sleep wealthy
Uncategorized

“ကောင်းကောင်းအိပ်စက်ရတာဟာ လူ့စည်းစိမ်ကိုခံစားရတာပဲ” ဆိုတဲ့စကားကို ဘာလို့ပြောကြတာလဲ…🤔❓🌃

1 Mins read

“ကောင်းကောင်းအိပ်စက်ရတာဟာ လူ့စည်းစိမ်ကိုခံစားရတာပဲ” ဆိုတဲ့စကားကို ဘာလို့ပြောကြတာလဲ…🤔❓🌃

အိပ်စက်ခြင်းဆိုတာ လူ့စည်းစိမ်ဆိုတာ တကယ်အမှန်ပါပဲ။ လူတွေဟာ ညဘက်ကောင်းကောင်းအိပ်စက်နိုင်မှ နောက်တစ်နေ့တာမှာ စိတ်ကြည်လင်လန်းဆန်းပြီး လုပ်ငန်းဆောင်တာတွေဖြစ်မြောက်စေတာပါ။ ဒါဆို ကောင်းကောင်းအိပ်စက်ရတာဟာ လူ့စည်းစိမ်ကိုခံစားရတာပဲ လို့ ဘာလို့ပြောကြလဲဆိုတာ လေ့လာကြည့်လိုက်ရအောင်…

📌ဦးနှောက်လုပ်ဆောင်မှုကို ကောင်းမွန်စေခြင်း

🌌 အိပ်ရေးပျက်တဲ့အခါမှာ လုပ်ငန်းခွင်မှာ၊ ကျောင်းစာ စတာတွေမှာ အာရုံစူးစိုက်လို့ မရတာမျိုးတွေ ဖြစ်တတ်ပါတယ်။ အိပ်ရေးပျက်တာကြာလာရင် မှတ်ဉာဏ်ကိုပါထိခိုက်လာစေပါတယ်။ အိပ်ရေးသာ ဝဝအိပ်ရရင် ဦးနှောက်ရဲ့ လုပ်ဆောင်မှုပိုင်းဆိုင်ရာတွေ ကောင်းလာပြီး မိမိတစ်နေ့တာ လုပ်ဆောင်မှုတွေမှာလည်း အာရုံစူးစိုက်မှုအပြည့်နဲ့ လုပ်ဆောင်နိုင်မှာဖြစ်ပါတယ်။

📌စိတ်ခံစားမှုကိုကောင်းမွန်စေခြင်း

🌌 အိပ်ရေးမဝတဲ့သူတွေဟာ တခြားသူတွေထက် စိတ်ပိုင်းဆိုင်ရာမှာ ပြောင်းလဲတာ၊ စိတ်ဓာတ်ကျတာမျိုးတွေ ခံစားရတတ်လေ့ရှိပါတယ်။ အိပ်ရေးဝဝသာ အိပ်စက်ရရင် မနက်နိုးထတဲ့အခါ စိတ်ကြည်လင် တက်ကြွနေပြီး ဒီလိုစိတ်ပိုင်းဆိုင်ရာ ပြဿနာတွေလည်းဖြစ်ဖို့နည်းစေပါတယ်။

📌ခန္တာကိုယ် အလေးချိန်ကို ထိန်းပေးနိုင်ခြင်း

🌌 အိပ်ရေးပျက်တဲ့အခါ အစာစားချင်စိတ်ကို ထိန်းချုပ်ပေးနေတဲ့ ဟော်မုန်းတွေကို သွားအနှောင့်အယှက်ပေးတဲ့အတွက် လူကိုပိုဝလာစေပါတယ်။ ကောင်းကောင်းသာအိပ်စက်ရရင်တော့ ဒီပြဿနာတွေကင်းဝေးမှာပါ။

📌နှလုံးကျန်းမာရေး ကောင်းမွန်စေခြင်း၊ ဆီးချိုကို ထိန်းပေးခြင်း

🌌 ကောင်းကောင်းအိပ်စက်ရတဲ့အခါ နှလုံးနဲ့သွေးကြောတွေဟာ အပြင်းအထန် မလုပ်ဆောင်ရပဲ အနားနည်းနည်းရတဲ့အပြင် သွေးပေါင်လည်းကျစေပါတယ်။ ထို့ပြင် တစ်နေ့တာစိတ်ဖိစီးတာတွေကြောင့် တက်နေတဲ့ သွေးတွင်းသကြားဓာတ်ကလည်း အိပ်စက်တဲ့အချိန်ကျ နည်းနည်းကျသွားတတ်ပါတယ်။

