ဗီတာမင် အေ

နေ့စဉ် စားသုံးလျက် ရှိသော ဗီတာမင်အေ အမျိုးအစားများ- Retinol, Beta carotene, precursors (carotenoid, lycopene, lutein)

ရရှိနိုင်သောအစားအစာများ

  • Retinol ပါဝင်သောအစားအစာမျာ -နွားနို့၊ ထောပတ်၊ ဒိန်ခဲ၊ ဥအနှစ်၊ ငါးကြီးဆီ။
  • Beta carotene ပါဝင်သော အစားအစာများ-အစိမ်းရောင် ဟင်းသီးဟင်းရွက်များ၊ မုန်လာဥနီ၊ အဝါရောင်နှင့် အနီရောင်ရှိသော အသီးအနှံများ။

အကျိုးပြုပုံ

လူ့ခန္ဓာကိုယ်ရှိ အသည်းအတွင်း၌ သိမ်းဆည်းသိုလှောင်ထားပြီး လိုအပ်သောအခါတွင်မှ သွေးရည်ကြည်အတွင်းသို့ ရောက်ရှိစေပါသည်။

  • အမြင်လွှာ၏ အဓိကအစိတ်အပိုင်းများဖြစ်သော rod နှင့် cone ဟုခေါ်သော အမြင်ဖုလေးများကို ဖွဲ့စည်းဆောင်ရွက်ရာတွင် ကူညီပေးပါသည်။
  • ဆဲလ်ပွားခြင်းနှင့် ဆဲလ်ပုံသဏ္ဍာန်ပြောင်းလဲခြင်း လုပ်ငန်းစဉ်တွင်လည်း ပါဝင်ကူညီပေးပါသည်။
  • Glycoprotein ဖြစ်စဉ်တွင်လည်း တစ်ထောင့်တစ်နေရာ အားဖြည့်ပေးပါသည်။

ထို့ပြင် အရေပြားဆိုင်ကုသမှုများတွင် အသုံးပြုကြသကဲ့သို့ ဓာတ်တိုးမှုကို လျော့ကျစေသော antioxidant ပါဝင်သော အာဟာရဓာတ်တစ်မျိုးလည်းဖြစ်ပေသည်။

တစ်နေ့လျှင် လိုအပ်သောပမာဏ

အရွယ်ရောက် လူကြီးတစ်ဦးသည် တစ်နေ့လျှင် ၇၀၀ ug ခန့်လိုအပ်ပါသည်။ ဖွံ့ဖြိုးဆဲ ကလေးများတွင် ပို၍လိုအပ်တတ်ကြပါသည်။

များလွန်း နည်းလွန်းခြင်း

ဤဗီတာမင်အမျိုးအစားသည် အဆီ၌ပျော်ဝင်သော မရှိမဖြစ်သော ဗီတာမင်အမျိုးအစားဖြစ်သည့်အတွက် နည်းလွန်းလျှင်လည်း ချို့တဲ့သော လက္ခဏာများ ဖြစ်တတ်သကဲ့သို့ များလွန်းလျှင်လည်း ဘေးဖြစ်တတ်ပါသည်။

ဒေါက်တာချို(ဆေး ၁)