diabetic-chest-pain
All Articlesဆီးချိုရောဂါဖိုးဖိုးဖွားဖွား ကျန်းမာရေးအထွေထွေရောဂါများ

ဆီးချိုရောဂါသည်တစ်ယောက်ရင်ဘတ်အောင့်တဲ့အခါ ဘာကိုစိုးရိမ်သင့်လဲ…

1 Mins read

ဆီးချိုရောဂါသည်တစ်ယောက်ရင်ဘတ်အောင့်တဲ့အခါ ဘာကိုစိုးရိမ်သင့်လဲ…

ပုံမှန်လူတစ်ယောက်ရင်ဘတ်အောင့်တဲ့အခါ နှလုံးရော၊ တခြားအရာတွေရော စဥ်းစားရပေမယ့် ဆီးချိုရောဂါသည်တစ်ယောက်ရင်ဘတ်အောင့်ပြီဆိုရင်တော့ ပထမဆုံးဦးစားပေးစဥ်းစားရမှာ နှလုံးသွေးကြောကျဥ်းတာပါပဲ။ ဘာလို့လဲဆိုတော့ ဆီးချိုရောဂါမှာ သွေးတွင်းသကြားဓာတ်များတာဟာ နှလုံးသွေးကြောကျဥ်းတာကိုဖြစ်စေလို့ပါ။

နှလုံးသွေးကြောကျဥ်းတဲ့အခါ နှလုံးကို သွေးလည်ပတ်မှုမကောင်းတော့တဲ့အတွက်…
1) ရင်ဘတ်အောင့်လာမယ်
ရင်ဘတ်အောင့်တာဟာ အလယ်မှာ(သို့)ဘယ်ဘက်မှာ အောင့်မယ်၊ ဆွဲညှစ်ထားသလို၊ အပေါ်ကနေဖိထားသလိုခံစားရမယ်၊ ပိတ်တဲ့အခြေအနေပေါ်လိုက်ပြီး နည်းနည်းနားလိုက်ရုံနဲ့သက်သာတာရှိသလို နားလိုက်လည်းမသက်
သာတော့တာမျိုးရှိနိုင်တယ်။ မိနစ်ပိုင်းအတွင်း
အောင့်တာ သက်သာသွားတာရှိသလို အဲ့ထက်ကြာတာလည်းရှိနိုင်တယ်။ အကုန်လုံးက ပိတ်တဲ့
အခြေအနေပေါ်ပဲမူတည်နေတယ်။ ရင်ဘတ်အောင့်တာကနေ လက်မောင်းအောင့်တာ၊ သွားကျင်တာ၊ လည်ပင်းအောင့်တာ၊ နောက်ကျောအောင့်တာ၊ ရင်ခေါင်းအောင့်တာတွေလည်းရှိတတ်တယ်။

2)မောလာမယ်
နှလုံးကသွေးကောင်းကောင်းမညှစ်ထုတ်နိုင်တဲ့ ခန္တာကိုယ်က သွေးကတစ်ဆင့်ရရှိတဲ့
အောက်စီဂျင်လည်းကောင်းစွာမရရှိတော့ မောလာမယ်။ နည်းနည်းလှုပ်လှုပ်ရှားရှားလုပ်ရင်ပိုဖြစ်တယ်။

3)Heart attack ရသွားနိုင်တယ်
နှလုံးသွေးကြောကျဥ်းရာကနေ လုံးဝပိတ်သွားတဲ့အခါ ခံစားရတဲ့လက္ခဏာတွေဟာ ပိုဆိုး
လာပြီး ပိုမောလာတာ၊ ချွေးတွေပြန်လာတာ၊ ပျို့အန်တာမျိုးတွေဖြစ်လာမယ်။ ဒါတွေဖြစ်လာပြီဆိုရင်တော့ လုံးဝအရေးပေါ်အခြေအနေပါ။
ဒီလိုပြောလိုက်လို့ Heart attack ရမှပဲဆေးရုံသွားရမယ်လို့ အမှတ်မှားသွားကြမှာစိုးပါတယ်။
ရင်ဘတ်အောင့်၊ မောတာကလည်း အချိန်မရွေး
နှလုံးသွေးကြောပိတ်သွားနိုင်လို့ အမြန်သာဆေးရုံသွားသင့်ပါတယ်။

အချိန်မှီသာကုသမှုမခံယူရင်
အပေါ်ကပြောသလို Heart attack ရသွားနိုင်ရုံသာမက
နှလုံးစည်းချက်မမှန်တော့တာ
နှလုံးကလုံးဝအလုပ်မလုပ်တော့တာမျိုးတွေထိဖြစ်သွားနိုင်ပါတယ်။