📌ကိုယ်ခံအား ကောင်းမွန်စေခြင်း

🌌 အိပ်ရေးပျက်တဲ့အခါ ကိုယ်ခံအားကျဆင်းတော့ ခန္တာကိုယ်ကို ရောဂါပိုးပေါင်းစုံ ဝင်ရောက်လာနိုင်ချေ အရမ်းများပါတယ်။ အဲ့တာကြောင့် အိပ်ရေးသာဝဝအိပ်ရရင် သင့်ကိုယ်ခံအားကောင်းအောင်လုပ်နိုင်ပြီး ရောဂါပိုးဝင်ရောက်မှုတွေကို တားဆီးနိုင်မှာပါ။

“တိုင်ပင်ဆွေးနွေး ကျန်းမာရေး၊ myDoctor နှင့်ဆက်သွယ်ပေး”
#myDoctor

MyDoctor Telemedicine Application
Related posts
Uncategorized

👧 Pelvic Inflammatory

1 Mins read
👧 အမျိုးသမီးနှင့် မီးယပ်ရောဂါ~~အရွယ်ရောက်ပြီးသား အမျိုးသမီးတစ်ယောက်ရဲ့ဘဝမှာ ဆီးပူဆီးကျင်တာ ၊ မိန်းမကိုယ်ကနေ အဖြူဆင်းတာ၊ ရာသီချိန် မဟုတ်ဘဲ သွေးပေါ်တာ၊ ဆီးစပ်အောင့်တာ၊ ဗိုက်အောင့်တာ စသဖြင့် ကြုံလေ့ရှိကြပါတယ်။ အဲဒါဟာ မျိုးပွားအင်္ဂါကနေတစ်ဆင့် ရောဂါပိုးဝင်ကူးစက်တဲ့ Pelvic Inflammatory Disease လို့ခေါ်တဲ့မီးယပ်ရောဂါတစ်မျိုးကြောင့်ပဲဖြစ်ပါတယ်။အမျိုးသမီးတွေမှာ…
Uncategorized

Can Marijuana Help Your Mental Health?

1 Mins read
🍁 ဆေးခြောက်က စိတ်ကျန်းမာရေးအတွက် ကောင်းမွန်စေနိုင်လား ❓ “ကောင်းလိုက်တာကွာ…” “နတ်ပြည်ရောက်နေသလိုပဲ…” ပျော်လိုက်တာ ဘာနဲ့မှကို မတူဘူး… “စားမယ် စားမယ်…”နေဝင်း သီချင်းလို ” ဝ ” ပေါ်မှာ လုံးကြီးတင် ” ဝိ ” …အစရှိသဖြင့်………
Uncategorized

🦠 ကိုဗစ် ကာကွယ်ဆေးထိုးပြီး အကျိတ်ယောင်ရမ်းခြင်း

1 Mins read
🦠 ကိုဗစ် ကာကွယ်ဆေးထိုးပြီး အကျိတ်ယောင်ရမ်းခြင်း ကာကွယ်ဆေးတွေထဲမှာမှ မထိုးမဖြစ် ထိုးရမယ့် ကာကွယ်ဆေးတွေထဲမှာ ကိုဗစ်ကာကွယ်ဆေးက တစ်ခု အပါအဝင်ဖြစ်ပါတယ်။ ကာကွယ်ဆေးထိုးပြီး ဖြစ်တတ်တဲ့ လက္ခဏာတွေ ကတော့-ဖျားနာခြင်း-ချမ်းတုန်ခြင်း-ကြွက်သားများ နာကျင်ကိုက်ခဲခြင်း-ခေါင်းကိုက်ခြင်း-ဆေးထိုးသော နေရာယောင်ရမ်းနာကျင်ခြင်း-အကျိတ်များ ယောင်ခြင်း စတာတွေ ဖြစ်တတ်ပါတယ်။ 📌ကာကွယ်ဆေးထိုးပြီးမှ ဘာလို့…

Leave a Reply

Your email address will not be published. Required fields are marked *