Is your heart beating right?
သွေးတိုးနှင့်နှလုံးရောဂါအခြားရောဂါများအထွေထွေရောဂါများ

သင့်နှလုံးကစည်းချက်မှန်ရဲ့လား

1 Mins read

နှလုံးစည်းချက်မူမမှန်တဲ့ဝေဒနာကတော့ နှလုံးအဆို့ရှင်ရောဂါ နှလုံးအားနည်းခြင်းနဲ့ တခြားသောဝေဒနာတွေကို ဖြစ်ပေါ်စေဖို့ရာ ဦးတည်အစပြုနေတဲ့ဝေဒနာပဲဖြစ်ပါတယ်။ ပုံမှန်မဟုတ်တဲ့နှလုံးခုန်မြန်ခြင်းကနေဖြစ်လာတဲ့ မူမမှန်နှလုံးခုန်ခြင်းပဲဖြစ်ပါတယ် နှလုံးရဲ့အပေါ်ဘက်အခန်းတွေမှာသိသိသာသာရိုက်ခတ်နေတတ်ပါတယ်။

မူမမှန်နှလုံးခုန်ခြင်းက အများအားဖြင့်ကျန်းမာနေသေးတယ်ဆိုရင်တော့ အသက်အန္တရာယ်ကိုမခြိမ်းခြောက်နိုင်သေးပါဘူး။ ဒါပေမယ့်လည်း သင့်မှာ ဆီးချို၊ သွေးတိုး နဲ့တခြားဝေဒနာတွေရှိမယ်ဆိုရင်တော့ မူမမှန်နှလုံးခုန်ခြင်းက အန္တရာယ်ရှိလာနိုင်ပါတယ်။ ဒီအခြေအနေမှာ တော့ ဆရာဝန်နဲ့ သေချာစွာ ကုသစစ်ဆေးဖို့လိုအပ်ပါတယ်။

နှလုံးစည်းချက်မမှန်တဲ့ဝေဒနာဟာနှလုံးခုန် မူမမှန်တဲ့အပြင် မြန်လည်းမြန်နေတတ်ပါတယ်။ အသက်ရှူခက်တာ၊ သတိလစ်တာ၊ ပင်ပန်းနွမ်းနယ်တာ၊ ရင်တုန်တာ၊ မူးဝေတာ၊ ခြေလက်ဖောယောင်နေတာ နဲ့ရင်ဘတ်အောင့်တာလိုမျိုးတွေလည်းရှိနေတတ်ပါတယ်။ နှလုံးရဲ့အခန်းလေးခန်းဟာ စက်ရုံတစ်ခုလိုပဲ တိကျသေချာစွာနဲ့ လုပ်ငန်းဆောင်တာ တွေကိုလုပ်ဆောင်ရပါတယ်။ ပုံမှန်လှုပ်ရှားနေမှသာ သွေးကလည်းပုံမှန်လည်ပတ်တာဖြစ်ပါတယ်။ နှလုံးခုန်ဖို့ရာအချက်ပြတဲ့ ဆဲလ်တွေမူမမှန်တဲ့အခါ နှလုံးခုန်ခြင်းက ပြောင်းလဲလာနိုင်ပါတယ်။အပေါ်ခန်း artria ကနေ နှလုံးညှစ်ထုတ်ခြင်းကမူမမှန်တဲ့အခါ သွေးခဲခြင်းမှတစ်ဆင့် လေဖြတ်ဝေဒနာဖြစ်လာတတ်ပါတယ်။ နှလုံးစည်းချက်မူမမှန်သူတွေရဲ့ ၃၅ရာခိုင်နှုန်းခန့်ဟာ လေဖြတ်ခြင်းဝေဒနာပေါ်ပေါက်တတ်တယ်လို့လည်း လေ့လာမှုတွေကဆိုပါတယ်။  ဒီဝေဒနာအတွက် တိကျတဲ့ကုထုံးမရှိသေးဘဲ လူနာတစ်ဦးခြင်းစီရဲ့လိုအပ်ချက်အတိုင်းသာကုသပေးနိုင်ပါတယ်။

