urine
အထွေထွေရောဂါများအလှအပနှင့်နေထိုင်စားသောက်မှုပုံစံ

ခံရခက်တဲ့ ဆီးလမ်းကြောင်း ကျောက်တည်ခြင်း

1 Mins read

ဆီးလမ်းကြောင်းကျောက်တည်ခြင်းဟာ ကျောက်ကပ်ကစလို့ ဆီးပြွန်၊ ဆီးအိမ်၊ ဆီးထွက်ပေါက် တောက်လျှောက် ဘယ်နေရာမဆို ဖြစ်နိုင်ပါတယ်။ဆီးထဲမှာပါတဲ့ ကျောက်အမှုန်လေးတွေအနည်ထိုင်ပြီး ကျောက်အကြီးတစ်ခုဖြစ်လာပါတယ်။ ဒီကျောက်ကလေးက နူးညံ့လှတဲ့ဆီးလမ်းကြောင်းတောက်လျှောက်ဆင်းသွားတဲ့အခါ လက္ခဏာတွေစတင်ခံစားရပါတယ်။

လက္ခဏာတွေကတော့…

– ဖြစ်တဲ့ဘက် နံရိုးအောက် ကျောကုန်းဘက်မှာ အရမ်းနာတတ်ပါတယ်။ နာတာဟာ ပြင်းထန်လွန်းလို့ ကလေးမွေးခါနီးနာတာနီးပါး နာတယ်လို့တောင်ပြောကြပါတယ်။

– ဒီလိုနာတဲ့ နာကျင်ခြင်းဟာ တစ်ခါတစ်ရံ ပေါင်ရင်းထိပ်နားထိရောက်တတ်ပါတယ်။ တစ်ချက်တစ်ချက် ညှစ်ပြီး ဆုတ်ဆွဲထားသလို နာတတ်ပါတယ်။

– ပျို့အန်ခြင်း၊ ချမ်းတုန်ဖျားခြင်း

– ဆီး အရောင်နောက်ခြင်း သို့ ဆီးထဲမှာသွေးပါခြင်း

– ဆီးမကြာခဏသွားလိုခြင်း စတဲ့လက္ခဏာတွေပြတတ်ပါတယ်။

ဘယ်သူတွေမှာဖြစ်လေ့ရှိပါသလဲ?

ဆီးလမ်းကြောင်းကျောက် အမျိုးအစား ၄ မျိုးရှိပါတယ်။

၁)ထုံးကျောက်လို့ခေါ်တဲ့ ( Calcium) ကျောက်သူကတော့ Calcium Oxylate ပါတဲ့ အစားအစာ အစားများတဲ့လူတွေမှာဖြစ်တတ်ပါတယ်။ချောကလက်၊ မြေပဲ၊ အာလူးကြော် တို့ဖြစ်ပါတယ်။

၂)Uric Acid ကြောင့်ဖြစ်တဲ့ ဆီးကျောက်ယောကျာ်းလေးတွေမှာပိုဖြစ်တတ်ပြီး အဆစ်ရောင် ဂေါက်ရောဂါနဲ့တွဲပြီးဖြစ်တတ်ပါတယ်။

၃) _ ဆီးလမ်းကြောင်း ပိုးဝင်ခြင်းကြောင့်ဖြစ်ခြင်း ဖြစ်တဲ့ဆီးကျောက်မိန်းကလေးတွေမှာအဖြစ်များပြီး ဆီးလမ်းကြောင်းမကြာခဏပိုးဝင်သူတွေမှာတွေ့ရပါတယ်။

၄) _ Cystine လို့ခေါ်တဲ့ ကျောက်မျိုးရိုးကြောင့်အဓိကဖြစ်ပါတယ်။

ဖြစ်နိုင်ခြေရှိတဲ့သူတွေကတော့

======================

တစ်နေ့ ရေ ၁လီတာ ပြည့်အောင်မသောက်သူတွေက အဖြစ်နိုင်ဆုံးပါ။

– အသက် ၂၀ မှ ၅၀ တွင်းအဖြစ်များပါတယ်

– မိသားစုမျိုးရိုးအရ ဆီးကျောက်တည်တတ်သူတွေ

– ချွေးထွက်များပြီး ရေသောက်နည်းသူတွေ

– အစားအသောက်ထဲမှာ အသားဓာတ်၊ ဆားဓာတ် ၊ အချိုဓာတ်အစားများသူတွေ

– အဝလွန်သူတွေ

– Parathyroid ဟော်မုန်းများသူတွေ

– ဆီးဆေး၊ အတက်ကျဆေး၊ Calcium ကို အခြေခံထားတဲ့လေဆေး စွဲသောက်သူတွေ မှာ ပိုဖြစ်နိုင်ပါတယ်။ဆီးကျောက်တည်ခြင်း မှာ အချို့ကျောက်တည်ခြင်းတွေက အရွယ်အစားသေးပေမယ့်နာကျင်တာ၊ အောင့်တာတွေ ခံစားရပြီး တစ်ချို့ကျောက်တည်ခြင်းတွေက အရွယ်ကြီးပေမယ့်လက္ခဏာ မပြဘဲ ဆေးစစ်ကြည့်မှသိတာလည်းရှိပါတယ်။ဆီးကျောက်တည်ခြင်းရှိမရှိသိချင်ရင်

