mydoctor-top-telemedicine

All Articlesအခြားရောဂါများအထွေထွေရောဂါများ

‘ညှင်း’ကို မုန်း၍ လိမ်းခဲ့သည်

1 Mins read

? ‘ညှင်း’ကို မုန်း၍ လိမ်းခဲ့သည် ?

မုန်းသင့်တာပေါ့။ မုန်းလည်း မုန်းချင်စရာ။ ‘ညှင်း’ တဲ့။ အသံထွက်ကအစ ဗီလိန်တစ်ယောက် မခိုးမခန့် ရယ်တဲ့အသံမျိုးနဲ့။

လူက လှချင်ရက် စက်စက်ယိုသည့် ဆယ့်ခြောက်နှစ်မှာ တစ်ရက်လျော့သည့်အရွယ်။ ပေါက်လာတဲ့ ညှင်းကွက်တွေက လူမြင်သာတဲ့ လည်တိုင်ကျော့ကျော့လေးပေါ်မှာတစ်ကွက်၊ ပုခုံးပေါ်မှာတစ်ကွက်၊ ရင်ဘတ်ပေါ် ညှပ်ရိုးနားမှာတစ်ကွက်။

ဝတ်နေကျ ခပ်ဟော့ဟော့ အင်္ကျ ီလေးတွေ ပစ်လိုက်ရတော့မလား။ ကမ်းခြေသွားရင်ရော swim suit လေးနဲ့ ဘယ်လိုလန်းမလဲ။ သေပြီ။ ဒါမှမမုန်းရင် မုန်းစရာမရှိ။ ဒီတော့ လိမ်းပြီပေါ့။ ဟိုလူကောင်းတယ်ပြောတဲ့ဆေးလေး လိမ်းလိုက်။ ဒီလူညွှန်တဲ့ skin care လေး သုံးကြည့်လိုက်။ ဟိုအရွက်ထောင်းပြီး ကပ်ကြည့်ဆိုလည်း လုပ်လိုက်တာပဲ။ ခက်တာက မသက်သာ၊ မပျောက်သွားတဲ့ အပြင် ရင်ဘတ်မှာ နောက်တစ်ကွက်တောင်ထွက်လာသေး။

ညှင်းကို မုန်း၍လိမ်းခဲ့တဲ့ ဇာတ်လမ်းက ထာဝရထက်နှစ်ဆမကဘဲ ဆယ့်နှစ်ဆလောက် ပိုရှည်မဲ့သဘောဖြစ်နေပြီ။

ညှင်းဆိုတဲ့ သကောင့်သားက မုန်းမုန်းနဲ့ တွေ့ကရာလိမ်းလို့ ရတာမဟုတ်ဘဲကိုး။

– အရေးအကြီးဆုံးအချက်ပြောရရင် ညှင်း ဆိုတာ လူတိုင်းနီးပါးရဲ့ အရေပြားပေါ်မှာ မွေးညှင်းပေါက်တွေမှာ သဘာဝအတိုင်းရှိတဲ့ yeast ဆိုတဲ့ မှိုလေးတွေ ပုံမှန်ထက် အဆများစွာ ပွားလာရာကနေ စဖြစ်ပါတယ်။

ဒီတော့ မှိုသတ်ဆေးပါတဲ့ လိမ်းဆေး ခရင်မ်၊ လိုးရှင်း နဲ့ ခေါင်းလျှော်ရည်တွေပဲ သုံးရပါမယ်။
ဥပမာပေးရရင်တော့ Clotrimazole , Miconazole, Selenium sulfide, Terbinafine , Zinc pyrithione soap စတာမျိုးတွေပေါ့။

မလိမ်းခင်မှာ လိမ်းမဲ့နေရာကို သေချာဆေးကြော အခြောက်ခံထားဖို့လိုတယ်။ လိမ်းရင်လည်း တစ်နေ့ကို တစ်ကြိမ်မှ နှစ်ကြိမ် အနည်းဆုံးနှစ်ပါတ်လောက် မှန်မှန်လေး လိမ်းသွားပေးရမယ်။

မှိုသတ်ဆေးပါတဲ့ ခေါင်းလျှော်ရည်သုံးရင်လည်း လျှော်ပြီး ဆယ်မိနစ်လောက်အထိ ရေမဆေးချသေးဘဲ ထားထားဖို့ လိုပါတယ်။

ဒါတွေလိမ်းပြီး တစ်လလောက်အထိမှ မထူးခြားရင်တော့ ဆရာဝန်တစ်ယောက်နဲ့ ဆွေးနွေးတိုင်ပင်ရပါတော့မယ်။ မှိုသတ်ဆေး သောက်ဆေးတွေ သောက်ဖို့ လိုကောင်းလိုနိုင်ပါတယ်။

– နောက်ထပ်အရေးကြီးတဲ့ တစ်ချက်က ညှင်းက ပျောက်သွားပေမဲ့လည်း ပြန်ပေါ်လာတတ်တယ်ဆိုတာ သိဖို့ပါ။

