ခရမ်းလွန်ရောင်ခြည်ညွှန်းကိန်း

အခုတစ်လောမှာခရမ်းလွန်ရောင်ခြည်ညွှန်းကိန်းနဲ့ပတ်သက်ပြီးတော်တော်များများပြောနေကြပါတယ်။မြန်မာနိုင်ငံမှာUV Index
ဆိုတဲ့ခရမ်းလွန်ရောင်ခြည်ညွန်းကိန်း တွေ အရမ်းမြင့်နေတယ်၊အန္တရာယ်ရှိတဲ့အဆင့်ကိုရောက်နေတယ်စသဖြင့်လူတွေတော်တော်
များများပြောကြဆိုကြကြောက်ရွံ့ကြဖြစ်နေကြပါတယ်။ဆေးခန်းမှာလည်းအရေပြားကင်ဆာကိုကြောက်လို့ဆိုပြီးလာပြကြတဲ့သူတွေ
ကိုလည်းထူးဆန်းစွာတိုးပွါးလာပါတယ်။နေပူထဲကိုထွက်မိလို့အရေပြားကင်ဆာဖြစ်များဖြစ်တော့မှာလားပေါ့။
ကြည့်ပါအုံးဆရာရယ်ဒီအကွက်က အရေပြားကင်ဆာလား၊ ဘာလားဆိုပြီးစိုးရိမ်စွာနဲ့လာပြကြပါတယ်။

တစ်ကယ်တော့မိုးလေ၀သနဲ့ဇလဗေဒကနေသူ့ရဲ့နေ့တဓူဝအလုပ်အတိုင်းပဲဒီခရမ်းလွန်ရောင်ခြည်အညွန်းကိန်းကိုထုတ်ပြန်တာပါ
။မြင့်လာတော့လည်းမြင့်လာတဲ့အလျောက်လူထုကိုထုတ်ပြန်ကြေငြာရတာပေါ့။စိုးရိမ်စရာ၊အန္တရာယ်ရှိနိုင်စရာအချိန်တွေမှာလူထုအတွက်
အချိန်နဲ့တစ်ပြေးညီးထုတ်ပြန်ပေးနိုင်တာကိုကကျေးဇူးတင်စရာပါ။ကျေးဇူးလည်းတင်မိပါတယ်။ သို့သော်လည်းလူထုကဒီအကြောင်းတွေကို
ဂဃနဏမသိလေတော့မျက်ပြူးဆံပြာဖြစ်ကုန်ကြပါတယ်။အခုပဲနေရောင်ထဲထွက်လိုက်ရင်အရေပြားကင်ဆာဖြစ်တော့မလိုဖြစ်ကုန်ကြပါတယ်။
ဒီတော့ဒီအကြောင်းကိုနည်းနည်းတော့ရေးသင့်ပြီလို့ထင်လို့ရေးသားလိုက်ရခြင်းဖြစ်ပါတယ်။

ခရမ်းလွန်ရောင်ခြည်ညွှန်းကိန်း (UV Index)ဆိုတာ
UV Index ကိုမြန်မာလိုပြန်လိုက်ရင်တော့ခရမ်းလွန်ရောင်ခြည်ညွန်းကိန်းလို့ပဲပြန်ဆို ရမှာပါ။ခရမ်းလွန်ရောင်ခြည်ရဲ့ပြင်းအားကိုတိုင်းတာတဲ့
စံနှုန်းတစ်ခုပါ။နေ့စဉ်ရာသီဥတုဆိုင်ရာသတင်းထုတ်ပြန်ချက်တွေမှာခရမ်းလွန်ရောင်ခြည်ရဲ့ပြင်းအားဘယ်လောက်ရှိတယ်ဆိုတာကို
အများပြည်သူတွေကိုသိရှိအောင်တင်ပြဖို့အတွက်သုံးစွဲတဲ့အတိုင်းအတာတစ်ခုပါ။
နေရောင်ခြည်မှာပါတဲ့ခရမ်းလွန်ရောင်ခြည်တွေရဲ့မြေပြင်အပေါ်ကိုရောက်ရှိသက်ရောက်နေတဲ့ပြင်းအားကိုကိန်းဂဏန်းနဲပညွန်းဆိုပြသ
လိုက်ခြင်းပါ။တစ်နေရာနဲ့တစ်နေရာညွှန်းကိန်းတွေမတူညီကြသလိုအချိန်တိုင်းမှာလည်းညွှန်းကိန်းအပြောင်းအလဲရှိပါတယ်။ဥပမာ-
အာဖရိကနဲ့ဥရောပ၊မြစ်ကြီးနားနဲ့ကော့သောင်းတို့မှာရှိနေတဲ့ခရမ်းလွန်ရောင်ခြည်အညွှန်းကိန်းတွေဟာမတူညီနိုင်ကြသလို
၊နွေမိုးဆောင်းနေ့ရက်တွေရဲ့ခရမ်းလွန်ရောင်ခြည်ညွှန်းကိန်းတွေကလည်းတောင်မတူညီကြပါဘူး။
ခရမ်းလွန်ရောင်ခြည်ညွှန်းကိန်းကိုပြဆိုတဲ့အနေနဲ့ကိန်းဂဏန်းကိုသတ်မှတ်ထားပါတယ်။နံပါတ်ကတော့ — ၀ (သုံည) ကနေ
၁၁+ တစ်ဆယ့်တစ်အထက်ဆိုပြီးသတ်မှတ် ထားပါတယ်။ ၁၁+ဆိုရာမှာ ၁၁အထက်များနေတာတွေအပါအ၀င်ဖြစ်ပါ တယ်။
၁၂ ၊ ၁၃၊—–၁၅–အစရှိသဖြင့်ဖြစ်နိုင်ပါတယ်။ ခရမ်းလွန်ရောင်ခြည်ပြင်းအားနဲ့အရေပြားကိုအန္တရာယ်ပြုနိုင်မှုတို့ဟာ
ညွန်းကိန်းနံပါတ်တွေနဲ့တိုက်ရိုက်အချိုးကျနေပါတယ်။ကိန်းဂဏန်းများလေလေခရမ်းလွန်ရောင်ခြည်ပြင်းအားများလေလေပါပဲ။
ခရမ်းလွန်ရောင်ခြည်ပြင်းအားများလေလေအရေပြားကိုအန္တရာယ်ပြုနိုင်မှုများလေလေပေါ့။

