mydoctor-top-telemedicine

old-man-checking-cataracts
All Articlesဆီးချိုရောဂါဖိုးဖိုးဖွားဖွား ကျန်းမာရေး

ဆီးချိုကြောင့်ဖြစ်တတ်တဲ့ ရေတိမ်၊ အတွင်းတိမ်ဆိုတာ ဘယ်လိုမျိုးလဲ

1 Mins read

ဆီးချိုကြောင့်ဖြစ်တတ်တဲ့ ရေတိမ်၊ အတွင်းတိမ်ဆိုတာ ဘယ်လိုမျိုးလဲ ❗

ဆီးချိုရောဂါဟာ အချိန်ကြာလာတဲ့အခါ သေချာသာမထိန်းနိုင်ဘူးဆိုရင် နှလုံး၊ကျောက်ကပ်၊ အာရုံကြောတွေသာမက မျက်လုံးကိုပါထိခိုက်လာနိုင်ပါတယ်။ မျက်လုံးမှာ ရေတိမ်၊ အတွင်းတိမ်ဖြစ်ရာကနေ တဆင့် နောက်ဆုံး မျက်စိအမြင်အာရုံဆုံးရှုံးသွားတဲ့ထိတောင်ဖြစ်နိုင်ပါတယ်။ အတွင်းတိမ်ဖြစ်တဲ့အခါ စစချင်းမှာ အမြင်အာရုံကိုနှောင့်ယှက်တာမျိုးမရှိပေမယ့် ကြာလာတဲ့အခါ အမြင်ဝါးလာတာမျိုး
တွေဖြစ်တတ်ပါတယ်။
အတွင်းတိမ်က တခြားဘာလက္ခဏာတွေနဲ့လာနိုင်သေးလဲဆိုရင်….
♌ ညဘက်တွေမှာ သိပ်မမြင်ရတော့တာ
♌ စာဖတ်ဖို့အတွက် အလင်းကောင်းကောင်းလိုလာတာ
♌ အလင်းပတ်လည်မှာ အလင်းကွင်းတွေမြင်လာတာ
♌ အလင်းစူးစူးတွေကို မခံနိုင်တာ
♌ အမြင်နှစ်ထပ်ဖြစ်လာတာ
♌ မကြာခဏမျက်မှန်ပြောင်းပြောင်းလာရတာ စတာတွေဖြစ်နိုင်ပါသေးတယ်။

ရေတိမ်ကတော့ မျက်လုံးထဲမှာ ပုံမှန်မဟုတ်တဲ့ဖိအားများလာလို့ မျက်လုံးအာရုံကြောကိုထိခိုက်မိရာကနေတဆင့်ဖြစ်တာပါ။ မျက်စိအမြင်အာရုံဆုံးရှုံးတဲ့အကြောင်းအရာတွေထဲမှာ
ရေတိမ်ကလည်း တစ်ခုအနေနဲ့ပါဝင်နေပါတယ်။
ရေတိမ်ဖြစ်လာပြီဆိုရင်….
♌ မျက်လုံးရဲ့ဘေးနှစ်ဖက်မှာ အမြင်အာရုံဆုံးရှုံးတာ
♌ ညဘက်မှောင်ထဲမှာ မြင်နိုင်ဖို့ကို မျက်လုံးက ကျင့်သားမရတာ(သာမန်လူတွေဆို မီးပျက်သွားတဲ့အချိန် ဖြစ်ဖြစ်ချင်းမှာ ဘာမှမမြင်ရတော့ပေ
မယ့် နည်းနည်းကြာတဲ့အခါ အမှောင်ထဲမှာ ကျင့်သားရလာတတ်ပါတယ်)
♌ ခေါင်းကိုက်တာ၊ မျက်လုံးအောင့်တာ၊ မျက်လုံးရောင်တာ
♌ အတွင်းတိမ်လိုပဲ အလင်းပတ်ပတ်လည်မှာ
အလင်းကွင်းတွေမြင်နေတာ
♌ ပျိို့တာ၊ အန်တာ၊ အမြင်ဝေဝါးတာ စတဲ့လက္ခဏာတွေပေါ်လာတတ်ပါတယ်။

အတွင်းတိမ်ကိုတော့ ရောဂါအခြေအနေပေါ်မူတည်ပြီးဆရာဝန်တွေက ခွဲစိတ်ဖို့အကြံပေး
တတ်ပေမယ့်….
မျက်လုံးအတွင်းဖိအားများလို့ဖြစ်တဲ့ရေတိမ်ကိုတော့ ဖိအားနည်းအောင်ပြုလုပ်ပေးမယ့် Eye drops တွေပေးတာ၊ Eye drops တွေနဲ့မသက်
သာရင် သောက်ဆေးပြောင်းပေးတာ၊ သောက်ဆေးနဲ့မှ မရရင်တော့ လေဆာကုသမှုခံယူတာ၊ ခွဲစိတ်တာ စတာတွေကို လူနာရဲ့ရောဂါအခြေအနေအရ ပြုလုပ်ပေးရပါတယ်။

