All Articlesစိတ်ကျန်းမာရေးအထွေထွေရောဂါများ

စိတ်ကစဥ့်ကလျားရောဂါဖြစ်ခြင်းရဲ့ အစပြုရာ…❗❗❗

1 Mins read
စိတ်ကစဥ့်ကလျားရောဂါဖြစ်ခြင်းရဲ့ အစပြုရာ…❗❗❗
စိတ်ကစဥ့်ကလျားရောဂါဆိုတာ ပုံမှန်အတိုင်းတည်ရှိနေတာနဲ့ကွဲထွက်နေတတ်တဲ့ရောဂါတစ်ခုပါ။ တကယ်မရှိတဲ့အသံတွေကို ကြားယောင်နေတာမျိုး၊ တကယ်မရှိတဲ့ အရာတွေကိုမြင်ယောင်နေတာမျိုးတွေဖြစ်တတ်တဲ့
စိတ်ဂယောင်ခြောက်ခြားရောဂါတစ်မျိုးပါပဲ။
ဒီလို စိတ်ကစဥ့်ကလျားရောဂါဘာလို့ဖြစ်ပေါ်လာတာလဲဆိုရင်…..
1) မျိုးရိုးဗီဇကြောင့်

♊ ဒီလို စိတ်ကစဥ့်ကလျားရောဂါမျိုးဟာ မိသားစုတွေဖြစ်တဲ့ မိဘ၊ မောင်နှမသားချင်းတွေမှာဖြစ်တဲ့သူရှိရင် ကိုယ့်ဆီမှာလည်း ဖြစ်ဖို့အလားအလာ များတဲ့ရောဂါတစ်ခုပါ။

2) ဦးနှောက်ရဲ့ဖွဲ့စည်းတည်ဆောက်မှုခြားနားတာကြောင့်

♊ စိတ်ကစဥ့်ကလျားရောဂါသမားတွေကိုကြည့်ရင်သာမန်လူတွေနဲ့အပြင်ပန်းပြုမူပုံတွေကွာခြားသလို သူတို့ရဲ့ ဦးနှောက်ပိုင်းဆိုင်ရာကလည်း တခြားသူတွေနဲ့မတူပဲ ဖွဲ့စည်းတည်ဆောက်မှုတူမနေတတ်ပါဘူး။

3)Chemical တွေပြောင်းလဲမှုကြောင့်

♊ ဦးနှောက်ဆဲလ်တွေအချင်းချင်း အချက်ပြဆက်သွယ်ဖို့ဆိုတာ neurotrasnmitters လို့ခေါ်တဲ့ chemicals တွေလိုအပ်ပါတယ်။ ဒီလို Chemicals တွေ မညီမမျှဖြစ်နေတာမျိုး၊ ပုံမှန်ထက်နည်းနေတာမျိုးဟာ ဒီရောဂါကိုအစပျိုးရာတစ်ခုဖြစ်စေပါတယ်။ Dopamine/ Glutamate စတဲ့ chemicals တွေဟာ ဒီရောဂါနဲ့ဆက်စပ်နေတာတွေ့ရတတ်တယ်။

4)ကိုယ်ဝန်ဆောင်ချိန်နဲ့မီးဖွားချိန်မှာဖြစ်တတ်တဲ့အရာတွေကြောင့်

♊ ကလေးနေ့မစိလမစိမွေးတာ၊ ကလေးပေါင်မပြည့်တာ၊ မွေးတဲ့အချိန်မှာ ရေမွန်းတာ၊ ကိုယ်ဝန်ဆောင်ချိန်ပိုးဝင်တာ၊ ကိုယ်ဝန်ဆောင်ချိန်မှာမိခင်အဝလွန်တာစတဲ့ကိစ္စတွေကလည်း ဒီလို စိတ်ကစဥ့်ကလျားရောဂါဖြစ်ဖို့ အစပျိုးနေတတ်ပါတယ်။

5)ငယ်စဥ်က ရရှိခဲ့တာစိတ်ဒဏ်ရာကြောင့်

♊ ဒီလိုစိတ်ရောဂါမျိုးဟာ ငယ်စဥ်က ညှည်းပန်းနှိပ်စက်ခံခဲ့ရတဲ့ကလေးတွေ၊ အစော်ကားခံခဲ့ရတဲ့ကလေးတွေ၊ မိဘတွေအသတ်ခံရတာကို
မျက်မြင်တွေ့ခဲ့ရတဲ့ကလေးတွေမှာဖြစ်တာများပါတယ်။ ဒီလို အဖြစ်အပျက်တွေကြောင့် စိတ်ဒဏ်ရာရပြီး ဖြစ်တာမျိုးပါ။ အဲ့တုန်းကအဖြစ်အပျက်တွေကို အခုချိန်မှာ ပြန်မြင်ယောင်ယောင်နေတာမျိုးတွေ အဲ့တုန်းက အသံတွေကိုပြန်ကြားမိနေတာမျိုးတွေဖြစ်တတ်ပါတယ်။

