All Articlesအခြားရောဂါများ

လေဖျန်းတာနဲ့လေဖြတ်တာဘာကွာလဲ.. ❗

1 Mins read
လေဖျန်းတာနဲ့လေဖြတ်တာဘာကွာလဲ.. ❗

♂️ အခုတစ်ခေါက်ပြောပြပေးချင်တာကတော့
လေဖျန်းတာနဲ့ လေဖြတ်တာရဲ့ကွာခြားပုံလေးတွေပါပဲ။ တော်တော်များများ လေဖျန်းတယ်လို့ပြောရင် လေဖြတ်တယ်လို့ပဲ သိကြတဲ့သူတွေရှိနေပါသေးတယ်။ ဒီနှစ်ခုဟာ ဆင်သယောင်ရှိပေမယ့် ကွာခြားချက်တွေအများကြီးရှိနေပါတယ်။
⚕️ လေဖျန်းတာကိုတော့ ဆေးပညာမှာ Transient ischaemic attack လို့ခေါ်လေ့ရှိပြီး
လေဖြတ်တာကိုတော့ Stroke ရတယ်လို့ခေါ်ကြပါတယ်။ နှစ်မျိုးလုံးကတော့ ဦးနှောက်သွေးကြောပိတ်လို့၊ ဦးနှောက်တစ်ရှူးထဲသွေးယိုလို့ဖြစ်ကြတာပါ။ ဦးနှောက်သွေးကြောပိတ်လို့ဖြစ်ကြတာတော့ပိုများပါတယ်။
လေဖျန်းတာဖြစ်ဖြစ်၊ လေဖြတ်တာဖြစ်ဖြစ် ဒီလိုလက္ခဏာတွေပြတတ်ပါတယ်…. ♂️
လက်၊ခြေထောက်၊မျက်နှာ(အများအားဖြင့် ခန္တာကိုယ်တစ်ခြမ်းမှာ)အားနည်းလာတာ၊ ထုံလာတာကျင်လာတာ၊ စကားပလုံးပထွေးတွေ ဖြစ်လာတာ ၊ စကားပြောရတာခက်ခဲလာတာ၊ မူးလာတာ၊ အမြင်၂ ထပ်ဖြစ်လာတာဟန်ချက်မညီဖြစ်လာတာ၊ စိတ်အာရုံထွေပြားလာတာ၊ အနံ့အရသာ ပုံမှန်မဟုတ်ဖြစ်လာတာ
သတိမကောင်းတော့တာ၊ သတိမေ့သွားတာ စတာတွေဖြစ်တတ်ပါတယ်။လေဖျန်းတာဆိုရင်တော့ လက္ခဏာတွေက ခဏပဲဖြစ်တတ်ပြီး လေဖြတ်တာဆိုရင်တော့
လက္ခဏာတွေက ကြာရှည်ဖြစ်တတ်ပါတယ်။ ဘာလို့လဲဆိုရင် သွေးကြောပိတ်တဲ့အခါ လေဖျန်းတာမှာက သွေးစီးဆင်းမှုပြန်ရတတ်လို့ဦးနှောက်ဆဲလ်တွေကို ထိခိုက်မှုသိပ်မရှိတတ်ပါဘူး။လေဖြတ်တာဆိုရင်တော့ သွေးစီးဆင်းမှုပြန်မရတတ်လို့ ဦးနှောက်ဆဲလ်တွေဟာ ထိခိုက်ပျက်စီးသွားတတ်ပါတယ်။
အဲ့တာကြောင့် လေဖျန်းပြီးတဲ့အခါ ခန္တာကိုယ်ထိခိုက်သွားတဲ့နေရာမှာ ပုံမှန်လုပ်ဆောင်မှုမျိုးတွေ ပြန်ရနိုင်ပေမယ့် လေဖြတ်တာကတော့အဲ့လို ပုံမှန်လုပ်ဆောင်မှုမျိုးတွေပြန်ရဖို့ခက်ခဲသွားပါတယ်။ လေဖျန်းတာက အများအားဖြင့်မိနစ်ပိုင်း၊ တစ်နာရီအတွင်း ပြန်ကောင်းသွားတတ်ပြီး တချို့တလေကတော့ 24 နာရီလောက်ထိကြာတတ်ပါတယ်။သတိထားရမှာက လေဖြန်းပြီး ၄၈ နာရီအတွင်းမှာ လေဖြတ်တာမျိုး ဖြစ်နိုင်သေးတယ်ဆိုတာပါပဲ။
ဒါ့ကြောင့် လေဖျန်းတာကနေ လေဖြတ်တာမျိုးမဖြစ်အောင် သွေးခဲဖျော်ဆေးတွေပေးတာ၊
ဒီလေဖျန်းတာ လေဖြတ်တာတွေကိုဖြစ်ဖို့များစေတဲ့ ဆေးလိပ်သောက်တာ၊ သွေးတိုးရောဂါ၊ဆီးချိုရောဂါ၊ သွေးတွင်းအဆီဓာတ်များတာ စတာတွေကို ထိန်းသိမ်း တာမျိုးပြုလုပ်ပေးရပါတယ်။ ဦးနှောက်တစ်ရှုးထဲသွေးယိုတာကိုဖြစ်စေတဲ့ Aneurysm လို့ခေါ်တဲ့သွေးကြောဖောင်းတာမျိုးဆိုရင်တော့ ခွဲစိတ်ရတာမျိုးရှိနိုင် ပါတယ်။
လေဖြတ်တာကတော့ လုံးဝအရေးပေါ်အခြေအနေပါ။ ဦးနှောက်သွေးစီးဆင်းမှုပြန်ရအောင် အမြန်ပြုလုပ်ရပါတယ်။ သွေးခဲကြောင့်ဖြစ်တာဆိုရင် သွေးခဲဖျော်တဲ့ဆေးတွေပေးတာ၊ သွေးခဲကိုထုတ်တာစတဲ့နည်းလမ်းတွေသုံးရပြီးတော့ ဦးနှောက်တစ်ရှူး ထဲသွေးယိုလို့ဖြစ်တာဆိုရင်တော့ အသက်ကယ်နိုင်ဖို့ အမြန်ဆုံးခွဲစိတ်ဖို့ပြင်ဆင်ရပါတယ်။
ဒေါက်တာလွမ်းရိပ်
Related posts
All Articlesကိုယ်ဝန်ဆောင်နှင့်မိခင် ကျန်းမာရေးမိခင်နှင့်ကလေးကျန်းမာရေး

