All Articlesအခြားရောဂါများအထွေထွေရောဂါများ

‘ညှင်း’ ရှိမရှိ ရှာကြည့်ပြီးပြီလား

1 Mins read

‘ညှင်း’ ရှိမရှိ ရှာကြည့်ပြီးပြီလား

ညှင်းဆိုတာ ရှားရှားပါးပါး ရောဂါတစ်ခုတော့ မဟုတ်ပါဘူး။ မိမိပါတ်ဝန်းကျင်က လူတွေမှာ အလွယ်တကူတွေ့နိုင်သလို ကိုယ်တိုင်တောင် ဖြစ်နေနိုင်ပါတယ်။
ညှင်းဆိုတာ အလွယ်ပြောရရင်တော့ fungal infection ဆိုတဲ့ မှိုကြောင့်ဖြစ်တဲ့ အရေပြားရောဂါ တစ်မျိုးပါပဲ။ Tinea versicolor လို့ခေါ်ပါတယ်။

ကိုယ်ပေါ်က အရေပြား ဘယ်နေရာမဆိုဖြစ်နိုင်ပါတယ်။ သိပ်ယားယံလေ့မရှိတဲ့အတွက် တချို့လူတွေဆို ပေါက်နေမှန်းတောင် သတိမထားမိတတ်ကြပါဘူး။ ဘေးလူတစ်ယောက်ယောက် သတိပေးမှ သိတတ်ကြပါတယ်။ ကိုယ့်ကိုယ်ကို အမြဲဂရုတစိုက်ရှိသူတွေကတော့ စောစောစီးစီး သိပြီး သေးသေးမွှားမွှား အခြေအနေမှာတင် အပြတ်ရှင်းခွင့်ရကြပါတယ်။ အရေပြားရဲ့ နဂိုအသားအရေကနေ မတူကွဲပြားလာတဲ့ ခပ်ဖြူဖြူ ဒါမှမဟုတ် ခပ်ညိုညို အကွက် အကွက်လေးများ ဖြစ်လာပြီဆို ညှင်းဟုတ်မဟုတ် နားလည်တတ်ကျွမ်းတဲ့ ဆရာဝန်နဲ့ ပြသတိုင်ပင်သင့်ပါတယ်။

များသောအားဖြင့် ပူနွေးစွတ်စိုတဲ့ ရာသီဥတုမှာ ပိုသိသာလာတတ်ပြီး အေးမြခြောက်သွေ့နေချိန်တွေမှာတော့ ပျောက်သလိုလို ဖြစ်နေတတ်ပါတယ်။
ကိုယ်လုံး၊ ကျော၊ ရင်ဘတ် နဲ့ ပုခုံးတွေမှာ အဖြစ်များပါတယ်။ လူငယ်လူရွယ်တွေမှာ အဖြစ်များပါတယ်။ ညှင်းနဲ့ အသွင်တူပြီး အထင်မှားစေတတ်တဲ့ တခြားရောဂါကြီးတွေလည်း ရှိတာမို့ ဆရာဝန်နဲ့ တိုင်ပင်ပြသပြီးမှ ကုသခြင်းသာ အကောင်းဆုံးပါပဲ။

ညှင်းဆိုတာ သေချာ ကုသရင် ပျောက်နိုင်တာမို့ စောစောသိဖို့ကတော့ အရေးအကြီးဆုံးပါပဲ။ အနာသိရင်တော့ ဆေးတွေကရှိပြီးသားမို့ မပူပါနဲ့။ ကဲ.. ကိုယ်ပေါ်မှာ ညှင်းကွက်လေးတွေများ တိတ်တိတ်လေးလာပုန်းနေလား သွားရှာကြည့်ရအောင်…. ခုပဲ မှန်သွားကြည့်လိုက်တော့နော်။

Dr Phyowai Lynn

Related posts
နေထိုင်မှုပုံစံအခြားရောဂါများအလှအပနှင့်နေထိုင်စားသောက်မှုပုံစံ

မခံမရပ်နိုင်အောင် ဇက်ကြောတက် နေရခြင်းရဲ့ ဖြစ်နိုင်ခြေရှိသော အကြောင်းအရင်းများ

1 Mins read
ယနေ့ခေတ်လို ကွန်ပျူတာ၊ laptop၊ ဖုန်း၊ tablet စတာတွေကို အသုံးများလာတဲ့ခေတ်မှာ ဇက်ကြောတက် ခြင်းက အဖြစ် များလာတဲ့ ပြဿနာတစ်ခုပဲဖြစ်ပါတယ်။  ဇက်ကြောတက်ခြင်းကို ဖြစ်စေတဲ့အကြောင်းအရင်းတွေ ကတော့- (၁) ကြွက်သားတောင့်တင်းခြင်း သို့မဟုတ် ညောင်းညာခြင်း ကိုယ်ဟန်အနေအထား မမှန်ခြင်း၊ ရုတ်တရက်…
အခြားရောဂါများအထွေထွေဆေးဝါးများ

နားကိုက်ခြင်း

1 Mins read
နားကိုက်ခြင်း ဟာ ရောဂါပိုးဝင်ခြင်း၊ နားဖာချေးပိတ်ခြင်း၊ နားထဲပစ္စည်းတစ်ခုခုဝင်နေခြင်း၊ နားထဲရေဝင်နေခြင်း၊ နားစည်ပေါက်ခြင်း စတဲ့အကြောင်းအမျိုးမျိုးကြောင့် ဖြစ်နိုင်ပါတယ်။ နားကြောင့်မဟုတ်ဘဲ တခြား တစ်နေရာရာ က ဖြစ်တဲ့ နာကျင်ခြင်းကြောင့်လည်း နားကိုက်ခြင်း ကို ခံစားရနိုင်ပါတယ်။ (ဥပမာ- မေးရိုး နာကျင် ရောင်ရမ်း…
အခြားရောဂါများအသည်းအားဆေးများ

မပေါ့ဆသင့်ပါ အသည်းရောင်အသားဝါ

1 Mins read
ဇူလိုင်လ ၂၈ ရက်နေ့ ကမ္ဘာ့အသည်းရောင်အသားဝါနေ့မှာ အသည်းရောင်အသားဝါ ရောဂါ ကာကွယ်ခြင်းနှင့် ရောဂါကို စီမံခန့်ခွဲမှုအတွက် ယေဘုယျအကြံပြုချက်အချို့ကို ဖော်ပြပေးသွားမှာပဲဖြစ်ပါတယ်။ ကာကွယ်ဆေးထိုးခြင်း- အသည်းရောင်အသားဝါ A နှင့် B အတွက် ကာကွယ်ဆေးများရရှိနိုင်ပြီး ကာကွယ်ဆေး ထိုးသင့်ကြောင်းကို အကြံပြုထားကြပါတယ်။ ကာကွယ်ဆေးထိုးထားခြင်းဟာ…