ပန်းနာအထ ဆောင်းဝင်စ…
ဆောင်းဝင်လာပြီဆိုတာနဲ့ နှာစေး၊ ထိပ်ခတ်နာတွေဖြစ်တာများလာသလို ပန်းနာအခံနဲ့ ကြပ်တဲ့သူတွေလည်း ရှိလာပါတယ်။ ပန်းနာရင်ကျပ်ရောဂါဆိုတာ အသက်ရှုလမ်းကြောင်းရောင်ရမ်းကျဥ်းမြောင်းပြီးတော့ အသက်ရှုကြပ်လာတတ်တဲ့ နာတာရှည် ရောဂါတစ်ခုပါ။ သေချာသာ ကုသမှုခံယူရင် ဘဝတစ်လျှောက်လုံးအဆင်ပြေပြေနေသွားနိုင်ပြီး ကုသမှုမခံယူပဲနေမယ်ဆိုရင်တော့ သင့်ရဲ့လူနေမှု ဘဝပါထိခိုက် လာနိုင်ပြီးအရေးပေါ်ခန်းဆိုတာ အိမ်ဦးနဲ့ကြမ်းပြင်ဖြစ်နေမှာပါ။
ပန်းနာရင်ကျပ်ရောဂါဆိုတာ….
♎ ဆေးလိပ်ငွေ့၊ရေမွှေးနံ့၊ ပန်းဝတ်မှုန်၊ ဖုန်မှုန့်၊ ခွှေးမွှေး၊ကြောင်မွှေး စတဲ့ allergens တွေကိုရှူရှိုက်မိတဲ့အခါ
♎ ရာသီတုပ်ကွေး၊ အဆုတ်ရောင်ရောဂါတွေကိုဖြစ်စေတဲ့ရောဂါပိုးတွေဝင်ရောက်လာတဲ့အခါ
♎ Aspirin ကဲ့သို့ဆေးတွေသောက်သုံးမိတဲ့အခါ
♎ ရာသီဥတုအေးလာတဲ့အခါ
♎ စိတ်လှုပ်ရှားတာ၊ စိတ်ဖိစီးတာ၊ ဝမ်းနည်းတာ စတဲ့စိတ်ခံစားမှုတစ်ခုခုကြုံတွေ့တဲ့အခါ
♎ လေ့ကျင့်ခန်းပြုလုပ်တဲ့အခါ
♎ အစာအိမ်လေချဥ်တက်တဲ့အခါ စတဲ့အချိန်တွေမှာ ထထပြီးကြပ်တတ်ကြတယ်။
ကြပ်တာအပြင် တခြားလက္ခဏာတွေအနေနဲ့…
အေးတဲ့အချိန် ညဘက်၊ မနက်စောစောတွေမှာ ထကြပ်ပြီး ချောင်းဆိုးတတ်တာ
အသက်ရှုထုတ်တဲ့အချိန်မှာ တရွှီရွှီမြည်နေတာ
အသက်ရှုကြပ်တဲ့အတွက်ကြောင့် အိပ်မရတာ စတာတွေနဲ့ပါတွဲနေတတ်တယ်။
ပန်းနာရောဂါရှိမရှိကို ဆရာဝန်က ရောဂါရာဇဝင်တွေ၊ အဆုတ်တွေကိုစမ်းသပ်ပြီးတဲ့အခါ လိုအပ်တဲ့စစ်ဆေးမှုတစ်ချို့ပြုလုပ်ရပါတယ်။
အကယ်၍ ပန်းနာရောဂါရှိနေခဲ့ရင်….
✅ ဂေါက်တံရှူတာ
✅ နှာခေါင်းနဲ့ပါးစပ်ကိုအုပ်ပြီး စက်နဲ့ရှုရတာ
✅ ဆေးသောက်တာ
✅ အခြေအနေဆိုးလာရင် ဆေးထိုးတာတွေပြုလုပ်ရတဲ့အပြင်

