ထမင်းနဲ့ဟင်းဆိုတာ မြန်မာလူမျိုးတိုင်းရဲ့ အဓိကအစားအစာတစ်မျိုးဖြစ်ပါတယ်။
ဒါပေမယ့် ထမင်းကိုအဓိကထားစားကြတာများပါတယ်။ ဒီလိုထမင်းကိုသာအဓိကထား စားကြတဲ့အတွက် ကျန်းမာရေးရှုထောင့်အရ ကောင်းကျိုးများလည်းရှိသလို ဆိုကျိုးများကိုလည်းသိထားသင့်ပါတယ်။
ကောင်းကျိုးများကတော့…
(၁) လိုအပ်သောကာဗိုဟိုက်ဒရိတ်အတွက် ကောင်းမွန်သာအစားအစာ
ထမင်းဟာ ကာဗွန်ဟိုက်ဒရိတ်ကြွယ်ဝစွာပါဝင်ပြီး ခန္ဓာကိုယ်အတွက် မရှိမဖြစ်လိုအပ်တဲ့စွမ်းအင်ကိုထောက်ပံ့ပေးပါတယ်။
(၂)အဆီပါဝင်မှုနည်းပါးခြင်း
ထမင်းရဲ့သဘာဝကိုက အဆီပါဝင်မှုနည်းတဲ့အတွက် အဆီများတဲ့အစားအစာများကို ရှောင်ကြဉ်ရသူတွေအတွက် အထူးသင့်လျော်ပါတယ်။
(၃)လိုအပ်သောအာဟာရကိုထောက်ပံ့ပေးခြင်း
ဆန်အမျိုးအစားပေါ်မူတည်ပြီး အာဟာရဓာတ်ကွာခြားမှုရှိပေမယ့် ခန္ဓာကိုယ်အတွက်လိုအပ်တဲ့ အမျှင်ဓာတ်၊ ဗီတာမင်ဘီ နဲ့ သတ္တုဓာတ်တိုအဓိကပါဝင်ပါတယ်။
(၄) Gluten ပရိုတင်း မပါဝင်ခြင်း
ထမင်းဟာသဘာဝအတိုင်း Gluten ပရိုတင်း လိုခေါ်တဲ့အသားဓါတ်မပါဝင်တဲ့အတွက် Gluten နဲ့ဓါတ်မတည့်တဲ့အူသိမ်ရောဂါ တစ်မျိုးဖြစ်တဲ့ Celiac Disease ခံစားနေရသူများအတွက် အကောင်းဆုံးရွေးချယ်မှုလည်းဖြစ်ပါတယ်။
(၅)အစာကြေလွယ်ခြင်း
အထူးသဖြင့် ဆန်လုံးညိုကဲ့သိုသော ဆန်အမျိုးအစားများမှာ အမျှင်ဓာတ်ကြွယ်ဝစွာပါဝင်တဲ့အတွက် အစာချေဖျက်ခြင်းကိုအထောက်အကူဖြစ်စေပြီး အူလမ်းကြောင်းရဲ့လုပ်ဆောင်မှုကိုကောင်းမွန်စေပါတယ်။
ဆိုးကျိုးများအနေနဲ့ကတော့…
(၁)သကြားဓါတ်ပါဝင်မှုနှုန်းမြင့်မားခြင်း
ပေါ်ဆန်းမွှေးကဲ့သိုသော ဆန်ဖြူတွေမှာ သကြားဓာတ်ပါဝင်မှုမြင့်မားတဲ့အတွက် သွေးတွင်းသကြားဓာတ်ကိုမြင့်တက်စေပါတယ်။ ဒါကြောင့် ဆီးချိုသွေးချိုဖြစ်နိုင်ခြေကို မြင့်တက်စေနိုင်တဲ့အတွက် ဆီးချိုသွေးချိုရောဂါခံစားနေရသူများကတော့ ဆင်ခြင်စားသောက်ရမှာဖြစ်ပါတယ်။
(၂)ကိုယ်အလေးချိန်တိုးစေနိုင်ခြင်း
ကိုယ်လက်လှုပ်ရှားမှုမရှိ၊ အခြားသော အဟာရပြည့်ဝတဲ့အစားအစာတွေနဲ့မျှတအောင် မစားဘဲ ထမင်းအများကြီးစားမယ်ဆိုရင် ကိုယ်အလေးချိန်သိသိသာသာတိုးစေနိုင်ပါတယ်။
(၃ )အာဆင်းနစ်အဆိပ်ဓာတ်
ဆန်တိုင်းမှာမပါဝင်ပေမယ့် စိုက်ပျိုးမြေပေါ်မူတည်ပြီး အာဆင်းနစ်အဆိပ်သင့်တာမျိုးလည်းရှိနိုင်ပါတယ်။
ဒါကြောင့် myDoctor ရဲ့ ချစ်ပရိသတ်ကြီးတိုလည်း ထမင်းအပါအဝင် ကိုယ်နေ့စဉ် စားသောက်နေရတဲ့ အစားအစာတွေကို အာဟာရပြည့်ဝဖို့ မျှတစွာစားသောက်ကြဖို့ အကြံပေးနှိုးဆော်လိုက်ပါရစေရှင်။
#myDoctor #teleMedicine #Rice #Carbohydrate