 ဒီဝေဒနာဟာ တခြားသောနှလုံးဆိုင်ရာ ရောဂါတွေ နဲ့လေဖြတ်ခြင်းလိုမျိုးတွေဖြစ်စေဖို့ရာ အစပျိုးလာတဲ့ဝေဒနာဖြစ်ပြီး နောက်ပိုင်းဖြစ်လာတဲ့ဝေဒနာတွေက ဘဝသက်တမ်းကိုလည်း တိုတောင်းသွားစေနိုင်ပါတယ်။ ဒီဝေဒနာရှိသူတွေအနေနဲ့ ရေကိုလုံလောက်အောင်သောက်ပေးကြဖို့လည်းလိုပါတယ်။ ရေဓာတ်ခမ်းခြောက်တဲ့အခါ အီလက်ထရိုလိုက် ပမာဏကျဆင်းတာကြောင့် နှလုံးစည်းချက်မူမမှန်ခြင်းကိုဖြစ်စေနိုင်ပါတယ်။ ယေဘူယျအားဖြင့် အီလက်ထရိုလိုက်နဲ့ ဆိုဒီယမ် ပိုတက်စီယမ်တို့ဟာ နှလုံးကျန်းမာရေးအတွက်ကိုအရေးပါတဲ့အရာတွေပဲဖြစ်ပါတယ်။ ဒီဝေဒနာကိုတော့ ECGရိုက်ကူးခြင်းဖြင့် ရှိမရှိကိုသိနိုင်ပြီး Echocardiogram လည်းရိုက်လို့ရပါတယ်။

နှလုံးစည်းချက်က ပျောက်သွားတတ်မယ်ဆိုရင်တော့ နှလုံးစည်းချက်မှတ်သားကိရိယာကိုတပ်ပေးဖို့လိုပါတယ်။ စိုးရိမ်မှုစိတ်ဖိဆီးမု၊ စိတ်ကျရောဂါများကလည်း နှလုံးမူမှန်ခြင်းကိုဖြစ်စေပါတယ်။ အားလပ်ရက်တွေမှာ စိတ်တွေကိုလွှတ်ထားပြီး အရက်နဲ့ဆေးလိပ်တွေသောက်သုံးမှုများခြင်းကလည် ဒီဝေဒနာကိုဖြစ်ပေါ်စေသလို ခရီးမနားမနေသွားခြင်းနဲ့ အားသွန်ခွန်စိုက်လေ့ကျင့်ခန်းလုပ်ခြင်းတွေကလည်း ဖြစ်ပေါ်စေပါတယ်။

ပုံမှန်မဟုတ်တဲ့နှလုံးစည်းချက်မူမမှန်ခြင်းတွေ မဖြစ်ရလေအောင် လုပ်ဆောင်ပေးသင့်တဲ့နည်းလမ်းတွေလည်း ရှိပါတယ်။ အဲ့ဒါတွေကတော့ လေကို ဖြည်းဖြည်းနဲ့ ဝအောင်ရှူပေးတဲ့အသက်ရှူလေ့ကျင့်ခန်း၊ ပုံမှန် အေရိုးဗစ်လေ့ကျင့်ခန်း၊ ယောဂလေ့ကျင့်ခန်း၊ ကိုယ်အလေးချိန်နဲ့စိတ်ဖိဆီးမှုလျော့ချခြင်း၊  နှလုံးကျန်းမာရေးနဲ့ညီညွတ်တဲ့ အစားအစာတွေကိုစားသုံးပေးခြင်း၊ အနီရောင်အသားများရှောင်ခြင်း၊ ပြုပြင်ထားတဲ့အစားအစာများ သကြားနဲ့ဆားလွန်ကဲတဲ့အစားအစာများကိုရှောင်ခြင်း၊  အရက်ဆေးလိပ်ကော်ဖီလက်ဖက်ရည်များ ဖြတ်ခြင်း၊ ရေနဲ့အအေးတွေကိုသောက်တဲ့အခါ နှလုံးခုန်နှုန်းကို ကူညီပေးနိုင်ဖို့ ဖြည်းဖြည်းချင်း သောက်သုံးပေးခြင်းတွေပဲဖြစ်ပါတယ်။ ပုံမှန်လမ်းလျှောက်ပေးခြင်းကလည်း ဒီဝေဒနာရှင်တွေအတွက် လွယ်ကူပြီးထိရောက်တဲ့လေ့ကျင့်ခန်းပဲဖြစ်ပါတယ်။ မလှုပ်ရှားနိုင်ဖြစ်နေသူတွေအတွက် လှုပ်ရှားမှုပိုပြီးတိုးတက်စေသလို ကျန်းမာရေးအကျိုးကျေးဇူးများစွာကိုပေးပါတယ်။

