All Articlesစိတ်ကျန်းမာရေးအထွေထွေရောဂါများ

ကလေးလူငယ်များစိတ်ကျရောဂါ

1 Mins read

ကလေးလူငယ်များစိတ်ကျရောဂါ

စိတ်ကျရောဂါဆိုတာအရွယ်ရောက်သူများကိုသာအကျိုးသက်ရောက်နိုင်တာမဟုတ်ဘဲ ကလေးများ နဲ့ လူငယ်များလည်းသက်ရောက်နိုင်ပါတယ်။ မိမိကလေးငယ်မှာ စိတ်ဓာတ်ကျနေတယ်လို့ထင်မိတာနဲ့ စောစီးစွာ နည်းလမ်းရှာ ကုသပေးဖို့လိုပါတယ်။ ဒီဝေဒနာက အချိန်ကြာလာတာနဲ့အမျှကလေးရဲ့ဘဝကို နှောင့်ယှက်ပြီး ရေရှည် ပြသနာ တစ်ခုဖြစ်စေ နိုင်ပါတယ်။ ကလေးများနဲ့ဆယ်‌ကျော်သက်များ စိတ်ဓာတ်ကျခြင်း လက္ခဏာများကတော့ ဝမ်းနည်းခြင်း (သို့) စိတ်မသက်မသာဖြစ်ခြင်း စိတ်တိုလွယ်ခြင်း အထိခိုက်မခံနိုင်ခြင်း ယခင်ကပျော်ရွှင်တတ်တဲ့ အရာများကို စိတ်၀င်စားမှုမရှိခြင်း ပင်ပန်းနွမ်းနယ်လွယ်ခြင်း အကြောင်းရင်းမရှိဘဲ စိတ်လေနေခြင်း စတာတွေပဲဖြစ်ပါတယ်။

တချို့ကလေးများမှာစိုးရိမ်စိတ်သာမကစိတ်ကျရောဂါပါ နောက်ဆက်တွဲဖြစ်နေတတ်သလို တချို့ကတော့ ခေါင်းကိုက်ခြင်းနဲ့ အစာအိမ်နာခြင်းလို ရုပ်ပိုင်းဆိုင်ရာ လက္ခဏာများ ဖြစ်‌နေတတ်ပါတယ်။ စိတ်ဓာတ်ကျနေတတ်တဲ့ဆယ်ကျော်သက်ကလေးများဟာ မူးယစ်ဆေးဝါး နှင့်အရက်ကို အလွဲသုံးစားပြုလာနိုင်ပါတယ်။ ပြင်းထန်လာရင်တော့ကိုယ့်ကိုယ်ကိုအနာတရဖြစ်အောင်လုပ်ခြင်း၊ မိမိကိုယ်ကိုသတ်သေဖို့ကြံစည်ခြင်းတွေထိ လုပ်ဆောင်တတ်ပါတယ်။