ဘယ်လိုအစပြု
၁၉၉၂ ခုနှစ်မှာ ကနေဒါသိပ္ပံပညာရှင်သုံးဦးကစပြီးတီထွင်သတ်မှတ်ခဲ့ကြတာပါ။ သူတို့ကလည်းကနေဒါနိုင်ငံရဲ့နေ့တစ်နေ့ရဲ့
UV Index ကိုစပြီးထုတ်ပြန်ခဲ့ကြပါတယ်။ ၁၉၉၉လောက်မှာမှ အမေရိကန်နိုင်ငံကလည်းသူတို့နိုင်ငံရဲ့UV Index ကိုနေ့စဉ်
ထုတ်ပြန်နိုင်ခဲ့ကြပါတယ်။ သို့သော်လည်းတွက်ချက်ပုံတွေအနည်းငယ်ကွဲလွဲမှုတွေ ရှိနေခဲ့ပါတယ်။ဒါပေမယ့်၂၀၀၄ခုနှစ်
ကစပြီးကမÇာ့မိုးလေ၀သနှင့်ဇလဗေဒအဖွဲ့(WMO)နဲ့ကမÇာ့ကျန်းမာရေးအဖွဲ့(WHO)တို့ကနေပြီးUV Index တွက်ချက်နည်းကို
တစ်ပြေးညီ ဖြစ်အောင်သတ်မှတ်ပေးခဲ့ပါတယ်။

ဘယ်လိုတိုင်းတာ
တစ်ကယ်တော့ဒီUV Index ကိုမိုးလေ၀သစခန်းတွေမှာပဲကွန်ပြုတာတွေနဲ့ တွက်ချက်ပြီးထုတ်ပြန်လိုက်ကြတာပါ။တွက်ချက်ပုံ
အကြမ်းအားဖြင့်တော့ကမÇာမြေပြင်ပေါ်မှာသက်ရောက်မှုရှိဆုံးခရမ်းလွန်ရောင်ခြည်လှိုင်းအလျား ၂၉၅ ကနေ ၃၂၅ နာနိုမီတာ
အတွင်းမှာရှိတဲ့ရောင်ခြည်တွေရဲ့ ကမÇာမြေပြင်ပေါ်သက်ရောက်နေတဲ့ စွမ်းအင်တွေကို ပေါင်းပြီး၂၅ နဲ့စားကာUV Index Value
ဆိုတဲ့ ခရမ်းလွန်ရောင်ခြည် အညွှန်းကိန်းကို သက်မှတ်ပေးလိုက်တာပါ။

အရောင်နဲ့လည်းညွန်းဆိုထား
UV Index ကိုကိန်းဂဏန်းနဲ့အဆင့်ခွဲခြားသတ်မှတ်ကြသလို၊အရောင်အနေနဲ့လည်း ခွဲခြားဖေါ်ပြကြပြန်ပါသေးတယ်။
အစိမ်းရောင်၊အ၀ါရောင်၊လိမ္မော်ရောင်၊အနီရောင်၊ ခရမ်းရောင်အစရှိသဖြင့်ခွဲခြားဖေါ်ပြကြပါတယ်။ကိန်းဂဏန်းနဲ့ယှဉ်တွဲပြီး
သတ်မှတ်မယ်ဆိုရင်တော့
ဝ—၂ ကို အစိမ်းရောင်
၃—၅ ကို အ၀ါရောင်
၆—၇ ကို လိမ္မော်ရောင်
၈—၁၀ ကို အနီရောင်
၁၁+ ကို ခရမ်းရောင်
ဆိုပြီးတော့လည်းသတ်မှတ်ဖေါ်ပြပြန်ပါတယ်။
UV Index အနည်းဆုံးအဆင့်ဖြစ်တဲ့ ၀—၂ အစိမ်းရောင်အဆင့်ဆိုတာဟာ ခရမ်းလွန်ရောင်ခြည်ရဲ့အန္တရာယ်အနည်းဆုံးဖြစ်
တယ်လို့ဆိုလိုပါတယ်။ ၃—၅ အ၀ါရောင်ကတော့ခရမ်းလွန်ရောင်ခြည်အညွှန်းကိန်း အနည်းငယ် မြင့်လာပြီ ၊ သတိထားပါ
၊နေရောင်ထဲတွင်နေသောလူးများအတွက်အန္တရာယ်အသင့်အတင့်ရှိတယ်လို့ဆိုလိုခြင်းပါ။ ၆—၇ လိမ္မော်ရောင်အဆင့်ကတော့
ခရမ်းလွန်ရောင်ခြည်အညွှန်းကိန်း မြင့်တဲ့အဆင့်ဖြစ်ပြီး နေရောင်ထဲမှာရှိနေရင်အန္တရာယ်ရှိတယ်လို့ ဆိုလိုပါတယ်။၈—၁၀
အနီရောင်အဆင့်ကတော့နေရောင်နဲ့တိုက်ရိုက်ထိတွေ့မယ်ဆိုရင်လူသားတွေအတွက်အလွန်အန္တရာယ်ကြီးပါတယ်လို့ဆိုလိုတာပါ။
၁၁+ ဆိုတဲ့ခရမ်းရောင်ကတော့နေရောင် ဟာ လူတွေအတွက်အလွန်အမင်းကိုအန္တရာယ်ရှိနေပါပြီဆိုတဲ့အမြင့်ဆုံးသော သတိပေးချက်ဖြစ်ပါတယ်။