ဒါ့ကြောင့် ဒီလိုဆိုးရွားတဲ့နှလုံးသွေးကြောကျဥ်းရောဂါကို နောက်ဆက်တွဲအနေနဲ့မဖြစ်အောင်…
ဆီးချိုကိုသေချာထိန်းပါ
သွေးတိုးကိုသေချာထိန်းပါ
သွေးတွင်းအဆီ cholesterol ဓာတ်ကိုသေချာထိန်းပါ
အဆီများတဲ့အစားအစာတွေ၊ ငန်တဲ့အစားအစာတွေကိုရှောင်ပါ
စိတ်ဖိစီးတာကို တတ်နိုင်သမျှလျှော့ပါ
ဆေးလိပ်သောက်တာရှောင်ပါ
အသင့်အတင့်လေ့ကျင့်ခန်းလေးတွေပုံမှန်ပြုလုပ်ပြီး ကိုယ်အလေးချိန်ကိုထိန်းပါ။

ဒေါက်တာမိုးမခ(ဆေး ၂)

Related posts
All Articlesကိုယ်ဝန်ဆောင်နှင့်မိခင် ကျန်းမာရေးမိခင်နှင့်ကလေးကျန်းမာရေး

Complication of lack of antenatal care

1 Mins read
ကိုယ်ဝန်မအပ်ခြင်းရဲ့ ပြဿနာများ မိမိရင်သွေးလေးတွေ ကျန်းကျန်းမာမာနဲ့ မွေးဖွားကြီးပြင်းလာစေချင်တာ မိဘတိုင်းရဲ့ ဆန္ဒတစ်ခုပဲဖြစ်ပါတယ်။ ကျန်းမာသန်စွမ်းတဲ့ ကလေးငယ်တွေအဖြစ် ကြီးပြင်းလာစေဖို့ ကိုယ်ဝန်ဆောင်စဉ် အချိန်တည်းက ဂရုစိုက်သင့်ပါတယ်။ တတ်ကျွမ်းနားလည်တဲ့ ကျန်းမာရေး စောင့်ရှောက်သူများနဲ့ စောလျင်စွာ ကိုယ်ဝန်အပ်ခြင်း၊ ညွှန်ကြားချက်များ လိုက်နာခြင်း၊ စနစ်တကျ ကိုယ်ဝန်စောင့်ရှောက်မှုများ…
နေထိုင်မှုပုံစံအထွေထွေရောဂါများအလှအပနှင့်နေထိုင်စားသောက်မှုပုံစံ

Why do bones and joints make noises every time they move?

1 Mins read
အရိုးနှင့် အဆစ် တွေကနေ လှုပ်ရှားလိုက်တိုင်း အသံတွေထွက်နေတာ ဘာကြောင့်လဲ… ကျွန်တော် တို့ရဲ့ အရိုးနှင့် အဆစ်တွေဟာ လှုပ်ရှားမှုလုပ်လိုက်တာနဲ့ အရိုးတွေ အဆစ်တွေကြားထဲကနေ အသံတွေထွက်လာတတ်တာ လူတိုင်း အနည်းနှင့် အများကြုံဘူး သိဘူးကြမှာပါ။ ဘာကြောင့် ဒီလိုအသံတွေ ဖြစ်ရလဲ ဘယ်လို…
Covid - 19ကူးစက်တတ်သောရောဂါများအထွေထွေရောဂါများ

ကိုဗစ်ကာကွယ်ဆေး Booster ဆိုတာဘာလဲ

1 Mins read
လူတိုင်းထိုးစရာလို‌နေပြီလား??? 💉💉💉💉💉💉💉💉💉💉💉💉💉 အရင်ကကာကွယ်ဆေး ကို နှစ်ကြိမ်ထိုးပြီးသူတွေရဲ့ ရှိပြီးသား ကာကွယ်ဆေးအစွမ်းမကျသွားအောင် ခန္ဓာကိုယ်ထဲမှာ တိုက်ပွဲဝင်ဖို့အသင့်ဖြစ်အောင် လေ့ကျင့်တဲ့သဘောနဲ့ ထပ်ပြီးBooster Dose ကို တတိယအကြိမ်(1st booster) သာမက အခု စတ္ထုထအကြိမ် (2nd booster) ပါ တခြားနိုင်ငံတွေမှာထိုးနေကြပြီဖြစ်ပါတယ်။…