ဒီပန်းနာကြောင့် ထထကြပ်တာကိုကာကွယ်နိုင်အောင်….
✅ Allergens တွေကိုဝေးဝေးရှောင်တာ
✅ ဆရာဝန်ညွှန်ကြားထားတဲ့ပန်းနာကုထုံးကိုသေချာလိုက်နာတာ
✅ ဂေါက်တံကို အချိန်တိုအတွင်းမှာ ခဏခဏအသုံးပြုလာရပြီဆိုရင် ဆရာဝန်ကိုအသိပေးတိုင်ပင်တာ
✅ ရာသီတုပ်ကွေး၊ အဆုတ်ရောင်ရောဂါ ကာကွယ်ဆေးတွေထိုးထားတာ
✅ ဆေးလိပ်သောက်သုံးတာ(သို့)သောက်သုံးသူတွေနဲ့ဝေးဝေးရှောင်တာ
✅ လေ့ကျင့်ခန်းပြင်းပြင်းထန်ထန်လုပ်တာရှောင်တာ
✅ ဆေးတွေကိုဆရာဝန်ညွှန်ကြားမှသောက်သုံးတာ
✅ အစာအိမ်လေချဥ်တက်တဲ့ရောဂါကိုသက်သာအောင်ကုသတာ စတာတွေမျိုးတွေပြုလုပ်ပေးသင့်ပါတယ်။
ဒေါက်တာလွမ်းရိပ်
Related posts
All Articlesကိုယ်ဝန်ဆောင်နှင့်မိခင် ကျန်းမာရေးမိခင်နှင့်ကလေးကျန်းမာရေး

Complication of lack of antenatal care

1 Mins read
ကိုယ်ဝန်မအပ်ခြင်းရဲ့ ပြဿနာများ မိမိရင်သွေးလေးတွေ ကျန်းကျန်းမာမာနဲ့ မွေးဖွားကြီးပြင်းလာစေချင်တာ မိဘတိုင်းရဲ့ ဆန္ဒတစ်ခုပဲဖြစ်ပါတယ်။ ကျန်းမာသန်စွမ်းတဲ့ ကလေးငယ်တွေအဖြစ် ကြီးပြင်းလာစေဖို့ ကိုယ်ဝန်ဆောင်စဉ် အချိန်တည်းက ဂရုစိုက်သင့်ပါတယ်။ တတ်ကျွမ်းနားလည်တဲ့ ကျန်းမာရေး စောင့်ရှောက်သူများနဲ့ စောလျင်စွာ ကိုယ်ဝန်အပ်ခြင်း၊ ညွှန်ကြားချက်များ လိုက်နာခြင်း၊ စနစ်တကျ ကိုယ်ဝန်စောင့်ရှောက်မှုများ…
နေထိုင်မှုပုံစံအထွေထွေရောဂါများအလှအပနှင့်နေထိုင်စားသောက်မှုပုံစံ

Why do bones and joints make noises every time they move?

1 Mins read
အရိုးနှင့် အဆစ် တွေကနေ လှုပ်ရှားလိုက်တိုင်း အသံတွေထွက်နေတာ ဘာကြောင့်လဲ… ကျွန်တော် တို့ရဲ့ အရိုးနှင့် အဆစ်တွေဟာ လှုပ်ရှားမှုလုပ်လိုက်တာနဲ့ အရိုးတွေ အဆစ်တွေကြားထဲကနေ အသံတွေထွက်လာတတ်တာ လူတိုင်း အနည်းနှင့် အများကြုံဘူး သိဘူးကြမှာပါ။ ဘာကြောင့် ဒီလိုအသံတွေ ဖြစ်ရလဲ ဘယ်လို…
Covid - 19ကူးစက်တတ်သောရောဂါများအထွေထွေရောဂါများ

ကိုဗစ်ကာကွယ်ဆေး Booster ဆိုတာဘာလဲ

1 Mins read
လူတိုင်းထိုးစရာလို‌နေပြီလား??? 💉💉💉💉💉💉💉💉💉💉💉💉💉 အရင်ကကာကွယ်ဆေး ကို နှစ်ကြိမ်ထိုးပြီးသူတွေရဲ့ ရှိပြီးသား ကာကွယ်ဆေးအစွမ်းမကျသွားအောင် ခန္ဓာကိုယ်ထဲမှာ တိုက်ပွဲဝင်ဖို့အသင့်ဖြစ်အောင် လေ့ကျင့်တဲ့သဘောနဲ့ ထပ်ပြီးBooster Dose ကို တတိယအကြိမ်(1st booster) သာမက အခု စတ္ထုထအကြိမ် (2nd booster) ပါ တခြားနိုင်ငံတွေမှာထိုးနေကြပြီဖြစ်ပါတယ်။…