မိဘတွေအနေနဲ့ ကလေးငယ် ဘာကြောင့် စိတ်ဓာတ်ကျလဲဆိုတာကိုစဉ်းစားသင့်ပါတယ် ။ မိသားစုနဲ့ပတ်သက်တဲ့အခက်အခဲတစ်ခုခုရှိခြင်း၊ ကျောင်းနဲ့ ပတ်၀န်းကျင်မှာအနိုင်ကျင့်ခံရခြင်း၊ ရုပ်ပိုင်းဆိုင်ရာ၊ စိတ်ပိုင်းဆိုင်ရာ (သို့မဟုတ်) လိင်ပိုင်းဆိုင်ရာ အလွဲသုံးစားမှုခံရခြင်း၊ အခြားစိတ်ကျန်းမာရေးပြသနာများရှိခြင်း၊ မိသားစုတွင်းစိတ်ကျရောဂါဖြစ်သူရှိခြင်း စတဲ့ အကြောင်းရင်းများစွာရှိပါတယ် တခါတရံမှာတော့ မိမိကိုယ်ကို တန်ဖိုးမရှိဘူး အပြစ်ရှိတယ်ဆိုတဲ့ ခံစားချက်မျိုးတွေကလည်း စိတ်ကျရောဂါပြသနာတွေဆီ ခေါ်ဆောင်သွား နိုင်ပါတယ်။
မိမိရဲ့‌ကလေးငယ်မှာ စိတ်ကျရောဂါလက္ခဏာတစ်ခုခုရှိပြီလို့ထင်တာနဲ့ လိုက်နာ လုပ်ဆောင် သင့်တဲ့ အချက်တွေကတော့ မိဘတွေကိုယ်တိုင်က ကလေးကိုစိတ်မ၀င်စားဘဲ အရက်နဲ့မူးယစ်ဆေးစွဲနေတာ မျိုး‌တွေ မဖြစ်အောင် အရင်သတိပြုသင့်ပါတယ်။ ကလေးငယ်အတွက် သီးသန့်အချိန်ပေးဖို့လိုပါတယ်။ ကလေးရဲ့အသက်အရွယ်အလိုက် သိသင့်တတ်သင့်တဲ့ ပညာရပ်တွေကို အတူတွဲပြီးလေ့လာပေးသင့်ပါတယ်။ မိမိဟာကလေးငယ်အတွက် အားကိုးစရာမိဘ ဖြစ်သလို သူငယ်ချင်းတယောက်လို ရင်ဖွင့်နိုင်တဲ့သူဖြစ် စေဖို့အထိ မိမိကလေးငယ်က ယုံကြည်အားထားဖို့ လိုပါတယ်။ ကလေးငယ်ရဲ့စိတ်ထဲကစကားတွေကို ကြားသိရဖို့ ဒေါသတကြီးနဲ့ ပြောခိုင်းတာမျိုး မလုပ်ဘဲနဲ့ ကလေးနဲ့ မိဘကြားယုံကြည်မှုကို စိတ်ရှည်ရှည်ထားပြီး တည်ဆောက်သင့်ပါတယ်။ ကလေးနဲ့ အတူအိပ်ပေးတာ၊ သူစိတ်၀င်တစားပြောသမျှကို နားထောင်ပေးတာ၊ ကလေးလိုချင်တာစားချင်တာ‌လေးတွေ၀ယ်ပေးတာ၊ အားလပ်ရက်ခရီးတိုလေးတစ်ခုခုသွားပေးတာ၊ အိမ်မွေးတိရိစ္ဆာ‌န်လေးတွေ ထားပေးတာ ကလေးငယ်ရဲ့ ကျောင်းနဲ့ ပတ်၀န်းကျင်မှာ ရှင်သန်နေထိုင်မှု ဘယ်လိုရှိတယ်ဆိုတာကို လေ့လာကြည့်တာစတဲ့နည်းလမ်းတွေနဲ့ အဖော်ပြုရင်း စိတ်ကုထုံးတစ်ခု အဖြစ် သက်သာရာရအောင် လုပ်ဆောင်ပေးသင့်ပါတယ်။

အဓိကကတော့မိမိကလေးဘာကိုလိုချင်တယ် ဆိုတာကိုသိအောင်လုပ်ဖို့ လိုပါတယ်။ စိတ်ကျနေတဲ့ကာလမျိုးမှာ ကလေးငယ်တွေအနေနဲ့ အစားကိုအများကြီစားမိနေတာမျိုးဆို မိဘတွေအနေနဲ့ ပြန်ပြီးထိန်းညှိပေးသင့်ပါတယ်။ ဆယ်ကျော်သက်အရွယ်တွေ အနေနဲ့ ကိုယ်အလေးချိန်တက်လာတဲ့အခါ မိမိကိုယ်ကို ကြည့်ပြီး စိတ်ပျက်ရာက ပိုပြီး စိတ်ကျစရာအကြောင်းဖြစ်လာတတ်ပါတယ်။ အဓိကကတော့ မိဘတွေအနေနဲ့ မိမိရဲ့ ကလေးငယ်အပေါ်မှာ နှိမ့်ချသလိုဖြစ်စေတဲ့ စကားမျိုးတွေကို ရှောင်ကြဉ်တာ ဆယ်ကျော်သက်ကလေးငယ်တစ်ယောက်ကို လူကြားထဲ အရှက်ရစေမယ့် body shaming ဖြစ်စေတဲ့ စကားမျိုးတွေကို ရှောင်ကြဉ်တာ စသဖြင့် ‌သတိထားသင့်ပါတယ်။

