သွားဖုံးရောဂါစတင်ဖြစ်ပွားပုံ
သွားဖုံးရောဂါတွင်စဖြစ်လျှင် ဦးစွာသွားဖုံးသားရောင်ရမ်းခြင်း ဖြစ်လာသည်။ ယင်းသွားဖုံး ရောင်ရောဂါ (Gingivitis) ကိုစောစီးစွာ ကုသမှုခံယူပါက သွားဖုံးသားသည် နဂိုအတိုင်း ပြန်လည် ကျန်းမာလာနိုင်သည်။ အကယ်၍ ဂရုမစိုက်မိဘဲ အချိန်မီကုသမှုမခံယူပါက သွားဖုံးသားမှတဆင့် သွားဖုံးရိုးသို့ပျံ့နှံ့သွားပြီး သွားဖုံးရိုးများစတင်ပျက်စီးလာကာ သွားဖုံးပြည်အိတ်ဖြစ်လာခြင်း၊ သွားဖုံး သား နိမ့်ကျပြီး သွားအမြစ်ပေါ်လာခြင်း၊ကြာလာလျှင် သွားများယိုင်နဲ့ကျွတ်ထွက်သည်အထိ အခြေအနေဆိုးဝါး လာနိုင်သည်။ ဤအခြေအနေကို ရေစီးကမ်းပြိုရောဂါဟု လူအသိများသော သွားမြစ်ဝန်းကျင်ရောင်ရောဂါ (Periodontitis) ဟုခေါ်သည်။
သွားဖုံးရောဂါဖြစ်နေပါက
သွားဖုံးသားများ နီမြန်းလာခြင်း၊ သွားဖုံးသားများ ရောင်ရမ်းလာခြင်း၊ သွားဖုံးမှ သွေးထွက် လွယ်ခြင်း (အထူးသဖြင့် သွားတိုက်သည့်အခါတွင်လည်းကောင်း၊ မာသောအစာ စားရာတွင် လည်းကောင်း) စသည့်လက္ခဏာများကို သတိပြုမိလာနိုင်သည်။ ယင်းလက္ခဏာများကို ဂရုမပြုမိပါက (သို့မဟုတ်) အချိန်မီကုသမှုမပြုပါက သွားဖုံးယားခြင်း၊ သွားကြားတွင် အစာညှပ်လာခြင်း၊ အစာဝါးစားရာတွင် နာခြင်း၊ သွားများယိုင်နဲ့လာခြင်း၊ ကျွတ်ထွက်လာခြင်းတို့ ဖြစ်လာနိုင်သည်။
တစ်ခါတစ်ရံသွားဖုံးရောဂါသည် အချို့သောရောဂါများနှင့် အခြေအနေများ ဥပမာ-ဆီးချို ရောဂါ၊ သွေးနှင့်ပတ်သက်သော အချို့ရောဂါများ၊ ခုခံအားကျဆင်းမှုကူးစက်ရောဂါ၊ ကိုယ်ဝန်ဆောင်ချိန်၊ အာဟာရချို့တဲ့ခြင်း၊ ဆေးအချို့ကြာရှည်စွာ မှီဝဲခြင်း တို့နှင့် ဆက်စပ်၍ ဖြစ်ပွားနိုင်ကြောင်းကိုလည်း တွေ့ရှိရတတ်သည်။
သွားဖုံးရောဂါ၏ နောက်ဆက်တွဲ ဖြစ်စဉ်များ
ကျန်းမာသည့်သွားဖုံးသားသည် ပန်းနုရောင်ရှိပြီး သွားဖုံးနားသည်လည်း ညီညာချပ်ယပ်နေ ပါသည်။ သွားဖုံးရောဂါရှိမရှိကို မိမိကိုယ်တိုင် စစ်ဆေးကြည့်နိုင်ပါသည်။ သွားဖုံးသားများနီမြန်း ဖောင်းကြွနေပြီး ဖိကြည့်လျှင်သွေးထွက်လွယ်ခြင်း၊ တစ်ခါတစ်ရံ သွားတိုက်လျှင်ဖြစ်စေ၊ သစ်သီး များကိုက်လျှင်ဖြစ်စေ သွေးထွက်ခြင်းတို့ကိုတွေ့ရပါက သွားဖုံးရောဂါဖြစ်နေကြောင်း သိနိုင်သည်။ သွားဖုံးရောင်ရောဂါသည် အစပိုင်း၌ သွားဖုံးသားတွင် ရောဂါဖြစ်သော်လည်း ဂရုမပြုမိပါက အတွင်းပိုင်းသို့ပျံ့နှံ့သွားပြီး သွားဖုံးအရိုးများပျက်စီး၍ သွားများယိုင်နဲ့ ကျွတ်ထွက်တတ်သည်။ တစ်ခါတစ်ရံ သွားဖုံးရောင်ရာမှ သွားမြစ်ဝန်းကျင်တွင် ပြည်တည်နာများ (Periodontal Abscess) ဖြစ်ပေါ်လာတတ်သည်။ ထိုအခါ အစာမစားနိုင်ခြင်း၊ ထိုမှတဆင့် မျက်နှာရောင်ရမ်းခြင်း၊ ဖျားနာခြင်း၊ အကျိတ်များရောင်ရမ်းလာခြင်းတို့လည်း ဖြစ်တတ်သည်။ယင်းကဲ့သို့ သွားဖုံးရောင်ပြီး သွေးထွက်သည်ကို တွေ့ရပါက အရေးကြီးဆုံးမှာ သွားတိုက်ခြင်းကို ရပ်ဆိုင်းထားခြင်း မပြုလုပ်ရန်ဖြစ်သည်။ သွားဖုံးရောဂါသည် ခံတွင်းသန့်ရှင်းမှုမရှိ၍ ဖြစ်ရသောကြောင့် သွားတိုက်ခြင်းကို ဆက်လက်ပြုလုပ်ရမည်။ ထို့နောက် သွားဘက်ဆိုင်ရာ ဆရာဝန်ကို ပြသပြီး သွားဖုံးရောင်ရောဂါအတွက် ကုသမှုခံယူသင့်သည်။
သွားဖုံးရောဂါကာကွယ်ရန်
သွားဖုံးရောဂါသည် အဖြစ်များသောရောဂါဟုဆိုသော်လည်း ကြိုတကင်ကာကွယ်နိုင်သည်။ သွားဖုံးရောဂါ၏ ပဏာမလက္ခဏာများကို သတိပြုခံစားမိပါက သွားဘက်ဆိုင်ရာ ဆရာဝန်ထံ သွားရောက်ပြသသင့်သည်။ သို့မှသာ သွားဘက်ဆိုင်ရာ ဆရာဝန်အနေဖြင့် ထိရောက်သော ကာကွယ်မှုနည်းစနစ်များကို လမ်းညွှန်နိုင်ပေမည်။
Dr.Sai