– ရိုးရိုးဓာတ်မှန်ရိုက်ကြည့်တာ

– ကွန်ပြူတာ ဓာတ်မှန်( Ultrasound) ရိုက်ကြည့်လို့ရနိုင်ပါတယ်။

– တချို့ကိုလည်း ဆေးသောက်ပြီး ဓာတ်မှန်ရိုက်ကြည့်တာ မျိုးနဲ့ ကျောက်တည်တဲ့နေရာ၊ အရွယ်အစားကို သေချာအောင်ကြည့်တာမျိုးလည်းရှိပါတယ်။

ဆီးကျောက်ဖြစ်ရတဲ့ အကြောင်းနဲ့လက္ခဏာတွေသိလောက်ပြီဆိုတော့ဆီးကျောက်ကြောင့်ဘာတွေဖြစ်တတ်တယ်။ ဘယ်လိုကုသနိုင်တယ်ဆိုတာဆက်လက်ဖော်ပြပေးသွားပါမယ်။

မယ်တင်( ဆေး ၁)

MyDoctor Telemedicine Application
Related posts
နေထိုင်မှုပုံစံအထွေထွေရောဂါများအလှအပနှင့်နေထိုင်စားသောက်မှုပုံစံ

Things to do after walking exercise in winter ❄

1 Mins read
ဆောင်းရာသီမှာ လမ်းလျှောက်ပြီး လုပ်သင့်တဲ့ အချက်… ဆောင်းရာသီမှာ သွေးပူလေ့ကျင့်ခန်းအနေနဲ့ရော ဝိတ်ချဖို့ အတွက်ရောနဲ့ အများစုက လမ်းလျှောက်လေ့ရှိကြပါတယ်။ ဒီလိုလေး ပုံမှန် လမ်းလျှောက်ပေးနိုင်တာကတော့ ကောင်းမွန်တဲ့ အလေ့အထတစ်ခု ပဲဖြစ်ပါတယ်။ မနက်စောစော လမ်းလျှောက်ပေးခြင်းအားဖြင့် ရရှိနိုင်တဲ့ အကျိုးကျေးဇူးတွေ ကတော့…. စိတ်ခံစားမှု…
စားသောက်မှုပုံစံအခြားရောဂါများအထွေထွေရောဂါများအလှအပနှင့်နေထိုင်စားသောက်မှုပုံစံ

Stomach cramps caused by heat

1 Mins read
🌶အပူအစပ် နဲ့ ဗိုက်အောင့်တတ်ခြင်း ပြဿနာ ရင်တွေပူပီး ဗိုက်ကလဲ ခဏ ခဏ အောင့်လိုက်တာ ဘာကြောင့်များအဲ့လောက် အောင့်နေရတာလဲလို့ တွေးမိကြဖူးမယ် ထင်ပါတယ်။ ဗိုက်အောင့်ရတဲ့ အကြောင်းအရင်းများစွာကတော့👉 အပူအစပ် စားလွန်းခြင်း👉 စားလေ့ စားထ မရှိဘဲ အစပ်စားမိခြင်း👉 အစားစားချိန်…
နေထိုင်မှုပုံစံအထွေထွေရောဂါများအလှအပနှင့်နေထိုင်စားသောက်မှုပုံစံ

👀မျက်လုံးပါဝါကျစေဖို့👁️

1 Mins read
👀မျက်လုံးပါဝါကျစေဖို့👁️ မျက်မှန်ပါဝါကတော့လေ အတက်ကြီးပဲ။ အခုခေတ် ကုန်ဈေးနှုန်းအတိုင်းပဲ ကျတယ်ကို မရှိဘူး ဆိုတဲ့ သူတွေ အတွက် ဒီ စာစုလေးကို စီစဉ်ရခြင်း ဖြစ်ပါတယ်။ မျက်မှန် တက်ရတဲ့ သူတော်တော်များများဟာ ကိုယ့် မျက်မှန် ပါဝါကို ပြန်ပြန်စစ်ရကောင်းမှန်း မသိကြပါဘူး။…

Leave a Reply

Your email address will not be published. Required fields are marked *