Complication of lack of antenatal care

1 Mins read
ကိုယ်ဝန်မအပ်ခြင်းရဲ့ ပြဿနာများ မိမိရင်သွေးလေးတွေ ကျန်းကျန်းမာမာနဲ့ မွေးဖွားကြီးပြင်းလာစေချင်တာ မိဘတိုင်းရဲ့ ဆန္ဒတစ်ခုပဲဖြစ်ပါတယ်။ ကျန်းမာသန်စွမ်းတဲ့ ကလေးငယ်တွေအဖြစ် ကြီးပြင်းလာစေဖို့ ကိုယ်ဝန်ဆောင်စဉ် အချိန်တည်းက ဂရုစိုက်သင့်ပါတယ်။ တတ်ကျွမ်းနားလည်တဲ့ ကျန်းမာရေး စောင့်ရှောက်သူများနဲ့ စောလျင်စွာ ကိုယ်ဝန်အပ်ခြင်း၊ ညွှန်ကြားချက်များ လိုက်နာခြင်း၊ စနစ်တကျ ကိုယ်ဝန်စောင့်ရှောက်မှုများ…
အခြားရောဂါများအလှအပနှင့်နေထိုင်စားသောက်မှုပုံစံ

" အိမ်ခြေမဲ့ ကလေးများနှင့် ကော်ရှူခြင်း ပြဿနာ "

1 Mins read
” အိမ်ခြေမဲ့ ကလေးများနှင့် ကော်ရှူခြင်း ပြဿနာ “ ~~~~~~~~~~~~ 🧐မီးပွိုင့်တွေ လမ်းဆုံ တွေမှာ အုပ်စုဖွဲ့တောင်းရမ်းနေကျတဲ့ အရွယ်မျိုးစုံအဖွဲ့ တွေကို နေရာတိုင်းတွေ့ရလာတယ်။ တချို့ဆို ဂိုဏ်းဂဏနဲ့ပါရှိ ပြီး၊ ခေါင်းဆောင်တွေက နောက်ကွယ်ကနေ ကြိုးကိုင်နေတာမျိုးရှိတယ်။ အသုံးမဝင်တဲ့ ပစ္စည်းတွေရောင်းလိုရောင်း၊…
အခြားရောဂါများအထွေထွေရောဂါများ

What happens if you inhale "Inhaler" all the time?

1 Mins read
           မိုးရာသီ နှင့် ဆောင်းရာသီလို အပူအအေး မမျှတတဲ့ ရာသီအကူးအပြောင်း ကာလမှာ အဖြစ်များတတ်တဲ့ နှာစေး၊ နှာပိတ်၊ ခေါင်းကိုက်ပြီး အသက်ရှူ မဝတဲ့ အခြေအနေ တစ်ခုမှာ ဆရာ တို့ကိုလာပြတဲ့ လူနာ ဆယ်ယောက်မှာ ရှစ်ယောက်လောက်က ဖြစ်နေတာကို…