birth control vaginal ring
မျိုးဆက်ပွားကျန်းမာရေးအမျိုးသမီး ကျန်းမာရေး

သားမွေးပြွန်ထည့်ကွင်း

1 Mins read

စက်ဝိုင်းပုံသဏ္ဍာန် ရာဘာကွင်းလေး တစ်ကွင်းက သန္ဓေတားနိုင်စွမ်းရှိတာကို သိကြလား။

ကိုယ်ဝန်ကို ဘယ်လိုတားပေးတာလဲ။

  • ဒီကွင်းလေးဟာ မဟော်မုန်းတွေပါဝင်ပြီး တစ်စိမ့်စိမ့်ထွက်ရှိပေးတဲ့အတွက် သားဥကြွေခြင်းကို တားပေးတယ်။
  • ကွင်းထည့်ထားတဲ့ တစ်ဝိုက်မှာလည်း ချွဲမြှေးတွေ ထူစေပြီး သုတ်ပိုးများ သားအိမ်အတွင်း ဝင်ရောက်ခြင်းကို တားမြစ်ပေးပြီး ကိုယ်ဝန်မရအောင် တားပေးပါတယ်။

ဘယ်လိုသုံးရတာလဲ။

  • ဒီကွင်းလေးကို သားမွေးလမ်းကြောင်းအတွင်း စနစ်တကျ မှန်မှန်ကန်ကန် ထည့်ထားရမှာပါ။
  • အသုံးပြုရလဲလွယ်ကူပြီး မှန်မှန်ကန်ကန် ထည့်ထားရင် ၉၉ ရာခိုင်နှုန်းအထိ ထိရောက်မှုရှိစေပါတယ်။
  • ရာသီလာပြီးစ ၅ရက် အတွင်းမှာထည့်သင့်ပါတယ်။

ဘယ်သူတွေ သုံးသင့်သလဲ။

  • သုံးတဲ့ အမျိုးအစားပေါ်မူတည်ပြီး တစ်လမှ သုံးလအထိ ခံတော့ ဆေးပုံမှန်မသောက်ချင်သူ၊ ဆေးမထိုးဘဲ ကြာရှည်ခံစေချင်သူတွေအတွက် ရွေးချယ်သင့်တဲ့ နည်းလမ်းတစ်ခုပေါ့။
  • အတူနေတဲ့အခါမှာလည်း အနှောင့်အယှက်မဖြစ်စေသလို၊ အသုံးပြုမှုရပ်တာနဲ့ ကိုယ်ဝန်ပြန်ရစေတော့ ကာလတို သန္ဓေတားချင်သူတွေအတွက်လည်း သင့်တော်တယ်လေ။

ဘာတွေ သတိထားဖို့ လိုအပ်မလဲ။

·  အဓိက ကတော့ အချိန်မှန် ကွင်းလဲဖို့ပါပဲ။ လဲရမယ့် ရက်ကို သေချာမှတ်ထားပြီး အချိန်မှန်လဲပေးဖို့ လိုအပ်ပါတယ်။

·  ဟော်မုန်းဓာတ်ပါတဲ့အတွက် အသုံးပြုစအခါတွေမှာ ရာသီသွေးဆင်း မမှန်ခြင်း၊ ခေါင်းမူးခြင်း၊ ပျို့ခြင်း၊ အန်ခြင်း ဖြစ်တတ်ပါတယ်။ မကြောက်ပါနဲ့။ နှစ်လလောက်အကြာမှာ ဒါတွေ သက်သာပြီး ပုံမှန်ပြန်ဖြစ်သွားမှာပါ။

·  ဒီကွင်းလေးက လိင်မှတစ်ဆင့် ကူးစက်တဲ့ ရောဂါတွေကို မကာကွယ်နိုင်လို့ ကွန်ဒုံးပါ အသုံးပြုသင့်ပါတယ်။

ဒါကြောင့် ဆေးမသောက်ချင်တော့ဘူး၊ ဆေးထိုးရကြောက်တယ်၊ လက်မောင်းလည်း အခွဲမခံချင်ဘူး ဆိုသူ မမတို့ရေ ဒီနည်းလမ်းကိုသာ ရွေးချယ်လိုက်ကြပေတော့နော်။

