Body Temperature
Uncategorizedနေထိုင်မှုပုံစံအခြားရောဂါများအထွေထွေရောဂါများ

အပူမကျပဲ တငွေ့ငွေ့ဖျားနေရင် ဘာလုပ်ကြမလဲ

1 Mins read

ကပ်ရောဂါတွေကကြောင့်တစ်မျိုး၊ ရာသီတုပ်ကွေးကြောင့်တစ်ဖုံ နေမကောင်းဖြစ်ကြရတာကတော့ လူတိုင်းလူတိုင်း ပါပဲ။ အခုချိန်ထိ မဖျားသေးဘူးဆိုရင်တောင် ခေတ်မမှီတော့သလို ဖြစ်နေပြန်ပါတယ်။

ကျန်းမာခြင်းက လာဘ် တစ်ပါးပဲမို့ မကျန်းမာတဲ့ အခါ မိမိတိုနေ့စဉ် လုပ်ငန်းဆောင်တာတွေကိုတောင် မဆောင်ရွက်နိုင်တဲ့ အတွက် နည်းနည်းဖျားချင်သလိုဖြစ်တာနဲ့ နီးစပ်ရာဆေးခန်းတွေ မှာ ဆေးထိုး ဆေးသောက် လုပ်လာကြပါတယ်။ ဆရာရယ် ကြိုတင်ပြီး မဖျားအောင် ကာကွယ်တဲ့ အနေနဲ့ လာပြီး ဆေးထိုးတယ် ဆိုတဲ့ သူတွေလည်း ဆေးခန်းမှာ တွေ့လာရပါတယ်။ အခုစာစုလေးမှာ တော့ အိမ်မှာနေရင်း အဖျားတငွေ့ငွေ့ဖြစ်နေရင် ဘာတွေ လုပ်သင့်တယ် ဆိုတာကို ပြောပြပေးသွားပါမယ်။

၁၊ ဖျားရတဲ့ အကြောင်းအရင်းကိုရှာဖွေပါ။

အဖျားတငွေ့ငွေ့ဖြစ်တယ်ဆိုတာ ခန္ဓာကိုယ်ထဲမှာ Bacteria, Virus စတဲ့ ရောဂါပိုး တစ်ခုခု ရှိနေခဲ့ရင် သူတို့က ထွက်တဲ့ ဓါတ်တွေကြောင့် inflammation ဖြစ်ပေါ်တဲ့ အတွက် အဖျားက ပေါ်လိုက် ကျသွားလိုက် ဖြစ်နေရခြင်းပဲဖြစ်ပါတယ်။ တစ်ပတ်လောက်ထိ ကြာရင်တော့ Medical check up လုပ်ကြည့်ပြီး သွေးစစ်တာ၊ ဓါတ်မှန်ရိုက်တာတွေ ပြုလုပ်သင့်ပါတယ်။

၂၊ ဆေးကို သေချာသောက်ပါ။

တစ်ချို့သောသူတွေမှာ အဖျားကျဆေး Paracetamol သောက်လိုက်ရင် ခဏ အဖျားကျသွားတယ်၊ ၂နာရီလောက်နေရင် ပြန်ပြန် အဖျားတက်တာမျိုးတွေ ကြုံရတတ်ပါတယ်။ ဘာဖြစ်လို့လဲ ဆိုတော့ ဆေးရဲ့ Dosage ကို အပြည့်မသောက်မိလို့ပဲ ဖြစ်ပါတယ်။ ခန္ဓာကိုယ် Body weight ကိုလိုက်ပြီး Paracetamol ပါတဲ့ ဆေးတစ်မျိုးမျိုးကို 500mg တစ်နေ့ ၃ကြိမ် မှ ၄ကြိမ် အထိ သောက်ပေးရပါတယ်။ တစ်ချို့ အရမ်းကိုယ်အလေးချိန် များတဲ့သူတွေဆို 750mg ထိ ပေးရတာတွေလည်း ရှိတတ်ပါတယ်။

၃၊ လုံလောက်စွာ အနားယူပါ။

နေမကောင်းဖြစ်တဲ့ အချိန်တွေမှာ တစ်ရက်ကို အနည်းဆုံး ၇ နာရီမှ ၈နာရီလောက်ထိ အိပ်ပေးသင့်ပါတယ်။ အနားများများယူမှ ကိုယ်ခန္ဓာရဲ့ immune system မြန်မြန် အလုပ်လုပ်နိုင်ပြီး ဖျားတာတွေ ထပ် မ‌ဖြစ်စေနိုင်တော့ပါဘူး။

