4D အယ်လ်ထွာဆောင်းကနေ ဘာတွေသိနိုင်မလဲ ?

ဘယ်နှစ်ခါပဲ ကြုံတွေ့ဖူးပါစေ ကိုယ့်ရင်သွေးလေးကို အယ်လ်ထွာဆောင်းမျက်နှာပြင်မှာ ပထမဆုံးမြင်ရတဲ့မိဘတွေရဲ့ အပျော်လောက် လောကမှာ ဘယ်အရာမှ ပျော်ရွှင်မှုပေးနိုင်မှာ မဟုတ်ပါဘူး ။ ခပ်တိုးတိုးလေး ကြားရတဲ့ ကိုယ့်ရင်သွေးလေးရဲ့ ဒုတ် ဒုတ် ဆိုတဲ့ နှလုံးခုန်သံလေးကြားရတဲ့ အချိန် မိဘတွေရဲ့ မျက်နှာပေါ်က ပီတိဟာ ဖော်ပြလို့ မစွမ်းနိုင်တဲ့ မေတ္တာ တစ်ခုပါပဲ ။

မိဘတွေအတွက် အယ်လ်ထွာဆောင်းရိုက်ခြင်းဟာ ပျော်ရွှင်စိတ်လှုပ်ရှားစရာ အတွေ့အကြုံအဖြစ် မျှော်လင့်ကြပေမယ့် အယ်လ်ထွာဆောင်းရိုက်ရခြင်း တကယ့် အကြောင်းအရင်း အစစ်အမှန်မှာ ရင်သွေးငယ်လေး ကျန်းကျန်းမာမာရှိပြီး ပုံမှန်အတိုင်း ဖွံ့ဖြိုးနေရဲ့လားဆိုတာကို စစ်ဆေးခြင်းပဲ ဖြစ်ပါတယ် ။

နည်းပညာတိုးတက် ဖွံ့ဖြိုးလာမှုနဲ့အတူ တိုးတက်လာတဲ့ ခေတ်သစ် ဆေးပညာရပ်များနဲ့အတူ လေးဘက်မြင် အယ်လ်ထွာဆောင်း 4D ultrasound လိုမျိုးတွေ ရိုက်ကူးလာနိုင်ကြပြီ ဖြစ်ပြီး ဒီလို ရိုက်ကူးနိုင်မှုကြောင့် ရရှိလာတဲ့ အကျိုးကျေးဇူးတွေဟာ အများကြီးပါပဲ ။ အထူးသဖြင့် ရင်သွေးလေးတွေရဲ့ ကျန်းမာရေးအခြေအနေနဲ့ ပတ်သတ်ပြီး စစ်ဆေးနိုင်မှုမှာ အံ့မခန်းတိုးတက်လာပါပြီ ။ နောက်ပြီး ကိုယ်ဝန်ဆောင် လအလိုက် တချို့ရောဂါအခြေအနေတွေအလိုက် ပြောင်းလဲနိုင်မှုတွေကိုပါ အသေးစိတ်ကျကျ ဆရာဝန်များ ကြည့်ရှုသိရှိနိုင်လာပါပြီ ။

အောက်ပါအချက်များကတော့ 4D ultrasound ရိုက်ခြင်းကနေ ရရှိလာမယ့်အကျိုးကျေးဇူးတွေနဲ့ ရင်သွေးလေးနဲ့ ပတ်သတ်ပြီး ရရှိနိုင်မယ့် သတင်းအချက်အလက်တွေပဲ ဖြစ်ပါတယ်

* ကိုယ်ဝန်ဆောင်ကာလကို တိတိကျကျသိရှိခြင်း
* မွေးမည့်ရက်ကို အနီးစပ် အတိကျဆုံးခန့်မှန်းနိုင်ခြင်း
* ရေမွှာရေ လုံလုံလောက်လောက် ရှိမရှိ သိရှိရခြင်း
* ကလေးခေါင်းအနေအထား ပုံမှန်ရှိမရှိသိရခြင်း
* ကလေး လှုပ်ရှားနေမှုများကို ဖမ်းယူနိုင်ခြင်း
* အချင်းအတွင်း သွေးစီးဆင်းမှု အခြေအနေကို လေ့လာနိုင်ခြင်း
အစရှိသည်တို့ပဲ ဖြစ်ပါတယ် ။

ဒါ့အပြင် မိဘများအတွက်ဆိုလျှင်လဲ မမွေးဖွားမီ မိမိရင်သွေးကလေး၏ မျက်နှာပြင်အနေအထား ၊ မျက်နှာကျ အသေးစိတ်တွေသာ မက ဗိုက်ထဲရှိ ရင်သွေးလေး အိပ်နေပုံ ၊ လက်မစုပ်နေပုံ အစရှိသည့် လှုပ်ရှားနေမှု ပုံစံအနေအထားများကိုပါ ကြည့်ရှုနိုင်တာပဲ ဖြစ်ပါတယ် ။ ဒီလို ကြည့်ရှုနိုင်မှုဟာ မိမိနဲ့မိမိရင်သွေးကြား နှောင်ဖွဲ့ခြင်း မေတ္တာတရားကို အစောကြီးဖြစ်ပေါ်စေရုံမျှမက ကျန်းမာတက်ကြွ လှုပ်ရှားနေသည့် မိမိရင်သွေးကို မြင်ရခြင်းဟာ စိတ်ရဲ့အေးချမ်းမှုကိုလဲ ဖြစ်ပေါ်စေပါတယ် ။

ဒီလို စိတ်လှုပ်ရှားစရာကောင်းလှတဲ့ အချက်အလက်တွေရှိပေမယ့် မိဘတွေအနေနဲ့ 4D ultrasounds ရိုက်ရန် လိုမလိုကို သက်ဆိုင်ရာ ဆရာဝန်များနဲ့ မေးမြန်းတိုင်ပင်သင့်ပါတယ် ။ မလိုအပ်ဘူးဆိုလျှင် အတတ်နိုင်ဆုံး မရိုက်သင့်ဘဲ ဆရာဝန်ညွှန်ကြားသည့်အတိုင်း လိုက်နာရန် တိုက်တွန်းလိုက်ရပါတယ် ။

အားလုံးကျန်းမာကြပါစေ

ဒေါက်ပီ