”လိင်ဆက်ဆံပြီးချိန်တွင် မိန်းမကိုယ်အပြင်၌ သုတ်လွှတ်ခြင်း”

လိင်ဆက်ဆံတဲ့အခါ ကိုယ်ဝန်မရအောင်လို့ သုတ်လွှတ်ခါနီးမှာ လိင်တံကို မိန်းမကိုယ်ကနေ ထုတ်ပြီး မိန်းမကိုယ်ပြင်ပမှာ သုတ်လွှတ်တဲ့နည်းလမ်းကို Withdrawal Method လို့ခေါ်ပါတယ်။

ဒီနည်းလမ်းကိုသုံးတဲ့စုံတွဲတွေမှာ မအောင်မြင်ဘဲ ကိုယ်ဝန်ရသွားတဲ့နှုန်း(Failure Rate)က တစ်နှစ်ကို လေးရာခိုင်နှုန်းလောက်ရှိတယ်လို့ စစ်တမ်းကောက်ချက်တွေကဆိုပါတယ်။ ကိုယ်ဝန်တားဆေးတွေက ၀.၃ ရာခိုင်နှုန်း၊ သားအိမ်ထဲထည့်ပြီးသန္ဓေတားတဲ့ပစ္စည်းတွေက ၀.၆ ရာခိုင်နှုန်း နဲ့ ကွန်ဒုံးသုံးခြင်းက ၂ရာခိုင်နှုန်း Failure Rate အသီးသီးရှိပါတယ်။

အမျိုးသားတွေသုတ်မလွှတ်ခင်လေး ထွက်တဲ့အရည်ထဲမှာ သုတ်ပိုးဆဲလ်တွေပါဝင်နေတတ်ပါတယ်။ ဒါကြောင့် သုတ်ကိုအပြင်မှာထုတ်လိုက်သော်လည်း ကိုယ်ဝန်ရသွားခြင်းဖြစ်တတ်ပါတယ်။

*အားသာချက်များ

  • အခြားအမျိုးမျိုးသော သန္ဓေတားတဲ့ နည်းလမ်းတွေကို မနှစ်သက်တဲ့ အမျိုးသား၊ အမျိုးသမီးတွေအတွက် သင့်တော်ပါတယ်။
  • ဟော်မုန်းပါတဲ့ကိုယ်ဝန်တားဆေးတွေ မသောက်ရတဲ့အတွက် အဲဒီဆေးတွေရဲ့ ဘေးထွက်ဆိုးကျိူးများကို မခံစားရတော့ပါဘူး။
  • တချို့ကရှိတတ်ပါသေးတယ်။ ကွန်ဒုံးသုံးရင် အလွှာပါးသော်လည်း ကမ္ဘာခြားသလို ခံစားရတတ်ပါတယ်တဲ့။ အဲဒီလိုမခံစားချင်တဲ့ အိမ်ထောင်ဖက်တွေအတွက် ဒီနည်းလမ်းကသင့်တော်နေပြန်ပါတယ်။
  • ပြီးတော့ ဒီနည်းလမ်းဟာ ဘာပစ္စည်းကိရိယာမှ သားအိမ်ထဲကိုထည့်ပြီး သန္ဓေတားရတာမျိုးမဟုတ်ပါဘူး။ ဆရာဝန်နဲ့တိုင်ပင်စရာလည်းမလိုဘဲ မိမိဘာသာလေ့ကျင့်လို့ရတဲ့နည်းလမ်းပါ။ ခန္ဓာကိုယ်မှာ အခြားဘေးထွက်ဆိုးကျိုးတွေဖြစ်မှာလည်း မပူရပါဘူး။ ဒါတွေကတော့ Withdrawal method ရဲ့အားသာချက်တွေ ဖြစ်ပါတယ်။

*အားနည်းချက်များ

  • သားအိမ်ထဲပစ္စည်းထည့်ပြီး သန္ဓေတားခြင်း၊ ဆေးသောက်ခြင်း၊ ဆေးထိုးခြင်း၊ အကာအကွယ်အသုံးပြုခြင်း စတဲ့နည်းလမ်းတွေနဲ့ ယှဉ်ရင် ဒီနည်းလမ်းဟာ ကိုယ်ဝန်တားရာမှာ အကျိုးထိရောက်မှုနည်းပါတယ်။
  • နောက်တစ်ချက်ကတော့ လိင်ဆက်ဆံရာမှာ ကွန်ဒုံးသုံးသကဲ့သို့ HIV လိုလိင်မှတစ်ဆင့်ကူးစက်တဲ့ရောဂါပိုးတွေကို လုံးဝမကာကွယ်ပေးနိုင်ပါဘူး။
  • မမျှော်လင့်ဘဲ ကိုယ်ဝန်ရသွားနိုင်ခြေကလည်း လေးရာခိုင်နှုန်းလောက်ရှိပါတယ်။

Coitus interruptus လို့လည်း ဆေးပညာအရ ခေါ်တဲ့ ဒီနည်းလမ်းဟာ အားသာချက်လည်းရှိသလို အားနည်းချက်တွေလည်းရှိနေပါတယ်။ လုံးဝကိုယ်ဝန်ရလို့မဖြစ်တဲ့ စုံတွဲတွေမှာတော့ ဒီနည်းလမ်းကို စမ်းပြီးတောင် မသုံးကြည့်ဖို့ အကြံပေးချင်ပါတယ်။ မိမိနဲ့အသင့်တော်ဆုံးဖြစ်မယ့် ကိုယ်ဝန်တားနည်းလမ်းတစ်ခုခုကို ရွေးချယ်ပြီး သာယာပျော်ရွှင်တဲ့မိသားစုဘဝကို ပိုင်ဆိုင်နိုင်ဖို့ ရေးသားလိုက်ပါတယ်။

အားလုံးကျန်းမာရွှင်လန်းကြပါစေ။

မောင်(ဆေး-၁)