အပူချိန်နဲ့ခရမ်းလွန်ရောင်ခြည်
အချို့သောသူတွေကအပူချိန်နဲ့ပတ်သက်ပြီးခရမ်းလွန်ရောင်ခြည်ကိုနားလည်မှုလွဲနေတာလေးတွေရှိပါတယ်။နေ့ခင်းအပူချိန်တွေ
များလာတာဟာခရမ်းလွန်ရောင်ခြည်ကြောင့်လို့တစ်ချို့ကထင်နေကြပါတယ်။တစ်ကယ်တော့နေပူချိန်ကိုဖြစ်စေတဲ့အဓိက
အကြောင်းအရာဟာနေရောင်ခြည်မှာပါတဲ့Infrared rays လို့ခေါ်တဲ့အနီအောက်ရောင်ခြည် တွေကြောင့်ဖြစ်တယ်လို့ဆိုကြပါ
တယ်။ခရမ်းလွန်ရောင်ခြည်ဟာအဓိကမဟုတ်ပါဘူး။ဒါဟာနေရောင်ခြည်ရဲ့အပူချိန်ပဲဖြစ်ပြီးနေ့အပူချိန်ဆိုရင်တော့ဖန်လုံအိမ်
အာနိသင်၊စိုထိုင်းဆ၊အောင်းပူစတာတွေပါပါဝင်ပတ်သက်နေပြန်ပါတယ်။ဒါကြောင့်နေ့အပူချိန်နဲ့ခရမ်းလွန်ရောင်ခြည်ရဲ့သက်ရောက်
မှုတွေဟာတိုက်ရိုက်အချိုးမကျလှပါဘူး။

အိုဇုန်းလွှာကဘာတွေလုပ်
UV Index ဆိုတဲ့ခရမ်းလွန်ရောင်ခြည်အညွှန်းကိန်းတွေမြင့်မားလာရခြင်းဟာ ကမÇာကြီးကိုလွမ်းခြုံထားတဲ့အိုဇုန်းလွှာပါးလွာ
၊ပေါက်ပြဲလာတာကြောင့်ဖြစ်ပါတယ်။အိုဇုန်းအလွှာဟာပုံမှန်အတိုင်းဆိုရင်တော့ကမÇာကိုလွှမ်းခြုံထားပြီးနေရောင်ခြည်မှာ
ပါလာတဲ့ခရမ်းလွန်ရောင်ခြည်အချို့ကိုစုပ်ယူထားလိုက်ပါတယ်။အဲဒီအိုဇုန်းလွှာဟာခရမ်းလွန်ရောင်ခြည်စီကိုကမÇာမြေပြင်ပေါ်ကို
မသက်ရောက်စေဖို့ရာနှုန်းပြည့်နီးပါးအကာအကွယ်ပေးပြီး၊ခရမ်းလွန်ရောင်ခြည်ဘီရဲ့အများစုကိုတော့အိုဇုန်းလွှာကစုပ်ယူထား
လိုက်ပြန်ပါတယ်။ခရမ်းလွန်ရောင်ခြည်အေကိုတော့မတားဆီးနိုင်ပါဘူး။ဒါကြောင့်လူတွေ၊တိရိစäာန်တွေအတွက်အန္တရာယ်ရှိတဲ့
ခရမ်းလွန်ရောင်ခြည်တွေကိုကမÇာဆီကိုမရောင်နိုင်အောင်အကာအကွယ်ပေးထားတာကြောင့်အိုဇုန်းအလွှာကြီးဟာကျွန်တော်
တို့လူသားတွေနဲ့သက်ရှိတွေအတွက်လွန်စွာမှအကျိုးရှိလှပါတယ်။

