မိန်းမကိုယ် ပြုြပ်ငပြောင်းလဲခြင်း

Vaginal repair surgeryဆိုတာ နားလည်လွယ်အောင်ပြောရရင် မိန်းမကိုယ်နားတစ်ဝိုက်က အင်္ဂါတွေ မိန်းမကိုယ်ထဲရောက်မလာအောင် ပြုပြင်ပေးတဲ့၊ ကာကွယ်ပေးတဲ့ခွဲစိတ်နည်းတွေဖြစ်ပါတယ်။ ဒါ့အပြင် မိန်းမကိုယ်က ရှိရမယ့်နေရာမှာမရှိပဲ ကျလာတာ၊ နေရာရွေ့လာတာတွေရှိနေရာ
ရင်လည်း ရှိရမယ့်နေရာမှာပြန်ရောက်အောင်ထားပြီး ပြန်မကျလာအောင်ပြုလုပ်တဲ့ ခွဲစိတ်မှုလည်းပါဝင်ပါတယ်။

Vaginal repair surgery မှာ မိန်းမကိုယ်အရှေ့ပိုင်းနံရံက ကြွက်သားတွေကိုအားကောင်းအောင်ပြုပြင်ပေးတဲ့ anterior vaginal repair နဲ့ မိန်းမကိုယ်အနောက်က နံရံတွေကိုပြုပြင်ပေးတဲ့posterior vaginal repair ဆိုပြီးရှိပါတယ်။ anterior wall repair ပ
ကတော့ မိန်းမကိုယ်နဲ့ဆီးအိမ်ကြားကအလွှာတွေကို ပြုပြင်ပြီး posterior wall repair ကတော့ မိန်းမကိုယ်နဲ့ အူမကြီးအောက်ပိုင်းကြားမှရှိတဲ့အလွှာတွေကို ပြုပြင်တာဖြစ်ပါတယ်။

မိန်းမကိုယ်ရဲ့ပတ်ပတ်လည်မှာရှိတဲ့ အစိတ်အပိုင်းတွေကိုကာရံထားတဲ့ အလွှာတွေဟာ အသက်ကြီးလာလေ လျော့တိလျော့ရဲဖြစ်လာလေဖြစ်ပြီး ရှိရနေမယ့်နေရာမှာမရှိတော့ပဲ နေရာရွေ့ကုန်ပါတယ်။ တစ်ခါတစ်လေကျရင်တော့ အသက်ကြီးလာရုံကြောင်မဟုတ်ပဲ ကိုယ်ဝန်ကြောင့်၊ ကလေးမွေးခြင်းကြောင့်၊ အဝလွန်နေတာကြောင့်၊အလေးအပင်တွေအရမ်းမတာကြောင့်၊ ဝမ်းခဏခဏချုပ်လို့ညှစ်ရတာကြောင့် စတဲ့အကြောင်းပေါင်းများစွာနဲ့ အဆိုပါအလွှာတွေက အားနည်းလာတတ်ပါတယ်။

အဆိုပါအခြေအနေအနေတွေရောက်ရင် ဆီးအိမ်၊ အူမကြီးစတာတွေက မိန်းမကိုယ်ကိုဖိတာတွေဖြစ်လာပါတယ်။ လက္ခဏာတွေအနေနဲ့ကတော့ အတူနေစဉ်မှာနာကျင်တာ၊ မိန်းမကိုယ်ထဲမှာတစ်ဆို့ဆို့ဖြစ်နေတာ၊ တစ်ခုခုခံနေသလိုခံစားနေရတာ၊ တင်ပါးဆုံနားတစ်ဝိုက်က စုပ်ဆွဲထားသလိုနာကျင်နေတာစတာတွေဖြစ်တတ်ပါတယ်။ ခါးကိုက်တာ၊ သရိုးသရီဖြစ်တာ၊ ဆီးခဏခဏသွားချင်တာတွေကလည်း ဖြစ်လေ့ဖြစ်ထရှိပါတယ်။ မိန်းမကိုယ်ကနေ တစ်ခုခုထွက်လာတာ၊ ဆီးမထိန်းနိုင်တာ၊ ချောင်းဆိုးရင်းဆီးထွက်သွားတာတွေကလည်း ကြုံတွေရပါတယ်။

အဆိုပါအခြေအနေတွေကြုံရရင်တော့ အကောင်းဆုံးကတော့ ခွဲစိတ်ပြုပြင်တာပဲဖြစ်ပါတယ်။ ပြန်ကောင်းလာမလားလို့စောင့်မနေသင့်ပဲ ကုသမှုခံယူသင့်ပါတယ်။ အချိန်ကြာလေ နောက်ဆက်တွဲဆိုးကျိုးတွေများလေဖြစ်တာကြောင့် အမြန်ဆုံးကုသတာက စိတ်အချရဆုံးဖြစ်ပါတယ်။

Dr. ZZ