ပူတဲ့ ရာသီဥတုမှာ ပြန်ဖြစ်တတ်တာမို့ ညှင်းကိုမုန်းရင် နေပူထဲ သိပ်မထွက်ပါနဲ့။ ထွက်ရင်လည်း SPF အနည်းဆုံး 30 လောက်ပါတဲ့ နေရောင်ကာလိမ်းဆေး ခရင်မ်တွေ လိမ်းရပါမယ်။ ဒါပေမဲ့ အဆီပြန်ရင် မှိုတွေပိုပွားတတ်လို့ အဆီပြန်စေမဲ့ greasy type Sun cream နဲ့ တခြား skin care တွေ မလိမ်းမိဖို့တော့ သတိထားရပါမယ်။

– အရေးကြီးတဲ့ နောက်ဆုံးတစ်ချက်ကတော့ ညှင်းဖြစ်စေတဲ့ မှိုလေးတွေ သေသွားပေမဲ့ နဂိုအသားအရေ ပြန်ဖြစ်ဖို့ ရက်သတ္တပါတ် တော်တော်များများကနေ လအနည်းငယ် အထိ အချိန်ယူရတတ်ပါတယ်။

အကြာကြီးနေမကောင်းဖြစ်သွားတဲ့ အရေပြားပေါ်က Melanocyte လေးတွေ အလုပ်ပုံမှန်ပြန်ဆင်းပြီး Melanin ပြန်ထုတ်ပေးနိုင်ဖို့ အချိန်ခဏပေးရဦးမှာကိုး။

မုန်းမုန်းနဲ့ တွေ့ကရာတွေ လျှောက်မလိမ်းနဲ့နော်…။

Dr Phyowai Lynn
(7.3.19)

Related posts
All Articlesကိုယ်ဝန်ဆောင်နှင့်မိခင် ကျန်းမာရေးမိခင်နှင့်ကလေးကျန်းမာရေး

Complication of lack of antenatal care

1 Mins read
ကိုယ်ဝန်မအပ်ခြင်းရဲ့ ပြဿနာများ မိမိရင်သွေးလေးတွေ ကျန်းကျန်းမာမာနဲ့ မွေးဖွားကြီးပြင်းလာစေချင်တာ မိဘတိုင်းရဲ့ ဆန္ဒတစ်ခုပဲဖြစ်ပါတယ်။ ကျန်းမာသန်စွမ်းတဲ့ ကလေးငယ်တွေအဖြစ် ကြီးပြင်းလာစေဖို့ ကိုယ်ဝန်ဆောင်စဉ် အချိန်တည်းက ဂရုစိုက်သင့်ပါတယ်။ တတ်ကျွမ်းနားလည်တဲ့ ကျန်းမာရေး စောင့်ရှောက်သူများနဲ့ စောလျင်စွာ ကိုယ်ဝန်အပ်ခြင်း၊ ညွှန်ကြားချက်များ လိုက်နာခြင်း၊ စနစ်တကျ ကိုယ်ဝန်စောင့်ရှောက်မှုများ…
နေထိုင်မှုပုံစံအထွေထွေရောဂါများအလှအပနှင့်နေထိုင်စားသောက်မှုပုံစံ

Why do bones and joints make noises every time they move?

1 Mins read
အရိုးနှင့် အဆစ် တွေကနေ လှုပ်ရှားလိုက်တိုင်း အသံတွေထွက်နေတာ ဘာကြောင့်လဲ… ကျွန်တော် တို့ရဲ့ အရိုးနှင့် အဆစ်တွေဟာ လှုပ်ရှားမှုလုပ်လိုက်တာနဲ့ အရိုးတွေ အဆစ်တွေကြားထဲကနေ အသံတွေထွက်လာတတ်တာ လူတိုင်း အနည်းနှင့် အများကြုံဘူး သိဘူးကြမှာပါ။ ဘာကြောင့် ဒီလိုအသံတွေ ဖြစ်ရလဲ ဘယ်လို…
Covid - 19ကူးစက်တတ်သောရောဂါများအထွေထွေရောဂါများ

ကိုဗစ်ကာကွယ်ဆေး Booster ဆိုတာဘာလဲ

1 Mins read
လူတိုင်းထိုးစရာလို‌နေပြီလား??? 💉💉💉💉💉💉💉💉💉💉💉💉💉 အရင်ကကာကွယ်ဆေး ကို နှစ်ကြိမ်ထိုးပြီးသူတွေရဲ့ ရှိပြီးသား ကာကွယ်ဆေးအစွမ်းမကျသွားအောင် ခန္ဓာကိုယ်ထဲမှာ တိုက်ပွဲဝင်ဖို့အသင့်ဖြစ်အောင် လေ့ကျင့်တဲ့သဘောနဲ့ ထပ်ပြီးBooster Dose ကို တတိယအကြိမ်(1st booster) သာမက အခု စတ္ထုထအကြိမ် (2nd booster) ပါ တခြားနိုင်ငံတွေမှာထိုးနေကြပြီဖြစ်ပါတယ်။…