ပါးပြီးပေါက်နေတဲ့အိုဇုန်းလွှာ
သို့သော်လည်းလူသားတွေအသုံးပြုရာကထွက်ရှိလာတဲ့ဓါတုပစ္စည်းတစ်ချို့ကြောင့်အိုဇုန်းလွှာဟာတစ်ဖြည်းဖြည်းပါးလွှာလို့
လာပါတယ်။CFC ဆိုတဲ့Chlorofluorocarbon (ရေခဲသေတ္တာနဲ့လေအေးပေးစက်တွေမှာသုံးတဲ့ဓါတုပစ္စည်း)တွေဟာအိုဇုန်းလွှာ
ကိုအလျင်မြန်ဖျက်ဆီးပြစ်လိုက်တာကြောင့်၁၉၈၀နောက်ပိုင်းကစပြီးတစ်ဖြည်းဖြည်းပျက်ဆီးမှုပိုမြန်လာပါတော့တယ်။
အန္တာတိကဒေသမှာဆိုရင်အိုဇုန်းလွှာဟာပါးလွန်းပြီးပေါက်နေတယ်လို့ဆိုကြပါတယ်။ဒီလိုခရမ်းလွန်ရောင်ခြည်ဆိုးကျိုးကနေ
အကာအကွယ်ပေးနေတဲ့အိုဇုန်းအလွှာပါးလွှာပေါက်ပြဲလာတာကြောင့်လူတွေအတွက်ဆိုးကျိုးပေးမယ့်ခရမ်းလွန်ရောင်ခြည်တွေ
ကမÇာမြေပေါ်ကိုကျရောက်လာပြီးလူသားတွေကိုအန္တရာယ်ပေးပါတော့တယ်။ဒီအန္တရာယ်ကိုအသိပေးဖို့အတွက်UV Index
ဆိုတဲ့ခရမ်းလွန်ရောင်ခြည်ညွှန်းကိန်း ဆိုတာပေါ်လာတာပါပဲ။

UV Index နဲ့အရေပြား
အထက်မှာရှင်းပြခဲ့တဲ့အတိုင်းUV Index မြင့်လေလေအရေပြားအတွက် အန္တရာယ် ရှိလေလေပါပဲ။ဒီလိုUV Index မြင့်မားမှုကြောင့်
အရေပြားဟာခရမ်းလွန်ရောင်ခြည် ကြောင့်ခံစားရမည့်ပြဿနာတွေကိုပိုပြီးခံစားဖြစ်ပွါးဖို့အခွင့်အလမ်းများလာသလို၊ပိုပြီးတော့
လည်းဖြစ်ပွါးလွယ်လာပါတယ်။ပြင်းထန်လွန်းတဲ့ခရမ်းလွန်ရောင်ခြည်ကြောင့်အရေပြားမှာပြောင်းလဲမှုတွေဖြစ်ကုန်ပါတယ်။
UV Index ခပ်နိမ့်နိမ့်မှာတော့အရေပြားဆဲလ် တွေ၊အရေပြားရဲ့ဖွဲ့စည်းပုံမှာပါဝင်တဲ့ပစ္စည်းတွေဟာခရမ်းလွန်ရောင်ခြည်
ကိုခံနိုင်ရည်ရှိပါသေးတယ်။မြင့်တက်လာတဲ့UV Indexကိုတော့အရေပြားကမခံနိုင်ပါဘူး။UV Index ဘယ်လောက်ကို
အရေပြားကမခံနိုင်တာလည်းဆိုတာကတော့အရေပြားရဲ့အမျိုးအစားအပေါ်မှာမူတည်ပါတယ်။အကြမ်းအားဖြင့်ပြောမယ်
ဆိုရင်အသားဖြူလေလေUV Index ကိုခံနိုင်မှုနည်းလေလေပါပဲ။အသားရောင်ရင့်လေလေခရမ်းလွန်ရောင်ခြည်ဒဏ်ကိုခံနိုင်
မှုများလေလေပါပဲ။ဒါကြောင့်ခရမ်းလွန်ရောင်ခြည်ညွှန်းကိန်းရဲ့အန္တရာယ်ရှိမှုဟာလည်းအသားရောင်သို့မဟုတ်အရေပြား
အမျိုးအစားအပေါ်မှာမူတည်ပါတယ်။သို့သော်လည်းUV Index ရဲ့အန္တရာယ်ရှိနိုင်တဲ့အဆင့်မှာတော့ဘယ်လိုအရေပြားပဲဖြစ်ဖြစ်
သတိထားပြီး နေထိုင်ရမယ့်အခြေအနေပါ။အသားဖြူတဲ့အရေပြားပိုင်ရှင်တွေအတွက်ကတော့ပိုလို့တောင်မှဂရုစိုက်ပြီးသတိထားနေထိုင်ရမှာပါ။

ခရမ်းလွန်ရောင်ခြည်နဲ့အရေပြား
နေမှာပါတဲ့ခရမ်းလွန်ရောင်ခြည်တွေဟာအရေပြားဆဲလ်တွေအပေါ်မှာဘယ်လိုသက်ရောက်မူရှိတယ်ဆိုတာကို
“နေရောင်ဒဏ်ခံရတဲ့အရေပြား”ဆိုတဲ့ခေါင်းစဉ်နဲ့ရေးသားဖေါ်ပြခဲ့ဖူးပါတယ်။အခုခေါင်းစဉ်အောက်မှာတော့ခရမ်းလွန်ရောင်ခြည်
အားလုံးအကြောင်းကိုရှင်းမပြတော့ပါဘူး။UV Index မှာအဓိကကျတဲ့ ခရမ်းလွန်ရောင်ခြည်ဘီနဲ့အေတို့ရဲ့ အရေပြားအပေါ်
သက်ရောက်မှုကိုအကြမ်းသဘောအားဖြင့်ခြုံပြီးရေးသားပြပါ့မယ်။