ဒေါက်တာနိုင်း(ဆေး-၁)

MyDoctor Telemedicine Application
Related posts
Uncategorizedအခြားရောဂါများအထွေထွေရောဂါများအလှအပနှင့်နေထိုင်စားသောက်မှုပုံစံ

World Sight Day

1 Mins read
အခုဒီစာကို ဖတ်နေချိန်မှာ သင်ဟာ ကံကောင်းခြင်းလက်ဆောင် ကိုရရှိထားတယ်ဆိုတာကို သိထားပေးပါ။ အခုအချိန် မှာသင်ကဒီစာကို ရှင်းရှင်းလင်းလင်း ဖတ်လို့ရနေပေမယ့် ကမ္ဘာကြီးပေါ်က လူတချို့တွေမှာ အဲ့လိုဖတ်ဖို့ အခွင့်အရေး မရကြပါဘူး။ ကျွန်မမှာ ငယ်စဉ်ဘဝထဲက လက်ဆောင်ရထားတဲ့ Myopia ဆိုတဲ့ အဝေးမှုန်ခြင်း အမြင်ပြဿနာနဲ့ …
ကင်ဆာစားသောက်မှုပုံစံအထွေထွေရောဂါများ

Hereditary Celiac Disease

1 Mins read
မျိုးရိုးလိုက် Celiac ဝေဒနာ Celiac ဝေဒနာ လို့ ဆိုကြတဲ့ ဂလူတင်နဲ့ဓာတ်မတည့်တဲ့ အူသိမ်ဝေဒနာဟာ မျိုးရိုးလိုက်ခြင်းကြောင့် ဖြစ်လာရတဲ့ ဝေဒနာဖြစ်ပြီး ပြင်းထန်တဲ့ Autoimmune ရောဂါတစ်မျိုးဖြစ်ပါတယ်။ မိဘ၊ မောင်နှမ စတဲ့ ပထမအဆင့် မျိုးရိုးအဆင့် ဆွေမျိုးရှိသူတွေမှာ ရောဂါဖြစ်နိုင်ခြေ…
နေထိုင်မှုပုံစံအခြားရောဂါများအထွေထွေရောဂါများအလှအပနှင့်နေထိုင်စားသောက်မှုပုံစံ

Earphoneနှင့်နားကျန်းမာရေး

1 Mins read
ဒီနေ့ခေတ်လူငယ်တွေအနေနဲ့ ဒစ်ဂျစ်တယ်ပစ္စည်းတွေနဲ့နီးစပ်တဲ့သူတွေဖြစ်တာမို့ ဒီပစ္စည်းတွေရဲ့ အဆိုးအကောင်းပြသနာတွေကလည်း အတူတကွသက်ရောက်ခြင်းကိုခံရလေ့ရှိပါတယ်။ လူငယ်တွေရဲ့ နားတွေမှာတွေ့ရတဲ့ Earphone/Earbuds နားကြပ်တွေဆိုရင်လည်းဒီအတိုင်းပါပဲ။ သီချင်းနားထောင်ဖို့၊ စိတ်ဖီဆီးမှုသက်သာစေဖို့နားထောင်ကြတယ်ဆိုပေမယ့်တစ်ဖက်ကလည်း နားနဲ့ပတ်သက်တဲ့ ကျန်းမာရေး ပြသနာတွေ ရှိလာနိုင်ပါတယ်။ နားထဲကိုအသံကတိုက်ရိုက်ဝင်ရောက်တာဖြစ်လို့ နားမကြားတော့တဲ့ထိ အကြားအာရုံကိုထိိခိုက်စေနိုင်ပါတယ်။ 80 ကနေ100 decibels ထက်ကျော်တဲ့အသံအတိုင်းအတာဟာ…

Leave a Reply

Your email address will not be published. Required fields are marked *