ရီချို(ဆေး ၁)

Related posts
မျိုးဆက်ပွားကျန်းမာရေးအမျိုးသား ကျန်းမာရေး

ကိုမျိုးအောင် ဖြစ်စေဖို့ (သုက်ပိုး)

1 Mins read
အမျိုးမျိုးသော ရောဂါပြဿနာများဟာ အမျိုးသားတွေရဲ့ သုက်ပိုး အပါအဝင် မျိုးပွားမှုဆိုင်ရာ ပြဿနာတွေကို ဖြစ်စေနိုင်ပါတယ်။ –          Testosterone ဟော်မုန်းနှင့် သုက်ပိုးများထုတ်လုပ်ရန် ဝှေးစေ့များကို အချက်ပြပေးတဲ့ ဦးနှောက်ရဲ့ အစိတ်အပိုင်းများဖြစ်တဲ့ hypothalamus သို့မဟုတ် pituitary gland မှာ ပြဿနာတစ်ခုခုရှိနေခြင်း…
မျိုးဆက်ပွားကျန်းမာရေးအမျိုးသမီး ကျန်းမာရေးအမျိုးသား ကျန်းမာရေး

ရာသီလာစဉ်လိင်ဆက်ဆံခြင်း (Sex During Menstruation)

1 Mins read
ရာသီလာစဉ်လိင်ဆက်ဆံခြင်းဟာ ကာယကံရှင်တွေရဲ့ရွေးချယ်မှုသာဖြစ်ပြီး မှားတယ်မှန်တယ်မဆိုသာတဲ့အခြေအနေတစ်ခုဖြစ်ပါတယ်။ အချို့သူတွေအတွက်တော့ ရာသီလာစဉ်လိင်ဆက်ဆံလျှင် အညစ်အကြေးများကြောင့်စိတ်အနှောင့်အယှက်ဖြစ်ရလို့ မကြိုက်တဲ့သူရှိသလို၊ ဒီအတွက်ပြဿနာမရှိဘူးဆိုသူများလည်းရှိပါတယ်။ ဆေးပညာရှုထောင့်အရကြည့်လျှင်တော့ ရာသီလာစဉ်လိင်ဆက်ဆံခြင်းဟာကျန်းမာရေးအရဆိုးကျိုးမရှိပါဘူး။ လိင်ဆက်ဆံဖော်နှစ်ဦးကြား အဆင်ပြေသဘောတူညီမှုရှိဖို့ပဲလိုပါတယ်။ ဒီအတွက်ကြောင့် ရောဂါပိုးတွေကူးစက်မှာ ဒဏ်ရာအနာတရဖြစ်တာမျိုးမရှိပါဘူး။ ဒါပေမယ့် ရာသီသွေးများနဲ့ထိတွေ့မှုရှိတဲ့အတွက် တစ်ဦးဦးမှာသာ လိင်ပိုင်းဆိုင်ရာရောဂါတစ်ခုခုရှိနေမယ်ဆိုရင်တော့ ကူးစက်ခံရနိုင်ခြေအတော်များနိုင်တာကိုတော့ သတိပြုသင့်ပါတယ်။ ဒါကြောင့်…
နေထိုင်မှုပုံစံမျိုးဆက်ပွားကျန်းမာရေးမိခင်နှင့်ကလေးကျန်းမာရေး

Fertilization (သန္ဓေအောင်ခြင်း)

1 Mins read
သန္ဓေ အောင်ခြင်းဆိုတာ အမျိုးသားရဲ့ သုတ်ပိုးက မမျိုးဥကို ဝင်တိုးပြီး နှစ်ခုပေါင်း ဆဲလ်တစ်ခု သားအိမ်မှာ သန္ဓေတည်ဖို့ဖြစ်သွားတာကို ဆိုလိုတာပါ။ ကျွန်တော်တို့ အကုန်လုံးဟာ ဘဝကို အဲ့ဆဲလ် တစ်လုံးကနေ စခဲ့ကျတာပါ။ မမျိုးဥကြွေခြင်းနဲ့ သူတို့ရဲ့ ရာသီစက်ဝန်း ဘယ်လို လည်ပတ်လဲ…