ခရမ်းလွန်ရောင်ခြည်အေကတော့လှိုင်းအလျားရှည်တဲ့အတွက်အရေပြားရဲ့အောက်အလွှာအထိရောက်ရှိနိုင်ပါတယ်။
ဒီတော့အောက်အလွှာမှာရှိတဲ့ဆဲလ်တွေအမျင်တွေဟာခရမ်းလွန်ရောင်ခြည်ဒဏ်ကြောင့်ပျက်စီးမှုတွေပြုပြင်ပြောင်းလဲ
မှုတွေဖြစ်ပေါ်ရပါတယ်။အရောပြားရဲ့အပေါ်ယံအလွှာဆဲလ်တွေကလည်းခရမ်းလွန်ရောင်ခြည်အေကြောင့်အပြောင်းအလဲ
တွေဖြစ်ရပြန်ပါသေးတယ်။ဒါကြောင့်နေရောင်ထဲကိုမကြာခဏထွက်တဲ့အခါမှာနေရောင်ထိတဲ့အပေါ်ယံအရေပြားဆဲလ်တွေ
ဟာပြောင်းလဲမှုတွေထပ်ကာတစ်လဲဖြစ်ရပြီးအရေပြားဆဲလ်တွေတိုးပွါးကာအရေပြားဟာမချောမွေ့တော့ပဲကြမ်းတမ်းလာမယ်
။နောက်ပြီးပြောင်းလဲလာတဲ့ဆဲလ်တွေဟာအရေဓါတ်ဆုံးရှုံးခြင်း၊အရေဓါတ်မထိန်းသိမ်းနိုင်ခြင်းတို့ကြောင့်ခြောက်သွေ့မွဲမှောင်
လာတယ်၊အရောင်ခြယ်ဆဲလ်တွေလည်းပြောင်းလဲပြုပြင်မှုတွေလုပ်ရပြီးအညိုကွက်၊အမဲကွက်တွေဟိုတစ်ကွက်ဒီတစ်ကွက်
ပေါ်လာတယ်။ကိုလာဂျင်အမျင်တွေပျက်စီး၊အီလက်စတင်အမျှင်တွေတိုးပွါးပြီးအရေပြားဟာတွန့်ခေါက်ကာအရေးအကြောင်း
တွေပေါ်လာတယ်။အရွယ်ကျလာတယ်လို့ဆိုရမယ့်သွင်ပြင်ပေါ့။

ခရမ်းလွန်ရောင်ခြည်ဘီကတော့အေအမျိုးအစားထက်လှိုင်းအလျားတိုတဲ့အတွက်အရေပြားရဲ့အောက်အလွှာအထိမရောက်
ရှိပဲအပေါ်ယံအရေပြားဆဲလ်တွေကိုပဲသက်ရောက်စေပါတယ်။ဒါကြောင့်အပေါ်ယံဆဲလ်တွေကိုထိပြီးဖြစ်ရတဲ့နေရောင်လောင်
တာမျိုးကိုဖြစ်စေပါတယ်။ဒီဘီအမျိုးအစားရဲ့အဓိကဒုက္ခပေးခြင်းကတော့အပေါ်ယံဆဲလ်တွေကိုဗီဇပြောင်းလဲမှုဖြစ်စေတာဟာ
အကြောက်ရဆုံးပြဿနာပါပဲ။ခဏတာထိတွေ့မှုကြောင့်ဖြစ်ရတဲ့ဗီဇပြောင်းလဲမှုတွေကိုပြန်ပြီးပြင်နိုင်ပေမယ့်မကြာခဏထိတွေ
့မှုကြောင့်ဖြစ်ပေါ်လာတဲ့ဗီဇပြောင်းလဲမှုကိုတော့ပြန်လည်ပြင်ဆင်မပေးနိုင်တာကြောင့်ခရမ်းလွန်ရောင်ခြည်ဘီကိုမကြာခဏ
အထိခံရတဲ့အပေါ်ယံအရေပြားဆဲလ်တွေကိုကင်ဆာဆဲလ်အဖြစ်ကိုကူးပြောင်းသွားစေပါတယ်။ဒီလိုခရမ်းလွန်ရောင်ခြည်ညွှန်း
ကိန်းတွေမြင့်နေချိန်မှာခရမ်းလွန်ရောင်ခြည်ဘီတွေနေရောင်ခြည်မှာများနေတာကြောင့်အရေပြားနဲ့နေရောင်ခြည်ထိတွေ့ခြင်းဟာ
အရေပြားကိုကင်ဆာဖြစ်စေနိုင်တာ၊နောက်ပြီးမျက်လုံးမှာလည်းဒီခရမ်းလွန်ရောင်ခြည်ညွှန်းကိန်းမြင့်တက်နေခြင်းကြောင့်
မျက်လုံးတိမ်စွဲတဲ့ပြဿနာဖြစ်နိုင်ပါသေးတာကြောင့်ဒါဟာလူသားတွေအတွက်အန္တရာယ်ရှိတယ်လို့သတ်မှတ်ကာ
မိုးလေ၀သနဲ့ဇလဗေဒကနေပြီးကြေငြာပေးရတာဖြစ်ပါတယ်။

