည်လင်ပြီး အသားပတ်တာတွေလျော့နည်းလာမှာပါ။

မျက်နှာသစ် Cleanser ကောင်းကောင်းရွေးချယ်ပါ။ Alcohol ပါတဲ့၊ အမွှေးနံ့တွေပါတဲ့Cleanser တွေဟာ မျက်နှာအသားအရေမှာရှိတဲ့သဘာဝအဆီတွေကိုပါ ဖယ်ရှားပစ်လိုက်တဲ့အတွက် အသားပတ်တာအတွက်ကောင်းကျိုးမရှိစေပါဘူး။ Cream-based Cleanser လေးတွေရွေးချယ်ပေးတာက အသားအရေအစိုဓာတ်ကို ကောင်းကောင်းထိန်းထားပေးနိုင်လို့ အသားပတ်တာသက်သာစေပါတယ်။

Moisturizer နဲ့ Lotion တွေအသုံးပြုပေးပါ။
မျက်နှာသစ်ပြီးတဲ့အခါ Moisturizer အသုံးပြုတာ၊ ခန္တာကိုယ် ခြေထောက်တွေ လက်တွေကို Lotion လိမ်းပေးတာမျိုးတွေပြုလုပ်ပေးပါ။ ဒါတွေက အသားအရေအစိုဓာတ်ကိုထိန်းပေးပြီးအသားပတ်တာသက်သာစေပါလိမ့်မယ်။

ရေချိုးတဲ့အခါ အကြာကြီးချိုးတာရှောင်ပါ။
ဆောင်းတွင်းမှာဆိုရင် တချို့က ရေချိုးတဲ့အခါ ရေပူလေးဖွင့်ပြီး ဇိမ်ဆွဲချိုးတတ်ကြပါတယ်။ ဒီလိုအချိန်ကြာကြာချိုးတာဟာ ခန္တာကိုယ်က သဘာဝအဆီတွေကိုဖယ်ရှားလိုက်သလိုဖြစ်စေလို့ အသားပတ်တာပိုဆိုးစေပါတယ်။

ဆောင်းတွင်းမှာ လက်ဖဝါးတွေ အရေခွံကွာတာအပြင် နှုတ်ခမ်းမှာ အဖတ်တွေကွာတာတွေလည်းဖြစ်ကြပါတယ်။ ဒါတွေသက်သာအောင်
နှုတ်ခမ်းထိန်းသိမ်းတဲ့အဆီတွေ၊ Lip balm တွေလိမ်းလို့ရပါတယ်။

နှုတ်ခမ်းကိုလျှာနဲ့ခဏခဏသပ်တာမျိုးမပြုလုပ်ပါနဲ့။ အဲ့လိုလုပ်တဲ့အခါမှာ နှုတ်ခမ်းကသဘာဝအဆီတွေကိုပါဖယ်ရှားလိုက်သလိုဖြစ်စေလို့ နှုတ်ခမ်းခြောက်တာ၊အဖတ်ကွာတာတွေကိုပိုဆိုးစေပါတယ်။

အသားအရေကို Scrub ပြုလုပ်တာလုပ်ပေးပါ။ ဒီလိုပြုလုပ်တာဟာ အရေပြားက ဆဲလ်သေတွေကိုဖယ်ရှားပေးပြီး ဆဲလ်အသစ်တွေကိုဖြစ်ပေါ်စေတဲ့အတွက် အသားပတ်တာတွေအတွက်လည်းကောင်းစေပါတယ်။

ဒါတွေကတော့ ဆောင်းရာသီအသားပတ်တာတွေသက်သာစေမယ့်နည်းလမ်းလေးတွေပါပဲ…။

ဒေါက်တာမြူနှင်း

MyDoctor Telemedicine Application
Related posts
စိတ်ကျန်းမာရေးနေထိုင်မှုပုံစံအထွေထွေရောဂါများအလှအပနှင့်နေထိုင်စားသောက်မှုပုံစံ