ကလေးငယ်သိတတ်လာတဲ့အရွယ်မှာကတည်းက အားကစားတစ်ခုခုလုပ်ဆောင်ဖို့ရာ အားပေးသင့်သလို အာဟာရမျှတတဲ့ အစားအစာတွေကို ကျွေးမွေးပေးတာ၊ ‌ကလေးငယ်လုပ်ဆောင်သမျှတွေအတွက် ယုံကြည်မှုထားပေးတာ၊ မှန်ကန်တဲ့ အရာတွေက်ို ရဲရဲလုပ်ဆောင်ဖို့ တိုက်တွန်းအားပေးတာ၊ လူအများရှေ့မှာ အော်ငေါက်မိတာမျိုးတွေကို ရှောင်ကြဉ်တာ စတာတွေက ကလေးငယ်အနေနဲ့စိတ်ပိုင်းဆိုင်ရာဖြစ်လာမယ့်ပြသနာတွေအတွက်ကို ကြိုတင်တား‌ဆီးပေးခြင်းပဲဖြစ်ပါတယ်။

ဒေါက်တာနိုင်း (ဆေး-၁)
# Depression #Teenagers

Related posts
သွားကျန်းမာရေးအခြားရောဂါများအထွေထွေရောဂါများ

လျှာနာ နေလျှင်

1 Mins read
လျှာနာကျင်မှု ဟာ အကြောင်းအမျိုးမျိုးကြောင့် ဖြစ်ပွားနိုင်ပါတယ်။ လျှာနာ ခြင်းရဲ့ အဖြစ်များသော အကြောင်းရင်း အချို့မှာ အောက်ပါအတိုင်းဖြစ်ပါတယ်။ (၁) ဒဏ်ရာများ- လျှာကို မတော်တဆကိုက်မိခြင်း၊ ပူသောအစာ သို့မဟုတ် အရည်များ စားသောက်မိသဖြင့် လျှာပူလောင်ခြင်း၊ သို့မဟုတ် အစာစားနေစဉ် ထိခိုက်ဒဏ်ရာရခြင်းများဟာ…
ကင်ဆာအထွေထွေရောဂါများ

သွေးကင်ဆာ တို့ရဲ့သဘာဝနဲ့လက္ခဏာ

1 Mins read
သွေးကင်ဆာ ဆိုတာ သွေး၊ ရိုးတွင်းခြင်ဆီနှင့် ပြန်ရည်ကြောစနစ် တို့ကို ထိခိုက်စေသော ကင်ဆာအုပ်စုကို ရည်ညွှန်းပါတယ်။ သွေးကင်ဆာများဟာ သွေးဆဲလ်များ (သွေးနီဥများ၊ သွေးဖြူဥများနှင့် သွေးဥမွှားဆဲလ်များ) ကို ထုတ်လုပ်ရန် တာဝန်ရှိတဲ့ ဆဲလ်များမှ စတင်ဖြစ်ပွားပါတယ်။ သွေးကင်ဆာမှာ သွေးဖြူဥကင်ဆာ (Leukemia)…
အခြားရောဂါများအထွေထွေရောဂါများ

သည်းခြေကျောက် တည်ခြင်း

1 Mins read
သည်းခြေကျောက် ဆိုတာ သည်းခြေအိတ်အတွင်းမှာရှိတဲ့ သည်းခြေရည်ပစ္စည်းများ မာကျောပြီးခဲသွားတဲ့အခါ ဖြစ်ပေါ် လာတဲ့ အရာဝတ္ထုများ ဖြစ်ပါတယ်။ သည်းခြေကျောက်ဟာ သဲတစ်မှုန်လောက်အရွယ်အစားကနေ ဂေါက်သီးတစ်လုံးလောက်အရွယ်အစားအထိ အရွယ်အစားအမျိုးမျိုး ဖြစ်နိုင်ပါတယ်။ သည်းခြေအိတ်ဆိုတာ အသည်းရဲ့ အောက်ဘက်ပိုင်းမှာတည်ရှိပြီး သည်းခြေရည်ကို သိုလှောင်ထားပေးတဲ့ အိတ်ပုံ သဏ္ဍာန်ရှိတဲ့ အင်္ဂါတစ်ခုဖြစ်ပါတယ်။…