များလွန်းနည်းလွန်းခြင်းကို ရှောင်ကြဉ်ပါ၊ ဗီတာမင်အေ ပြဿနာ

ဗီတာမင်အေသည် အဆီ၌ပျော်ဝင်သော မရှိမဖြစ်သော ဗီတာမင်အမျိုးအစားဖြစ်သည့်အတွက် နည်းလွန်းလျှင်လည်း ချို့တဲ့သော လက္ခဏာများ ဖြစ်တတ်သကဲ့သို့ များလွန်းလျှင်လည်း ဘေးဖြစ်တတ်ပါသည်။

အဓိကအားဖြင့် ကလေးများတွင် ကြာရှည်ချို့တဲ့ပါက အမြင်ကွယ်ခြင်း ဖြစ်တတ်သဖြင့် မိဘများ သတိထား စောင့်ကြည့်ကျွေးမွေးသင့်သော အာဟာရပစ္စည်းဟု ဆိုနိုင်ပေသည်။

ချို့တဲ့သော လက္ခဏာများ

  • အရေပြား ခြောက်သွေ့ခြင်းနှင့် ကြာဆူးလေးများ ထွက်လာခြင်း
  • ညအခါတွင် မမြင်နိုင်ခြင်း
    • ( ပုံမှန်အားဖြင့် ညအမှောင်တွင် မြင်နိုင်စွမ်းမရှိသော်လည်း အမှောင်ရှိသောနေရာတွင် ခဏမျှနေသောအခါ အမှောင်နှင့် နေသားကျ၍ ခပ်ရေးရေးမြင်နိုင်ပေသည်။ သို့သော် ချို့တဲ့သောကလေးများမှာမူ မှောင်လာသည်နှင့် အမြင်အားကျဆင်းကာ ညအမြင်ကန်းခြင်းဖြစ်၍ ဟိုတိုက်သည်တိုက်မိ ဖြစ်တတ်ပါသည်။)
    • ဤအဆင့်သည် အများအားဖြင့် မိဘများသတိထားမိတတ်သော၊ သတိထားမိသင့်သော ဦးဆုံးအဆင့်ဖြစ်ပေသည်။
  • ထို့နောက် မျက်စိခြောက်ခြင်း၊
  • မျက်ကြည်လွှာ ခန်းခြောက်ခြင်း၊
  • မျက်ကြည်လွှာ ပြဲသွားခြင်း၊ အနာဖြစ်ခြင်း
  • မျက်လုံးကွယ်ခြင်း အထိဖြစ်တတ်ပါသည်။

ကာကွယ်ရန် နည်းလမ်းများ

  • မိခင်နှင့် တကွ ပြည်သူလူထုအား အာဟာရဓာတ်များအကြောင့် အသိပညာပေးခြင်း
  • ဗီတာမင်အေ ပါဝင်သောအစားအစာများကို နေ့စဉ် ထည့်သွင်းကျွေးမွေးခြင်း တို့အပြင်
  • ဝက်သက်ကာကွယ်ဆေး ထိုးချိန်များတွင် ဗီတာမင်အေ အားဆေးများ တိုက်ကျွေးခြင်း
  • ကျောင်းကျန်းမာရေး ဆောင်ရွက်ချက်တွင် ထည့်သွင်းစစ်ဆေး တိုက်ကျွေးခြင်း
  • အချို့သော တိုင်းပြည်များတွင် ဗီတာမင်အေ ဖြည့်စွက်ထားသောအာဟာရ ပစ္စည်းများပင် ထုတ်လုပ်ရောင်းချခြင်း တို့ဖြင့် ကလေးများတွင် ဗီတာမင်အေ ချို့တဲ့ခြင်း မဖြစ်အောင် ဆောင်ရွက် ပေးနေပါသည်။

ချို့တဲ့သော လက္ခဏာများဖြစ်လာပါကလည်း နီးစပ်ရာ ကျန်းမာရေး ဆေးခန်းများတွင် ပြသ၍ ကုသမှုခံယူသင့်ပါသည်။

များလွန်းသောလက္ခဏာများ

သာမန်အားဖြင့် အဖြစ်နည်းသော်လည်း အချို့သောလူများတွင် အလွန်အကျွံစားသုံးခြင်းကြောင့် များလွန်းခြင်းဖြစ်တတ်ပေသည်။

  • မျက်လုံးမဝါဘဲ အသားဝါခြင်း
  • အသည်းနှင့် အရိုးထိခိုက်တတ်ခြင်း
  • ဆံပင်ကျွတ်ခြင်း
  • နှစ်ထပ်မြင်ခြင်း၊ အန်ခြင်း၊ ခေါင်းကိုက်ခြင်း တို့ဖြစ်တတ်ပါသည်။

ထို့ကြောင့် ကလေးများတွင် ၁၀၀ မီလီဂရမ်၊ လူကြီးများတွင် ၃၀၀ မီလီဂရမ် ကို တစ်ခါတည်း တိုက်ကျွေးခြင်းသည် အန္ထရာယ်ရှိစေပါသည်။

ထို့အပြင် အာဟာရချို့တဲ့သောကိုယ်ဝန်ဆောင်များတွင် ဗီတာမင်အေတိုက်ကျွေးပါက အမေသေနှုန်းလျော့ကျခြင်း၊ ကလေးအဆုတ်အား ကောင်းမွန်စေခြင်း ဖြစ်စေသော်လည်း၊ ကိုယ်ဝန်ဆောင်ချိန်တွင် အစားလွန်ပါကလည်း မွေးရာပါ ကိုယ်အင်္ဂါချို့ယွင်းခြင်း ဖြစ်တတ်ပါသေးသည်။ ထို့ကြောင့် တန်ဆေးလွန်ဘေးဖြစ်စေသဖြင့် ဂရုတစိုက် စားသုံးသင့်သော အာဟာရဓာတ်တစ်မျိုးဖြစ်ပေသည်။

ဒေါက်တာချို(ဆေး ၁)