Body Scan Meditation

1 Mins read
Body Scan Meditation သို့မဟုတ် ရုပ်နာမ်ဆက်စပ်ကြည့်ရှုခြင်း ကျွန်တော်တို့တွေအနေနဲ့ တခါတရံမှာ စိတ်ဖိစီးမှုတွေစိုးရိမ်လွန်မှုတွေကြောင့်ခေါင်းကိုက်ခြင်း၊ နောက်ကျောနဲ့ ပခုံးနာကြင်ခြင်း၊ ကြွက်သားတင်းမာနေသလိုခံစားရခြင်းစတဲ့ရုပ်ပိုင်းဆိုင်ရာ အဆင်မပြေတဲ့ အခြေအနေမျိုးတွေရှိလာတတ်ပါတယ်။ ဒါဟာစိတ်ရဲ့ဖိဆီးမှုတွေကြောင့် ခန္ဓာကိုယ်ကိုလာရောက် ရိုက်ခတ်တာပဲဖြစ်ပါတယ်။ ခန္ဓာကိုယ်ကို စူးစမ်းလေ့လာပြီး စိတ်ဖိဆီးမှုများကိုသက်သာစေဖို့ လုပ်ဆောင်ပေးလို့ရပါတယ်။  ဘယ်လိုစူးစမ်းလေ့လာရမလဲဆိုရင်တော့  မိမိရဲ့…
All ArticlesCovid - 19ကူးစက်တတ်သောရောဂါများအထွေထွေရောဂါများ

Rainy season and COVID19

1 Mins read
မိုးရာသီနဲ့COVID19 မိုးရာသီက Covid19 ကူးစက်ဖို့ရာ လွယ်ကူနိုင်လားဆိုတာကတော့ ပညာရှင်တေ ွစူးစမ်းအဖြေရှာနေ ဆဲဖြစ်ပါတယ် တချို့သုတေသနပြုသူတွေကတော့ စိုထိုင်းစ မြင့်မားတဲ့ရေငွေ့အခြေအနေက ကိုရိုနာဗိုင်းရပ်စ်ပိုးပြန့်နှံ့မှုကိုနှေးကွေးစေတယ်လို့ဆိုကြပေမယ့်လည်း တချို့သော သုတေသနပြုသူတွေကတော့ အခန်းတွင်းအပူချိန်နိမ့်ကျပြီး စိုထိုင်းစမြင့်မားတဲ့အခြေအနေက ဗိုင်းရပ်စ်ပိုး ပျံ့နှ့ံမှုကို ပိုပြီးဖြစ်ပေါ်aစေတယ်လို့ဆိုပါတယ်။ အဲ့ဒီလိုအခြေအနေကနေ ကမ္ဘာ အနှံ့ပြန့်ပွားဖို့ရာလွယ်ကူနိုင်တယ်လို့လည်းအကြံပြုကြပါတယ်…
All Articlesဖိုးဖိုးဖွားဖွား ကျန်းမာရေး

Monsoon season and elderly

1 Mins read
ဘိုးဘိုးဘွားဘွားတို့နဲ့ မုတ်သုံရာသီ မိုးဦးကျကာလရောက်လာခြင်းနဲ့အတူ ဘိုးဘွားမိဘသက်ကြီးရွယ်အိုတွေကိုစောင့်ရှောက်ကူညီဖို့ရာ ပိုပြီးလိုအပ်ကြမှာပါ။ ဒီကာလမှာ ရာသီတုပ်ကွေး၊ ရင်ကြပ်ရောဂါ၊ ဆင်တုပ်ကွေးစတဲ့ ရောဂါဘယများအပြင် ခြေလက်ကိုက်ခဲတာ၊ ဝမ်းလျောတာ၊ အိပ်ချိန်မမှန်တာမျိုးတွေဖြစ်ပေါ်နိုင်ပါတယ်။ ရာသီဥတူအပြောင်းအလဲက ကျန်းမာရေးဆိုင်ရာအပြောင်းအလဲတွေကိုဖြစ်လာနိုင်တာမို့ မဖြစ်ခင်ကကြိုတင်ကာကွယ်နိုင်ဖို့အတွက် ဘိုးဘွားမိဘတွေအတွက်ကျန်းမာရေးနဲ့ပတ်သက်တဲ့ လုပ်ဆောင်သင့်တဲ့(၇)ချက်ကို ပြောပြပေးချင်ပါတယ် ၁။ ပူနွေးသောအစားအစာနှင့်ရေများကို စားသောက်ပေးပါ…

Leave a Reply

Your email address will not be published. Required fields are marked *