၄၊ ရေဓါတ်ပြည့်ဝနေပါစေ။

ရှင်းပါတယ်။ ရေသောက်ပေးပါ၊ ရိုးရိုးရေကို တစ်ရက် ၃လီတာမှ ၄လီတာခန့် အထိ ဝင်အောင် သောက်ပေးခြင်းဖြင့် သွေးစီးဆင်းမှု ကောင်းစေပြီး မြန်မြန် အဖျားပျောက်စေမှာပဲ ဖြစ်ပါတယ်။

၅၊ တတ်ကျွမ်းတဲ့ဆရာဝန်နဲ့ ပြသပါ။

အဖျားတငွေ့ဖြစ်တဲ့ ပြသနာတွေထဲမှာ အရေးအကြီးဆုံး တီဘီ ရောဂါ ပါဝင်ပါတယ်။ ချောင်းလဲဆိုးနေမယ် သလိပ် အရောင်ဝါဝါတွေပါနေမယ်၊ ညနေစောင်းတိုင်း ဖျားလာတတ်တယ် ဆိုရင်တော့ တီဘီရောဂါကို မေ့ထားလို့ မရပါဘူး။ ဆရာဝန်နဲ့ တိုင်ပင်ဆွေးနွေးမှုပြုလုပ်ပြီး လိုအပ်တဲ့ ဆေးကုသမှု ခံယူသင့်ပါတယ်။

ဒီလောက်ဆိုရင်တော့ အဖျားတငွေ့ငွေ့ ဖြစ်ရင် ဘာလုပ်ရမလဲ သတိထားမိလောက်ပြီလို့ ထင်မိပါတယ်။

ကမ္ဘာသူ၊ကမ္ဘာသားတွေ ကျန်းမာချမ်းသာကြပါစေ။

Related posts
နေထိုင်မှုပုံစံအထွေထွေရောဂါများအလှအပနှင့်နေထိုင်စားသောက်မှုပုံစံ

Why do bones and joints make noises every time they move?

1 Mins read
အရိုးနှင့် အဆစ် တွေကနေ လှုပ်ရှားလိုက်တိုင်း အသံတွေထွက်နေတာ ဘာကြောင့်လဲ… ကျွန်တော် တို့ရဲ့ အရိုးနှင့် အဆစ်တွေဟာ လှုပ်ရှားမှုလုပ်လိုက်တာနဲ့ အရိုးတွေ အဆစ်တွေကြားထဲကနေ အသံတွေထွက်လာတတ်တာ လူတိုင်း အနည်းနှင့် အများကြုံဘူး သိဘူးကြမှာပါ။ ဘာကြောင့် ဒီလိုအသံတွေ ဖြစ်ရလဲ ဘယ်လို…
Uncategorized

ပန်ကရိယကင်ဆာ (သို့) မုန့်ချိုအိတ်ကင်ဆာ (Pancreatic cancer)

1 Mins read
📌 ပန်ကရိယလို့ ခေါ်တဲ့ မုန့်ချိုအိတ်ဟာ သူ့ရဲ့တည်နေရာကိုက လျှို့ဝှက်တယ် နက်နဲတယ်၊ သူ့မှာ အကျိတ်ရှိနေရင်တောင် သိရခက်ခဲတယ်။ Ultrasound ရိုက်ရင်တောင် တော်ရုံ အကျိတ်လောက်ရှိယုံနဲ့ မမြင်ရဘူး။ ဒါကြောင့် ပန်ကရိယမှာ ကင်ဆာဖြစ်နေမှန်း သိရတဲ့အချိန်မှာ သူဟာနေရာ အနှံ့ကို ပျံ့နေပြီးသားဖြစ်နေပြီ။…
Covid - 19ကူးစက်တတ်သောရောဂါများအထွေထွေရောဂါများ

ကိုဗစ်ကာကွယ်ဆေး Booster ဆိုတာဘာလဲ

1 Mins read
လူတိုင်းထိုးစရာလို‌နေပြီလား??? 💉💉💉💉💉💉💉💉💉💉💉💉💉 အရင်ကကာကွယ်ဆေး ကို နှစ်ကြိမ်ထိုးပြီးသူတွေရဲ့ ရှိပြီးသား ကာကွယ်ဆေးအစွမ်းမကျသွားအောင် ခန္ဓာကိုယ်ထဲမှာ တိုက်ပွဲဝင်ဖို့အသင့်ဖြစ်အောင် လေ့ကျင့်တဲ့သဘောနဲ့ ထပ်ပြီးBooster Dose ကို တတိယအကြိမ်(1st booster) သာမက အခု စတ္ထုထအကြိမ် (2nd booster) ပါ တခြားနိုင်ငံတွေမှာထိုးနေကြပြီဖြစ်ပါတယ်။…