အရေပြားကင်ဆာကိုကာကွယ်ကြပါစို့
အရေပြားကင်ဆာဖြစ်ပွါးနှုန်းတွေဟာကမÇာပေါ်မှာတစ်နှစ်ထက်တစ်နှစ်မြင့်တက်လို့နေပါတယ်။အထူးသဖြင့်ဥရောပ
၊သြစတျေးလျ၊နယူးဇီလန်၊အမေရိကန်စတဲ့ဒေသကအသားအရေဖြူဖွေးတဲ့လူတွေမှာပိုပြီးများလာတာပါ။ကျွန်တော်တို့နိုင်ငံ
အနေနဲ့တော့ယခုအချိန်အထိအရေပြားကင်ဆာနဲ့ပတ်သက်ပြီးတိကျတဲ့စားရင်းကိုပြုစုထားတာမရှိသေးတာကြောင့်ဖြစ်ပွါးမှု
ပိုပြီးများလာသလားဆိုတာကိုမပြောနိုင်သေးပါဘူး။အသားရောင်အနေနဲ့ကလည်းနေရောင်ခြည်ဒဏ်ကိုအတော်အသင့်တော့
ခံနိုင်တာကြောင့်ဖြစ်ပွါးနှုန်းကတော့မများလှပါဘူး။ဒီလိုအရေပြားကင်ဆာဖြစ်ပွါးနှုန်းမများလို့၊အသားအရောင်ကလည်းဖြစ်နိုင်ခြေ
နည်းလို့ဆိုပြီးတော့ပေါ့ပေါ့ဆဆနေမယ်၊ကာကွယ်မှုကိုအခုကတည်းကမလုပ်ကြဘူးဆိုရင်တော့နောင်တစ်ချိန်မှာကျွန်တော်
တို့တိုင်းပြည်မှာလည်းအရေပြားကင်ဆာဖြစ်ပွါးမှုဟာတိုးမြင့်လာမှာဖြစ်ပါတယ်။ဘာကြောင့်လည်းဆိုရင်တော့အထက်မှာ
ရေးသားခဲ့သလိုနေရောင်ခြည်မှာအရေပြားကင်ဆာဖြစ်နိုင်တဲ့ခရမ်းလွန်ရောင်ခြည်တွေများနေပြီဆိုတာကိုUV Index မြင့်မားမှု
အဖြစ်မိုးလေ၀သနဲ့ဇလဗေဒကထုတ်ပြန်ကြေငြာထားလို့ဖြစ်ပါ တယ်။အဲဒီလိုကြေငြာချက်တွေကိုဂရုတစိုက်နဲ့သတိထားကာ
လိုအပ်သလိုကာကွယ်မှုတွေပြုလုပ်ကြဖို့လိုနေပါပြီ။

ဘယ်လိုနေထိုင်ကာကွယ်မယ်
နေ့တစ်နေ့ရဲ့UV Index ခရမ်းလွန်ရောင်ခြည်ညွှန်းကိန်းသတ်မှတ်ချက်ထုတ်ပြန်မှုကို လိုက်ပြီးနေထိုင်မှုပုံစံကိုကာကွယ်မှု
အသွင်နဲ့သတိထားပြောင်းလဲနေထိုင်ရမှာဖြစ်ပါတယ်။

UV Index 0 – 2 (ခရမ်းလွန်ရောင်ခြည်ညွှန်းကိန်း ၀ -၂) အစိမ်းရောင်အဆင့်ဆိုခဲ့ရင်
ခရမ်းလွန်ရောင်ခြည်ဟာလူတွေကိုဒုက္ခသိပ်မပေးနိုင်တဲ့အတွက်မစိုးရိမ်ရသေးပါဘူး။ဒါကြောင့်နေရောင်ထဲထွက်မယ်
ဆိုရင်ဘာအကာအကွယ်မှမယူရင်တောင်နေလို့ရနိုင်ပါသေးတယ်။သို့သော်လည်းနူးညံ့တဲ့မျက်ကြည်လွှာကိုတော့ကာကွယ်
ဖို့လိုပါတယ်။ဒီအတွက်ကတော့နေကာမျက်မှန်တပ်ပါ။

UV Index 3 – 5 (ခရမ်းလွန်ရောင်ခြည်ညွှန်းကိန်း ၃- ၅) အ၀ါရောင်အဆင့်မှာတော့ နေရောင်ခြည်ဟာအန္တရာယ်
အနည်းငယ်တော့ရှိပါတယ်။နေရောင်ခြည်ထဲမှာတစ်နာရီထက်ပိုပြီးနေမယ်ဆိုရင်(နေရောင်နဲ့အရေပြားထိတွေချိန်တစ်နာရီ)
အရေပြားအတွက် အန္တရာယ်ရှိနိုင်ပါတယ်။ဒါကြောင့်နေပူထဲကိုထွက်မယ်ဆိုရင်နေရောင်ကိုအကာအကွယ်ပြုဖို့လိုအပ်ပါ
တယ်။နေကာမျက်မှန်တပ်ရပါမယ်။ဦးထုပ်ကိုအနားပြန့်ကျယ်တဲ့ပုံစံမျိုးကိုဆောင်းရပါမယ်၊ဒါမှမဟုတ်ထီးဆောင်းရပါမယ်
။နေရောင်ကာဆီကိုနေရောင်နဲ့တိုက်ရိုက်ထိတွေ့နိုင်တဲ့နေရာတွေမှာလိမ်းရပါမယ်။နေရောင်ကာဆီဟာSPF ဆိုတဲ့နေရောင်
ဒဏ်ကာကွယ်နိုင်မှုစွမ်းအားအနည်းဆုံး၁၅ရှိရပါ့မယ်။နေရောင်ကာဆီကိုနေရောင်ထဲကိုမထွက်မီနာရီဝက်ကြိုတင်လိမ်းထား
ရပါမယ်။ဖြစ်နိုင်မယ်ဆိုရင်တော့အကျီ် င်္လက်ရှည်၊ဘောင်းဘီရှည်တို့ကိုဝတ်ပြီးမှထွက်သင့်ပါတယ်။

