သင့်ဆီးချိုရောဂါနဲ့ ကျောက်ကပ်လေးရဲ့အနာဂတ်

ဘယ်အချိန်တွေမှာ ဒီလိုကျောက်ကပ်ထိခိုက်တာတွေပိုဖြစ်လာနိုင်လဲဆိုရင်…
♊ ဆီးချိုကိုကောင်းကောင်းမထိန်းနိုင်တဲ့အခါ
♊ သွေးတိုးရှိနေရင် သွေးတိုးကိုကောင်းကောင်းမထိန်းနိုင်တဲ့အခါ(သွေးတိုးတာကလည်း ကျောက်ကပ်ရဲ့ စွန့်ထုတ်တဲ့စနစ်ကိုထိခိုက်ပျက်စီးစေလို့ပါပဲ)
♊ သွေးတွင်း cholestrol အဆီတွေများတဲ့အခါ
♊ ဆေးလိပ်သောက်တဲ့အခါ
♊ မျိုးရိုးထဲမှာ ဆီးချိုနဲ့ကျောက်ကပ်ရောဂါဖြစ်ဖူးတဲ့သူရှိတဲ့အခါတွေဆိုရင် ပိုဖြစ်နိုင်ပါတယ်။

ဒီလိုကျောက်ကပ်အခြေအနေမဆိုးသွားအောင်…
✅ ဆီးချိုကို control ရအောင် ကောင်းကောင်းလုပ်ပါ
✅ မနက်စာမစားခင် အနည်းဆုံးတစ်ခေါက်လောက် ဆီးချိုစစ်ဆေးဖို့ကိုမမေ့ပါနဲ့၊ အပျင်းမကြီးပါနဲ့
✅ ကျောက်ကပ်ဆိပ်စစ်ဆေးတာကို ပုံမှန်ပြုလုပ်ပေးပါ
✅ သွေးတိုးကိုသေချာထိန်းပါ
✅ အကိုက်အခဲပျောက်ဆေးတွေများစွာ သောက်ရင်လည်း ကျောက်ကပ်ထိနိုင်တဲ့အတွက် သောက်သုံးရန်သင့်မသင့် ဆရာဝန်နဲ့အရင်ဆွေးနွေးပါ
✅ ဆေးလိပ်သောက်တာက ကျောက်ကပ်အခြေအနေကိုပိုဆိုးသွားစေနိုင်လို့ လုံးဝရှောင်ပါ
✅ ကိုယ်အလေးချိန်ကိုထိန်းသိမ်းပါ။

ဒေါက်တာမိုးမခ(ဆေး ၂)