နှုတ်ခမ်းတွေခြောက်လွန်းပြီး အဖတ်တွေလန်နေပြီလား…❗

နှုတ်ခမ်းတွေခြောက်လွန်းပြီး အဖတ်တွေလန်နေပြီလား…❗

ဆောင်းဝင်စပြုပြီး နည်းနည်းအေးလာတာနဲ့နှုတ်ခမ်းတွေခြောက်ပြီး အဖတ်တွေလန်လာတတ်တာ သဘာဝပါပဲ။ အအေးဒဏ်၊လေဒဏ်၊နေဒဏ်တွေကို ထိတွေ့နေရတဲ့အတွက် နှုတ်ခမ်းခြောက်သွေ့တာမျိုးတွေက ဖြစ်တတ်ပါတယ်။

1) နှုတ်ခမ်းထိန်းသိမ်းအဆီအသုံးပြုပါ
♈ နှုတ်ခမ်းထိန်းသိမ်းအဆီဖြစ်တဲ့ Lip balm တွေကို အခုတော်တော်များများထုတ်လုပ်လာကြပါတယ်။ Lip balm အများစုမှာ Menthol/Phenol/ Petroleum စတာတွေပါဝင်တဲ့အတွက် နှုတ်ခမ်းအသားအရေကိုအေးမြစေတဲ့ခံစားချက်မျိုးပေးစွမ်းနိုင်ပြီး နှုတ်ခမ်းခြောက်တာတွေ အဖတ်လန်တာတွေ သက်သာစေပါတယ်။

2)သဘာဝနည်းလမ်းလေးတွေအသုံးပြုပါ
♈ တခါတလေ ကိုယ်မထင်မှတ်ထားတဲ့ သဘာဝနည်းလေးတွေက အကူအညီပေးတတ်ပါတယ်။ ရှားစောင်းလပတ်၊ သခွားသီး၊ GreenTea၊ ပျားရည်၊ အုန်းဆီ စတာတွေအသုံးပြုခြင်းအားဖြင့် နှုတ်ခမ်းကိုရေဓာတ်ဖြည့်ပေးနိုင်ပြီးချောမွေ့စေသလို နှုတ်ခမ်းရောင်ရမ်းတာတွေရှိရင်တောင်သက်သာစေနိုင်ပါတယ်။

3) နှုတ်ခမ်းကို scrub ပြုလုပ်ကြည့်ပါ
♈ Sugar scrub တွေ Baking soda ပါဝင်တဲ့ scrub တွေ နှုတ်ခမ်းကိုအသုံးပြုပေးခြင်းကအဖတ်တွေလန်နေတဲ့ နှုတ်ခမ်းအပေါ်ယံအလွှာကိုဖယ်ရှား ပေးပါတယ်။ ဒီလိုအဖတ်လန်နေတာတွေကိုဖယ်ရှားပေးခြင်းက နှုတ်ခမ်းအဆီ LipBalm တွေသုံးပြီး အစိုဓာတ်ထိန်းပေးတဲ့နေရာမှာလည်း အာနိသင်ပိုကောင်းစေပါတယ်။

4)ရေများများသောက်ပါ
♈ ရေဓာတ်ခမ်းခြောက်တာဟာ နှုတ်ခမ်းခြောက်တာ၊ အဖတ်လန်တာတွေကိုဖြစ်စေတဲ့အဓိကတရားခံပါပဲ။ အဲ့တာကြောင့် တစ်နေ့ကိုရေ ၈ ခွက်တော့ ပုံမှန်သောက်သုံးပေးသင့်ပါတယ်။

5) ရေငွေ့ပေးစက်အသုံးပြုပါ
♈ အလုံပိတ်အခန်းတွေမှာ စိုထိုင်းဆမရှိတဲ့ ခြောက်သွေ့တဲ့လေတွေဟာ နှုတ်ခမ်း၊ အသားအရေမှာရှိတဲ့ ရေဓာတ်တွေကိုဖယ်ရှားပစ်လိုက်နိုင်ပါတယ်။ ဒါ့ကြောင့် ဒီလိုအလုံပိတ်အခန်းတွေမှာ နေနေရတဲ့သူတွေအဖို့ ရေငွေ့ပေးစက်ကိုအသုံးပြုသင့်ပါတယ်။

6)ဆေးလိပ်ရှောင်ပါ
♈ ဆေးလိပ်သောက်တာဟာ နှုတ်ခမ်းခြောက်တာတွေပိုဖြစ်စေတဲ့အပြင် နှုတ်ခမ်းအက်ကွဲတာ၊ နှုတ်ခမ်းအနာဖြစ်တာ၊ နှုတ်ခမ်းအရောင် ပြောင်းတာတွေကို လည်းဖြစ်စေပါတယ်။ ဒါ့ကြောင့် ဆေးလိပ်ကိုလုံးဝရှောင်ဖို့လိုပါမယ်။

ဒေါက်တာလွမ်းရိပ်