UV Index 6 -7 (ခရမ်းလွန်ရောင်ခြည်ညွှန်းကိန်း ၆- ၇) လိမ္မော်ရောင်အဆင့်ဟာအရေပြားနဲ့နေရောင်ခြည်တို့တိုက်ရိုက်
ထိတွေ့ချိန်မိနစ်သုံးဆယ်ကျော်ရင်အရေပြားနေလောင်နိုင်တဲ့အဆင့်ပါ။အန္တရာယ်ရှိပါတယ်။ဒါကြောင့်နေရောင်ထဲကို
ထွက်မယ်ဆိုရင်နေရောင်ကာဆီSPF 15 လောက်အနည်းဆုံးပါတာ ကိုနာရီဝက် ကြိုတင်လိမ်းပြီးမှထွက်သင့်ပါတယ်။
အကျီ င်္လက်ရှည်၊ဘောင်းဘီရှည်စတဲ့အရေပြားကို ခရမ်းလွန်ရောင်ခြည်ကတိုက်ရိုက်ထိတွေ့မှုမရှိအောင်နေလုံခြုံစွာ
အကာအကွယ်ပေးနိုင်တဲ့အ၀တ်အစားပုံစံမျိုးကိုဝတ်ဆင်ပြီးမှနေရောင်ထဲကိုထွက်သင့်ပါတယ်။နေကာမျက်မှန်တပ်တာ၊
ထီးသို့မဟုတ်ခမောက်၊ဦးထုပ်ဆောင်းတာစတာတွေကတော့ဒီအဆင့်မှာနေရောင်ထဲကိုထွက်မယ်ဆိုရင်မဖြစ်မနေ
လုပ်ဆောင်ရမှာဖြစ်ပါတယ်။ဖြစ်နိုင်မယ်ဆိုရင်နှုတ်ခမ်းအတွက်နေရောင်ကာကွယ်အဆီSPF ပါတဲ့နှုတ်ခမ်းဆိုးဆေးတောင့်
တွေကိုအသုံးပြု သင့်ပါတယ်။

UV Index 8 – 10 (ခရမ်းလွန်ရောင်ခြည်ညွှန်းကိန်း ဂ – ၁၀) အနီရောင်အဆင့် ကတော့အန္တရာယ်ရှိတဲ့အဆင့်ပါ။နေရောင်ကို
၁၅ မိနစ်ထက်ပိုပြီး တိုက်ရိုက်ထိတွေ့ ရင်တော့အန္တရာယ်ရှိပါတယ်။နေရောင်ထဲကိုထွက်မယ်ဆိုရင်လည်းမျက်လုံးအတွက်
နေကာမျက်မှန်တပ်၊အရေပြားအတွက်လုံခြုံအောင်ဝတ်ဆင်ပြီးမှထွက်ရပါမယ်။ဒီအဆင့်ဟာအန္တရာယ်ရှိတဲ့အဆင့်ဖြစ်တဲ့
အတွက်နေရောင်ကိုတတ်နိုင်သလောက်ရှောင်ရပါလိမ့်မယ်။နေရောင်အပြင်းဆုံးအချိန်ဖြစ်တဲ့နံနက်၁၀နာရီကနေညနေ
၎နာရီအကြားမှာဖြစ်နိုင်ရင်နေရောင်ထဲကိုမထွက်သင့်ပါဘူး။နေရောင်မှာထွက်ပြီးလုပ်စရာရှိတာတွေကိုလည်းတတ်နိုင်
သလောက်နေ့လည်နေ့ခင်းနေအပြင်းဆုံးအချိန်တွေမှာမလုပ်ပဲနေအေးချိန်မှသာလုပ်ဖို့ဖြစ်နိုင်ရင်ပြင်ဆင်သင့်ပါတယ်။

UV Index 11+ (ခရမ်းလွန်ရောင်ခြည်ညွှန်းကိန်း ၁၁+)ဆိုတဲ့ခရမ်းရောင်အဆင့် ကတော့ အရမ်းကိုအန္တရာယ်ရှိတဲ့အဆင့်ပါ
။နေရောင်အောက်မှာ ၁၀မိနစ်လောက် နေလိုက်ရင်တောင်နေရောင်နဲ့သာတိုက်ရိုက်ထိတွေ့မယ်ဆိုရင်အနောက်တိုင်းသားတွေရဲ့
အရေပြားအမျိုးအစားတွေဟာနေလောင်နိုင်ပါတယ်။ဒီအဆင့်မှာတော့နေရောင်နဲ့မထိလေကောင်းလေပါပဲ။တတ်နိုင်သလောက်
ရှောင်ရှားရပါမယ်။နေရောင်ထဲကိုထွက်ဖြစ်ခဲ့မယ်ဆိုရင်လည်းအရေပြားကိုနေရောင်မထိရအောင်လုံလောက်တဲ့ကာကွယ်မှု
ယူပြီးမှထွက်ရပါမယ်။နံနက်၁၀နာရီကနေညနေ၄နာရီအတွင်းကတော့အပြင်ကိုလုံးဝမထွက်သင့်ပါဘူး။အမိုးအကာအောက်မှာပဲနေထိုင်ရပါမယ်။