6) မူးယစ်ဆေးတွေသုံးထားတာကြောင့်

♊ မူးယစ်ဆေးကြီးသက်သက်ကတော့ ဒီရောဂါကို မဖြစ်စေတတ်ပေမယ့် ဒီစိတ်ကစဥ့်ကလျားရောဂါဖြစ်ဖို့ အလားအလာများနေတဲ့သူမျိုးမှာ မူးယစ်ဆေးတွေသုံးထားမယ်ဆိုရင်တော့ ရောဂါလက္ခဏာတွေစပြလာနိုင်ပါတယ်။

ဒါတွေကတော့ စိတ်ဝင်စားစရာကောင်းတဲ့ စိတ်ကစဥ့်ကလျားရောဂါဖြစ်ခြင်းရဲ့ အစပျိုးရာ အကြောင်းအရာတွေပါပဲ။
ဒေါက်တာစိမ်းလဲ့
Related posts
သွားကျန်းမာရေးအခြားရောဂါများအထွေထွေရောဂါများ

လျှာနာ နေလျှင်

1 Mins read
လျှာနာကျင်မှု ဟာ အကြောင်းအမျိုးမျိုးကြောင့် ဖြစ်ပွားနိုင်ပါတယ်။ လျှာနာ ခြင်းရဲ့ အဖြစ်များသော အကြောင်းရင်း အချို့မှာ အောက်ပါအတိုင်းဖြစ်ပါတယ်။ (၁) ဒဏ်ရာများ- လျှာကို မတော်တဆကိုက်မိခြင်း၊ ပူသောအစာ သို့မဟုတ် အရည်များ စားသောက်မိသဖြင့် လျှာပူလောင်ခြင်း၊ သို့မဟုတ် အစာစားနေစဉ် ထိခိုက်ဒဏ်ရာရခြင်းများဟာ…
ကင်ဆာအထွေထွေရောဂါများ

သွေးကင်ဆာ တို့ရဲ့သဘာဝနဲ့လက္ခဏာ

1 Mins read
သွေးကင်ဆာ ဆိုတာ သွေး၊ ရိုးတွင်းခြင်ဆီနှင့် ပြန်ရည်ကြောစနစ် တို့ကို ထိခိုက်စေသော ကင်ဆာအုပ်စုကို ရည်ညွှန်းပါတယ်။ သွေးကင်ဆာများဟာ သွေးဆဲလ်များ (သွေးနီဥများ၊ သွေးဖြူဥများနှင့် သွေးဥမွှားဆဲလ်များ) ကို ထုတ်လုပ်ရန် တာဝန်ရှိတဲ့ ဆဲလ်များမှ စတင်ဖြစ်ပွားပါတယ်။ သွေးကင်ဆာမှာ သွေးဖြူဥကင်ဆာ (Leukemia)…
အခြားရောဂါများအထွေထွေရောဂါများ

သည်းခြေကျောက် တည်ခြင်း

1 Mins read
သည်းခြေကျောက် ဆိုတာ သည်းခြေအိတ်အတွင်းမှာရှိတဲ့ သည်းခြေရည်ပစ္စည်းများ မာကျောပြီးခဲသွားတဲ့အခါ ဖြစ်ပေါ် လာတဲ့ အရာဝတ္ထုများ ဖြစ်ပါတယ်။ သည်းခြေကျောက်ဟာ သဲတစ်မှုန်လောက်အရွယ်အစားကနေ ဂေါက်သီးတစ်လုံးလောက်အရွယ်အစားအထိ အရွယ်အစားအမျိုးမျိုး ဖြစ်နိုင်ပါတယ်။ သည်းခြေအိတ်ဆိုတာ အသည်းရဲ့ အောက်ဘက်ပိုင်းမှာတည်ရှိပြီး သည်းခြေရည်ကို သိုလှောင်ထားပေးတဲ့ အိတ်ပုံ သဏ္ဍာန်ရှိတဲ့ အင်္ဂါတစ်ခုဖြစ်ပါတယ်။…