ဒါ့ကြောင့် ဒီလို အမြင်အာရုံထိခိုက်နိုင်တဲ့ ရေတိမ်ရောဂါ၊ အတွင်းတိမ်ရောဂါတွေကို မဖြစ်စေဖို့က အရေးကြီးပါတယ်။ သင့်မှာ ဒီလိုဖြစ်လာနိုင်စေတဲ့ ဆီးချိုရောဂါရှိနေတယ်ဆိုရင် ဆီးချိုကို ပိုပြီး ကြပ်ကြပ်မတ်မတ်နဲ့ထိန်းဖို့တောင်လိုပါတယ်။ မျက်လုံးကျန်းမာရေးကိုလည်း မကြာခဏသွားရောက်စစ်ဆေးကြည့်ဖို့လိုပါလိမ့်မယ်။

ဒေါက်တာမိုးမခ(ဆေး ၂)

Related posts
All Articlesကိုယ်ဝန်ဆောင်နှင့်မိခင် ကျန်းမာရေးမိခင်နှင့်ကလေးကျန်းမာရေး

Complication of lack of antenatal care

1 Mins read
ကိုယ်ဝန်မအပ်ခြင်းရဲ့ ပြဿနာများ မိမိရင်သွေးလေးတွေ ကျန်းကျန်းမာမာနဲ့ မွေးဖွားကြီးပြင်းလာစေချင်တာ မိဘတိုင်းရဲ့ ဆန္ဒတစ်ခုပဲဖြစ်ပါတယ်။ ကျန်းမာသန်စွမ်းတဲ့ ကလေးငယ်တွေအဖြစ် ကြီးပြင်းလာစေဖို့ ကိုယ်ဝန်ဆောင်စဉ် အချိန်တည်းက ဂရုစိုက်သင့်ပါတယ်။ တတ်ကျွမ်းနားလည်တဲ့ ကျန်းမာရေး စောင့်ရှောက်သူများနဲ့ စောလျင်စွာ ကိုယ်ဝန်အပ်ခြင်း၊ ညွှန်ကြားချက်များ လိုက်နာခြင်း၊ စနစ်တကျ ကိုယ်ဝန်စောင့်ရှောက်မှုများ…
ကလေးကျန်းမာရေးစားသောက်မှုပုံစံဆီးချိုရောဂါမိခင်နှင့်ကလေးကျန်းမာရေးအလှအပနှင့်နေထိုင်စားသောက်မှုပုံစံ

Why Children Should Avoid Energy Drinks

1 Mins read
“Energy drink နဲ့ ကလေး” “ကလေးနဲ့Energy drink” တိုက်သင့်ရဲ့လားဆိုရင် 📌အဆုံးထိမဖတ်ချင်တဲ့လူတွေအတွက် အတိုချုပ်ပြောရရင် “နိုး” ပါ။ လုံးဝမတိုက်သင့်ပါဘူး။ ~~~~~~~~~~~~~~~~~~~~~~~~~~ ♦️ Energy drinks တွေဟာ ဈေးကွက်ထဲမှာ ဆိုရင်ဖြင့် ဒီဇိုင်း၊ ကာလာ၊ ဘာညာ…
စိတ်ကျန်းမာရေးနေထိုင်မှုပုံစံဖိုးဖိုးဖွားဖွား ကျန်းမာရေး

Did you notice that they were lonely?

1 Mins read
သူတို့ အထီးကျန်နေကြတာ သင်သတိထားမိရဲ့လား ❓ ကျွန်မတို့ တက်ကြွစွာ အလုပ်လုပ် သွားလာနေတဲ့အချိန်မှာ ကျွန်မတို့ အိမ်ပြန်ချိန်ကိုစောင့်ပြီး အထီးကျန်နေတဲ့လူတွေရှိပါတယ်။ဒီလူတွေဟာ ကျွန်မတို့ရဲ့ အရင်းနှီးဆုံးသော မိဘ၊ သို့ အဘိုးအဘွားတွေပါပဲ။တစ်ခါတစ်ခါ ကျွန်မတို့ဟာ လှုပ်ရှားရုန်းကန် ဘဝအတွက် အချိန်တွေပေးရင်းနဲ့ အနီးဆုံးလူတွေကို အချိန်တွေ…