ဒီညွှန်းကိန်းတွေ၊ကာကွယ်မှုလမ်းညွှန်တွေဟာအနောက်တိုင်းသားတွေရဲ့စံနဲ့ကိုက်ပြီးထုတ်ထားတာပါ။ကျွန်တော်တို့လို
အရှေ့တိုင်းသားတွေရဲ့အရေပြားအမျိုးအစားတွေကတော့အနောက်တိုင်းသားတွေထက်ပိုပြီးနေလောင်ဒဏ်ကိုခံနိုင်ပါတယ်။
အကြမ်းအားဖြင့်ပြောမယ်ဆိုရင်နှစ်ဆလောက်ပိုပြီးခံနိုင်ကြပါတယ်။သို့သော်လည်းခရမ်းလွန်ရောင်ခြည်ညွှန်းကိန်း UV Index
တွေ အရမ်းမြင့်နေတဲ့အချိန်အခါမျိုးတွေမှာတော့ဘယ်လိုအရေပြား အမျိုးအစားပဲဖြစ်ဖြစ်နေရောင်ထဲကိုထွက်မယ်ဆိုရင်တော့
ဂရုစိုက်ပြီးဆင်ဆင်ခြင်ခြင်နေထိုင်ရမှာဖြစ်ပါတယ်။ကိုယ့်အသားအရေကတော့ခံနိုင်ပါတယ်ဆိုပြီးနေရောင်အောက်မှာမကြာ
ခဏအကာအကွယ်မပါပဲမထွက်သင့်ပါဘူး။နေရောင်နဲ့ထိတွေ့တာကိုတစ်ခဏတာ၊တစ်ခါနှစ်ခါဆိုပြီးမပေါ့ဆသင့်ပါဘူး။ဒီလို
UV Index မြင့်တဲ့အချိန်တွေမှာနေရောင်နဲ့ ထိတွေ့မှုမကြာခဏဆိုသလိုဖြစ်မယ်ဆိုရင်တော့အချိန်တစ်ခုမှာအရေပြားဆဲလတွေ
ဟာကင်ဆလဆဲလ်များအဖြစ်ပြောင်းလဲသွားမှာဖြစ်ပါတယ်။အခုလိုခရမ်းလွန်ရောင်ခြည်ညွှန်းကိန်းမြင့်မားမှုဟာလည်းတစ်ရက်
မဟုတ်နှစ်ရက်မဟုတ်နောက်နောင်နှစ်တွေမှာလည်းကြုံကြရအုံးမှာပါ။အသက်ရှင်နေသမျဒီခရမ်းလွန်ရောင်ခြည်တွေကိုတစ်ကွေ့
မဟုတ်တစ်ကွေ့၊တစ်ကြိမ်မဟုတ်တစ်ကြိမ်ကြုံနေရမှာဖြစ်တာကြောင့်မပေါ့ဆသင့်ပါဘူး။

ကျွန်တော်တို့နိုင်ငံသူနိုင်ငံသားတွေဟာနေရောင်ထဲမှာနေသားကျပြီး၊နေရောင်ကိုမကြောက်ကြပါဘူး။အခုခေတ်မှာဆိုရင်
နေရောင်ထဲကိုဦးထုပ်မပါ၊ထီးမပါ၊အကျီ င်္လက်ပြတ်၊ ဘောင်းဘီတိုတွေနဲ့သွားလာနေထိုင်ကြတဲ့လူနေမှုစနစ်တစ်ခုဖြစ်ထွန်းနေပါတယ်။
ခေတ်မှီအောင်နေထိုင်တယ်လို့ဆိုကြပါတယ်။သို့သော်လည်းကျန်းမာရေးကိုတော့ဂရုပြုဖို့လိုမယ်လို့ထင်ပါတယ်။ဒါကြောင့်နေရောင်ထဲ
ကိုအကာအကွယ်မပါပဲထွက်တတ်တဲ့ဓလေ့တွေ၊အပြင်ကိုထွက်ရင်နေရောင်ထဲမှာအရေပြားနေရာအများစုကိုဖေါ်ထားတဲ့ဝတ်စား
ဆင်ယင်မှုတွေ၊နေရောင်ကိုသိပ်ပြီးမမှုတဲ့ကျွန်တော်တို့လူမျိုးတွေရဲ့အကျင့်တွေကိုပြင်ဆင်သင့်ပါပြီ။ကာကွယ်ခြင်းဟာကုသခြင်း
ထက်ကောင်းတယ်ဆိုတာကတော့အားလုံးလက်ခံကြမယ်လို့ယုံကြည်ပါတယ်။ဒါကြောင့်မျက်စေ့တိမ်ဖြစ်ခြင်း
၊အရေပြားအိုမင်းရင်ရော်ခြင်း၊ပျက်စီးခြင်းနဲ့အရေပြားကင်ဆာဖြစ်ပွါးခြင်းတို့ကနေကင်းဝေးစေဖို့အခုကစလို့နေရောင်ကာကွယ်ကြပါစို့လိုိ့
တိုက်တွန်းလိုက်ပါရစေခင်ဗျာ။

စေတနာများစွာဖြင့်
ဒေါက်တာလင်းထက်(အရေပြားအထူးကုဆရာဝန်)