ရာသီလာစဉ်လိင်ဆက်ဆံခြင်းဟာ ကာယကံရှင်တွေရဲ့ရွေးချယ်မှုသာဖြစ်ပြီး မှားတယ်မှန်တယ်မဆိုသာတဲ့အခြေအနေတစ်ခုဖြစ်ပါတယ်။ အချို့သူတွေအတွက်တော့ ရာသီလာစဉ်လိင်ဆက်ဆံလျှင် အညစ်အကြေးများကြောင့်စိတ်အနှောင့်အယှက်ဖြစ်ရလို့ မကြိုက်တဲ့သူရှိသလို၊ ဒီအတွက်ပြဿနာမရှိဘူးဆိုသူများလည်းရှိပါတယ်။
ဆေးပညာရှုထောင့်အရကြည့်လျှင်တော့ ရာသီလာစဉ်လိင်ဆက်ဆံခြင်းဟာကျန်းမာရေးအရဆိုးကျိုးမရှိပါဘူး။ လိင်ဆက်ဆံဖော်နှစ်ဦးကြား အဆင်ပြေသဘောတူညီမှုရှိဖို့ပဲလိုပါတယ်။ ဒီအတွက်ကြောင့် ရောဂါပိုးတွေကူးစက်မှာ ဒဏ်ရာအနာတရဖြစ်တာမျိုးမရှိပါဘူး။ ဒါပေမယ့် ရာသီသွေးများနဲ့ထိတွေ့မှုရှိတဲ့အတွက် တစ်ဦးဦးမှာသာ လိင်ပိုင်းဆိုင်ရာရောဂါတစ်ခုခုရှိနေမယ်ဆိုရင်တော့ ကူးစက်ခံရနိုင်ခြေအတော်များနိုင်တာကိုတော့ သတိပြုသင့်ပါတယ်။ ဒါကြောင့် ကွန်ဒုံး (သို့) အခြားကြားခံတစ်ခုခုသုံးခြင်းကတော့ ပိုပြီးဘေးကင်းလုံခြုံစေပါလိမ့်မယ်။
အချို့လူတွေကတော့ ရာသီလာစဉ်လိင်ဆက်ဆံခြင်းဟာ ရာသီလာစဉ်မှာခံစားရတဲ့ ကိုယ်လက်ကိုက်ခဲမအီမသာဖြစ်ခြင်းနဲ့ အခြားသော ဆက်စပ်ဝေဒနာတွေကိုပါ သက်သာစေတယ်လို့ဆိုကြပါတယ်။ ဘာကြောင့်လဲဆိုတော့လိင်ဆက်ဆံစဉ်မှာ အမျိုးသမီးဟာ သဘာဝအတိုင်းနာကျင်ကိုက်ခဲမှုသက်သာစေတဲ့ အန်ဒိုဖင်ဟော်မုန်းထွက်ရှိလာတဲ့အတွက်ကြောင့်ဖြစ်ပါတယ်။ သို့သော်လည်း အချို့သောအမျိုးသမီးများကတော့ မသက်သာတဲ့အပြင်အထက်ပါ လက္ခဏာတွေကို ပိုဆိုးစေတယ်လို့လည်းဆိုကြပါတယ်။ ဒါကြောင့် ကိုယ့်ရဲ့ခန္ဓာကိုယ်ကတုံ့ပြန်တဲ့အပေါ်မူတည်ပြီး ကိုယ့်ရဲ့လိင်ဆက်ဆံဖော်နဲ့အဆင်ပြေအောင်ညှိနှိုင်းဖို့တော့လိုပါလိမ့်မယ်။ အချုပ်အားဖြင့်ပြောရရင်တော့ ရာသီလာစဉ်လိင်ဆက်ဆံသင့်/မသင့်ဆိုတာကို ကိုယ်ရဲ့သက်တောင့်သက်သာဖြစ်မှုအခြေအနေနဲ့ တစ်ကိုယ်ရေအတွေ့အကြုံတွေပေါ်မူတည်ပြီးတော့သာဆုံးဖြတ်စေချင်ပါတယ်။
#myDoctor
#teleMedicine