လူပျိုဖော်ဝင်စအချိန်မှာ သဘာဝအလျောက် အမျိုးသားလိင်အင်္ဂါ ထိပ်ဖူးဟာ ပွင့်လာတတ်ပါတယ်။
ဒါပေမယ့် အချို့မှာတော့ လိင်တံထိပ်ဖူးဟာ လူပျိုပေါက်အရွယ်ကျော်လွန်ပြီးတာတောင် ငုံနေဆဲအခြေအနေမျိုး(Phimosis)ကြုံနေရသူတွေလည်းရှိပါတယ်။
ဒီလိုလိင်တံထိပ်ဖူးငုံနေခြင်းဟာ အညစ်အကြေးနှင့်ဘက်တီးရီးယားများ စုပုံနေတတ်လို့ လိင်တံထိပ်ဖျားရောင်ရမ်းခြင်း များဖြစ်တတ်ပါတယ်။
အထူးသဖြင့်ဆီးသွားရာ၊ လိင်ဆက်ဆံရာမှာ ဖုံးအုပ်နေတဲ့ အရေပြားရဲ့ တင်းကျပ်မှုကြောင့် အနှောင့်အယှက်ဖြစ်စေပါတယ်။
ဒါကြောင့် လိင်တံထိပ်ဖူးငုံနေသူများဟာ ကျွမ်းကျင်ဆရာဝန်များနှင့်တိုင်ပင်ပြီး အရေပြားထိပ်ကိုဖြတ်သင့်လျှင်ဖြတ်ရပါမယ်။
အကယ်၍ လိင်တံအရေပြားထိပ်ဖြတ်မယ်ဆိုရင်တော့ အောက်ပါ အချက်တွေကိုသတိပြုသင့်ပါတယ်။
– လိင်ဆက်ဆံရာတွင်ခံစားမှုလျော့နည်းသွားခြင်း
– ဖြတ်ထုတ်မှုများလျှင်လိင်တံထောင်မတ်တဲ့အခါနာကျင်မှုခံစားရခြင်း
– ဆီးပြွန်ဝရောင်ရမ်းမှုဖြစ်ပေါ်စေနိုင်ခြင်း
ဖြတ်ထုတ်ပြီးပြီးခြင်း ဖြစ်ပေါ်တတ်သည့်အချက်များ
– သွေးထွက်ခြင်း
– အနာပိုးဝင်ခြင်း
– မေ့ဆေး/ထုံဆေးနှင့်ဓာတ်မတည့်ခြင်း
– ဂလင်းများထိခိုက်ပျက်စီးခြင်း
– ခွဲစိတ်မှုလက်ရာကြောင့် အဖုအကျိတ်အပြစ်အနာအဆာများဖြစ်ပေါ်နိုင်ခြင်း
လိင်တံအရေပြားဖြတ်ထုတ်ထားပြီးသူများလိုက်နာသင့်သည့်အချက်များ
– ရေချိုးတိုင်း လိင်တံကို ဆပ်ပြာ/ရေတို့ဖြင့်ဆေးကြောပါ။
– လိင်တံကိုပေါင်ဒါ ခရမ်များလိမ်းခြင်းမပြုပါနှင့်
လိင်တံအရေပြားဖြတ်ခြင်းကို မွေးဖွားအပြီး (၁)ရက်(၂)ရက်အကြာမှာကတည်းကလုပ်ဆောင်နိုင်ပေမယ့် လစေ့ပေါင်မပြည့်သော ကလေးငယ်များအားမလုပ်ပေးသင့်ပါ။
ဒါကြောင့် လိင်တံအရေပြားကို ဖုံးအုပ်နေတယ်ဆိုရင် ကျွမ်းကျင်ဆရာဝန်များထံမှာ သွားရောက်ဆွေးနွေးအကြံဉာဏ်တောင်းခံသင့်ပါကြောင်းအကြံပြုပါရစေ။
ယခုလိုဗဟုသုတရစရာအကြောင်းအရာတွေကို https://www.facebook.com/myDoctorMyanmar facebook channel နှင့် www.mydoctor.com.mm မှာအမြဲမပြတ်ဝင်ရောက်လေ့လာဖတ်ရှုနိုင်ပါတယ်။
#myDoctor
#Telemedicine